| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сийхасзнаабад̇ивад̇т̇уаад̣̇игат̇аа
Sīhasenāpativatthuādikathā
290. д̇хаммасса жа ануд̇хаммам̣ б̣яаагаронд̇ийд̇и бхаг̇авад̇аа вуд̇д̇агааран̣асса анугааран̣ам̣ гат̇знд̇и. сахад̇хаммиго ваад̣̇аануваад̣̇од̇и абарзхи вуд̇д̇агааран̣зна сагааран̣о худ̇ваа д̇умхаагам̣ ваад̣̇о вин̃н̃уг̇арахид̇аб̣б̣ам̣ гааран̣ам̣ гожи аббамад̇д̇агоби гим̣ на ааг̇ажчад̇и. ид̣̇ам̣ вуд̇д̇ам̣ ход̇и ‘‘гим̣ саб̣б̣агаарзнааби д̇умхаагам̣ ваад̣̇з г̇аараяхагааран̣ам̣ над̇т̇ий’’д̇и. анаб̣бхагкаад̇угаамаад̇и абхибхавид̇ваа на аажигкид̇угаамаа.
290.Dhammassa ca anudhammaṃ byākarontīti bhagavatā vuttakāraṇassa anukāraṇaṃ kathenti. Sahadhammiko vādānuvādoti aparehi vuttakāraṇena sakāraṇo hutvā tumhākaṃ vādo viññugarahitabbaṃ kāraṇaṃ koci appamattakopi kiṃ na āgacchati. Idaṃ vuttaṃ hoti ‘‘kiṃ sabbakārenāpi tumhākaṃ vāde gārayhakāraṇaṃ natthī’’ti. Anabbhakkhātukāmāti abhibhavitvā na ācikkhitukāmā.
293. анувижжагааранд̇и анувид̣̇ид̇ваа жинд̇зд̇ваа д̇улаяид̇ваа гаад̇аб̣б̣ам̣ гарохийд̇и вуд̇д̇ам̣ ход̇и. н̃аад̇амануссаананд̇и логз баагадаанам̣. саад̇ху ход̇ийд̇и сунд̣̇арам̣ ход̇и. бадаагам̣ барихарзяяунд̇и бадаагам̣ угкибид̇ваа наг̇арз гхосанд̇аа аахин̣д̣зяяум̣. гасмаа? ‘‘звам̣ но амхаагам̣ маханд̇абхааво бхависсад̇ий’’д̇и. обаанабхууд̇анд̇и бадияад̇д̇ауд̣̇абаано вияа тид̇ам̣. гуланд̇и нивзсанам̣. д̣̇аад̇аб̣б̣ам̣ ман̃н̃зяяаасийд̇и маа имзсам̣ д̣̇зяяад̇хаммам̣ убажчинд̣̇ид̇т̇а, самбад̇д̇аанан̃хи д̣̇аад̇аб̣б̣амзваад̇и овад̣̇ад̇и. огаарод̇и авагааро лаамагабхааво. саамуггам̣сигаад̇и ад̇д̇анааязва уд̣̇д̇харид̇ваа г̇ахид̇аа; асаад̇хааран̣ам̣ ан̃н̃зсанд̇и ад̇т̇о. уд̣̇д̣̇исса гад̇анд̇и уд̣̇д̣̇исид̇ваа гад̇ам̣.
293.Anuviccakāranti anuviditvā cintetvā tulayitvā kātabbaṃ karohīti vuttaṃ hoti. Ñātamanussānanti loke pākaṭānaṃ. Sādhu hotīti sundaraṃ hoti. Paṭākaṃ parihareyyunti paṭākaṃ ukkhipitvā nagare ghosantā āhiṇḍeyyuṃ. Kasmā? ‘‘Evaṃ no amhākaṃ mahantabhāvo bhavissatī’’ti. Opānabhūtanti paṭiyattaudapāno viya ṭhitaṃ. Kulanti nivesanaṃ. Dātabbaṃ maññeyyāsīti mā imesaṃ deyyadhammaṃ upacchindittha, sampattānañhi dātabbamevāti ovadati. Okāroti avakāro lāmakabhāvo. Sāmukkaṃsikāti attanāyeva uddharitvā gahitā; asādhāraṇaṃ aññesanti attho. Uddissa katanti uddisitvā kataṃ.
294. бадижжагамманд̇и ад̇д̇аанам̣ бадижжа гад̇анд̇и ад̇т̇о. ат̇а ваа бадижжагамманд̇и нимид̇д̇агаммассзд̇ам̣ ад̇хиважанам̣, д̇ам̣ бадижжагаммам̣ зд̇т̇а ад̇т̇ийд̇и мам̣самби бадижжагамманд̇и вуд̇д̇ам̣. яо хи зваруубам̣ мам̣сам̣ барибхун̃ж̇ад̇и, соби д̇асса гаммасса д̣̇ааяаад̣̇о ход̇и, вад̇хагасса вияа д̇ассааби баан̣агхаад̇агаммам̣ ход̇ийд̇и ад̇хиббааяо . ж̇ирид̣̇анд̇ид̇и ж̇иранд̇и аб̣бхаажигканд̇аа на ж̇иранд̇и, аб̣бхагкаанасса анд̇ам̣ на г̇ажчанд̇ийд̇и ад̇т̇о. д̇игодибарисуд̣̇д̇хагат̇аа сан̇гхабхзд̣̇асигкаабад̣̇аван̣н̣анааяам̣ вуд̇д̇аа.
294.Paṭiccakammanti attānaṃ paṭicca katanti attho. Atha vā paṭiccakammanti nimittakammassetaṃ adhivacanaṃ, taṃ paṭiccakammaṃ ettha atthīti maṃsampi paṭiccakammanti vuttaṃ. Yo hi evarūpaṃ maṃsaṃ paribhuñjati, sopi tassa kammassa dāyādo hoti, vadhakassa viya tassāpi pāṇaghātakammaṃ hotīti adhippāyo . Jiridantiti jiranti abbhācikkhantā na jiranti, abbhakkhānassa antaṃ na gacchantīti attho. Tikoṭiparisuddhakathā saṅghabhedasikkhāpadavaṇṇanāyaṃ vuttā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 178. сийхасзнаабад̇ивад̇т̇у • 178. Sīhasenāpativatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сийхасзнаабад̇ивад̇т̇угат̇ааван̣н̣анаа • Sīhasenāpativatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сийхасзнаабад̇ивад̇т̇уаад̣̇игат̇ааван̣н̣анаа • Sīhasenāpativatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 178. сийхасзнаабад̇ивад̇т̇угат̇аа • 178. Sīhasenāpativatthukathā
