| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. сийхасуд̇д̇аван̣н̣анаа
2. Sīhasuttavaṇṇanā
12. д̣̇уд̇ияз абхин̃н̃аад̇аад̇и н̃аад̇аа бан̃н̃аад̇аа баагадаа. сант̇ааг̇аарзд̇и махааж̇анасса виссаманад̇т̇ааяа гад̇з аг̇аарз. саа гира сант̇ааг̇аарасаалаа наг̇арамаж̇жхз ахоси, жад̇уусу таанзсу тид̇аанам̣ бан̃н̃ааяад̇и, жад̇уухи д̣̇исаахи ааг̇ад̇амануссаа батамам̣ д̇ад̇т̇а виссамид̇ваа бажчаа ад̇д̇ано ад̇д̇ано паасугадтаанам̣ г̇ажчанд̇и. рааж̇агулаанам̣ раж̇ж̇агижжасант̇аран̣ад̇т̇ааяа гад̇ам̣ аг̇ааранд̇иби вад̣̇анд̇иязва. д̇ад̇т̇а хи нисийд̣̇ид̇ваа лижчавирааж̇аано раж̇ж̇агижжам̣ сант̇аранд̇и гаронд̇и вижаарзнд̇и. саннисиннаад̇и д̇зсам̣ нисийд̣̇анад̇т̇ан̃н̃зва бан̃н̃ад̇д̇зсу махаарахаварабажжад̇т̇аран̣зсу самуссид̇асзд̇ажчад̇д̇зсу аасанзсу саннисиннаа. анзгабарияааязна б̣уд̣̇д̇хасса ван̣н̣ам̣ бхаасанд̇ийд̇и рааж̇агулз гижжан̃жзва логад̇т̇ажарияан̃жа вижаарзд̇ваа анзгзхи гааран̣зхи б̣уд̣̇д̇хасса ван̣н̣ам̣ бхаасанд̇и гат̇знд̇и д̣̇ийбзнд̇и. бан̣д̣ид̇аа хи д̇з рааж̇аано сад̣̇д̇хаа басаннаа сод̇аабаннааби сагад̣̇ааг̇ааминоби анааг̇ааминоби арияасаавагаа, д̇з саб̣б̣зби логияаж̇адам̣ чинд̣̇ид̇ваа б̣уд̣̇д̇хаад̣̇ийнам̣ д̇ин̣н̣ам̣ рад̇анаанам̣ ван̣н̣ам̣ бхаасанд̇и. д̇ад̇т̇а д̇ивид̇хо б̣уд̣̇д̇хаван̣н̣о наама жарияаван̣н̣о, сарийраван̣н̣о, г̇ун̣аван̣н̣од̇и. д̇ад̇римз рааж̇аано жарияааяа ван̣н̣ам̣ аарабхим̣су – ‘‘д̣̇уггарам̣ вад̇а гад̇ам̣ саммаасамб̣уд̣̇д̇хзна габбасад̇асахассаад̇хигаани жад̇д̇аари асан̇кзяяаани д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и самад̇д̇им̣са баарамияо буурзнд̇зна, н̃аад̇ад̇т̇ажарияам̣, логад̇т̇ажарияам̣, б̣уд̣̇д̇хажарияам̣ мад̇т̇агам̣ баабзд̇ваа бан̃жа махаабарижжааг̇з барижжаж̇анд̇знаа’’д̇и ад̣дхажчаггзхи ж̇аад̇агасад̇зхи б̣уд̣̇д̇хаван̣н̣ам̣ гат̇знд̇аа д̇усид̇абхаванам̣ баабзд̇ваа табаяим̣су.
12. Dutiye abhiññātāti ñātā paññātā pākaṭā. Santhāgāreti mahājanassa vissamanatthāya kate agāre. Sā kira santhāgārasālā nagaramajjhe ahosi, catūsu ṭhānesu ṭhitānaṃ paññāyati, catūhi disāhi āgatamanussā paṭhamaṃ tattha vissamitvā pacchā attano attano phāsukaṭṭhānaṃ gacchanti. Rājakulānaṃ rajjakiccasantharaṇatthāya kataṃ agārantipi vadantiyeva. Tattha hi nisīditvā licchavirājāno rajjakiccaṃ santharanti karonti vicārenti. Sannisinnāti tesaṃ nisīdanatthaññeva paññattesu mahārahavarapaccattharaṇesu samussitasetacchattesu āsanesu sannisinnā. Anekapariyāyena buddhassa vaṇṇaṃ bhāsantīti rājakule kiccañceva lokatthacariyañca vicāretvā anekehi kāraṇehi buddhassa vaṇṇaṃ bhāsanti kathenti dīpenti. Paṇḍitā hi te rājāno saddhā pasannā sotāpannāpi sakadāgāminopi anāgāminopi ariyasāvakā, te sabbepi lokiyajaṭaṃ chinditvā buddhādīnaṃ tiṇṇaṃ ratanānaṃ vaṇṇaṃ bhāsanti. Tattha tividho buddhavaṇṇo nāma cariyavaṇṇo, sarīravaṇṇo, guṇavaṇṇoti. Tatrime rājāno cariyāya vaṇṇaṃ ārabhiṃsu – ‘‘dukkaraṃ vata kataṃ sammāsambuddhena kappasatasahassādhikāni cattāri asaṅkheyyāni dasa pāramiyo, dasa upapāramiyo, dasa paramatthapāramiyoti samattiṃsa pāramiyo pūrentena, ñātatthacariyaṃ, lokatthacariyaṃ, buddhacariyaṃ matthakaṃ pāpetvā pañca mahāpariccāge pariccajantenā’’ti aḍḍhacchakkehi jātakasatehi buddhavaṇṇaṃ kathentā tusitabhavanaṃ pāpetvā ṭhapayiṃsu.
д̇хаммасса ван̣н̣ам̣ бхаасанд̇аа бана ‘‘д̇зна бхаг̇авад̇аа д̇хаммо д̣̇зсид̇о, нигааяад̇о бан̃жа нигааяаа, бидагад̇о д̇ийн̣и бидагаани, ан̇г̇ад̇о нава ан̇г̇аани, канд̇хад̇о жад̇ураасийд̇ид̇хаммагканд̇хасахассааний’’д̇и годтаасавасзна д̇хаммаг̇ун̣ам̣ гат̇аяим̣су.
Dhammassavaṇṇaṃ bhāsantā pana ‘‘tena bhagavatā dhammo desito, nikāyato pañca nikāyā, piṭakato tīṇi piṭakāni, aṅgato nava aṅgāni, khandhato caturāsītidhammakkhandhasahassānī’’ti koṭṭhāsavasena dhammaguṇaṃ kathayiṃsu.
сан̇гхасса ван̣н̣ам̣ бхаасанд̇аа сад̇т̇у д̇хаммад̣̇зсанам̣ суд̇ваа ‘‘бадилад̣̇д̇хасад̣̇д̇хаа гулабуд̇д̇аа бхог̇агканд̇хан̃жзва н̃аад̇ибариваддан̃жа бахааяа сзд̇ажчад̇д̇ам̣ обараж̇ж̇ам̣ сзнаабад̇исздтибхан̣д̣ааг̇ааригадтаананд̇араад̣̇ийни аг̇ан̣зд̇ваа нигкамма сад̇т̇у варасаасанз баб̣б̣аж̇анд̇и. сзд̇ажчад̇д̇ам̣ бахааяа баб̣б̣аж̇ид̇аанам̣ бхад̣̇д̣̇ияарааж̇амахаагаббинабуггусаад̇иаад̣̇ийнам̣ рааж̇абаб̣б̣аж̇ид̇аанам̣язва б̣уд̣̇д̇хагаалз асийд̇исахассаани ахзсум̣. анзгагодисад̇ам̣ д̇ханам̣ бахааяа баб̣б̣аж̇ид̇аанам̣ бана яасагулабуд̇д̇асон̣асздтибуд̇д̇арадтабаалагулабуд̇д̇аад̣̇ийнам̣ барижчзд̣̇о над̇т̇и. зваруубаа жа зваруубаа жа гулабуд̇д̇аа сад̇т̇у саасанз баб̣б̣аж̇анд̇ий’’д̇и баб̣б̣аж̇ж̇аасан̇кзбавасзна сан̇гхаг̇ун̣з гат̇аяим̣су.
