| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сийхасзнаабад̇ивад̇т̇угат̇ааван̣н̣анаа
Sīhasenāpativatthukathāvaṇṇanā
290. абхин̃н̃аад̇аад̇и (а. ни. адта. 3.8.12) н̃аад̇аа бан̃н̃аад̇аа баагадаа. сант̇ааг̇аарзд̇и махааж̇анасса сант̇амбханааг̇аарз виссаманад̇т̇ааяа гад̇з аг̇аарз. саа гира сант̇ааг̇аарасаалаа наг̇арамаж̇жхз ахоси, жад̇уусу д̣̇ваарзсу тид̇аанам̣ бан̃н̃ааяад̇и, жад̇уухи д̣̇исаахи ааг̇ад̇амануссаа батамам̣ д̇ад̇т̇а виссамид̇ваа бажчаа ад̇д̇ано ад̇д̇ано паасугадтаанам̣ г̇ажчанд̇и. рааж̇агулаанам̣ раж̇ж̇агижжасант̇аран̣ад̇т̇ам̣ гад̇ам̣ аг̇ааранд̇иби вад̣̇анд̇иязва. д̇ад̇т̇а хи нисийд̣̇ид̇ваа лижчавийрааж̇аано раж̇ж̇агижжам̣ сант̇аранд̇и гаронд̇и вижаарзнд̇и. саннисиннаад̇и д̇зсам̣ нисийд̣̇анад̇т̇ам̣язва бан̃н̃ад̇д̇зсу махаарахабажжад̇т̇аран̣зсу самуссид̇асзд̇ажчад̇д̇зсу аасанзсу саннисиннаа. анзгабарияааязна б̣уд̣̇д̇хасса ван̣н̣ам̣ бхаасанд̇ийд̇и рааж̇агулагижжан̃жзва логад̇т̇агирияан̃жа вижаарзд̇ваа анзгзхи гааран̣зхи б̣уд̣̇д̇хасса ван̣н̣ам̣ бхаасанд̇и. бан̣д̣ид̇аа хи д̇з рааж̇аано сад̣̇д̇хаасамбаннаа сод̇аабаннааби сагад̣̇ааг̇ааминоби анааг̇ааминоби арияасаавагаа, д̇з саб̣б̣зби логияаж̇адам̣ бхинд̣̇ид̇ваа б̣уд̣̇д̇хаад̣̇ийнам̣ д̇ин̣н̣ам̣ рад̇анаанам̣ ван̣н̣ам̣ бхаасанд̇и.
290.Abhiññātāti (a. ni. aṭṭha. 3.8.12) ñātā paññātā pākaṭā. Santhāgāreti mahājanassa santhambhanāgāre vissamanatthāya kate agāre. Sā kira santhāgārasālā nagaramajjhe ahosi, catūsu dvāresu ṭhitānaṃ paññāyati, catūhi disāhi āgatamanussā paṭhamaṃ tattha vissamitvā pacchā attano attano phāsukaṭṭhānaṃ gacchanti. Rājakulānaṃ rajjakiccasantharaṇatthaṃ kataṃ agārantipi vadantiyeva. Tattha hi nisīditvā licchavīrājāno rajjakiccaṃ santharanti karonti vicārenti. Sannisinnāti tesaṃ nisīdanatthaṃyeva paññattesu mahārahapaccattharaṇesu samussitasetacchattesu āsanesu sannisinnā. Anekapariyāyena buddhassa vaṇṇaṃ bhāsantīti rājakulakiccañceva lokatthakiriyañca vicāretvā anekehi kāraṇehi buddhassa vaṇṇaṃ bhāsanti. Paṇḍitā hi te rājāno saddhāsampannā sotāpannāpi sakadāgāminopi anāgāminopi ariyasāvakā, te sabbepi lokiyajaṭaṃ bhinditvā buddhādīnaṃ tiṇṇaṃ ratanānaṃ vaṇṇaṃ bhāsanti.
д̇ад̇т̇а д̇ивид̇хо б̣уд̣̇д̇хаван̣н̣о наама жарияаван̣н̣о сарийраван̣н̣о г̇ун̣аван̣н̣од̇и. д̇ад̇римз рааж̇аано жарияааяа ван̣н̣ам̣ аарабхим̣су – ‘‘д̣̇уггарам̣ вад̇а гад̇ам̣ саммаасамб̣уд̣̇д̇хзна габбасад̇асахассаад̇хигаани жад̇д̇аари асан̇кязяяаани д̣̇аса баарамияо д̣̇аса убабаарамияо д̣̇аса барамад̇т̇абаарамияод̇и самад̇им̣са баарамияо буурзнд̇зна н̃аад̇ад̇т̇ажарияам̣ логад̇т̇ажарияам̣ б̣уд̣̇д̇хад̇т̇ажарияам̣ мад̇т̇агам̣ баабзд̇ваа бан̃жа махаабарижжааг̇з барижжаж̇анд̇знаа’’д̇и ад̣дхажчаггзхи ж̇аад̇агасад̇зхи б̣уд̣̇д̇хаван̣н̣ам̣ гат̇знд̇аа д̇усид̇абхаванам̣ баабзд̇ваа табаяим̣су. д̇хаммасса ван̣н̣ам̣ бхаасанд̇аа банзд̇з ‘‘бхаг̇авад̇аа д̇хаммо д̣̇зсид̇о, нигааяад̇о бан̃жа нигааяаа хонд̇и, бидагад̇о д̇ийн̣и бидагаани, ан̇г̇ад̇о нава ан̇г̇аани, канд̇хад̇о жад̇ураасийд̇ид̇хаммагканд̇хасахассааний’’д̇и годтаасавасзна д̇хаммаг̇ун̣ам̣ гат̇аяим̣су. сан̇гхасса ван̣н̣ам̣ бхаасанд̇аа ‘‘сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хаа гулабуд̇д̇аа бхог̇агканд̇хан̃жзва н̃аад̇ибариваддан̃жа бахааяа сзд̇ажчад̇д̇аубараж̇ж̇асзнаабад̇исздтибхан̣д̣ааг̇ааригадтаананд̇араад̣̇ийни аг̇ан̣аяид̇ваа нигкамма сад̇т̇у варасаасанз баб̣б̣аж̇анд̇и, сзд̇ажчад̇д̇ам̣ бахааяа баб̣б̣аж̇ид̇аанам̣ бхад̣̇д̣̇ияамахаарааж̇амахаагаббинабуггусаад̇иаад̣̇ирааж̇абаб̣б̣аж̇ид̇аанам̣язва б̣уд̣̇д̇хагаалз асийд̇и сахассаани ахзсум̣, анзгагодид̇ханам̣ бахааяа баб̣б̣аж̇ид̇аанам̣ бана яасагулабуд̇д̇асон̣асздтибуд̇д̇арадтабаалабуд̇д̇аад̣̇ийнам̣ барижчзд̣̇о над̇т̇и, зваруубаа жа зваруубаа жа гулабуд̇д̇аа сад̇т̇у саасанз баб̣б̣аж̇анд̇ий’’д̇и баб̣б̣аж̇ж̇аасан̇кзбавасзна сан̇гхаг̇ун̣ам̣ гат̇аяим̣су.
