| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. сийхасзнаабад̇исуд̇д̇аван̣н̣анаа
4. Sīhasenāpatisuttavaṇṇanā
34. жад̇уд̇т̇з санд̣̇идтиганд̇и саамам̣ бассид̇аб̣б̣агам̣. д̣̇ааяагод̇и д̣̇аанасууро. на со сад̣̇д̇хаамад̇д̇агзнзва д̇идтад̇и, барижжаж̇ид̇умби саггод̇ийд̇и ад̇т̇о. д̣̇аанабад̇ийд̇и яам̣ д̣̇аанам̣ д̣̇зд̇и, д̇асса бад̇и худ̇ваа д̣̇зд̇и, на д̣̇аасо, на сахааяо. яо хи ад̇д̇анаа мад̇хурам̣ бхун̃ж̇ад̇и, барзсам̣ амад̇хурам̣ д̣̇зд̇и, со д̣̇аанасан̇каад̇асса д̣̇зяяад̇хаммасса д̣̇аасо худ̇ваа д̣̇зд̇и. яо яам̣ ад̇д̇анаа бхун̃ж̇ад̇и, д̇ад̣̇зва д̣̇зд̇и, со сахааяо худ̇ваа д̣̇зд̇и. яо бана ад̇д̇анаа язна гзнажи яаабзд̇и, барзсам̣ мад̇хурам̣ д̣̇зд̇и, со бад̇и ж̇здтаго саамий худ̇ваа д̣̇зд̇и. д̇аад̣̇исам̣ санд̇хааяа вуд̇д̇ам̣ – ‘‘д̣̇аанабад̇ий’’д̇и.
34. Catutthe sandiṭṭhikanti sāmaṃ passitabbakaṃ. Dāyakoti dānasūro. Na so saddhāmattakeneva tiṭṭhati, pariccajitumpi sakkotīti attho. Dānapatīti yaṃ dānaṃ deti, tassa pati hutvā deti, na dāso, na sahāyo. Yo hi attanā madhuraṃ bhuñjati, paresaṃ amadhuraṃ deti, so dānasaṅkhātassa deyyadhammassa dāso hutvā deti. Yo yaṃ attanā bhuñjati, tadeva deti, so sahāyo hutvā deti. Yo pana attanā yena kenaci yāpeti, paresaṃ madhuraṃ deti, so pati jeṭṭhako sāmī hutvā deti. Tādisaṃ sandhāya vuttaṃ – ‘‘dānapatī’’ti.
аман̇губхууд̇од̇и на нид̇д̇зж̇абхууд̇о. висаарад̣̇од̇и н̃аан̣асоманассаббад̇д̇о. сахаб̣яад̇ам̣ г̇ад̇аад̇и сахабхаавам̣ згийбхаавам̣ г̇ад̇аа. гад̇аавагаасаад̇и язна гаммзна д̇ад̇т̇а авагаасо ход̇и, д̇асса гад̇ад̇д̇аа гад̇аавагаасаа. д̇ам̣ бана яасмаа гусаламзва ход̇и, д̇асмаа гад̇агусалаад̇и вуд̇д̇ам̣. мод̣̇арзд̇и мод̣̇анд̇и бамод̣̇анд̇и. асид̇ассаад̇и аниссид̇асса д̇ат̇ааг̇ад̇асса. д̇аад̣̇инод̇и д̇аад̣̇илагкан̣ам̣ бад̇д̇асса.
Amaṅkubhūtoti na nittejabhūto. Visāradoti ñāṇasomanassappatto. Sahabyataṃ gatāti sahabhāvaṃ ekībhāvaṃ gatā. Katāvakāsāti yena kammena tattha avakāso hoti, tassa katattā katāvakāsā. Taṃ pana yasmā kusalameva hoti, tasmā katakusalāti vuttaṃ. Modareti modanti pamodanti. Asitassāti anissitassa tathāgatassa. Tādinoti tādilakkhaṇaṃ pattassa.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. сийхасзнаабад̇исуд̇д̇ам̣ • 4. Sīhasenāpatisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. сийхасзнаабад̇исуд̇д̇аад̣̇иван̣н̣анаа • 4-5. Sīhasenāpatisuttādivaṇṇanā