Saṅghassa vaṇṇaṃ bhāsantā satthu dhammadesanaṃ sutvā ‘‘paṭiladdhasaddhā kulaputtā bhogakkhandhañceva ñātiparivaṭṭañca pahāya setacchattaṃ oparajjaṃ senāpatiseṭṭhibhaṇḍāgārikaṭṭhānantarādīni agaṇetvā nikkhamma satthu varasāsane pabbajanti. Setacchattaṃ pahāya pabbajitānaṃ bhaddiyarājamahākappinapukkusātiādīnaṃ rājapabbajitānaṃyeva buddhakāle asītisahassāni ahesuṃ. Anekakoṭisataṃ dhanaṃ pahāya pabbajitānaṃ pana yasakulaputtasoṇaseṭṭhiputtaraṭṭhapālakulaputtādīnaṃ paricchedo natthi. Evarūpā ca evarūpā ca kulaputtā satthu sāsane pabbajantī’’ti pabbajjāsaṅkhepavasena saṅghaguṇe kathayiṃsu.
сийхо сзнаабад̇ийд̇и звам̣наамаго сзнааяа ад̇хибад̇и. взсаалияан̃хи сад̇д̇а сахассаани сад̇д̇а сад̇аани сад̇д̇а жа рааж̇аано. д̇з саб̣б̣зби саннибад̇ид̇ваа саб̣б̣зсам̣ манам̣ г̇ахзд̇ваа ‘‘радтам̣ вижаарзд̇ум̣ самад̇т̇ам̣ згам̣ вижинат̇аа’’д̇и вижинанд̇аа сийхам̣ рааж̇агумаарам̣ д̣̇исваа ‘‘аяам̣ сагкиссад̇ий’’д̇и саннидтаанам̣ гад̇ваа д̇асса рад̇д̇аман̣иван̣н̣ам̣ гамб̣алабарияонад̣̇д̇хам̣ сзнаабад̇ижчад̇д̇ам̣ ад̣̇ам̣су. д̇ам̣ санд̇хааяа вуд̇д̇ам̣ – ‘‘сийхо сзнаабад̇ий’’д̇и. ниг̇ан̣тасаавагод̇и ниг̇ан̣тасса наадабуд̇д̇асса бажжаяад̣̇ааяаго убадтааго. ж̇амб̣уд̣̇ийбад̇аласмин̃хи д̇аяо ж̇анаа ниг̇ан̣таанам̣ аг̇г̇убадтаагаа – наал̣анд̣̇ааяам̣, убаали г̇ахабад̇и, габилабурз ваббо сагго, взсаалияам̣ аяам̣ сийхо сзнаабад̇ийд̇и. нисинно ход̇ийд̇и сзсарааж̇уунам̣ барисааяа анд̇аранд̇арз аасанаани бан̃н̃аабаяим̣су, сийхасса бана маж̇жхз таанзд̇и д̇асмим̣ бан̃н̃ад̇д̇з махаарахз рааж̇аасанз нисинно ход̇и. ниссам̣саяанд̇и ниб̣б̣ижигижчам̣ ад̣̇д̇хаа згам̣сзна, на хзд̇з яасса ваа д̇асса ваа аббзсагкасса звам̣ анзгасад̇зхи гааран̣зхи ван̣н̣ам̣ бхаасанд̇и.
Sīhosenāpatīti evaṃnāmako senāya adhipati. Vesāliyañhi satta sahassāni satta satāni satta ca rājāno. Te sabbepi sannipatitvā sabbesaṃ manaṃ gahetvā ‘‘raṭṭhaṃ vicāretuṃ samatthaṃ ekaṃ vicinathā’’ti vicinantā sīhaṃ rājakumāraṃ disvā ‘‘ayaṃ sakkhissatī’’ti sanniṭṭhānaṃ katvā tassa rattamaṇivaṇṇaṃ kambalapariyonaddhaṃ senāpaticchattaṃ adaṃsu. Taṃ sandhāya vuttaṃ – ‘‘sīho senāpatī’’ti. Nigaṇṭhasāvakoti nigaṇṭhassa nāṭaputtassa paccayadāyako upaṭṭhāko. Jambudīpatalasmiñhi tayo janā nigaṇṭhānaṃ aggupaṭṭhākā – nāḷandāyaṃ, upāli gahapati, kapilapure vappo sakko, vesāliyaṃ ayaṃ sīho senāpatīti. Nisinnohotīti sesarājūnaṃ parisāya antarantare āsanāni paññāpayiṃsu, sīhassa pana majjhe ṭhāneti tasmiṃ paññatte mahārahe rājāsane nisinno hoti. Nissaṃsayanti nibbicikicchaṃ addhā ekaṃsena, na hete yassa vā tassa vā appesakkhassa evaṃ anekasatehi kāraṇehi vaṇṇaṃ bhāsanti.
язна ниг̇ан̣то наадабуд̇д̇о д̇знубасан̇гамийд̇и ниг̇ан̣то гира наадабуд̇д̇о ‘‘сажааяам̣ сийхо гассажид̣̇зва саман̣асса г̇од̇амасса ван̣н̣ам̣ гат̇знд̇асса суд̇ваа саман̣ам̣ г̇од̇амам̣ д̣̇ассанааяа убасан̇гамиссад̇и, маяхам̣ барихаани бхависсад̇ий’’д̇и жинд̇зд̇ваа батамад̇арам̣язва сийхам̣ сзнаабад̇им̣ зд̇ад̣̇авожа – ‘‘сзнаабад̇и имасмим̣ логз ‘ахам̣ б̣уд̣̇д̇хо ахам̣ б̣уд̣̇д̇хо’д̇и б̣ахуу вижаранд̇и. сажз д̇вам̣ гассажи д̣̇ассанааяа убасан̇гамид̇угаамо ахоси, мам̣ бужчзяяааси. ахам̣ д̇з яуд̇д̇адтаанам̣ бзсзссаами, аяуд̇д̇адтаанад̇о ниваарзссаамий’’д̇и. со д̇ам̣ гат̇ам̣ ануссарид̇ваа ‘‘сажз мам̣ бзсзссад̇и, г̇амиссаами. но жз, на г̇амиссаамий’’д̇и жинд̇зд̇ваа язна ниг̇ан̣то наадабуд̇д̇о, д̇знубасан̇гами.
Yena nigaṇṭho nāṭaputto tenupasaṅkamīti nigaṇṭho kira nāṭaputto ‘‘sacāyaṃ sīho kassacideva samaṇassa gotamassa vaṇṇaṃ kathentassa sutvā samaṇaṃ gotamaṃ dassanāya upasaṅkamissati, mayhaṃ parihāni bhavissatī’’ti cintetvā paṭhamataraṃyeva sīhaṃ senāpatiṃ etadavoca – ‘‘senāpati imasmiṃ loke ‘ahaṃ buddho ahaṃ buddho’ti bahū vicaranti. Sace tvaṃ kassaci dassanāya upasaṅkamitukāmo ahosi, maṃ puccheyyāsi. Ahaṃ te yuttaṭṭhānaṃ pesessāmi, ayuttaṭṭhānato nivāressāmī’’ti. So taṃ kathaṃ anussaritvā ‘‘sace maṃ pesessati, gamissāmi. No ce, na gamissāmī’’ti cintetvā yena nigaṇṭho nāṭaputto, tenupasaṅkami.