Tattha tividho buddhavaṇṇo nāma cariyavaṇṇo sarīravaṇṇo guṇavaṇṇoti. Tatrime rājāno cariyāya vaṇṇaṃ ārabhiṃsu – ‘‘dukkaraṃ vata kataṃ sammāsambuddhena kappasatasahassādhikāni cattāri asaṅkhyeyyāni dasa pāramiyo dasa upapāramiyo dasa paramatthapāramiyoti samatiṃsa pāramiyo pūrentena ñātatthacariyaṃ lokatthacariyaṃ buddhatthacariyaṃ matthakaṃ pāpetvā pañca mahāpariccāge pariccajantenā’’ti aḍḍhacchakkehi jātakasatehi buddhavaṇṇaṃ kathentā tusitabhavanaṃ pāpetvā ṭhapayiṃsu. Dhammassa vaṇṇaṃ bhāsantā panete ‘‘bhagavatā dhammo desito, nikāyato pañca nikāyā honti, piṭakato tīṇi piṭakāni, aṅgato nava aṅgāni, khandhato caturāsītidhammakkhandhasahassānī’’ti koṭṭhāsavasena dhammaguṇaṃ kathayiṃsu. Saṅghassa vaṇṇaṃ bhāsantā ‘‘satthu dhammadesanaṃ sutvā paṭiladdhasaddhā kulaputtā bhogakkhandhañceva ñātiparivaṭṭañca pahāya setacchattauparajjasenāpatiseṭṭhibhaṇḍāgārikaṭṭhānantarādīni agaṇayitvā nikkhamma satthu varasāsane pabbajanti, setacchattaṃ pahāya pabbajitānaṃ bhaddiyamahārājamahākappinapukkusātiādirājapabbajitānaṃyeva buddhakāle asīti sahassāni ahesuṃ, anekakoṭidhanaṃ pahāya pabbajitānaṃ pana yasakulaputtasoṇaseṭṭhiputtaraṭṭhapālaputtādīnaṃ paricchedo natthi, evarūpā ca evarūpā ca kulaputtā satthu sāsane pabbajantī’’ti pabbajjāsaṅkhepavasena saṅghaguṇaṃ kathayiṃsu.
сийхо сзнаабад̇ийд̇и звам̣наамаго сзнааяа ад̇хибад̇и. взсаалияан̃хи сад̇д̇а сахассаани сад̇д̇а сад̇аани сад̇д̇а жа рааж̇аано, д̇з саб̣б̣зби саннибад̇ид̇ваа саб̣б̣зсам̣ манам̣ г̇ахзд̇ваа ‘‘радтам̣ вижаарзд̇ум̣ самад̇т̇ам̣ згам̣ вижинат̇аа’’д̇и вижинанд̇аа сийхарааж̇агумаарам̣ д̣̇исваа ‘‘аяам̣ сагкиссад̇ий’’д̇и саннидтаанам̣ гад̇ваа д̇асса рад̇д̇аман̣иван̣н̣агамб̣алабарияонад̣̇д̇хам̣ сзнаабад̇ижчад̇д̇ам̣ ад̣̇ам̣су. д̇ам̣ санд̇хааяа вуд̇д̇ам̣ ‘‘сийхо сзнаабад̇ий’’д̇и. ниг̇ан̣тасаавагод̇и ниг̇ан̣тасса наадабуд̇д̇асса бажжаяад̣̇ааяаго убадтааго. ж̇амб̣уд̣̇ийбад̇аласмин̃хи д̇аяо ж̇анаа ниг̇ан̣таанам̣ аг̇г̇убадтаагаа – наал̣анд̣̇ааяам̣ убаали г̇ахабад̇и, габилабурз ваббо сагго, взсаалияам̣ аяам̣ сийхо сзнаабад̇ийд̇и. нисинно ход̇ийд̇и сзсарааж̇уунамби барисааяа анд̇арз аасанаани бан̃н̃аабаяим̣су, сийхасса бана маж̇жхз таанзд̇и д̇асмим̣ бан̃н̃ад̇д̇з махаарахз рааж̇аасанз нисинно ход̇и. ниссам̣саяанд̇и ниб̣б̣ижигижчам̣ ад̣̇д̇хаа згам̣сзна. на хзд̇з яасса ваа д̇асса ваа аббзсагкасса звам̣ анзгасад̇зхи гааран̣зхи ван̣н̣ам̣ бхаасанд̇и.
