| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਸੀਹਸੁਤ੍ਤਂ
9. Sīhasuttaṃ
੯੯. ‘‘ਸੀਹੋ, ਭਿਕ੍ਖવੇ, ਮਿਗਰਾਜਾ ਸਾਯਨ੍ਹਸਮਯਂ ਆਸਯਾ ਨਿਕ੍ਖਮਤਿ; ਆਸਯਾ ਨਿਕ੍ਖਮਿਤ੍વਾ વਿਜਮ੍ਭਤਿ; વਿਜਮ੍ਭਿਤ੍વਾ ਸਮਨ੍ਤਾ ਚਤੁਦ੍ਦਿਸਂ 1 ਅਨੁવਿਲੋਕੇਤਿ; ਸਮਨ੍ਤਾ ਚਤੁਦ੍ਦਿਸਂ 2 ਅਨੁવਿਲੋਕੇਤ੍વਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦਤਿ; ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਤ੍વਾ ਗੋਚਰਾਯ ਪਕ੍ਕਮਤਿ। ਸੋ ਹਤ੍ਥਿਸ੍ਸ ਚੇਪਿ ਪਹਾਰਂ ਦੇਤਿ, ਸਕ੍ਕਚ੍ਚਞ੍ਞੇવ ਪਹਾਰਂ ਦੇਤਿ, ਨੋ ਅਸਕ੍ਕਚ੍ਚਂ; ਮਹਿਂਸਸ੍ਸ 3 ਚੇਪਿ ਪਹਾਰਂ ਦੇਤਿ, ਸਕ੍ਕਚ੍ਚਞ੍ਞੇવ ਪਹਾਰਂ ਦੇਤਿ, ਨੋ ਅਸਕ੍ਕਚ੍ਚਂ; ਗવਸ੍ਸ ਚੇਪਿ ਪਹਾਰਂ ਦੇਤਿ, ਸਕ੍ਕਚ੍ਚਞ੍ਞੇવ ਪਹਾਰਂ ਦੇਤਿ, ਨੋ ਅਸਕ੍ਕਚ੍ਚਂ; ਦੀਪਿਸ੍ਸ ਚੇਪਿ ਪਹਾਰਂ ਦੇਤਿ, ਸਕ੍ਕਚ੍ਚਞ੍ਞੇવ ਪਹਾਰਂ ਦੇਤਿ , ਨੋ ਅਸਕ੍ਕਚ੍ਚਂ; ਖੁਦ੍ਦਕਾਨਞ੍ਚੇਪਿ ਪਾਣਾਨਂ ਪਹਾਰਂ ਦੇਤਿ ਅਨ੍ਤਮਸੋ ਸਸਬਿਲ਼ਾਰਾਨਮ੍ਪਿ 4, ਸਕ੍ਕਚ੍ਚਞ੍ਞੇવ ਪਹਾਰਂ ਦੇਤਿ, ਨੋ ਅਸਕ੍ਕਚ੍ਚਂ। ਤਂ ਕਿਸ੍ਸ ਹੇਤੁ? ‘ਮਾ ਮੇ ਯੋਗ੍ਗਪਥੋ ਨਸ੍ਸਾ’ਤਿ।
99. ‘‘Sīho, bhikkhave, migarājā sāyanhasamayaṃ āsayā nikkhamati; āsayā nikkhamitvā vijambhati; vijambhitvā samantā catuddisaṃ 5 anuviloketi; samantā catuddisaṃ 6 anuviloketvā tikkhattuṃ sīhanādaṃ nadati; tikkhattuṃ sīhanādaṃ naditvā gocarāya pakkamati. So hatthissa cepi pahāraṃ deti, sakkaccaññeva pahāraṃ deti, no asakkaccaṃ; mahiṃsassa 7 cepi pahāraṃ deti, sakkaccaññeva pahāraṃ deti, no asakkaccaṃ; gavassa cepi pahāraṃ deti, sakkaccaññeva pahāraṃ deti, no asakkaccaṃ; dīpissa cepi pahāraṃ deti, sakkaccaññeva pahāraṃ deti , no asakkaccaṃ; khuddakānañcepi pāṇānaṃ pahāraṃ deti antamaso sasabiḷārānampi 8, sakkaccaññeva pahāraṃ deti, no asakkaccaṃ. Taṃ kissa hetu? ‘Mā me yoggapatho nassā’ti.