ат̇асса важанам̣ суд̇ваа ниг̇ан̣то махаабаб̣б̣ад̇зна вияа б̣алавасогзна од̇т̇адо ‘‘яад̇т̇а д̣̇ааниссаахам̣ г̇аманам̣ на ижчаами, д̇ад̇т̇зва г̇анд̇угаамо ж̇аад̇о, хад̇охамасмий’’д̇и анад̇д̇амано худ̇ваа ‘‘бадиб̣ааханубааяамасса гариссаамий’’д̇и жинд̇зд̇ваа гим̣ бана д̇ванд̇иаад̣̇имааха. звам̣ вад̣̇анд̇о вижаранд̇ам̣ г̇он̣ам̣ д̣̇ан̣д̣зна бахаранд̇о вияа ж̇аламаанам̣ бад̣̇ийбам̣ ниб̣б̣аабзнд̇о вияа бхад̇д̇абхарид̇ам̣ бад̇д̇ам̣ ниггуж̇ж̇анд̇о вияа жа сийхасса уббаннабийд̇им̣ винаасзси. г̇амияаабхисан̇каарод̇и хад̇т̇ияаанаад̣̇ийнам̣ яож̇аабанаг̇анд̇хамаалаад̣̇иг̇г̇ахан̣авасзна бавад̇д̇о баяог̇о. со бадиббассамбхийд̇и со вуубасанд̇о.
Athassa vacanaṃ sutvā nigaṇṭho mahāpabbatena viya balavasokena otthaṭo ‘‘yattha dānissāhaṃ gamanaṃ na icchāmi, tattheva gantukāmo jāto, hatohamasmī’’ti anattamano hutvā ‘‘paṭibāhanupāyamassa karissāmī’’ti cintetvā kiṃ pana tvantiādimāha. Evaṃ vadanto vicarantaṃ goṇaṃ daṇḍena paharanto viya jalamānaṃ padīpaṃ nibbāpento viya bhattabharitaṃ pattaṃ nikkujjanto viya ca sīhassa uppannapītiṃ vināsesi. Gamiyābhisaṅkhāroti hatthiyānādīnaṃ yojāpanagandhamālādiggahaṇavasena pavatto payogo. So paṭippassambhīti so vūpasanto.
д̣̇уд̇ияамби код̇и д̣̇уд̇ияаваарамби. имасмин̃жа ваарз б̣уд̣̇д̇хасса ван̣н̣ам̣ бхаасанд̇аа д̇усид̇абхаванад̇о бадтааяа яаава махааб̣од̇хибаллан̇гаа д̣̇асаб̣аласса хздтаа баад̣̇ад̇алзхи убари гзсаг̇г̇зхи барижчинд̣̇ид̇ваа д̣̇вад̇д̇им̣самахаабурисалагкан̣аасийд̇иануб̣яан̃ж̇анаб̣яаамаббабхаанам̣ васзна сарийраван̣н̣ам̣ гат̇аяим̣су. д̇хаммасса ван̣н̣ам̣ бхаасанд̇аа ‘‘згабад̣̇зби згаб̣яан̃ж̇анзби авакалид̇ам̣ наама над̇т̇ий’’д̇и сугат̇ид̇авасзнзва д̇хаммаг̇ун̣ам̣ гат̇аяим̣су. сан̇гхасса ван̣н̣ам̣ бхаасанд̇аа ‘‘зваруубам̣ яасасиривибхавам̣ бахааяа сад̇т̇у саасанз баб̣б̣аж̇ид̇аа на госаж̇ж̇абагад̇игаа хонд̇и, д̇зрасасу бана д̇худ̇ан̇г̇аг̇ун̣зсу барибуурагаарино худ̇ваа сад̇д̇асу анубассанаасу гаммам̣ гаронд̇и, адтад̇им̣саарамман̣авибхад̇д̇ияо вал̣ан̃ж̇знд̇ий’’д̇и бадибад̣̇аавасзна сан̇гхаг̇ун̣з гат̇аяим̣су.
Dutiyampi khoti dutiyavārampi. Imasmiñca vāre buddhassa vaṇṇaṃ bhāsantā tusitabhavanato paṭṭhāya yāva mahābodhipallaṅkā dasabalassa heṭṭhā pādatalehi upari kesaggehi paricchinditvā dvattiṃsamahāpurisalakkhaṇaasītianubyañjanabyāmappabhānaṃ vasena sarīravaṇṇaṃ kathayiṃsu. Dhammassa vaṇṇaṃ bhāsantā ‘‘ekapadepi ekabyañjanepi avakhalitaṃ nāma natthī’’ti sukathitavaseneva dhammaguṇaṃ kathayiṃsu. Saṅghassa vaṇṇaṃ bhāsantā ‘‘evarūpaṃ yasasirivibhavaṃ pahāya satthu sāsane pabbajitā na kosajjapakatikā honti, terasasu pana dhutaṅgaguṇesu paripūrakārino hutvā sattasu anupassanāsu kammaṃ karonti, aṭṭhatiṃsārammaṇavibhattiyo vaḷañjentī’’ti paṭipadāvasena saṅghaguṇe kathayiṃsu.
д̇ад̇ияаваарз бана б̣уд̣̇д̇хасса ван̣н̣ам̣ бхаасамаанаа ‘‘ид̇иби со бхаг̇аваа’’д̇и суд̇д̇анд̇абарияааязнзва б̣уд̣̇д̇хаг̇ун̣з гат̇аяим̣су, ‘‘сваагкаад̇о бхаг̇авад̇аа д̇хаммо’’д̇иаад̣̇инаа суд̇д̇анд̇абарияааязнзва д̇хаммаг̇ун̣з, ‘‘суббадибанно бхаг̇авад̇о саавагасан̇гхо’’д̇иаад̣̇инаа суд̇д̇анд̇абарияааязнзва сан̇гхаг̇ун̣з жа гат̇аяим̣су. д̇ад̇о сийхо жинд̇зси – ‘‘имзсан̃жа лижчавирааж̇агумаараанам̣ д̇ад̇ияад̣̇ивасад̇о бадтааяа б̣уд̣̇д̇хад̇хаммасан̇гхаг̇ун̣з гат̇знд̇аанам̣ мукам̣ наббаход̇и, ад̣̇д̇хаа аномаг̇ун̣зна саманнааг̇ад̇аа со бхаг̇аваа, имам̣ д̣̇аани уббаннам̣ бийд̇им̣ авиж̇ахид̇ваава ахам̣ аж̇ж̇а саммаасамб̣уд̣̇д̇хам̣ бассиссаамий’’д̇и. ат̇асса ‘‘гим̣ хи мз гариссанд̇и ниг̇ан̣таа’’д̇и вид̇агго уд̣̇абаад̣̇и. д̇ад̇т̇а гим̣ хи мз гариссанд̇ийд̇и гим̣ наама маяхам̣ ниг̇ан̣таа гариссанд̇и. абалогид̇аа ваа анабалогид̇аа ваад̇и аабужчид̇аа ваа анаабужчид̇аа ваа. на хи мз д̇з аабужчид̇аа яаанавааханасамбад̇д̇им̣, на жа иссарияависзсам̣ д̣̇ассанд̇и, нааби анаабужчид̇аа хариссанд̇и, апалам̣ зд̇зсам̣ аабужчананд̇и ад̇хиббааяо.
