| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༤. སཱིཧསེནཱཔཏིསུཏྟཝཎྞནཱ
4. Sīhasenāpatisuttavaṇṇanā
༣༤. ཙཏུཏྠེ སནྡིཊྛིཀནྟི སཱམཾ པསྶིཏབྦཀཾ། དཱཡཀོཏི དཱནསཱུརོ། ན སོ སདྡྷཱམཏྟཀེནེཝ ཏིཊྛཏི, པརིཙྩཛིཏུམྤི སཀྐོཏཱིཏི ཨཏྠོ། དཱནཔཏཱིཏི ཡཾ དཱནཾ དེཏི, ཏསྶ པཏི ཧུཏྭཱ དེཏི, ན དཱསོ, ན སཧཱཡོ། ཡོ ཧི ཨཏྟནཱ མདྷུརཾ བྷུཉྫཏི, པརེསཾ ཨམདྷུརཾ དེཏི, སོ དཱནསངྑཱཏསྶ དེཡྻདྷམྨསྶ དཱསོ ཧུཏྭཱ དེཏི། ཡོ ཡཾ ཨཏྟནཱ བྷུཉྫཏི, ཏདེཝ དེཏི, སོ སཧཱཡོ ཧུཏྭཱ དེཏི། ཡོ པན ཨཏྟནཱ ཡེན ཀེནཙི ཡཱཔེཏི, པརེསཾ མདྷུརཾ དེཏི, སོ པཏི ཛེཊྛཀོ སཱམཱི ཧུཏྭཱ དེཏི། ཏཱདིསཾ སནྡྷཱཡ ཝུཏྟཾ – ‘‘དཱནཔཏཱི’’ཏི།
34. Catutthe sandiṭṭhikanti sāmaṃ passitabbakaṃ. Dāyakoti dānasūro. Na so saddhāmattakeneva tiṭṭhati, pariccajitumpi sakkotīti attho. Dānapatīti yaṃ dānaṃ deti, tassa pati hutvā deti, na dāso, na sahāyo. Yo hi attanā madhuraṃ bhuñjati, paresaṃ amadhuraṃ deti, so dānasaṅkhātassa deyyadhammassa dāso hutvā deti. Yo yaṃ attanā bhuñjati, tadeva deti, so sahāyo hutvā deti. Yo pana attanā yena kenaci yāpeti, paresaṃ madhuraṃ deti, so pati jeṭṭhako sāmī hutvā deti. Tādisaṃ sandhāya vuttaṃ – ‘‘dānapatī’’ti.
ཨམངྐུབྷཱུཏོཏི ན ནིཏྟེཛབྷཱུཏོ། ཝིསཱརདོཏི ཉཱཎསོམནསྶཔྤཏྟོ། སཧབྱཏཾ གཏཱཏི སཧབྷཱཝཾ ཨེཀཱིབྷཱཝཾ གཏཱ། ཀཏཱཝཀཱསཱཏི ཡེན ཀམྨེན ཏཏྠ ཨཝཀཱསོ ཧོཏི, ཏསྶ ཀཏཏྟཱ ཀཏཱཝཀཱསཱ། ཏཾ པན ཡསྨཱ ཀུསལམེཝ ཧོཏི, ཏསྨཱ ཀཏཀུསལཱཏི ཝུཏྟཾ། མོདརེཏི མོདནྟི པམོདནྟི། ཨསིཏསྶཱཏི ཨནིསྶིཏསྶ ཏཐཱགཏསྶ། ཏཱདིནོཏི ཏཱདིལཀྑཎཾ པཏྟསྶ།
Amaṅkubhūtoti na nittejabhūto. Visāradoti ñāṇasomanassappatto. Sahabyataṃ gatāti sahabhāvaṃ ekībhāvaṃ gatā. Katāvakāsāti yena kammena tattha avakāso hoti, tassa katattā katāvakāsā. Taṃ pana yasmā kusalameva hoti, tasmā katakusalāti vuttaṃ. Modareti modanti pamodanti. Asitassāti anissitassa tathāgatassa. Tādinoti tādilakkhaṇaṃ pattassa.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. སཱིཧསེནཱཔཏིསུཏྟཾ • 4. Sīhasenāpatisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༥. སཱིཧསེནཱཔཏིསུཏྟཱདིཝཎྞནཱ • 4-5. Sīhasenāpatisuttādivaṇṇanā
