| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪-੫. ਸੀਹਸੇਨਾਪਤਿਸੁਤ੍ਤਾਦਿવਣ੍ਣਨਾ
4-5. Sīhasenāpatisuttādivaṇṇanā
੩੪-੩੫. ਚਤੁਤ੍ਥੇ ਸਨ੍ਦਿਟ੍ਠਿਕਨ੍ਤਿ ਅਸਮ੍ਪਰਾਯਿਕਤਾਯ ਸਾਮਂ ਦਟ੍ਠਬ੍ਬਂ। ਸਯਂ ਅਨੁਭવਿਤਬ੍ਬਂ ਅਤ੍ਤਪਚ੍ਚਕ੍ਖਂ ਦਿਟ੍ਠਧਮ੍ਮਿਕਨ੍ਤਿ ਅਤ੍ਥੋ। ਨ ਸਦ੍ਧਾਮਤ੍ਤਕੇਨੇવ ਤਿਟ੍ਠਤੀਤਿ ‘‘ਦਾਨਂ ਨਾਮ ਸਾਧੁ ਸੁਨ੍ਦਰਂ, ਬੁਦ੍ਧਾਦੀਹਿ ਪਣ੍ਡਿਤੇਹਿ ਪਸਤ੍ਥ’’ਨ੍ਤਿ ਏવਂ ਸਦ੍ਧਾਮਤ੍ਤਕੇਨੇવ ਨ ਤਿਟ੍ਠਤਿ। ਯਂ ਦਾਨਂ ਦੇਤੀਤਿ ਯਂ ਦੇਯ੍ਯਧਮ੍ਮਂ ਪਰਸ੍ਸ ਦੇਤਿ। ਤਸ੍ਸ ਪਤਿ ਹੁਤ੍વਾਤਿ ਤਬ੍ਬਿਸਯਂ ਲੋਭਂ ਸੁਟ੍ਠੁ ਅਭਿਭવਨ੍ਤੋ ਤਸ੍ਸ ਅਧਿਪਤਿ ਹੁਤ੍વਾ ਦੇਤਿ। ਤੇਨ ਅਨਧਿਭવਨੀਯਤ੍ਤਾ ਨ ਦਾਸੋ ਨ ਸਹਾਯੋਤਿ। ਤਤ੍ਥ ਤਦੁਭਯਂ ਅਨ੍વਯਤੋ ਬ੍ਯਤਿਰੇਕਤੋ ਚ ਦਸ੍ਸੇਤੁਂ ‘‘ਯੋ ਹੀ’’ਤਿਆਦਿ વੁਤ੍ਤਂ। ਦਾਸੋ ਹੁਤ੍વਾ ਦੇਤਿ ਤਣ੍ਹਾਦਾਸਬ੍ਯਸ੍ਸ ਉਪਗਤਤ੍ਤਾ। ਸਹਾਯੋ ਹੁਤ੍વਾ ਦੇਤਿ ਤਸ੍ਸ ਪਿਯਭਾવਾવਿਸ੍ਸਜ੍ਜਨਤੋ। ਸਾਮੀ ਹੁਤ੍વਾ ਦੇਤਿ ਤਤ੍ਥ ਤਣ੍ਹਾਦਾਸਬ੍ਯਤੋ ਅਤ੍ਤਾਨਂ ਮੋਚੇਤ੍વਾ ਅਭਿਭੁਯ੍ਯ ਪવਤ੍ਤਨਤੋ। ਅਥ વਾ ਯੋ ਦਾਨਸੀਲਤਾਯ ਦਾਯਕੋ ਪੁਗ੍ਗਲੋ, ਸੋ ਦਾਨੇ ਪવਤ੍ਤਿਭੇਦੇਨ ਦਾਨਦਾਸੋ, ਦਾਨਸਹਾਯੋ, ਦਾਨਪਤੀਤਿ ਤਿਪ੍ਪਕਾਰੋ ਹੋਤਿ। ਤਦਸ੍ਸ ਤਿਪ੍ਪਕਾਰਤਂ વਿਭਜਿਤ੍વਾ ਦਸ੍ਸੇਤੁਂ ‘‘ਯੋ ਹੀ’’ਤਿਆਦਿ વੁਤ੍ਤਂ। ਦਾਤਬ੍ਬਟ੍ਠੇਨ ਦਾਨਂ, ਅਨ੍ਨਪਾਨਾਦਿ।
34-35. Catutthe sandiṭṭhikanti asamparāyikatāya sāmaṃ daṭṭhabbaṃ. Sayaṃ anubhavitabbaṃ attapaccakkhaṃ diṭṭhadhammikanti attho. Na saddhāmattakeneva tiṭṭhatīti ‘‘dānaṃ nāma sādhu sundaraṃ, buddhādīhi paṇḍitehi pasattha’’nti evaṃ saddhāmattakeneva na tiṭṭhati. Yaṃ dānaṃ detīti yaṃ deyyadhammaṃ parassa deti. Tassa pati hutvāti tabbisayaṃ lobhaṃ suṭṭhu abhibhavanto tassa adhipati hutvā deti. Tena anadhibhavanīyattā