Sīho senāpatīti evaṃnāmako senāya adhipati. Vesāliyañhi satta sahassāni satta satāni satta ca rājāno, te sabbepi sannipatitvā sabbesaṃ manaṃ gahetvā ‘‘raṭṭhaṃ vicāretuṃ samatthaṃ ekaṃ vicinathā’’ti vicinantā sīharājakumāraṃ disvā ‘‘ayaṃ sakkhissatī’’ti sanniṭṭhānaṃ katvā tassa rattamaṇivaṇṇakambalapariyonaddhaṃ senāpaticchattaṃ adaṃsu. Taṃ sandhāya vuttaṃ ‘‘sīho senāpatī’’ti. Nigaṇṭhasāvakoti nigaṇṭhassa nāṭaputtassa paccayadāyako upaṭṭhāko. Jambudīpatalasmiñhi tayo janā nigaṇṭhānaṃ aggupaṭṭhākā – nāḷandāyaṃ upāli gahapati, kapilapure vappo sakko, vesāliyaṃ ayaṃ sīho senāpatīti. Nisinno hotīti sesarājūnampi parisāya antare āsanāni paññāpayiṃsu, sīhassa pana majjhe ṭhāneti tasmiṃ paññatte mahārahe rājāsane nisinno hoti. Nissaṃsayanti nibbicikicchaṃ addhā ekaṃsena. Na hete yassa vā tassa vā appesakkhassa evaṃ anekasatehi kāraṇehi vaṇṇaṃ bhāsanti.
язна ниг̇ан̣то наадабуд̇д̇о д̇знубасан̇гамийд̇и ниг̇ан̣то гира наадабуд̇д̇о ‘‘сажааяам̣ сийхо гассажид̣̇зва саман̣асса г̇од̇амасса ван̣н̣ам̣ гат̇знд̇асса суд̇ваа саман̣ам̣ г̇од̇амам̣ д̣̇ассанааяа убасан̇гамиссад̇и, маяхам̣ барихаани бхависсад̇ий’’д̇и жинд̇зд̇ваа батамад̇арам̣язва сийхам̣ сзнаабад̇им̣ зд̇ад̣̇авожа ‘‘сзнаабад̇и имасмим̣ логз ‘ахам̣ б̣уд̣̇д̇хо ахам̣ б̣уд̣̇д̇хо’д̇и б̣ахуу вад̣̇анд̇и, сажз д̇вам̣ ган̃жи д̣̇ассанааяа убасан̇гамид̇угаамо ахоси, мам̣ бужчзяяааси, ахам̣ д̇з яуд̇д̇адтаанан̃н̃зва бзсзссаами, аяуд̇д̇адтаанад̇о ниваарзссаамий’’д̇и. со д̇ам̣ гат̇ам̣ ануссарид̇ваа ‘‘сажз мам̣ бзсзссад̇и, г̇амиссаами. но жз, на г̇амиссаамий’’д̇и жинд̇зд̇ваа язна ниг̇ан̣то наадабуд̇д̇о д̇знубасан̇гами.
Yena nigaṇṭho nāṭaputto tenupasaṅkamīti nigaṇṭho kira nāṭaputto ‘‘sacāyaṃ sīho kassacideva samaṇassa gotamassa vaṇṇaṃ kathentassa sutvā samaṇaṃ gotamaṃ dassanāya upasaṅkamissati, mayhaṃ parihāni bhavissatī’’ti cintetvā paṭhamataraṃyeva sīhaṃ senāpatiṃ etadavoca ‘‘senāpati imasmiṃ loke ‘ahaṃ buddho ahaṃ buddho’ti bahū vadanti, sace tvaṃ kañci dassanāya upasaṅkamitukāmo ahosi, maṃ puccheyyāsi, ahaṃ te yuttaṭṭhānaññeva pesessāmi, ayuttaṭṭhānato nivāressāmī’’ti. So taṃ kathaṃ anussaritvā ‘‘sace maṃ pesessati, gamissāmi. No ce, na gamissāmī’’ti cintetvā yena nigaṇṭho nāṭaputto tenupasaṅkami.
ат̇асса важанам̣ суд̇ваа ниг̇ан̣то махаабаб̣б̣ад̇зна вияа б̣алавасогзна од̇т̇адо ‘‘яад̇т̇а д̣̇ааниссаахам̣ г̇аманам̣ на ижчаами, д̇ад̇т̇зва г̇анд̇угаамо ж̇аад̇о, хад̇охамасмий’’д̇и анад̇д̇амано худ̇ваа ‘‘бадиб̣ааханубааяамасса гариссаамий’’д̇и жинд̇зд̇ваа ‘‘гим̣ бана д̇ва’’нд̇иаад̣̇имааха. звам̣ вад̣̇анд̇о жаранд̇ам̣ г̇он̣ам̣ д̇ун̣д̣з бахаранд̇о вияа ж̇аламаанам̣ бад̣̇ийбам̣ ниб̣б̣аабзнд̇о вияа бхад̇д̇абхарид̇ам̣ бад̇д̇ам̣ нигуж̇ж̇анд̇о вияа жа сийхасса уббаннам̣ бийд̇им̣ винаасзси. г̇амигаабхисан̇каарод̇и хад̇т̇ияаанаад̣̇ийнам̣ яож̇аабанаг̇анд̇хамаалаад̣̇иг̇г̇ахан̣авасзна бавад̇д̇о баяог̇о. со бадиббассамбхийд̇и со вуубасанд̇о.
Athassa vacanaṃ sutvā nigaṇṭho mahāpabbatena viya balavasokena otthaṭo ‘‘yattha dānissāhaṃ gamanaṃ na icchāmi, tattheva gantukāmo jāto, hatohamasmī’’ti anattamano hutvā ‘‘paṭibāhanupāyamassa karissāmī’’ti cintetvā ‘‘kiṃ pana tva’’ntiādimāha. Evaṃ vadanto carantaṃ goṇaṃ tuṇḍe paharanto viya jalamānaṃ padīpaṃ nibbāpento viya bhattabharitaṃ pattaṃ nikujjanto viya ca sīhassa uppannaṃ pītiṃ vināsesi. Gamikābhisaṅkhāroti hatthiyānādīnaṃ yojāpanagandhamālādiggahaṇavasena pavatto payogo. So paṭippassambhīti so vūpasanto.