Tatiyavāre pana buddhassa vaṇṇaṃ bhāsamānā ‘‘itipi so bhagavā’’ti suttantapariyāyeneva buddhaguṇe kathayiṃsu, ‘‘svākkhāto bhagavatā dhammo’’tiādinā suttantapariyāyeneva dhammaguṇe, ‘‘suppaṭipanno bhagavato sāvakasaṅgho’’tiādinā suttantapariyāyeneva saṅghaguṇe ca kathayiṃsu. Tato sīho cintesi – ‘‘imesañca licchavirājakumārānaṃ tatiyadivasato paṭṭhāya buddhadhammasaṅghaguṇe kathentānaṃ mukhaṃ nappahoti, addhā anomaguṇena samannāgatā so bhagavā, imaṃ dāni uppannaṃ pītiṃ avijahitvāva ahaṃ ajja sammāsambuddhaṃ passissāmī’’ti. Athassa ‘‘kiṃ hi me karissanti nigaṇṭhā’’ti vitakko udapādi. Tattha kiṃ hi me karissantīti kiṃ nāma mayhaṃ nigaṇṭhā karissanti. Apalokitā vā anapalokitā vāti āpucchitā vā anāpucchitā vā. Na hi me te āpucchitā yānavāhanasampattiṃ, na ca issariyavisesaṃ dassanti, nāpi anāpucchitā harissanti, aphalaṃ etesaṃ āpucchananti adhippāyo.
взсаалияаа нияяаасийд̇и яат̇аа хи г̇имхагаалз д̣̇звз вудтз уд̣̇агам̣ санд̣̇амаанам̣ над̣̇им̣ од̇арид̇ваа т̇огамзва г̇анд̇ваа д̇идтад̇и наббавад̇д̇ад̇и, звам̣ сийхасса батамад̣̇ивасз ‘‘д̣̇асаб̣алам̣ бассиссаамий’’д̇и уббаннааяа бийд̇ияаа ниг̇ан̣тзна бадиб̣аахид̇агаало. яат̇ааби д̣̇уд̇ияад̣̇ивасз д̣̇звз вудтз уд̣̇агам̣ санд̣̇амаанам̣ над̣̇им̣ од̇арид̇ваа т̇огам̣ г̇анд̇ваа ваалигаабун̃ж̇ам̣ бахарид̇ваа аббавад̇д̇ам̣ ход̇и, звам̣ сийхасса д̣̇уд̇ияад̣̇ивасз ‘‘д̣̇асаб̣алам̣ бассиссаамий’’д̇и уббаннааяа бийд̇ияаа ниг̇ан̣тзна бадиб̣аахид̇агаало. яат̇аа д̇ад̇ияад̣̇ивасз д̣̇звз вудтз уд̣̇агам̣ санд̣̇амаанам̣ над̣̇им̣ од̇арид̇ваа бураан̣абан̣н̣асугкад̣̇ан̣д̣агадтагажавараад̣̇ийни баригад̣дханд̇ам̣ ваалигаабун̃ж̇ам̣ бхинд̣̇ид̇ваа самуд̣̇д̣̇аниннамзва ход̇и, звам̣ сийхо д̇ад̇ияад̣̇ивасз д̇ин̣н̣ам̣ вад̇т̇уунам̣ г̇ун̣агат̇ам̣ суд̇ваа уббаннз бийд̇ибаамож̇ж̇з ‘‘апалаа ниг̇ан̣таа нибпалаа ниг̇ан̣таа, гим̣ мз имз гариссанд̇и, г̇амиссаамахам̣ сад̇т̇усанд̇ига’’нд̇и манам̣ абхинийхарид̇ваа взсаалияаа нияяааси. нияяанд̇о жа ‘‘жирассаахам̣ д̣̇асаб̣аласса санд̇игам̣ г̇анд̇угаамо ж̇аад̇о, на ко бана мз яуд̇д̇ам̣ ан̃н̃аад̇агавзсзна г̇анд̇у’’нд̇и ‘‘язгзжи д̣̇асаб̣аласса санд̇игам̣ г̇анд̇угаамаа, саб̣б̣з нигкаманд̇уу’’д̇и гхосанам̣ гаарзд̇ваа бан̃жарат̇асад̇аани яож̇аабзд̇ваа уд̇д̇амарат̇з тид̇о д̇зхи жзва бан̃жахи рат̇асад̇зхи махад̇ияаа жа барисааяа баривуд̇о г̇анд̇хабубпажун̣н̣аваасаад̣̇ийни г̇аахаабзд̇ваа нияяааси. д̣̇иваа д̣̇ивассаад̇и д̣̇ивасасса жа д̣̇иваа, маж̇жханхигз ад̇игганд̇амад̇д̇з.
Vesāliyā niyyāsīti yathā hi gimhakāle deve vuṭṭhe udakaṃ sandamānaṃ nadiṃ otaritvā thokameva gantvā tiṭṭhati nappavattati, evaṃ sīhassa paṭhamadivase ‘‘dasabalaṃ passissāmī’’ti uppannāya pītiyā nigaṇṭhena paṭibāhitakālo. Yathāpi dutiyadivase deve vuṭṭhe udakaṃ sandamānaṃ nadiṃ otaritvā thokaṃ gantvā vālikāpuñjaṃ paharitvā appavattaṃ hoti, evaṃ sīhassa dutiyadivase ‘‘dasabalaṃ passissāmī’’ti uppannāya pītiyā nigaṇṭhena paṭibāhitakālo. Yathā tatiyadivase deve vuṭṭhe udakaṃ sandamānaṃ nadiṃ otaritvā purāṇapaṇṇasukkhadaṇḍakaṭṭhakacavarādīni parikaḍḍhantaṃ vālikāpuñjaṃ bhinditvā samuddaninnameva hoti, evaṃ sīho tatiyadivase tiṇṇaṃ vatthūnaṃ guṇakathaṃ sutvā uppanne pītipāmojje ‘‘aphalā nigaṇṭhā nipphalā nigaṇṭhā, kiṃ me ime karissanti, gamissāmahaṃ satthusantika’’nti manaṃ abhinīharitvā vesāliyā niyyāsi. Niyyanto ca ‘‘cirassāhaṃ dasabalassa santikaṃ gantukāmo jāto, na kho pana me yuttaṃ aññātakavesena gantu’’nti ‘‘yekeci dasabalassa santikaṃ gantukāmā, sabbe nikkhamantū’’ti ghosanaṃ kāretvā pañcarathasatāni yojāpetvā uttamarathe ṭhito tehi ceva pañcahi rathasatehi mahatiyā ca parisāya parivuto gandhapupphacuṇṇavāsādīni gāhāpetvā niyyāsi. Divā divassāti divasassa ca divā, majjhanhike atikkantamatte.
