| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
সীহসেনাপতিৰত্থুআদিকথাৰণ্ণনা
Sīhasenāpativatthuādikathāvaṇṇanā
২৯০. সন্ধাগারেতি রাজকিচ্চস্স সন্ধারণত্থায নিচ্ছিদ্দং কত্ৰা ৰিচারণত্থায কতমহাসভায। গমিকাভিসঙ্খারোতি গমনে ৰাযামো। ধম্মস্স চ অনুধম্মন্তি তুম্হেহি ৰুত্তস্স কারণস্স অনুকারণং, তুম্হেহি ৰুত্তস্স অত্থস্স অনুরূপমেৰাতি অধিপ্পাযো। সহধম্মিকো ৰাদানুৰাদোতি পরেহি ৰুত্তকারণেন সকারণো হুত্ৰা তুম্হাকং ৰাদো ৰা ইতো পরং তস্স অনুৰাদো ৰা। কোচি অপ্পমত্তকোপি গারয্হং ঠানং ন আগচ্ছতীতি কিং তৰ ৰাদে গারয্হকারণং নত্থীতি ৰুত্তং হোতি।
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
২৯৩. অনুৰিচ্চকারন্তি অনুৰিদিতাকারং। রতনত্তযস্স সরণগমনাদিকিরিযং করোতি। সহসা কত্ৰা মা পচ্ছা ৰিপ্পটিসারী অহোসীতি অত্থো। পটাকং পরিহরেয্যুন্তি ধজপটাকং উক্খিপিত্ৰা ‘‘ঈদিসো অম্হাকং সরণং গতো সাৰকো জাতো’’তি নগরে ঘোসেন্তা আহিণ্ডন্তি।
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
২৯৪. নিমিত্তকম্মস্সাতি মংসখাদননিমিত্তেন উপ্পন্নপাণাতিপাতকম্মস্স।
294.Nimittakammassāti maṃsakhādananimittena uppannapāṇātipātakammassa.
সীহসেনাপতিৰত্থুআদিকথাৰণ্ণনা নিট্ঠিতা।
Sīhasenāpativatthuādikathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৭৮. সীহসেনাপতিৰত্থু • 178. Sīhasenāpativatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সীহসেনাপতিৰত্থুআদিকথা • Sīhasenāpativatthuādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সীহসেনাপতিৰত্থুকথাৰণ্ণনা • Sīhasenāpativatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৭৮. সীহসেনাপতিৰত্থুকথা • 178. Sīhasenāpativatthukathā