д̣̇уд̇ияамби код̇и д̣̇уд̇ияаваарамби. имасмин̃жа ваарз б̣уд̣̇д̇хасса ван̣н̣ам̣ бхаасанд̇аа д̇усид̇абхаванад̇о бадтааяа яаава махааб̣од̇хибаллан̇гаа д̣̇асаб̣аласса хздтаа баад̣̇ад̇алзхи убари гзсаг̇г̇зхи барижчинд̣̇ид̇ваа д̣̇вад̇д̇им̣самахаабурисалагкан̣аасийд̇иануб̣яан̃ж̇анаб̣яаамаббабхаавасзна сарийраван̣н̣ам̣ гат̇аяим̣су. д̇хаммасса ван̣н̣ам̣ бхаасанд̇аа ‘‘згабад̣̇зби згаб̣яан̃ж̇анзби авагкалид̇ам̣ наама над̇т̇ий’’д̇и сугат̇ид̇авасзнзва д̇хаммаг̇ун̣ам̣ гат̇аяим̣су. сан̇гхасса ван̣н̣ам̣ бхаасанд̇аа ‘‘зваруубам̣ яасасиривибхавам̣ бахааяа сад̇т̇у саасанз баб̣б̣аж̇ид̇аа на госаж̇ж̇абагад̇игаа хонд̇и, д̇зрасасу бана д̇худ̇аг̇ун̣зсу барибуурагаарино худ̇ваа сад̇д̇асу анубассанаасу гаммам̣ гаронд̇и, адтад̇им̣са аарамман̣авибхад̇д̇ияо вал̣ан̃ж̇знд̇ий’’д̇и бадибад̣̇аавасзна сан̇гхаг̇ун̣з гат̇аяим̣су.
Dutiyampi khoti dutiyavārampi. Imasmiñca vāre buddhassa vaṇṇaṃ bhāsantā tusitabhavanato paṭṭhāya yāva mahābodhipallaṅkā dasabalassa heṭṭhā pādatalehi upari kesaggehi paricchinditvā dvattiṃsamahāpurisalakkhaṇaasītianubyañjanabyāmappabhāvasena sarīravaṇṇaṃ kathayiṃsu. Dhammassa vaṇṇaṃ bhāsantā ‘‘ekapadepi ekabyañjanepi avakkhalitaṃ nāma natthī’’ti sukathitavaseneva dhammaguṇaṃ kathayiṃsu. Saṅghassa vaṇṇaṃ bhāsantā ‘‘evarūpaṃ yasasirivibhavaṃ pahāya satthu sāsane pabbajitā na kosajjapakatikā honti, terasasu pana dhutaguṇesu paripūrakārino hutvā sattasu anupassanāsu kammaṃ karonti, aṭṭhatiṃsa ārammaṇavibhattiyo vaḷañjentī’’ti paṭipadāvasena saṅghaguṇe kathayiṃsu.
д̇ад̇ияаваарз бана б̣уд̣̇д̇хасса ван̣н̣ам̣ бхаасамаанаа ‘‘ид̇иби со бхаг̇аваа’’д̇и суд̇д̇анд̇абарияааязнзва б̣уд̣̇д̇хаг̇ун̣з гат̇аяим̣су, ‘‘сваагкаад̇о бхаг̇авад̇аа д̇хаммо’’д̇иаад̣̇инаа суд̇д̇анд̇абарияааязнзва д̇хаммаг̇ун̣з, ‘‘суббадибанно бхаг̇авад̇о саавагасан̇гхо’’д̇иаад̣̇инаа суд̇д̇анд̇абарияааязнзва сан̇гхаг̇ун̣з жа гат̇аяим̣су. д̇ад̇о сийхо жинд̇зси ‘‘имзсам̣ лижчавийрааж̇агулаанам̣ д̇ад̇ияад̣̇ивасад̇о бадтааяа б̣уд̣̇д̇хад̇хаммасан̇гхаг̇ун̣з гат̇знд̇аанам̣ мукам̣ наббаход̇и, ад̣̇д̇хаа аномаг̇ун̣асаманнааг̇ад̇о со бхаг̇аваа, имам̣ д̣̇аани уббаннам̣ бийд̇им̣ авиж̇ахид̇ваава ахам̣ аж̇ж̇а саммаасамб̣уд̣̇д̇хам̣ бассиссаамий’’д̇и. ат̇асса ‘‘гин̃хи мз гариссанд̇и ниг̇ан̣таа’’д̇и вид̇агго уд̣̇абаад̣̇и. д̇ад̇т̇а гин̃хи мз гариссанд̇ийд̇и гим̣ наама маяхам̣ ниг̇ан̣таа гариссанд̇и. абалогид̇аа ваа анабалогид̇аа ваад̇и аабужчид̇аа ваа анаабужчид̇аа ваа. на хи мз д̇з аабужчид̇аа яаанавааханасамбад̇д̇ииссарияаяасависзсам̣ д̣̇ассанд̇и, нааби анаабужчид̇аа маарзссанд̇и, апалам̣ зд̇зсам̣ аабужчананд̇и ад̇хиббааяо.