язна бхаг̇аваа д̇знубасан̇гамийд̇и аараамам̣ бависанд̇о д̣̇уурад̇ова асийд̇и-ануб̣яан̃ж̇ана-б̣яаамаббабхаа-д̣̇вад̇д̇им̣са-махаабурисалагкан̣аани чаб̣б̣ан̣н̣агханаб̣уд̣̇д̇харасмияо жа д̣̇исваа ‘‘зваруубам̣ наама бурисам̣ звам̣ аасаннз васанд̇ам̣ зд̇д̇агам̣ гаалам̣ наад̣̇д̣̇асам̣, ван̃жид̇о вад̇амхи, алаабхаа вад̇а мз’’д̇и жинд̇зд̇ваа махаанид̇хим̣ д̣̇исваа д̣̇алид̣̇д̣̇абурисо вияа сан̃ж̇аад̇абийд̇ибаамож̇ж̇о язна бхаг̇аваа д̇знубасан̇гами. д̇хаммасса жаануд̇хаммам̣ б̣яаагаронд̇ийд̇и бход̇аа г̇од̇амзна вуд̇д̇агааран̣асса анугааран̣ам̣ гат̇знд̇и. гааран̣аважано хзд̇т̇а д̇хаммасад̣̇д̣̇о ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) вияа. гааран̣анд̇и жзд̇т̇а д̇ат̇аабавад̇д̇асса сад̣̇д̣̇асса ад̇т̇о ад̇хиббзд̇о д̇асса бавад̇д̇ихзд̇убхаавад̇о. ад̇т̇аббаяуд̇д̇о хи сад̣̇д̣̇аббаяог̇о. анугааран̣анд̇и зсо зва барзхи д̇ат̇аа вужжамаано. сахад̇хаммиго ваад̣̇аануваад̣̇од̇и. барзхи вуд̇д̇агааран̣зхи сагааран̣о худ̇ваа д̇умхаагам̣ ваад̣̇о ваа д̇ад̇о барам̣ д̇асса ануваад̣̇о ваа гожи аббамад̇д̇агоби вин̃н̃уухи г̇арахид̇аб̣б̣ам̣ таанам̣ гааран̣ам̣ на ааг̇ажчад̇и. ид̣̇ам̣ вуд̇д̇ам̣ ход̇и – гим̣ саб̣б̣аагаарзнаби д̇ава ваад̣̇з г̇аараяхам̣ гааран̣ам̣ над̇т̇ийд̇и. анаб̣бхагкаад̇угаамаад̇и на абхууд̇зна вад̇д̇угаамаа. ад̇т̇и сийхабарияааяод̇иаад̣̇ийнам̣ ад̇т̇о взран̃ж̇аган̣д̣з ааг̇ад̇анаязнзва взд̣̇ид̇аб̣б̣о. барамзна ассаасзнаад̇и жад̇умаг̇г̇ажад̇упаласан̇каад̇зна уд̇д̇амзна. ассаасааяа д̇хаммам̣ д̣̇зсзмийд̇и ассаасанад̇т̇ааяа сант̇амбханад̇т̇ааяа д̇хаммам̣ д̣̇зсзми. ид̇и бхаг̇аваа адтахан̇г̇зхи сийхасса сзнаабад̇исса д̇хаммам̣ д̣̇зсзси.
Yena bhagavā tenupasaṅkamīti ārāmaṃ pavisanto dūratova asīti-anubyañjana-byāmappabhā-dvattiṃsa-mahāpurisalakkhaṇāni chabbaṇṇaghanabuddharasmiyo ca disvā ‘‘evarūpaṃ nāma purisaṃ evaṃ āsanne vasantaṃ ettakaṃ kālaṃ nāddasaṃ, vañcito vatamhi, alābhā vata me’’ti cintetvā mahānidhiṃ disvā daliddapuriso viya sañjātapītipāmojjo yena bhagavā tenupasaṅkami. Dhammassa cānudhammaṃ byākarontīti bhotā gotamena vuttakāraṇassa anukāraṇaṃ kathenti. Kāraṇavacano hettha dhammasaddo ‘‘hetumhi ñāṇaṃ dhammapaṭisambhidā’’tiādīsu (vibha. 720) viya. Kāraṇanti cettha tathāpavattassa saddassa attho adhippeto tassa pavattihetubhāvato. Atthappayutto hi saddappayogo. Anukāraṇanti eso eva parehi tathā vuccamāno. Sahadhammiko vādānuvādoti. Parehi vuttakāraṇehi sakāraṇo hutvā tumhākaṃ vādo vā tato paraṃ tassa anuvādo vā koci appamattakopi viññūhi garahitabbaṃ ṭhānaṃ kāraṇaṃ na āgacchati. Idaṃ vuttaṃ hoti – kiṃ sabbākārenapi tava vāde gārayhaṃ kāraṇaṃ natthīti. Anabbhakkhātukāmāti na abhūtena vattukāmā. Atthi sīhapariyāyotiādīnaṃ attho verañjakaṇḍe āgatanayeneva veditabbo. Paramenaassāsenāti catumaggacatuphalasaṅkhātena uttamena. Assāsāya dhammaṃ desemīti assāsanatthāya santhambhanatthāya dhammaṃ desemi. Iti bhagavā aṭṭhahaṅgehi sīhassa senāpatissa dhammaṃ desesi.
анувижжагааранд̇и анувид̣̇ид̇ваа жинд̇зд̇ваа д̇улаяид̇ваа гад̇д̇аб̣б̣ам̣ гарохийд̇и вуд̇д̇ам̣ ход̇и. саад̇ху ход̇ийд̇и сунд̣̇аро ход̇и. д̇умхаад̣̇исасмин̃хи мам̣ д̣̇исваа мам̣ саран̣ам̣ г̇ажчанд̇з ниг̇ан̣там̣ д̣̇исваа ниг̇ан̣там̣ саран̣ам̣ г̇ажчанд̇з ‘‘гим̣ аяам̣ сийхо д̣̇идтад̣̇идтамзва саран̣ам̣ г̇ажчад̇ий’’д̇и г̇арахаа уббаж̇ж̇ад̇и, д̇асмаа анувижжагааро д̇умхаад̣̇исаанам̣ саад̇хууд̇и д̣̇ассзд̇и. бадаагам̣ барихарзяяунд̇и д̇з гира зваруубам̣ саавагам̣ лабхид̇ваа ‘‘асуго наама рааж̇аа ваа рааж̇амахаамад̇д̇о ваа сздти ваа амхаагам̣ саран̣ам̣ г̇ад̇о сааваго ж̇аад̇о’’д̇и бадаагам̣ угкибид̇ваа наг̇арз гхосзнд̇аа аахин̣д̣анд̇и. гасмаа? звам̣ но маханд̇абхааво аавибхависсад̇ийд̇и жа. сажз банасса ‘‘гимахам̣ зд̇зсам̣ саран̣ам̣ г̇ад̇о’’д̇и виббадисааро уббаж̇ж̇зяяа, д̇амби со ‘‘зд̇зсам̣ мз саран̣аг̇ад̇абхаавам̣ б̣ахуу ж̇аананд̇и, д̣̇угкам̣ ид̣̇аани бадинивад̇д̇ид̇у’’нд̇и винод̣̇зд̇ваа на бадиггамиссад̇ийд̇и жа. д̇знааха – ‘‘бадаагам̣ барихарзяяу’’нд̇и. обаанабхууд̇анд̇и бадияад̇д̇ауд̣̇абаано вияа тид̇ам̣. гуланд̇и д̇ава нивзсанам̣. д̣̇аад̇аб̣б̣ам̣ ман̃н̃зяяаасийд̇и буб̣б̣з д̣̇асаби вийсад̇иби садтиби ж̇анз ааг̇ад̇з д̣̇исваа над̇т̇ийд̇и авад̇ваа д̣̇зси, ид̣̇аани мам̣ саран̣ам̣ г̇ад̇агааран̣амад̇д̇знзва маа имзсам̣ д̣̇зяяад̇хаммам̣ убажчинд̣̇и. самбад̇д̇аанан̃хи д̣̇аад̇аб̣б̣амзваад̇и овад̣̇и. суд̇ам̣ мзд̇ам̣, бханд̇зд̇и гуд̇о суд̇анд̇и? ниг̇ан̣таанам̣ санд̇игаа. д̇з гира гулагхарзсу звам̣ багаасзнд̇и ‘‘маяам̣ яасса гассажи самбад̇д̇асса д̣̇аад̇аб̣б̣анд̇и вад̣̇аама, саман̣о бана г̇од̇амо ‘маяхамзва д̣̇аанам̣ д̣̇аад̇аб̣б̣ам̣ наан̃н̃зсам̣, маяхамзва саавагаанам̣ д̣̇аанам̣ д̣̇аад̇аб̣б̣ам̣, наан̃н̃зсам̣ саавагаанам̣, маяхамзва д̣̇иннам̣ д̣̇аанам̣ махабпалам̣, наан̃н̃зсам̣, маяхамзва саавагаанам̣ д̣̇иннам̣ махабпалам̣, наан̃н̃зса’нд̇и звам̣ вад̣̇ад̇ий’’д̇и. д̇ам̣ санд̇хааяа аяам̣ ‘‘суд̇ам̣ мзд̇а’’нд̇и ааха.