na dāso na sahāyoti. Tattha tadubhayaṃ anvayato byatirekato ca dassetuṃ ‘‘yo hī’’tiādi vuttaṃ. Dāso hutvā deti taṇhādāsabyassa upagatattā. Sahāyo hutvā deti tassa piyabhāvāvissajjanato. Sāmī hutvā deti tattha taṇhādāsabyato attānaṃ mocetvā abhibhuyya pavattanato. Atha vā yo dānasīlatāya dāyako puggalo, so dāne pavattibhedena dānadāso, dānasahāyo, dānapatīti tippakāro hoti. Tadassa tippakārataṃ vibhajitvā dassetuṃ ‘‘yo hī’’tiādi vuttaṃ. Dātabbaṭṭhena dānaṃ, annapānādi.
ਤਤ੍ਥ ਯਂ ਅਤ੍ਤਨਾ ਪਰਿਭੁਞ੍ਜਤਿ, ਤਣ੍ਹਾਧਿਪਨ੍ਨਤਾਯ ਤਸ੍ਸ વਸੇਨ વਤ੍ਤਨਤੋ ਦਾਸੋ વਿਯ ਹੋਤਿ। ਯਂ ਪਰੇਸਂ ਦੀਯਤਿ, ਤਤ੍ਥਾਪਿ ਅਨ੍ਨਪਾਨਸਾਮਞ੍ਞੇਨ ਇਦਂ વੁਤ੍ਤਂ ‘‘ਦਾਨਸਙ੍ਖਾਤਸ੍ਸ ਦੇਯ੍ਯਧਮ੍ਮਸ੍ਸ ਦਾਸੋ ਹੁਤ੍વਾ’’ਤਿ। ਸਹਾਯੋ ਹੁਤ੍વਾ ਦੇਤਿ ਅਤ੍ਤਨਾ ਪਰਿਭੁਞ੍ਜਿਤਬ੍ਬਸ੍ਸ ਪਰੇਸਂ ਦਾਤਬ੍ਬਸ੍ਸ ਚ ਸਮਸਮਂ ਠਪਨਤੋ। ਪਤਿ ਹੁਤ੍વਾ ਦੇਤਿ ਸਯਂ ਦੇਯ੍ਯਧਮ੍ਮਸ੍ਸ વਸੇ ਅવਤ੍ਤਿਤ੍વਾ ਤਸ੍ਸ ਅਤ੍ਤਨੋ વਸੇ વਤ੍ਤਾਪਨਤੋ। ਅਪਰੋ ਨਯੋ – ਯੋ ਅਤ੍ਤਨਾ ਪਣੀਤਂ ਪਰਿਭੁਞ੍ਜਿਤ੍વਾ ਪਰੇਸਂ ਨਿਹੀਨਂ ਦੇਤਿ, ਸੋ ਦਾਨਦਾਸੋ ਨਾਮ ਤਨ੍ਨਿਮਿਤ੍ਤਨਿਹੀਨਭਾવਾਪਤ੍ਤਿਤੋ। ਯੋ ਯਾਦਿਸਂ ਅਤ੍ਤਨਾ ਪਰਿਭੁਞ੍ਜਤਿ, ਤਾਦਿਸਮੇવ ਪਰੇਸਂ ਦੇਤਿ, ਸੋ ਦਾਨਸਹਾਯੋ ਨਾਮ ਤਨ੍ਨਿਮਿਤ੍ਤਹੀਨਾਧਿਕਭਾવવਿવਜ੍ਜਨੇਨ ਸਦਿਸਭਾવਾਪਤ੍ਤਿਤੋ। ਯੋ ਅਤ੍ਤਨਾ ਨਿਹੀਨਂ ਪਰਿਭੁਞ੍ਜਿਤ੍વਾ ਪਰੇਸਂ ਪਣੀਤਂ ਦੇਤਿ, ਸੋ ਦਾਨਪਤਿ ਨਾਮ ਤਨ੍ਨਿਮਿਤ੍ਤਸੇਟ੍ਠਭਾવਾਪਤ੍ਤਿਤੋ।
Tattha yaṃ attanā paribhuñjati, taṇhādhipannatāya tassa vasena vattanato dāso viya hoti. Yaṃ paresaṃ dīyati, tatthāpi annapānasāmaññena idaṃ vuttaṃ ‘‘dānasaṅkhātassa deyyadhammassa dāso hutvā’’ti. Sahāyo hutvā