Tatiyavāre pana buddhassa vaṇṇaṃ bhāsamānā ‘‘itipi so bhagavā’’ti suttantapariyāyeneva buddhaguṇe kathayiṃsu, ‘‘svākkhāto bhagavatā dhammo’’tiādinā suttantapariyāyeneva dhammaguṇe, ‘‘suppaṭipanno bhagavato sāvakasaṅgho’’tiādinā suttantapariyāyeneva saṅghaguṇe ca kathayiṃsu. Tato sīho cintesi ‘‘imesaṃ licchavīrājakulānaṃ tatiyadivasato paṭṭhāya buddhadhammasaṅghaguṇe kathentānaṃ mukhaṃ nappahoti, addhā anomaguṇasamannāgato so bhagavā, imaṃ dāni uppannaṃ pītiṃ avijahitvāva ahaṃ ajja sammāsambuddhaṃ passissāmī’’ti. Athassa ‘‘kiñhi me karissanti nigaṇṭhā’’ti vitakko udapādi. Tattha kiñhi me karissantīti kiṃ nāma mayhaṃ nigaṇṭhā karissanti. Apalokitā vā anapalokitā vāti āpucchitā vā anāpucchitā vā. Na hi me te āpucchitā yānavāhanasampattiissariyayasavisesaṃ dassanti, nāpi anāpucchitā māressanti, aphalaṃ etesaṃ āpucchananti adhippāyo.
д̣̇иваа д̣̇ивассаад̇и д̣̇ивасса д̣̇иваа маж̇жханхигз ад̇игганд̇амад̇д̇з. взсаалияаа нияяаасийд̇и яат̇аа хи г̇имхагаалз д̣̇звз вудтз уд̣̇агам̣ санд̣̇амаанам̣ над̣̇им̣ од̇арид̇ваа т̇огамзва г̇анд̇ваа д̇идтад̇и наббавад̇д̇ад̇и, звам̣ сийхасса батамад̣̇ивасз ‘‘д̣̇асаб̣алам̣ бассиссаамий’’д̇и уббаннааяа бийд̇ияаа ниг̇ан̣тзна бадиб̣аахид̇агаало, яат̇аа д̣̇уд̇ияад̣̇ивасз д̣̇звз вудтз уд̣̇агам̣ санд̣̇амаанам̣ над̣̇им̣ од̇арид̇ваа т̇огам̣ г̇анд̇ваа ваалигаабун̃ж̇ам̣ бахарид̇ваа аббавад̇д̇ам̣ ход̇и, звам̣ сийхасса д̣̇уд̇ияад̣̇ивасз ‘‘д̣̇асаб̣алам̣ бассиссаамий’’д̇и уббаннааяа бийд̇ияаа ниг̇ан̣тзна бадиб̣аахид̇агаало, яат̇аа д̇ад̇ияад̣̇ивасз д̣̇звз вудтз уд̣̇агам̣ санд̣̇амаанам̣ над̣̇им̣ од̇арид̇ваа бураан̣абан̣н̣асугкад̣̇ан̣д̣аганал̣агажавараад̣̇ийни баригад̣дханд̇ам̣ ваалигаабун̃ж̇ам̣ бхинд̣̇ид̇ваа самуд̣̇д̣̇аниннамзва ход̇и, звам̣ сийхо д̇ад̇ияад̣̇ивасз д̇ин̣н̣ам̣ вад̇т̇уунам̣ г̇ун̣агат̇ам̣ суд̇ваа уббаннз бийд̇ибаамож̇ж̇з ‘‘апалаа ниг̇ан̣таа, нибпалаа ниг̇ан̣таа, гим̣ мз имз гариссанд̇и, г̇амиссаамахам̣ сад̇т̇у санд̇ига’’нд̇и г̇аманам̣ абхинийхарид̇ваа взсаалияаа нияяааси. нияяанд̇о жа ‘‘жирассаахам̣ д̣̇асаб̣аласса санд̇игам̣ г̇анд̇угаамо ж̇аад̇о, на ко бана мз яуд̇д̇ам̣ ан̃н̃аад̇агавзсзна г̇анд̇у’’нд̇и ‘‘яз гзжи д̣̇асаб̣аласса санд̇игам̣ г̇анд̇угаамо, саб̣б̣з нигкаманд̇уу’’д̇и гхосанам̣ гаарзд̇ваа бан̃жа рат̇асад̇аани яож̇аабзд̇ваа уд̇д̇амарат̇з тид̇о д̇зхи жзва бан̃жахи рат̇асад̇зхи махад̇ияаа жа барисааяа баривуд̇о г̇анд̇хабубпажун̣н̣аваасаад̣̇ийни г̇аахаабзд̇ваа нияяааси.
Divā divassāti divassa divā majjhanhike atikkantamatte. Vesāliyā niyyāsīti yathā hi gimhakāle deve vuṭṭhe udakaṃ sandamānaṃ nadiṃ otaritvā thokameva gantvā tiṭṭhati nappavattati, evaṃ sīhassa paṭhamadivase ‘‘dasabalaṃ passissāmī’’ti uppannāya pītiyā nigaṇṭhena paṭibāhitakālo, yathā dutiyadivase deve vuṭṭhe udakaṃ sandamānaṃ nadiṃ otaritvā thokaṃ gantvā vālikāpuñjaṃ paharitvā appavattaṃ hoti, evaṃ sīhassa dutiyadivase ‘‘dasabalaṃ passissāmī’’ti uppannāya pītiyā nigaṇṭhena paṭibāhitakālo, yathā tatiyadivase deve vuṭṭhe udakaṃ sandamānaṃ nadiṃ otaritvā purāṇapaṇṇasukkhadaṇḍakanaḷakacavarādīni parikaḍḍhantaṃ vālikāpuñjaṃ bhinditvā samuddaninnameva hoti, evaṃ sīho tatiyadivase tiṇṇaṃ vatthūnaṃ guṇakathaṃ sutvā uppanne pītipāmojje ‘‘aphalā nigaṇṭhā, nipphalā nigaṇṭhā, kiṃ me ime karissanti, gamissāmahaṃ satthu santika’’nti gamanaṃ abhinīharitvā vesāliyā niyyāsi. Niyyanto ca ‘‘cirassāhaṃ dasabalassa santikaṃ gantukāmo jāto, na kho pana me yuttaṃ aññātakavesena gantu’’nti ‘‘ye keci dasabalassa santikaṃ gantukāmo, sabbe nikkhamantū’’ti ghosanaṃ kāretvā pañca rathasatāni yojāpetvā uttamarathe ṭhito tehi ceva pañcahi rathasatehi mahatiyā ca parisāya parivuto gandhapupphacuṇṇavāsādīni gāhāpetvā niyyāsi.