Anuviccakāranti anuviditvā cintetvā tulayitvā kattabbaṃ karohīti vuttaṃ hoti. Sādhu hotīti sundaro hoti. Tumhādisasmiñhi maṃ disvā maṃ saraṇaṃ gacchante nigaṇṭhaṃ disvā nigaṇṭhaṃ saraṇaṃ gacchante ‘‘kiṃ ayaṃ sīho diṭṭhadiṭṭhameva saraṇaṃ gacchatī’’ti garahā uppajjati, tasmā anuviccakāro tumhādisānaṃ sādhūti dasseti. Paṭākaṃ parihareyyunti te kira evarūpaṃ sāvakaṃ labhitvā ‘‘asuko nāma rājā vā rājamahāmatto vā seṭṭhi vā amhākaṃ saraṇaṃ gato sāvako jāto’’ti paṭākaṃ ukkhipitvā nagare ghosentā āhiṇḍanti. Kasmā? Evaṃ no mahantabhāvo āvibhavissatīti ca. Sace panassa ‘‘kimahaṃ etesaṃ saraṇaṃ gato’’ti vippaṭisāro uppajjeyya, tampi so ‘‘etesaṃ me saraṇagatabhāvaṃ bahū jānanti, dukkhaṃ idāni paṭinivattitu’’nti vinodetvā na paṭikkamissatīti ca. Tenāha – ‘‘paṭākaṃ parihareyyu’’nti. Opānabhūtanti paṭiyattaudapāno viya ṭhitaṃ. Kulanti tava nivesanaṃ. Dātabbaṃ maññeyyāsīti pubbe dasapi vīsatipi saṭṭhipi jane āgate disvā natthīti avatvā desi, idāni maṃ saraṇaṃ gatakāraṇamatteneva mā imesaṃ deyyadhammaṃ upacchindi. Sampattānañhi dātabbamevāti ovadi. Sutaṃ metaṃ, bhanteti kuto sutanti? Nigaṇṭhānaṃ santikā. Te kira kulagharesu evaṃ pakāsenti ‘‘mayaṃ yassa kassaci sampattassa dātabbanti vadāma, samaṇo pana gotamo ‘mayhameva dānaṃ dātabbaṃ nāññesaṃ, mayhameva sāvakānaṃ dānaṃ dātabbaṃ, nāññesaṃ sāvakānaṃ, mayhameva dinnaṃ dānaṃ mahapphalaṃ, nāññesaṃ, mayhameva sāvakānaṃ dinnaṃ mahapphalaṃ, nāññesa’nti evaṃ vadatī’’ti. Taṃ sandhāya ayaṃ ‘‘sutaṃ meta’’nti āha.
анубуб̣б̣им̣ гат̇анд̇и д̣̇аанаананд̇арам̣ сийлам̣, сийлаананд̇арам̣ саг̇г̇ам̣, саг̇г̇аананд̇арам̣ маг̇г̇анд̇и звам̣ анубадибаадигат̇ам̣. д̇ад̇т̇а д̣̇аанагат̇анд̇и ид̣̇ам̣ д̣̇аанам̣ наама сукаанам̣ нид̣̇аанам̣, самбад̇д̇ийнам̣ муулам̣, бхог̇аанам̣ бад̇идтаа, висамаг̇ад̇асса д̇аан̣ам̣ лзн̣ам̣ г̇ад̇и барааяан̣ам̣, ид̇халогабаралогзсу д̣̇аанасад̣̇исо авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣ над̇т̇и. ид̣̇ан̃хи авассаяадтзна рад̇анамаяасийхаасанасад̣̇исам̣, бад̇идтаанадтзна махаабат̇авийсад̣̇исам̣, аарамман̣адтзна ааламб̣анараж̇ж̇усад̣̇исам̣. ид̣̇ан̃хи д̣̇угканид̇т̇аран̣адтзна нааваа, самассаасанадтзна сан̇г̇аамасууро, бхаяабарид̇д̇аан̣адтзна сусан̇кад̇анаг̇арам̣, мажчзрамалаад̣̇ийхи анубалид̇д̇адтзна бад̣̇умам̣, д̇зсам̣ нид̣̇аханадтзна аг̇г̇и, д̣̇ураасад̣̇адтзна аасивисо, асанд̇аасанадтзна сийхо, б̣алаванд̇адтзна хад̇т̇ий, абхиман̇г̇аласаммад̇адтзна сзд̇авасабхо, кзманд̇абхуумисамбаабанадтзна валаахаго ассарааж̇аа. д̣̇аанам̣ наамзд̇ам̣ маяаа г̇ад̇амаг̇г̇о, маяхзсо вам̣со, маяаа д̣̇аса баарамияо буурзнд̇зна взлаамамахааяан̃н̃о, махааг̇овинд̣̇амахааяан̃н̃о, махаасуд̣̇ассанамахааяан̃н̃о, взссанд̇арамахааяан̃н̃од̇и, анзгамахааяан̃н̃аа бавад̇д̇ид̇аа, сасабхууд̇зна ж̇алид̇ааг̇г̇игканд̇хз ад̇д̇аанам̣ нияяаад̣̇знд̇зна самбад̇д̇аяаажагаанам̣ жид̇д̇ам̣ г̇ахид̇ам̣. д̣̇аанан̃хи логз саггасамбад̇д̇им̣ д̣̇зд̇и маарасамбад̇д̇им̣ б̣рахмасамбад̇д̇им̣, жаггавад̇д̇исамбад̇д̇им̣, саавагабаарамийн̃аан̣ам̣, бажжзгаб̣од̇хин̃аан̣ам̣, абхисамб̣од̇хин̃аан̣ам̣ д̣̇зд̇ийд̇и звамаад̣̇ид̣̇аанаг̇ун̣аббадисам̣яуд̇д̇ам̣ гат̇ам̣.
Anupubbiṃ kathanti dānānantaraṃ sīlaṃ, sīlānantaraṃ saggaṃ, saggānantaraṃ magganti evaṃ anupaṭipāṭikathaṃ. Tattha dānakathanti idaṃ dānaṃ nāma sukhānaṃ nidānaṃ, sampattīnaṃ mūlaṃ, bhogānaṃ patiṭṭhā, visamagatassa tāṇaṃ leṇaṃ gati parāyaṇaṃ, idhalokaparalokesu dānasadiso avassayo patiṭṭhā ārammaṇaṃ tāṇaṃ leṇaṃ gati parāyaṇaṃ natthi. Idañhi avassayaṭṭhena ratanamayasīhāsanasadisaṃ, patiṭṭhānaṭṭhena mahāpathavīsadisaṃ, ārammaṇaṭṭhena ālambanarajjusadisaṃ. Idañhi dukkhanittharaṇaṭṭhena nāvā, samassāsanaṭṭhena saṅgāmasūro, bhayaparittāṇaṭṭhena susaṅkhatanagaraṃ, maccheramalādīhi anupalittaṭṭhena padumaṃ, tesaṃ nidahanaṭṭhena aggi, durāsadaṭṭhena āsiviso, asantāsanaṭṭhena sīho, balavantaṭṭhena hatthī, abhimaṅgalasammataṭṭhena setavasabho, khemantabhūmisampāpanaṭṭhena valāhako assarājā. Dānaṃ nāmetaṃ mayā gatamaggo, mayheso vaṃso, mayā dasa pāramiyo pūrentena velāmamahāyañño, mahāgovindamahāyañño, mahāsudassanamahāyañño, vessantaramahāyaññoti, anekamahāyaññā pavattitā, sasabhūtena jalitaaggikkhandhe attānaṃ niyyādentena sampattayācakānaṃ cittaṃ gahitaṃ. Dānañhi loke sakkasampattiṃ deti mārasampattiṃ brahmasampattiṃ, cakkavattisampattiṃ, sāvakapāramīñāṇaṃ, paccekabodhiñāṇaṃ, abhisambodhiñāṇaṃ detīti evamādidānaguṇappaṭisaṃyuttaṃ kathaṃ.
