| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
సీహసేనాపతివత్థుఆదికథావణ్ణనా
Sīhasenāpativatthuādikathāvaṇṇanā
౨౯౦. సన్ధాగారేతి రాజకిచ్చస్స సన్ధారణత్థాయ నిచ్ఛిద్దం కత్వా విచారణత్థాయ కతమహాసభాయ. గమికాభిసఙ్ఖారోతి గమనే వాయామో. ధమ్మస్స చ అనుధమ్మన్తి తుమ్హేహి వుత్తస్స కారణస్స అనుకారణం, తుమ్హేహి వుత్తస్స అత్థస్స అనురూపమేవాతి అధిప్పాయో. సహధమ్మికో వాదానువాదోతి పరేహి వుత్తకారణేన సకారణో హుత్వా తుమ్హాకం వాదో వా ఇతో పరం తస్స అనువాదో వా. కోచి అప్పమత్తకోపి గారయ్హం ఠానం న ఆగచ్ఛతీతి కిం తవ వాదే గారయ్హకారణం నత్థీతి వుత్తం హోతి.
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
౨౯౩. అనువిచ్చకారన్తి అనువిదితాకారం. రతనత్తయస్స సరణగమనాదికిరియం కరోతి. సహసా కత్వా మా పచ్ఛా విప్పటిసారీ అహోసీతి అత్థో. పటాకం పరిహరేయ్యున్తి ధజపటాకం ఉక్ఖిపిత్వా ‘‘ఈదిసో అమ్హాకం సరణం గతో సావకో జాతో’’తి నగరే ఘోసేన్తా ఆహిణ్డన్తి.
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
౨౯౪. నిమిత్తకమ్మస్సాతి మంసఖాదననిమిత్తేన ఉప్పన్నపాణాతిపాతకమ్మస్స.
294.Nimittakammassāti maṃsakhādananimittena uppannapāṇātipātakammassa.
సీహసేనాపతివత్థుఆదికథావణ్ణనా నిట్ఠితా.
Sīhasenāpativatthuādikathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౭౮. సీహసేనాపతివత్థు • 178. Sīhasenāpativatthu
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / సీహసేనాపతివత్థుఆదికథా • Sīhasenāpativatthuādikathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / సీహసేనాపతివత్థుకథావణ్ణనా • Sīhasenāpativatthukathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౭౮. సీహసేనాపతివత్థుకథా • 178. Sīhasenāpativatthukathā
