| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
สีหเสนาปติวตฺถุอาทิกถาวณฺณนา
Sīhasenāpativatthuādikathāvaṇṇanā
๒๙๐. สนฺธาคาเรติ ราชกิจฺจสฺส สนฺธารณตฺถาย นิจฺฉิทฺทํ กตฺวา วิจารณตฺถาย กตมหาสภายฯ คมิกาภิสงฺขาโรติ คมเน วายาโมฯ ธมฺมสฺส จ อนุธมฺมนฺติ ตุเมฺหหิ วุตฺตสฺส การณสฺส อนุการณํ, ตุเมฺหหิ วุตฺตสฺส อตฺถสฺส อนุรูปเมวาติ อธิปฺปาโยฯ สหธมฺมิโก วาทานุวาโทติ ปเรหิ วุตฺตการเณน สการโณ หุตฺวา ตุมฺหากํ วาโท วา อิโต ปรํ ตสฺส อนุวาโท วาฯ โกจิ อปฺปมตฺตโกปิ คารยฺหํ ฐานํ น อาคจฺฉตีติ กิํ ตว วาเท คารยฺหการณํ นตฺถีติ วุตฺตํ โหติฯ
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
๒๙๓. อนุวิจฺจการนฺติ อนุวิทิตาการํฯ รตนตฺตยสฺส สรณคมนาทิกิริยํ กโรติฯ สหสา กตฺวา มา ปจฺฉา วิปฺปฎิสารี อโหสีติ อโตฺถฯ ปฎากํ ปริหเรยฺยุนฺติ ธชปฎากํ อุกฺขิปิตฺวา ‘‘อีทิโส อมฺหากํ สรณํ คโต สาวโก ชาโต’’ติ นคเร โฆเสนฺตา อาหิณฺฑนฺติฯ
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
๒๙๔. นิมิตฺตกมฺมสฺสาติ มํสขาทนนิมิเตฺตน อุปฺปนฺนปาณาติปาตกมฺมสฺสฯ
294.Nimittakammassāti maṃsakhādananimittena uppannapāṇātipātakammassa.
สีหเสนาปติวตฺถุอาทิกถาวณฺณนา นิฎฺฐิตาฯ
Sīhasenāpativatthuādikathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๗๘. สีหเสนาปติวตฺถุ • 178. Sīhasenāpativatthu
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / สีหเสนาปติวตฺถุอาทิกถา • Sīhasenāpativatthuādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สีหเสนาปติวตฺถุกถาวณฺณนา • Sīhasenāpativatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๗๘. สีหเสนาปติวตฺถุกถา • 178. Sīhasenāpativatthukathā