язна бхаг̇аваа д̇знубасан̇гамийд̇и аараамам̣ бависанд̇о д̣̇уурад̇ова асийд̇иануб̣яан̃ж̇анаб̣яаамаббабхаад̣̇вад̇д̇им̣самахаабурисалагкан̣аани чаб̣б̣ан̣н̣аа гханаб̣уд̣̇д̇харасмияо д̣̇исваа ‘‘зваруубам̣ наама бурисам̣ звам̣ аасаннз васанд̇ам̣ зд̇д̇агам̣ гаалам̣ наад̣̇д̣̇асам̣, ван̃жид̇о вад̇амхи, алаабхаа вад̇а мз’’д̇и жинд̇зд̇ваа махаанид̇хим̣ д̣̇исваа д̣̇алид̣̇д̣̇абурисо вияа сан̃ж̇аад̇абийд̇ибаамож̇ж̇о язна бхаг̇аваа д̇знубасан̇гами. д̇хаммасса жаануд̇хаммам̣ б̣яаагаронд̇ийд̇и бход̇аа г̇од̇амзна вуд̇д̇агааран̣асса анугааран̣ам̣ гат̇знд̇и. гааран̣аважано хзд̇т̇а д̇хамма-сад̣̇д̣̇о ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) вияа. гааран̣анд̇и жзд̇т̇а д̇ат̇аабавад̇д̇асса сад̣̇д̣̇асса ад̇т̇о ад̇хиббзд̇о д̇асса бавад̇д̇ихзд̇убхаавад̇о. ад̇т̇аббаяуд̇д̇о хи сад̣̇д̣̇аббаяог̇о. анугааран̣анд̇и жа со звам̣ барзхи д̇ат̇аа вужжамаано. сахад̇хаммиго ваад̣̇аануваад̣̇од̇и барзхи вуд̇д̇агааран̣зна сагааран̣о худ̇ваа д̇умхаагам̣ ваад̣̇о ваа д̇ад̇о барам̣ д̇асса ануваад̣̇о ваа гожи аббамад̇д̇агоби вин̃н̃уухи г̇арахид̇аб̣б̣ам̣ таанам̣ гааран̣ам̣ на ааг̇ажчад̇и. ид̣̇ам̣ вуд̇д̇ам̣ ход̇и – гим̣ саб̣б̣аагаарзнаби д̇ава ваад̣̇з г̇аараяхагааран̣ам̣ над̇т̇ийд̇и. анаб̣бхагкаад̇угаамаад̇и на абхууд̇зна вад̇д̇угаамаа.
Yena bhagavā tenupasaṅkamīti ārāmaṃ pavisanto dūratova asītianubyañjanabyāmappabhādvattiṃsamahāpurisalakkhaṇāni chabbaṇṇā ghanabuddharasmiyo disvā ‘‘evarūpaṃ nāma purisaṃ evaṃ āsanne vasantaṃ ettakaṃ kālaṃ nāddasaṃ, vañcito vatamhi, alābhā vata me’’ti cintetvā mahānidhiṃ disvā daliddapuriso viya sañjātapītipāmojjo yena bhagavā tenupasaṅkami. Dhammassa cānudhammaṃ byākarontīti bhotā gotamena vuttakāraṇassa anukāraṇaṃ kathenti. Kāraṇavacano hettha dhamma-saddo ‘‘hetumhi ñāṇaṃ dhammapaṭisambhidā’’tiādīsu (vibha. 720) viya. Kāraṇanti cettha tathāpavattassa saddassa attho adhippeto tassa pavattihetubhāvato. Atthappayutto hi saddappayogo. Anukāraṇanti ca so evaṃ parehi tathā vuccamāno. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā tato paraṃ tassa anuvādo vā koci appamattakopi viññūhi garahitabbaṃ ṭhānaṃ kāraṇaṃ na āgacchati. Idaṃ vuttaṃ hoti – kiṃ sabbākārenapi tava vāde gārayhakāraṇaṃ natthīti. Anabbhakkhātukāmāti na abhūtena vattukāmā.
291-292. ад̇т̇и сийха барияааяод̇иаад̣̇ийнам̣ ад̇т̇о взран̃ж̇аган̣д̣з ааг̇ад̇анаязнзва взд̣̇ид̇аб̣б̣о. барамзна ассаасзнаад̇и жад̇умаг̇г̇ажад̇упаласан̇каад̇зна уд̇д̇амаассаасзна. ассаасааяа д̇хаммам̣ д̣̇зсзд̇ийд̇и ассаасанад̇т̇ааяа сант̇амбханад̇т̇ааяа д̇хаммам̣ д̣̇зсзд̇и. ид̇и бхаг̇аваа адтахан̇г̇зхи сийхасзнаабад̇исса д̇хаммам̣ д̣̇зсзд̇и.
291-292.Atthi sīha pariyāyotiādīnaṃ attho verañjakaṇḍe āgatanayeneva veditabbo. Paramena assāsenāti catumaggacatuphalasaṅkhātena uttamaassāsena. Assāsāya dhammaṃ desetīti assāsanatthāya santhambhanatthāya dhammaṃ deseti. Iti bhagavā aṭṭhahaṅgehi sīhasenāpatissa dhammaṃ deseti.
