| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. сийхасуд̇д̇аван̣н̣анаа
3. Sīhasuttavaṇṇanā
33. д̇ад̇ияз сийход̇и бариссаяасаханад̇о бадибагкахананад̇о жа ‘‘сийхо’’д̇и лад̣̇д̇ханаамо миг̇аад̇хибад̇и. жад̇д̇аарод̇и самаанзби сийхаж̇аад̇ибхаавз ван̣н̣ависзсаад̣̇исид̣̇д̇хзна висзсзна жад̇д̇ааро сийхаа. д̇з ид̣̇аани наамад̇о ван̣н̣ад̇о аахаарад̇о д̣̇ассзд̇ваа ид̇хаад̇хиббзд̇асийхам̣ наанаббагаарад̇о вибхаавзд̇ум̣ ‘‘д̇ин̣асийхо’’д̇иаад̣̇и аарад̣̇д̇хам̣. д̇ин̣абхагко сийхо д̇ин̣асийхо буримабад̣̇з уд̇д̇арабад̣̇алобзна яат̇аа ‘‘саагабад̇т̇иво’’д̇и (баан̣ини 2.1.60). гаал̣аван̣н̣ад̇ааяа гаал̣асийхо. д̇ат̇аа бан̣д̣усийхо. д̇знааха ‘‘гаал̣аг̇аависад̣̇исо, бан̣д̣убалаасаван̣н̣аг̇аависад̣̇исо’’д̇и жа. рад̇д̇агамб̣аласса вияа гзсаро гзсарагаломо зд̇асса ад̇т̇ийд̇и гзсарий. лаакаабаригаммагад̇зхи вияа баад̣̇абарияанд̇зхийд̇и жа яож̇анаа.
33. Tatiye sīhoti parissayasahanato paṭipakkhahananato ca ‘‘sīho’’ti laddhanāmo migādhipati. Cattāroti samānepi sīhajātibhāve vaṇṇavisesādisiddhena visesena cattāro sīhā. Te idāni nāmato vaṇṇato āhārato dassetvā idhādhippetasīhaṃ nānappakārato vibhāvetuṃ ‘‘tiṇasīho’’tiādi āraddhaṃ. Tiṇabhakkho sīho tiṇasīho purimapade uttarapadalopena yathā ‘‘sākapatthivo’’ti (pāṇini 2.1.60). Kāḷavaṇṇatāya kāḷasīho. Tathā paṇḍusīho. Tenāha ‘‘kāḷagāvisadiso, paṇḍupalāsavaṇṇagāvisadiso’’ti ca. Rattakambalassa viya kesaro kesarakalomo etassa atthīti kesarī. Lākhāparikammakatehi viya pādapariyantehīti ca yojanā.
гаммаанубхаавасид̣̇д̇хаад̇хибажжамахзсагкад̇аахи саб̣б̣амиг̇аг̇ан̣асса рааж̇аа. суван̣н̣аг̇ухад̇о ваад̇иаад̣̇и ‘‘сийхасса вихааро гирияаа звам̣ ход̇ий’’д̇и гад̇ваа вуд̇д̇ам̣.
Kammānubhāvasiddhaadhipaccamahesakkhatāhi sabbamigagaṇassa rājā. Suvaṇṇaguhato vātiādi ‘‘sīhassa vihāro kiriyā evaṃ hotī’’ti katvā vuttaṃ.
самам̣ бад̇идтаабзд̇ваад̇и саб̣б̣абхааг̇зхи самамзва бхуумияам̣ бад̇идтаабзд̇ваа. аагад̣дхид̇ваад̇и бурад̇о аагад̣дхид̇ваа. абхихарид̇ваад̇и абхимукам̣ харид̇ваа. сан̇гхаад̇анд̇и винаасам̣. вийсад̇ияадтигам̣ таанам̣ усабхам̣.
Samaṃ patiṭṭhāpetvāti sabbabhāgehi samameva bhūmiyaṃ patiṭṭhāpetvā. Ākaḍḍhitvāti purato ākaḍḍhitvā. Abhiharitvāti abhimukhaṃ haritvā. Saṅghātanti vināsaṃ. Vīsatiyaṭṭhikaṃ ṭhānaṃ usabhaṃ.
