| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сийхасзнаабад̇ивад̇т̇уаад̣̇игат̇ааван̣н̣анаа
Sīhasenāpativatthuādikathāvaṇṇanā
290. санд̇хааг̇аарзд̇и рааж̇агижжасса санд̇хааран̣ад̇т̇ааяа нижчид̣̇д̣̇ам̣ гад̇ваа вижааран̣ад̇т̇ааяа гад̇амахаасабхааяа. г̇амигаабхисан̇каарод̇и г̇аманз вааяаамо. д̇хаммасса жа ануд̇хамманд̇и д̇умхзхи вуд̇д̇асса гааран̣асса анугааран̣ам̣, д̇умхзхи вуд̇д̇асса ад̇т̇асса ануруубамзваад̇и ад̇хиббааяо. сахад̇хаммиго ваад̣̇аануваад̣̇од̇и барзхи вуд̇д̇агааран̣зна сагааран̣о худ̇ваа д̇умхаагам̣ ваад̣̇о ваа ид̇о барам̣ д̇асса ануваад̣̇о ваа. гожи аббамад̇д̇агоби г̇аараяхам̣ таанам̣ на ааг̇ажчад̇ийд̇и гим̣ д̇ава ваад̣̇з г̇аараяхагааран̣ам̣ над̇т̇ийд̇и вуд̇д̇ам̣ ход̇и.
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
293. анувижжагааранд̇и анувид̣̇ид̇аагаарам̣. рад̇анад̇д̇аяасса саран̣аг̇аманаад̣̇игирияам̣ гарод̇и. сахасаа гад̇ваа маа бажчаа виббадисаарий ахосийд̇и ад̇т̇о. бадаагам̣ барихарзяяунд̇и д̇хаж̇абадаагам̣ угкибид̇ваа ‘‘ийд̣̇исо амхаагам̣ саран̣ам̣ г̇ад̇о сааваго ж̇аад̇о’’д̇и наг̇арз гхосзнд̇аа аахин̣д̣анд̇и.
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
294. нимид̇д̇агаммассаад̇и мам̣сакаад̣̇ананимид̇д̇зна уббаннабаан̣аад̇ибаад̇агаммасса.
294.Nimittakammassāti maṃsakhādananimittena uppannapāṇātipātakammassa.
сийхасзнаабад̇ивад̇т̇уаад̣̇игат̇ааван̣н̣анаа нидтид̇аа.
Sīhasenāpativatthuādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 178. сийхасзнаабад̇ивад̇т̇у • 178. Sīhasenāpativatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сийхасзнаабад̇ивад̇т̇уаад̣̇игат̇аа • Sīhasenāpativatthuādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сийхасзнаабад̇ивад̇т̇угат̇ааван̣н̣анаа • Sīhasenāpativatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 178. сийхасзнаабад̇ивад̇т̇угат̇аа • 178. Sīhasenāpativatthukathā