293. анувижжагааранд̇и анувид̣̇ид̇ваа жинд̇зд̇ваа д̇улаяид̇ваа гаад̇аб̣б̣ам̣ гарохийд̇и вуд̇д̇а ход̇и. саад̇ху ход̇ийд̇и сунд̣̇аро ход̇и. д̇умхаад̣̇исасмин̃хи мам̣ д̣̇исваа мам̣ саран̣ам̣ г̇ажчанд̇з ниг̇ан̣там̣ д̣̇исваа ниг̇ан̣там̣ саран̣ам̣ г̇ажчанд̇з ‘‘гим̣ аяам̣ сийхо д̣̇идтад̣̇идтамзва саран̣ам̣ г̇ажчад̇ий’’д̇и г̇арахаа уббаж̇ж̇ад̇и, д̇асмаа анувижжагааро д̇умхаад̣̇исаанам̣ саад̇хууд̇и д̣̇ассзд̇и. бадаагам̣ барихарзяяунд̇и д̇з гира зваруубам̣ саавагам̣ лабхид̇ваа ‘‘асуго наама рааж̇аа ваа рааж̇амахаамад̇д̇о ваа сздти ваа амхаагам̣ саран̣ам̣ г̇ад̇о сааваго ж̇аад̇о’’д̇и бадаагам̣ угкибид̇ваа наг̇арз гхосзнд̇аа аахин̣д̣анд̇и. гасмаа? ‘‘звам̣ но маханд̇абхааво аави бхависсад̇ий’’д̇и жа, сажз банасса ‘‘гимахам̣ зд̇з саран̣ам̣ г̇ад̇о’’д̇и виббадисааро уббаж̇ж̇зяяа, д̇амби со ‘‘зд̇зсам̣ мз саран̣аг̇ад̇абхаавам̣ б̣ахуу ж̇аананд̇и, д̣̇уггарам̣ д̣̇аани бадинивад̇д̇ид̇у’’нд̇и винод̣̇зд̇ваа на бадиггамиссад̇ийд̇и жа. д̇знааха ‘‘бадаагам̣ барихарзяяу’’нд̇и. обаанабхууд̇анд̇и бадияад̇д̇ауд̣̇абаано вияа тид̇ам̣. гуланд̇и д̇ава нивзсанам̣. д̣̇аад̇аб̣б̣ам̣ ман̃н̃зяяаасийд̇и буб̣б̣зби д̣̇асаби вийсад̇иби садтиби ж̇анз ааг̇ад̇з д̣̇исваа над̇т̇ийд̇и авад̇ваа д̣̇зси, ид̣̇аани мам̣ саран̣ам̣ г̇ад̇агааран̣амад̇д̇знзва маа имзсам̣ д̣̇зяяад̇хаммам̣ убажчинд̣̇ид̇т̇а, самбад̇д̇аанан̃хи д̣̇аад̇аб̣б̣амзваад̇и овад̣̇ад̇и. суд̇ам̣ мз д̇ам̣ бханд̇зд̇и гуд̇о суд̇ам̣? ниг̇ан̣таанам̣ санд̇игаа. д̇з гира гулагхарзсу звам̣ багаасзнд̇и ‘‘маяам̣ яасса гассажи самбад̇д̇асса д̣̇аад̇аб̣б̣анд̇и вад̣̇аама, саман̣о бана г̇од̇амо ‘маяхамзва д̣̇аанам̣ д̣̇аад̇аб̣б̣ам̣…бз… на ан̃н̃зсам̣ саавагаанам̣ д̣̇иннам̣ махабпала’нд̇и звам̣ вад̣̇ад̇ий’’д̇и. д̇ам̣ санд̇хааяа аяам̣ ‘‘суд̇ам̣ мз д̇а’’нд̇иаад̣̇имааха.
293.Anuviccakāranti anuviditvā cintetvā tulayitvā kātabbaṃ karohīti vutta hoti. Sādhu hotīti sundaro hoti. Tumhādisasmiñhi maṃ disvā maṃ saraṇaṃ gacchante nigaṇṭhaṃ disvā nigaṇṭhaṃ saraṇaṃ gacchante ‘‘kiṃ ayaṃ sīho diṭṭhadiṭṭhameva saraṇaṃ gacchatī’’ti garahā uppajjati, tasmā anuviccakāro tumhādisānaṃ sādhūti dasseti. Paṭākaṃ parihareyyunti te kira evarūpaṃ sāvakaṃ labhitvā ‘‘asuko nāma rājā vā rājamahāmatto vā seṭṭhi vā amhākaṃ saraṇaṃ gato sāvako jāto’’ti paṭākaṃ ukkhipitvā nagare ghosentā āhiṇḍanti. Kasmā? ‘‘Evaṃ no mahantabhāvo āvi bhavissatī’’ti ca, sace panassa ‘‘kimahaṃ ete saraṇaṃ gato’’ti vippaṭisāro uppajjeyya, tampi so ‘‘etesaṃ me saraṇagatabhāvaṃ bahū jānanti, dukkaraṃ dāni paṭinivattitu’’nti vinodetvā na paṭikkamissatīti ca. Tenāha ‘‘paṭākaṃ parihareyyu’’nti. Opānabhūtanti paṭiyattaudapāno viya ṭhitaṃ. Kulanti tava nivesanaṃ. Dātabbaṃ maññeyyāsīti pubbepi dasapi vīsatipi saṭṭhipi jane āgate disvā natthīti avatvā desi, idāni maṃ saraṇaṃ gatakāraṇamatteneva mā imesaṃ deyyadhammaṃ upacchindittha, sampattānañhi dātabbamevāti ovadati. Sutaṃ me taṃ bhanteti kuto sutaṃ? Nigaṇṭhānaṃ santikā. Te kira kulagharesu evaṃ pakāsenti ‘‘mayaṃ yassa kassaci sampattassa dātabbanti vadāma, samaṇo pana gotamo ‘mayhameva dānaṃ dātabbaṃ…pe… na aññesaṃ sāvakānaṃ dinnaṃ mahapphala’nti evaṃ vadatī’’ti. Taṃ sandhāya ayaṃ ‘‘sutaṃ me ta’’ntiādimāha.