deti attanā paribhuñjitabbassa paresaṃ dātabbassa ca samasamaṃ ṭhapanato. Pati hutvā deti sayaṃ deyyadhammassa vase avattitvā tassa attano vase vattāpanato. Aparo nayo – yo attanā paṇītaṃ paribhuñjitvā paresaṃ nihīnaṃ deti, so dānadāso nāma tannimittanihīnabhāvāpattito. Yo yādisaṃ attanā paribhuñjati, tādisameva paresaṃ deti, so dānasahāyo nāma tannimittahīnādhikabhāvavivajjanena sadisabhāvāpattito. Yo attanā nihīnaṃ paribhuñjitvā paresaṃ paṇītaṃ deti, so dānapati nāma tannimittaseṭṭhabhāvāpattito.
ਨਿਤ੍ਤੇਜਭੂਤੋ ਤੇਜਹਾਨਿਪ੍ਪਤ੍ਤਿਯਾ। ਸਹ ਬ੍ਯਤਿ ਗਚ੍ਛਤੀਤਿ ਸਹਬ੍ਯੋ, ਸਹਪવਤ੍ਤਨਕੋ, ਤਸ੍ਸ ਭਾવੋ ਸਹਬ੍ਯਤਾ, ਸਹਪવਤ੍ਤੀਤਿ ਆਹ ‘‘ਸਹਭਾવਂ ਏਕੀਭਾવਂ ਗਤਾ’’ਤਿ। ਅਸਿਤਸ੍ਸਾਤਿ વਾ ਅਬਨ੍ਧਸ੍ਸ, ਤਣ੍ਹਾਬਨ੍ਧਨੇਨ ਅਬਨ੍ਧਸ੍ਸਾਤਿ ਅਤ੍ਥੋ। ਪਞ੍ਚਮਂ ਉਤ੍ਤਾਨਮੇવ।
Nittejabhūto tejahānippattiyā. Saha byati gacchatīti sahabyo, sahapavattanako, tassa bhāvo sahabyatā, sahapavattīti āha ‘‘sahabhāvaṃ ekībhāvaṃ gatā’’ti. Asitassāti vā abandhassa, taṇhābandhanena abandhassāti attho. Pañcamaṃ uttānameva.
ਸੀਹਸੇਨਾਪਤਿਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Sīhasenāpatisuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੪. ਸੀਹਸੇਨਾਪਤਿਸੁਤ੍ਤਂ • 4. Sīhasenāpatisuttaṃ
੫. ਦਾਨਾਨਿਸਂਸਸੁਤ੍ਤਂ • 5. Dānānisaṃsasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੪. ਸੀਹਸੇਨਾਪਤਿਸੁਤ੍ਤવਣ੍ਣਨਾ • 4. Sīhasenāpatisuttavaṇṇanā
੫. ਦਾਨਾਨਿਸਂਸਸੁਤ੍ਤવਣ੍ਣਨਾ • 5. Dānānisaṃsasuttavaṇṇanā
