| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
སཱིཧསེནཱཔཏིཝཏྠུཨཱདིཀཐཱཝཎྞནཱ
Sīhasenāpativatthuādikathāvaṇṇanā
༢༩༠. སནྡྷཱགཱརེཏི རཱཛཀིཙྩསྶ སནྡྷཱརཎཏྠཱཡ ནིཙྪིདྡཾ ཀཏྭཱ ཝིཙཱརཎཏྠཱཡ ཀཏམཧཱསབྷཱཡ། གམིཀཱབྷིསངྑཱརོཏི གམནེ ཝཱཡཱམོ། དྷམྨསྶ ཙ ཨནུདྷམྨནྟི ཏུམྷེཧི ཝུཏྟསྶ ཀཱརཎསྶ ཨནུཀཱརཎཾ, ཏུམྷེཧི ཝུཏྟསྶ ཨཏྠསྶ ཨནུརཱུཔམེཝཱཏི ཨདྷིཔྤཱཡོ། སཧདྷམྨིཀོ ཝཱདཱནུཝཱདོཏི པརེཧི ཝུཏྟཀཱརཎེན སཀཱརཎོ ཧུཏྭཱ ཏུམྷཱཀཾ ཝཱདོ ཝཱ ཨིཏོ པརཾ ཏསྶ ཨནུཝཱདོ ཝཱ། ཀོཙི ཨཔྤམཏྟཀོཔི གཱརཡ྄ཧཾ ཋཱནཾ ན ཨཱགཙྪཏཱིཏི ཀིཾ ཏཝ ཝཱདེ གཱརཡ྄ཧཀཱརཎཾ ནཏྠཱིཏི ཝུཏྟཾ ཧོཏི།
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
༢༩༣. ཨནུཝིཙྩཀཱརནྟི ཨནུཝིདིཏཱཀཱརཾ། རཏནཏྟཡསྶ སརཎགམནཱདིཀིརིཡཾ ཀརོཏི། སཧསཱ ཀཏྭཱ མཱ པཙྪཱ ཝིཔྤཊིསཱརཱི ཨཧོསཱིཏི ཨཏྠོ། པཊཱཀཾ པརིཧརེཡྻུནྟི དྷཛཔཊཱཀཾ ཨུཀྑིཔིཏྭཱ ‘‘ཨཱིདིསོ ཨམྷཱཀཾ སརཎཾ གཏོ སཱཝཀོ ཛཱཏོ’’ཏི ནགརེ གྷོསེནྟཱ ཨཱཧིཎྜནྟི།
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
༢༩༤. ནིམིཏྟཀམྨསྶཱཏི མཾསཁཱདནནིམིཏྟེན ཨུཔྤནྣཔཱཎཱཏིཔཱཏཀམྨསྶ།
294.Nimittakammassāti maṃsakhādananimittena uppannapāṇātipātakammassa.
སཱིཧསེནཱཔཏིཝཏྠུཨཱདིཀཐཱཝཎྞནཱ ནིཊྛིཏཱ།
Sīhasenāpativatthuādikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༧༨. སཱིཧསེནཱཔཏིཝཏྠུ • 178. Sīhasenāpativatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / སཱིཧསེནཱཔཏིཝཏྠུཨཱདིཀཐཱ • Sīhasenāpativatthuādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སཱིཧསེནཱཔཏིཝཏྠུཀཐཱཝཎྞནཱ • Sīhasenāpativatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༧༨. སཱིཧསེནཱཔཏིཝཏྠུཀཐཱ • 178. Sīhasenāpativatthukathā