яасмаа бана д̣̇аанам̣ д̣̇знд̇о сийлам̣ самаад̣̇аад̇ум̣ саггод̇и, д̇асмаа д̇ад̣̇ананд̇арам̣ сийлагат̇ам̣ гат̇зси. сийлагат̇анд̇и сийлам̣ наамзд̇ам̣ авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣. сийлам̣ наамзд̇ам̣ мама вам̣со , ахам̣ сан̇кабааланааг̇арааж̇агаалз бхуурид̣̇ад̇д̇анааг̇арааж̇агаалз жамбзяяанааг̇арааж̇агаалз сийлаварааж̇агаалз маад̇убосагахад̇т̇ирааж̇агаалз чад̣̇д̣̇анд̇ахад̇т̇ирааж̇агаалзд̇и ананд̇зсу ад̇д̇абхаавзсу сийлам̣ барибуурзсим̣. ид̇халогабаралогасамбад̇д̇ийнан̃хи сийласад̣̇исо авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣ над̇т̇и, сийлаалан̇гаарасад̣̇исо алан̇гааро над̇т̇и, сийлабубпасад̣̇исам̣ бубпам̣ над̇т̇и, сийлаг̇анд̇хасад̣̇исо г̇анд̇хо над̇т̇и. сийлаалан̇гаарзна хи алан̇гад̇ам̣ сийлаг̇анд̇хаанулид̇д̇ам̣ сад̣̇звагоби лого ологзнд̇о д̇ид̇д̇им̣ на г̇ажчад̇ийд̇и звамаад̣̇исийлаг̇ун̣аббадисам̣яуд̇д̇ам̣ гат̇ам̣.
Yasmā pana dānaṃ dento sīlaṃ samādātuṃ sakkoti, tasmā tadanantaraṃ sīlakathaṃ kathesi. Sīlakathanti sīlaṃ nāmetaṃ avassayo patiṭṭhā ārammaṇaṃ tāṇaṃ leṇaṃ gati parāyaṇaṃ. Sīlaṃ nāmetaṃ mama vaṃso , ahaṃ saṅkhapālanāgarājakāle bhūridattanāgarājakāle campeyyanāgarājakāle sīlavarājakāle mātuposakahatthirājakāle chaddantahatthirājakāleti anantesu attabhāvesu sīlaṃ paripūresiṃ. Idhalokaparalokasampattīnañhi sīlasadiso avassayo patiṭṭhā ārammaṇaṃ tāṇaṃ leṇaṃ gati parāyaṇaṃ natthi, sīlālaṅkārasadiso alaṅkāro natthi, sīlapupphasadisaṃ pupphaṃ natthi, sīlagandhasadiso gandho natthi. Sīlālaṅkārena hi alaṅkataṃ sīlagandhānulittaṃ sadevakopi loko olokento tittiṃ na gacchatīti evamādisīlaguṇappaṭisaṃyuttaṃ kathaṃ.
‘‘ид̣̇ам̣ бана сийлам̣ ниссааяа аяам̣ саг̇г̇о лаб̣бхад̇ий’’д̇и д̣̇ассзд̇ум̣ сийлаананд̇арам̣ саг̇г̇агат̇ам̣ гат̇зси. саг̇г̇агат̇анд̇и ‘‘аяам̣ саг̇г̇о наама идто ганд̇о манаабо, нижжамзд̇т̇а гийл̣аа, нижжам̣ самбад̇д̇ияо лаб̣бханд̇и, жаад̇умахаарааж̇игаа д̣̇зваа навуд̇ивассасад̇асахассаани д̣̇иб̣б̣асукам̣ д̣̇иб̣б̣асамбад̇д̇им̣ анубхаванд̇и, д̇аавад̇им̣саа д̇иссо жа вассагодияо садти жа вассасад̇асахассааний’’д̇и звамаад̣̇исаг̇г̇аг̇ун̣аббадисам̣яуд̇д̇ам̣ гат̇ам̣. саг̇г̇асамбад̇д̇им̣ гат̇аяанд̇аанан̃хи б̣уд̣̇д̇хаанам̣ мукам̣ наббаход̇и. вуд̇д̇амби жзд̇ам̣ – ‘‘анзгабарияааязна кваахам̣, бхигкавз, саг̇г̇агат̇ам̣ гат̇зяяа’’нд̇иаад̣̇и (ма. ни. 3.255).
‘‘Idaṃ pana sīlaṃ nissāya ayaṃ saggo labbhatī’’ti dassetuṃ sīlānantaraṃ saggakathaṃ kathesi. Saggakathanti ‘‘ayaṃ saggo nāma iṭṭho kanto manāpo, niccamettha kīḷā, niccaṃ sampattiyo labbhanti, cātumahārājikā devā navutivassasatasahassāni dibbasukhaṃ dibbasampattiṃ anubhavanti, tāvatiṃsā tisso ca vassakoṭiyo saṭṭhi ca vassasatasahassānī’’ti evamādisaggaguṇappaṭisaṃyuttaṃ kathaṃ. Saggasampattiṃ kathayantānañhi buddhānaṃ mukhaṃ nappahoti. Vuttampi cetaṃ – ‘‘anekapariyāyena khvāhaṃ, bhikkhave, saggakathaṃ katheyya’’ntiādi (ma. ni. 3.255).
звам̣ саг̇г̇агат̇ааяа балобхзд̇ваа бана хад̇т̇им̣ алан̇гарид̇ваа д̇асса сон̣д̣ам̣ чинд̣̇анд̇о вияа ‘‘аяамби саг̇г̇о анижжо ад̣̇д̇хуво, на зд̇т̇а чанд̣̇арааг̇о гад̇д̇аб̣б̣о’’д̇и д̣̇ассанад̇т̇ам̣ ‘‘аббассаад̣̇аа гаамаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇иаад̣̇инаа (ма. ни. 1.235-236; 2.42) наязна гаамаанам̣ аад̣̇ийнавам̣ огаарам̣ сам̣гилзсам̣ гат̇зси. д̇ад̇т̇а аад̣̇ийнавод̇и д̣̇осо. огаарод̇и авагааро лаамагабхааво. сам̣гилзсод̇и д̇зхи сад̇д̇аанам̣ сам̣саарз сам̣гилиссанам̣. яат̇ааха – ‘‘сам̣гилиссанд̇и вад̇а, бхо, сад̇д̇аа’’д̇и (ма. ни. 2.351).
Evaṃ saggakathāya palobhetvā pana hatthiṃ alaṅkaritvā tassa soṇḍaṃ chindanto viya ‘‘ayampi saggo anicco addhuvo, na ettha chandarāgo kattabbo’’ti dassanatthaṃ ‘‘appassādā kāmā bahudukkhā bahupāyāsā, ādīnavo ettha bhiyyo’’tiādinā (ma. ni. 1.235-236; 2.42) nayena kāmānaṃ ādīnavaṃ okāraṃ saṃkilesaṃ kathesi. Tattha ādīnavoti doso. Okāroti avakāro lāmakabhāvo. Saṃkilesoti tehi sattānaṃ saṃsāre saṃkilissanaṃ. Yathāha – ‘‘saṃkilissanti vata, bho, sattā’’ti (ma. ni. 2.351).
