| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. сийхасуд̇д̇ам̣
9. Sīhasuttaṃ
99. ‘‘сийхо, бхигкавз, миг̇арааж̇аа сааяанхасамаяам̣ аасаяаа нигкамад̇и; аасаяаа нигкамид̇ваа виж̇амбхад̇и; виж̇амбхид̇ваа саманд̇аа жад̇уд̣̇д̣̇исам̣ 1 анувилогзд̇и; саманд̇аа жад̇уд̣̇д̣̇исам̣ 2 анувилогзд̇ваа д̇игкад̇д̇ум̣ сийханаад̣̇ам̣ над̣̇ад̇и; д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамад̇и. со хад̇т̇исса жзби бахаарам̣ д̣̇зд̇и, саггажжан̃н̃зва бахаарам̣ д̣̇зд̇и, но асаггажжам̣; махим̣сасса 3 жзби бахаарам̣ д̣̇зд̇и, саггажжан̃н̃зва бахаарам̣ д̣̇зд̇и, но асаггажжам̣; г̇авасса жзби бахаарам̣ д̣̇зд̇и, саггажжан̃н̃зва бахаарам̣ д̣̇зд̇и, но асаггажжам̣; д̣̇ийбисса жзби бахаарам̣ д̣̇зд̇и, саггажжан̃н̃зва бахаарам̣ д̣̇зд̇и , но асаггажжам̣; куд̣̇д̣̇агаанан̃жзби баан̣аанам̣ бахаарам̣ д̣̇зд̇и анд̇амасо сасаб̣ил̣аараанамби 4, саггажжан̃н̃зва бахаарам̣ д̣̇зд̇и, но асаггажжам̣. д̇ам̣ гисса хзд̇у? ‘маа мз яог̇г̇абат̇о нассаа’д̇и.
99. ‘‘Sīho, bhikkhave, migarājā sāyanhasamayaṃ āsayā nikkhamati; āsayā nikkhamitvā vijambhati; vijambhitvā samantā catuddisaṃ 5 anuviloketi; samantā catuddisaṃ 6 anuviloketvā tikkhattuṃ sīhanādaṃ nadati; tikkhattuṃ sīhanādaṃ naditvā gocarāya pakkamati. So hatthissa cepi pahāraṃ deti, sakkaccaññeva pahāraṃ deti, no asakkaccaṃ; mahiṃsassa 7 cepi pahāraṃ deti, sakkaccaññeva pahāraṃ deti, no asakkaccaṃ; gavassa cepi pahāraṃ deti, sakkaccaññeva pahāraṃ deti, no asakkaccaṃ; dīpissa cepi pahāraṃ deti, sakkaccaññeva pahāraṃ deti , no asakkaccaṃ; khuddakānañcepi pāṇānaṃ pahāraṃ deti antamaso sasabiḷārānampi 8, sakkaccaññeva pahāraṃ deti, no asakkaccaṃ. Taṃ kissa hetu? ‘Mā me yoggapatho nassā’ti.
‘‘сийход̇и ко, бхигкавз, д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хасса. яам̣ ко, бхигкавз, д̇ат̇ааг̇ад̇о барисааяа д̇хаммам̣ д̣̇зсзд̇и, ид̣̇амасса ход̇и сийханаад̣̇асмим̣. бхигкуунан̃жзби, бхигкавз, д̇ат̇ааг̇ад̇о д̇хаммам̣ д̣̇зсзд̇и, саггажжан̃н̃зва д̇ат̇ааг̇ад̇о д̇хаммам̣ д̣̇зсзд̇и, но асаггажжам̣; бхигкунийнан̃жзби, бхигкавз, д̇ат̇ааг̇ад̇о д̇хаммам̣ д̣̇зсзд̇и, саггажжан̃н̃зва д̇ат̇ааг̇ад̇о д̇хаммам̣ д̣̇зсзд̇и, но асаггажжам̣; убаасагаанан̃жзби, бхигкавз, д̇ат̇ааг̇ад̇о д̇хаммам̣ д̣̇зсзд̇и, саггажжан̃н̃зва д̇ат̇ааг̇ад̇о д̇хаммам̣ д̣̇зсзд̇и, но асаггажжам̣; убаасигаанан̃жзби, бхигкавз, д̇ат̇ааг̇ад̇о д̇хаммам̣ д̣̇зсзд̇и, саггажжан̃н̃зва д̇ат̇ааг̇ад̇о д̇хаммам̣ д̣̇зсзд̇и, но асаггажжам̣; бут̇уж̇ж̇анаанан̃жзби, бхигкавз, д̇ат̇ааг̇ад̇о д̇хаммам̣ д̣̇зсзд̇и анд̇амасо аннабхааранзсаад̣̇аанамби 9, саггажжан̃н̃зва д̇ат̇ааг̇ад̇о д̇хаммам̣ д̣̇зсзд̇и, но асаггажжам̣. д̇ам̣ гисса хзд̇у? д̇хаммаг̇ару, бхигкавз, д̇ат̇ааг̇ад̇о д̇хаммаг̇аараво’’д̇и. навамам̣.
‘‘Sīhoti kho, bhikkhave, tathāgatassetaṃ adhivacanaṃ arahato sammāsambuddhassa. Yaṃ kho, bhikkhave, tathāgato parisāya dhammaṃ deseti, idamassa hoti sīhanādasmiṃ. Bhikkhūnañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; bhikkhunīnañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; upāsakānañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; upāsikānañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; puthujjanānañcepi, bhikkhave, tathāgato dhammaṃ deseti antamaso annabhāranesādānampi 10, sakkaccaññeva tathāgato dhammaṃ deseti, no asakkaccaṃ. Taṃ kissa hetu? Dhammagaru, bhikkhave, tathāgato dhammagāravo’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. сийхасуд̇д̇аван̣н̣анаа • 9. Sīhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамасамбад̣̇аасуд̇д̇аад̣̇иван̣н̣анаа • 1-10. Paṭhamasampadāsuttādivaṇṇanā