самасийход̇и самаж̇аад̇иго самаббабхааво жа сийхо. самааносмийд̇и д̣̇зсанаамад̇д̇ам̣, самаббабхаавад̇ааяа зва на бхааяад̇и. саггааяад̣̇идтиб̣алавад̇ааяаад̇и ‘‘гз ан̃н̃з амхзхи уд̇д̇арид̇араа, ат̇а ко маяамзва махааб̣алаа’’д̇и звам̣ б̣алаад̇имаананимид̇д̇ааяа ахам̣гаарахзд̇убхууд̇ааяа саггааяад̣̇идтияаа б̣алавабхаавзна. саггааяад̣̇идтияаа бахийнад̇д̇аад̇и нирахам̣гаарад̇д̇аа ад̇д̇асинзхасса судту самуг̇гхаад̇ад̇д̇аа на бхааяад̇и.
Samasīhoti samajātiko samappabhāvo ca sīho. Samānosmīti desanāmattaṃ, samappabhāvatāya eva na bhāyati. Sakkāyadiṭṭhibalavatāyāti ‘‘ke aññe amhehi uttaritarā, atha kho mayameva mahābalā’’ti evaṃ balātimānanimittāya ahaṃkārahetubhūtāya sakkāyadiṭṭhiyā balavabhāvena. Sakkāyadiṭṭhiyā pahīnattāti nirahaṃkārattā attasinehassa suṭṭhu samugghātattā na bhāyati.
д̇ат̇аа д̇ат̇аад̇и сийхасад̣̇исад̇аад̣̇инаа д̇зна д̇зна багаарзна ад̇д̇аанам̣ гат̇зсийд̇и вад̇ваа д̇амад̇т̇ам̣ виварид̇ваа д̣̇ассзд̇ум̣ ‘‘сийход̇и ко’’д̇иаад̣̇и вуд̇д̇ам̣.
Tathātathāti sīhasadisatādinā tena tena pakārena attānaṃ kathesīti vatvā tamatthaṃ vivaritvā dassetuṃ ‘‘sīhoti kho’’tiādi vuttaṃ.
гад̇амахаабхинийхаарасса логанаат̇асса б̣од̇хияаа нияад̇абхааваббад̇д̇ияаа зганд̇абхаавий б̣уд̣̇д̇хабхаавод̇и гад̇ваа ‘‘д̇ийсу баасаад̣̇зсу ниваасагаало , маг̇ад̇харан̃н̃о бадин̃н̃аад̣̇аанагаало, бааяаасасса барибхуд̇д̇агаало’’д̇иаад̣̇инаа абхисамб̣од̇хид̇о буримаавад̇т̇ааби сийхасад̣̇исаа гад̇ваа д̣̇ассид̇аа. бхаавини бхууд̇уубажаароби хи логавохааро. виж̇ж̇аабхаавасааман̃н̃ад̇о д̣̇вивиж̇ж̇ам̣ ид̇аравиж̇ж̇амби згаж̇жхам̣ г̇ахзд̇ваа бадижжасамуббаад̣̇асаммасанад̇о д̇ам̣ бурзд̇арасид̣̇д̇хам̣ вияа гад̇ваа ааха ‘‘д̇иссо виж̇ж̇аа сод̇хзд̇ваа’’д̇и. ануломабадиломад̇о бавад̇д̇ан̃аан̣асса васзна ‘‘яамаган̃аан̣амант̇анзнаа’’д̇и вуд̇д̇ам̣.
Katamahābhinīhārassa lokanāthassa bodhiyā niyatabhāvappattiyā ekantabhāvī buddhabhāvoti katvā ‘‘tīsu pāsādesu nivāsakālo , magadharañño paṭiññādānakālo, pāyāsassa paribhuttakālo’’tiādinā abhisambodhito purimāvatthāpi sīhasadisā katvā dassitā. Bhāvini bhūtūpacāropi hi lokavohāro. Vijjābhāvasāmaññato dvivijjaṃ itaravijjampi ekajjhaṃ gahetvā paṭiccasamuppādasammasanato taṃ puretarasiddhaṃ viya katvā āha ‘‘tisso vijjā sodhetvā’’ti. Anulomapaṭilomato pavattañāṇassa vasena ‘‘yamakañāṇamanthanenā’’ti vuttaṃ.