звам̣ гаамаад̣̇ийнавзна д̇аж̇ж̇зд̇ваа нзгкаммз аанисам̣сам̣ багаасзси. галлажид̇д̇анд̇и арог̇ажид̇д̇ам̣. саамуггам̣сигаад̇и саамам̣ уггам̣сигаа ад̇д̇анааязва уд̣̇д̇харид̇ваа г̇ахид̇аа, саяамбхун̃аан̣зна д̣̇идтаа асаад̇хааран̣аа ан̃н̃зсанд̇и ад̇т̇о. гаа бана саад̇и? арияасажжад̣̇зсанаа. д̇знзвааха – д̣̇угкам̣ самуд̣̇аяам̣ нирод̇хам̣ маг̇г̇анд̇и. вираж̇ам̣ вийд̇амаланд̇и рааг̇араж̇аад̣̇ийнам̣ абхааваа вираж̇ам̣, рааг̇амалаад̣̇ийнам̣ виг̇ад̇ад̇д̇аа вийд̇амалам̣. д̇хаммажагкунд̇и ид̇ха сод̇аабад̇д̇имаг̇г̇о ад̇хиббзд̇о. д̇асса уббад̇д̇иаагаарад̣̇ассанад̇т̇ам̣ яам̣гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамманд̇и ааха. д̇ан̃хи нирод̇хам̣ аарамман̣ам̣ гад̇ваа гижжавасзна звам̣ саб̣б̣асан̇кад̇ам̣ бадивиж̇жханд̇ам̣ уббаж̇ж̇ад̇и. д̣̇идто арияасажжад̇хаммо зд̇знаад̇и д̣̇идтад̇хаммо. зса наяо сзсзсуби. д̇ин̣н̣аа вижигижчаа анзнаад̇и д̇ин̣н̣авижигижчо. виг̇ад̇аа гат̇ам̣гат̇аа ассаад̇и виг̇ад̇агат̇ам̣гат̇о. висаараж̇ж̇ам̣ бад̇д̇од̇и взсаараж̇ж̇аббад̇д̇о. гад̇т̇а? сад̇т̇усаасанз. наасса баро бажжаяо, на барам̣ сад̣̇д̇хааяа зд̇т̇а вад̇д̇ад̇ийд̇и абараббажжаяо.
Evaṃ kāmādīnavena tajjetvā nekkhamme ānisaṃsaṃ pakāsesi. Kallacittanti arogacittaṃ. Sāmukkaṃsikāti sāmaṃ ukkaṃsikā attanāyeva uddharitvā gahitā, sayambhuñāṇena diṭṭhā asādhāraṇā aññesanti attho. Kā pana sāti? Ariyasaccadesanā. Tenevāha – dukkhaṃ samudayaṃ nirodhaṃ magganti. Virajaṃ vītamalanti rāgarajādīnaṃ abhāvā virajaṃ, rāgamalādīnaṃ vigatattā vītamalaṃ. Dhammacakkhunti idha sotāpattimaggo adhippeto. Tassa uppattiākāradassanatthaṃ yaṃkiñci samudayadhammaṃ sabbaṃ taṃ nirodhadhammanti āha. Tañhi nirodhaṃ ārammaṇaṃ katvā kiccavasena evaṃ sabbasaṅkhataṃ paṭivijjhantaṃ uppajjati. Diṭṭho ariyasaccadhammo etenāti diṭṭhadhammo. Esa nayo sesesupi. Tiṇṇā vicikicchā anenāti tiṇṇavicikiccho. Vigatā kathaṃkathā assāti vigatakathaṃkatho. Visārajjaṃ pattoti vesārajjappatto. Kattha? Satthusāsane. Nāssa paro paccayo, na paraṃ saddhāya ettha vattatīti aparappaccayo.
бавад̇д̇амам̣санд̇и багад̇ияаа бавад̇д̇ам̣ габбияамам̣сам̣ муулам̣ г̇ахзд̇ваа анд̇араабан̣з бариязсаахийд̇и ад̇хиббааяо. самб̣ахулаа ниг̇ан̣таад̇и бан̃жасад̇амад̇д̇аа ниг̇ан̣таа. т̇уулам̣ басунд̇и т̇уулам̣ махаасарийрам̣ г̇оган̣н̣амахим̣сасуугарасан̇каад̇ам̣ басум̣. уд̣̇д̣̇иссагад̇анд̇и ад̇д̇аанам̣ уд̣̇д̣̇исид̇ваа гад̇ам̣, маарид̇анд̇и ад̇т̇о. бадижжагамманд̇и свааяам̣ д̇ам̣ мам̣сам̣ бадижжа д̇ам̣ баан̣авад̇хагаммам̣ пусад̇и. д̇ан̃хи агусалам̣ убад̣дхам̣ д̣̇ааяагасса, убад̣дхам̣ бадиг̇г̇аахагасса ход̇ийд̇и нзсам̣ лад̣̇д̇хи. абаро наяо – бадижжагамманд̇и ад̇д̇аанам̣ бадижжагад̇ам̣. ат̇а ваа бадижжагамманд̇и нимид̇д̇агаммассзд̇ам̣ ад̇хиважанам̣, д̇ам̣ бадижжагаммам̣ зд̇т̇а ад̇т̇ийд̇и мам̣самби бадижжагамманд̇и вуд̇д̇ам̣. убаган̣н̣агзд̇и ган̣н̣амуулз. аланд̇и бадигкзбаважанам̣, гим̣ иминаад̇и ад̇т̇о. на жа банзд̇зд̇и зд̇з ааяасманд̇о д̣̇ийгхарад̇д̇ам̣ аван̣н̣агаамаа худ̇ваа аван̣н̣ам̣ бхаасанд̇ааби аб̣бхаажигканд̇аа на ж̇ирид̣̇анд̇и, аб̣бхагкаанасса анд̇ам̣ на г̇ажчанд̇ийд̇и ад̇т̇о. ат̇а ваа лаж̇ж̇анад̇т̇з ид̣̇ам̣ ж̇ирид̣̇анд̇ийд̇и бад̣̇ам̣ д̣̇адтаб̣б̣ам̣, на лаж̇ж̇анд̇ийд̇и ад̇т̇о.
Pavattamaṃsanti pakatiyā pavattaṃ kappiyamaṃsaṃ mūlaṃ gahetvā antarāpaṇe pariyesāhīti adhippāyo. Sambahulā nigaṇṭhāti pañcasatamattā nigaṇṭhā. Thūlaṃ pasunti thūlaṃ mahāsarīraṃ gokaṇṇamahiṃsasūkarasaṅkhātaṃ pasuṃ. Uddissakatanti attānaṃ uddisitvā kataṃ, māritanti attho. Paṭiccakammanti svāyaṃ taṃ maṃsaṃ paṭicca taṃ pāṇavadhakammaṃ phusati. Tañhi akusalaṃ upaḍḍhaṃ dāyakassa, upaḍḍhaṃ paṭiggāhakassa hotīti nesaṃ laddhi. Aparo nayo – paṭiccakammanti attānaṃ paṭiccakataṃ. Atha vā paṭiccakammanti nimittakammassetaṃ adhivacanaṃ, taṃ paṭiccakammaṃ ettha atthīti maṃsampi paṭiccakammanti vuttaṃ. Upakaṇṇaketi kaṇṇamūle. Alanti paṭikkhepavacanaṃ, kiṃ imināti attho. Na ca paneteti ete āyasmanto dīgharattaṃ avaṇṇakāmā hutvā avaṇṇaṃ bhāsantāpi abbhācikkhantā na jiridanti, abbhakkhānassa antaṃ na gacchantīti attho. Atha vā lajjanatthe idaṃ jiridantīti padaṃ daṭṭhabbaṃ, na lajjantīti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сийхасуд̇д̇ам̣ • 2. Sīhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. сийхасуд̇д̇аван̣н̣анаа • 2. Sīhasuttavaṇṇanā
