| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ஸீஹஸேனாபதிவத்து²ஆதி³கதா²வண்ணனா
Sīhasenāpativatthuādikathāvaṇṇanā
290. ஸந்தா⁴கா³ரேதி ராஜகிச்சஸ்ஸ ஸந்தா⁴ரணத்தா²ய நிச்சி²த்³த³ங் கத்வா விசாரணத்தா²ய கதமஹாஸபா⁴ய. க³மிகாபி⁴ஸங்கா²ரோதி க³மனே வாயாமோ. த⁴ம்மஸ்ஸ ச அனுத⁴ம்மந்தி தும்ஹேஹி வுத்தஸ்ஸ காரணஸ்ஸ அனுகாரணங், தும்ஹேஹி வுத்தஸ்ஸ அத்த²ஸ்ஸ அனுரூபமேவாதி அதி⁴ப்பாயோ. ஸஹத⁴ம்மிகோ வாதா³னுவாதோ³தி பரேஹி வுத்தகாரணேன ஸகாரணோ ஹுத்வா தும்ஹாகங் வாதோ³ வா இதோ பரங் தஸ்ஸ அனுவாதோ³ வா. கோசி அப்பமத்தகோபி கா³ரய்ஹங் டா²னங் ந ஆக³ச்ச²தீதி கிங் தவ வாதே³ கா³ரய்ஹகாரணங் நத்தீ²தி வுத்தங் ஹோதி.
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
293. அனுவிச்சகாரந்தி அனுவிதி³தாகாரங். ரதனத்தயஸ்ஸ ஸரணக³மனாதி³கிரியங் கரோதி. ஸஹஸா கத்வா மா பச்சா² விப்படிஸாரீ அஹோஸீதி அத்தோ². படாகங் பரிஹரெய்யுந்தி த⁴ஜபடாகங் உக்கி²பித்வா ‘‘ஈதி³ஸோ அம்ஹாகங் ஸரணங் க³தோ ஸாவகோ ஜாதோ’’தி நக³ரே கோ⁴ஸெந்தா ஆஹிண்ட³ந்தி.
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
294. நிமித்தகம்மஸ்ஸாதி மங்ஸகா²த³னநிமித்தேன உப்பன்னபாணாதிபாதகம்மஸ்ஸ.
294.Nimittakammassāti maṃsakhādananimittena uppannapāṇātipātakammassa.
ஸீஹஸேனாபதிவத்து²ஆதி³கதா²வண்ணனா நிட்டி²தா.
Sīhasenāpativatthuādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 178. ஸீஹஸேனாபதிவத்து² • 178. Sīhasenāpativatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸீஹஸேனாபதிவத்து²ஆதி³கதா² • Sīhasenāpativatthuādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸீஹஸேனாபதிவத்து²கதா²வண்ணனா • Sīhasenāpativatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 178. ஸீஹஸேனாபதிவத்து²கதா² • 178. Sīhasenāpativatthukathā