294. бавад̇д̇амам̣санд̇и багад̇ияаа бавад̇д̇ам̣ габбияамам̣сам̣, муулам̣ г̇ахзд̇ваа анд̇араабан̣з бариязсаахийд̇и ад̇хиббааяо. самб̣ахулаа ниг̇ан̣таад̇и бан̃жасад̇амад̇д̇аа ниг̇ан̣таа. т̇уулам̣ басунд̇и т̇уулам̣ махаасарийрам̣ г̇оган̣н̣амахим̣сасуугарасан̇каад̇ам̣ басум̣. уд̣̇д̣̇иссагад̇анд̇и ад̇д̇аанам̣ уд̣̇д̣̇исид̇ваа гад̇ам̣, маарид̇анд̇и ад̇т̇о. бадижжагамманд̇и зд̇т̇а гамма-сад̣̇д̣̇о гаммасаад̇хано ад̇ийд̇агаалигод̇и ааха ‘‘ад̇д̇аанам̣ бадижжа гад̇а’’нд̇и. нимид̇д̇агаммассзд̇ам̣ ад̇хиважанам̣ ‘‘бадижжа гаммам̣ пусад̇ий’’д̇иаад̣̇ийсу (ж̇аа. 1.4.75) вияа. нимид̇д̇агаммассаад̇и нимид̇д̇абхаавзна лад̣̇д̇хаб̣б̣агаммасса, на гаран̣агаараабанавасзна. бадижжагаммам̣ зд̇т̇а ад̇т̇ийд̇и мам̣сам̣ бадижжагаммам̣ яат̇аа ‘‘б̣уд̣̇д̇хам̣ зд̇асса ад̇т̇ийд̇и б̣уд̣̇д̇хо’’д̇и. ат̇а ваа бадижжа гаммам̣ пусад̇ийд̇и баатасзсо д̣̇адтаб̣б̣о, свааяам̣ зд̇ам̣ мам̣сам̣ бадижжа д̇ам̣ баан̣авад̇хагагаммам̣ пусад̇ийд̇и ад̇т̇о. д̇ан̃хи агусалам̣ убад̣дхам̣ д̣̇ааяагасса, убад̣дхам̣ бадиг̇г̇аахагасса ход̇ийд̇и нзсам̣ лад̣̇д̇хи. убаган̣н̣агзд̇и ган̣н̣амуулз. аланд̇и бадигкзбаважанам̣, ход̇у гим̣ иминаад̇и ад̇т̇о. на жа бана д̇зд̇и зд̇з ааяасманд̇аа д̣̇ийгхарад̇д̇ам̣ аван̣н̣агаамаа худ̇ваа аван̣н̣ам̣ бхаасанд̇ааби аб̣бхаажигканд̇аа на ж̇ирид̣̇анд̇и, аб̣бхагкаанасса анд̇ам̣ на г̇ажчанд̇ийд̇и ад̇т̇о. ат̇а ваа лаж̇ж̇анад̇т̇з ид̣̇ам̣ ж̇ирид̣̇анд̇ийд̇и бад̣̇ам̣ д̣̇адтаб̣б̣ам̣, на лаж̇ж̇анд̇ийд̇и ад̇т̇о.
294.Pavattamaṃsanti pakatiyā pavattaṃ kappiyamaṃsaṃ, mūlaṃ gahetvā antarāpaṇe pariyesāhīti adhippāyo. Sambahulā nigaṇṭhāti pañcasatamattā nigaṇṭhā. Thūlaṃ pasunti thūlaṃ mahāsarīraṃ gokaṇṇamahiṃsasūkarasaṅkhātaṃ pasuṃ. Uddissakatanti attānaṃ uddisitvā kataṃ, māritanti attho. Paṭiccakammanti ettha kamma-saddo kammasādhano atītakālikoti āha ‘‘attānaṃ paṭicca kata’’nti. Nimittakammassetaṃ adhivacanaṃ ‘‘paṭicca kammaṃ phusatī’’tiādīsu (jā. 1.4.75) viya. Nimittakammassāti nimittabhāvena laddhabbakammassa, na karaṇakārāpanavasena. Paṭiccakammaṃ ettha atthīti maṃsaṃ paṭiccakammaṃ yathā ‘‘buddhaṃ etassa atthīti buddho’’ti. Atha vā paṭicca kammaṃ phusatīti pāṭhaseso daṭṭhabbo, svāyaṃ etaṃ maṃsaṃ paṭicca taṃ pāṇavadhakakammaṃ phusatīti attho. Tañhi akusalaṃ upaḍḍhaṃ dāyakassa, upaḍḍhaṃ paṭiggāhakassa hotīti nesaṃ laddhi. Upakaṇṇaketi kaṇṇamūle. Alanti paṭikkhepavacanaṃ, hotu kiṃ imināti attho. Na ca pana teti ete āyasmantā dīgharattaṃ avaṇṇakāmā hutvā avaṇṇaṃ bhāsantāpi abbhācikkhantā na jiridanti, abbhakkhānassa antaṃ na gacchantīti attho. Atha vā lajjanatthe idaṃ jiridantīti padaṃ daṭṭhabbaṃ, na lajjantīti attho.
сийхасзнаабад̇ивад̇т̇угат̇ааван̣н̣анаа нидтид̇аа.
Sīhasenāpativatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 178. сийхасзнаабад̇ивад̇т̇у • 178. Sīhasenāpativatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сийхасзнаабад̇ивад̇т̇уаад̣̇игат̇аа • Sīhasenāpativatthuādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сийхасзнаабад̇ивад̇т̇уаад̣̇игат̇ааван̣н̣анаа • Sīhasenāpativatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 178. сийхасзнаабад̇ивад̇т̇угат̇аа • 178. Sīhasenāpativatthukathā
