ஸீஹஸேனாபதிவத்து²ஆதி³கதா²

290. த⁴ம்மஸ்ஸ ச அனுத⁴ம்மங் ப்³யாகரொந்தீதி ப⁴க³வதா வுத்தகாரணஸ்ஸ அனுகாரணங் கதெ²ந்தி. ஸஹத⁴ம்மிகோ வாதா³னுவாதோ³தி அபரேஹி வுத்தகாரணேன ஸகாரணோ ஹுத்வா தும்ஹாகங் வாதோ³ விஞ்ஞுக³ரஹிதப்³ப³ங் காரணங் கோசி அப்பமத்தகோபி கிங் ந ஆக³ச்ச²தி. இத³ங் வுத்தங் ஹோதி ‘‘கிங் ஸப்³ப³காரேனாபி தும்ஹாகங் வாதே³ கா³ரய்ஹகாரணங் நத்தீ²’’தி. அனப்³ப⁴க்கா²துகாமாதி அபி⁴ப⁴வித்வா ந ஆசிக்கி²துகாமா.

293. அனுவிச்சகாரந்தி அனுவிதி³த்வா சிந்தெத்வா துலயித்வா காதப்³ப³ங் கரோஹீதி வுத்தங் ஹோதி. ஞாதமனுஸ்ஸானந்தி லோகே பாகடானங். ஸாது⁴ ஹோதீதி ஸுந்த³ரங் ஹோதி. படாகங் பரிஹரெய்யுந்தி படாகங் உக்கி²பித்வா நக³ரே கோ⁴ஸந்தா ஆஹிண்டெ³ய்யுங். கஸ்மா? ‘‘ஏவங் நோ அம்ஹாகங் மஹந்தபா⁴வோ ப⁴விஸ்ஸதீ’’தி. ஓபானபூ⁴தந்தி படியத்தஉத³பானோ விய டி²தங். குலந்தி நிவேஸனங். தா³தப்³ப³ங் மஞ்ஞெய்யாஸீதி மா இமேஸங் தெ³ய்யத⁴ம்மங் உபச்சி²ந்தி³த்த², ஸம்பத்தானஞ்ஹி தா³தப்³ப³மேவாதி ஓவத³தி. ஓகாரோதி அவகாரோ லாமகபா⁴வோ. ஸாமுக்கங்ஸிகாதி அத்தனாயேவ உத்³த⁴ரித்வா க³ஹிதா; அஸாதா⁴ரணங் அஞ்ஞேஸந்தி அத்தோ². உத்³தி³ஸ்ஸ கதந்தி உத்³தி³ஸித்வா கதங்.

294. படிச்சகம்மந்தி அத்தானங் படிச்ச கதந்தி அத்தோ². அத² வா படிச்சகம்மந்தி நிமித்தகம்மஸ்ஸேதங் அதி⁴வசனங், தங் படிச்சகம்மங் எத்த² அத்தீ²தி மங்ஸம்பி படிச்சகம்மந்தி வுத்தங். யோ ஹி ஏவரூபங் மங்ஸங் பரிபு⁴ஞ்ஜதி, ஸோபி தஸ்ஸ கம்மஸ்ஸ தா³யாதோ³ ஹோதி, வத⁴கஸ்ஸ விய தஸ்ஸாபி பாணகா⁴தகம்மங் ஹோதீதி அதி⁴ப்பாயோ . ஜிரித³ந்திதி ஜிரந்தி அப்³பா⁴சிக்க²ந்தா ந ஜிரந்தி, அப்³ப⁴க்கா²னஸ்ஸ அந்தங் ந க³ச்ச²ந்தீதி அத்தோ². திகோடிபரிஸுத்³த⁴கதா² ஸங்க⁴பே⁴த³ஸிக்கா²பத³வண்ணனாயங் வுத்தா.