‘‘ਸੀਹੋਤਿ ਖੋ, ਭਿਕ੍ਖવੇ, ਤਥਾਗਤਸ੍ਸੇਤਂ ਅਧਿવਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ। ਯਂ ਖੋ, ਭਿਕ੍ਖવੇ, ਤਥਾਗਤੋ ਪਰਿਸਾਯ ਧਮ੍ਮਂ ਦੇਸੇਤਿ, ਇਦਮਸ੍ਸ ਹੋਤਿ ਸੀਹਨਾਦਸ੍ਮਿਂ। ਭਿਕ੍ਖੂਨਞ੍ਚੇਪਿ, ਭਿਕ੍ਖવੇ, ਤਥਾਗਤੋ ਧਮ੍ਮਂ ਦੇਸੇਤਿ, ਸਕ੍ਕਚ੍ਚਞ੍ਞੇવ ਤਥਾਗਤੋ ਧਮ੍ਮਂ ਦੇਸੇਤਿ, ਨੋ ਅਸਕ੍ਕਚ੍ਚਂ; ਭਿਕ੍ਖੁਨੀਨਞ੍ਚੇਪਿ, ਭਿਕ੍ਖવੇ, ਤਥਾਗਤੋ ਧਮ੍ਮਂ ਦੇਸੇਤਿ, ਸਕ੍ਕਚ੍ਚਞ੍ਞੇવ ਤਥਾਗਤੋ ਧਮ੍ਮਂ ਦੇਸੇਤਿ, ਨੋ ਅਸਕ੍ਕਚ੍ਚਂ; ਉਪਾਸਕਾਨਞ੍ਚੇਪਿ, ਭਿਕ੍ਖવੇ, ਤਥਾਗਤੋ ਧਮ੍ਮਂ ਦੇਸੇਤਿ, ਸਕ੍ਕਚ੍ਚਞ੍ਞੇવ ਤਥਾਗਤੋ ਧਮ੍ਮਂ ਦੇਸੇਤਿ, ਨੋ ਅਸਕ੍ਕਚ੍ਚਂ; ਉਪਾਸਿਕਾਨਞ੍ਚੇਪਿ, ਭਿਕ੍ਖવੇ, ਤਥਾਗਤੋ ਧਮ੍ਮਂ ਦੇਸੇਤਿ, ਸਕ੍ਕਚ੍ਚਞ੍ਞੇવ ਤਥਾਗਤੋ ਧਮ੍ਮਂ ਦੇਸੇਤਿ, ਨੋ ਅਸਕ੍ਕਚ੍ਚਂ; ਪੁਥੁਜ੍ਜਨਾਨਞ੍ਚੇਪਿ, ਭਿਕ੍ਖવੇ, ਤਥਾਗਤੋ ਧਮ੍ਮਂ ਦੇਸੇਤਿ ਅਨ੍ਤਮਸੋ ਅਨ੍ਨਭਾਰਨੇਸਾਦਾਨਮ੍ਪਿ 9, ਸਕ੍ਕਚ੍ਚਞ੍ਞੇવ ਤਥਾਗਤੋ ਧਮ੍ਮਂ ਦੇਸੇਤਿ, ਨੋ ਅਸਕ੍ਕਚ੍ਚਂ। ਤਂ ਕਿਸ੍ਸ ਹੇਤੁ? ਧਮ੍ਮਗਰੁ, ਭਿਕ੍ਖવੇ, ਤਥਾਗਤੋ ਧਮ੍ਮਗਾਰવੋ’’ਤਿ। ਨવਮਂ।
‘‘Sīhoti kho, bhikkhave, tathāgatassetaṃ adhivacanaṃ arahato sammāsambuddhassa. Yaṃ kho, bhikkhave, tathāgato parisāya dhammaṃ deseti, idamassa hoti sīhanādasmiṃ. Bhikkhūnañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; bhikkhunīnañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; upāsakānañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; upāsikānañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; puthujjanānañcepi, bhikkhave, tathāgato dhammaṃ deseti antamaso annabhāranesādānampi 10, sakkaccaññeva tathāgato dhammaṃ deseti, no asakkaccaṃ. Taṃ kissa hetu? Dhammagaru, bhikkhave, tathāgato dhammagāravo’’ti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਸੀਹਸੁਤ੍ਤવਣ੍ਣਨਾ • 9. Sīhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਸਮ੍ਪਦਾਸੁਤ੍ਤਾਦਿવਣ੍ਣਨਾ • 1-10. Paṭhamasampadāsuttādivaṇṇanā