д̇ад̇т̇а вихаранд̇ассаад̇и аж̇абааланиг̇род̇хамуулз вихаранд̇асса. згаад̣̇асамз д̣̇ивасзд̇и сад̇д̇асад̇д̇аахад̇о барам̣ згаад̣̇асамз д̣̇ивасз. ажалабаллан̇гзд̇и исибад̇анз д̇хаммажаггаббавад̇д̇анад̇т̇ам̣ нисиннабаллан̇гз. д̇амби хи гзнажи аббадивад̇д̇ияам̣ д̇хаммажаггаббавад̇д̇анад̇т̇ам̣ нисаж̇ж̇аад̇и гад̇ваа важ̇ираасанам̣ вияа ажалабаллан̇гам̣ вужжад̇и. имасмин̃жа бана бад̣̇зд̇и ‘‘д̣̇взмз, бхигкавз, анд̇аа’’д̇иаад̣̇инаяаббавад̇д̇з жа имасмим̣ сад̣̇д̇хаммагодтаасз. д̇хаммагхосо…бз… д̣̇асасахассилогад̇хаад̇ум̣ бадижчаад̣̇зси ‘‘саб̣б̣ад̇т̇а тид̇аа сун̣анд̇уу’’д̇и ад̇хидтаанзна. сол̣асахаагаарзхийд̇и д̣̇угкабарин̃н̃аа, самуд̣̇аяаббахаанам̣, нирод̇хасажчигирияаа, маг̇г̇абхааванаад̇и згзгасмим̣ маг̇г̇з жад̇д̇аари жад̇д̇аари гад̇ваа сол̣асахи аагаарзхи.
Tattha viharantassāti ajapālanigrodhamūle viharantassa. Ekādasame divaseti sattasattāhato paraṃ ekādasame divase. Acalapallaṅketi isipatane dhammacakkappavattanatthaṃ nisinnapallaṅke. Tampi hi kenaci appaṭivattiyaṃ dhammacakkappavattanatthaṃ nisajjāti katvā vajirāsanaṃ viya acalapallaṅkaṃ vuccati. Imasmiñca pana padeti ‘‘dveme, bhikkhave, antā’’tiādinayappavatte ca imasmiṃ saddhammakoṭṭhāse. Dhammaghoso…pe… dasasahassilokadhātuṃ paṭicchādesi ‘‘sabbattha ṭhitā suṇantū’’ti adhiṭṭhānena. Soḷasahākārehīti dukkhapariññā, samudayappahānaṃ, nirodhasacchikiriyā, maggabhāvanāti ekekasmiṃ magge cattāri cattāri katvā soḷasahi ākārehi.
батамзна наязна абхисамб̣од̇хид̇о буримад̇араавад̇т̇ааби авассам̣бхаавид̇ааяа г̇ахзд̇ваа сийхасад̣̇исад̇ам̣ д̣̇ассзд̇ваа ид̣̇аани абхисамб̣уд̣̇д̇хаавад̇т̇аасу зва сийхасад̣̇исад̇ам̣ д̣̇ассзд̇ум̣ ‘‘абаро наяо’’д̇иаад̣̇и аарад̣̇д̇хам̣. адтахи гааран̣зхийд̇и ‘‘д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇аваад̣̇ид̇ааяа д̇ат̇ааг̇ад̇о, д̇ат̇аагаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇о’’д̇и (д̣̇ий. ни. адта. 1.7; ма. ни. адта. 1.12; сам̣. ни. адта. 2.3.78; а. ни. адта. 1.1.170; уд̣̇аа. адта. 18; ид̇иву. адта. 38; т̇зраг̇аа. адта. 1.3; б̣у. вам̣. адта. 1.2 нид̣̇аанагат̇аа; махаани. адта. 14; бади. ма. 1.37) звам̣ вуд̇д̇зхи адтахи д̇ат̇ааг̇ад̇асаад̇хагзхи гааран̣зхи. яад̣̇иби бхаг̇аваа б̣од̇хибаллан̇гз нисиннамад̇д̇зва абхисамб̣уд̣̇д̇хо на ж̇аад̇о, д̇ат̇ааби д̇ааяа нисаж̇ж̇ааяа нисиннова бануж̇ж̇а саб̣б̣ам̣ бариссаяам̣ абхисамб̣уд̣̇д̇хо ж̇аад̇о. д̇ат̇аа хи д̇ам̣ ‘‘абарааж̇ид̇абаллан̇га’’нд̇и вужжад̇и, д̇асмаа ‘‘яаава б̣од̇хибаллан̇гаа ваа’’д̇и вад̇ваа д̇зна абарид̇уссанд̇о ‘‘яаава арахад̇д̇амаг̇г̇ан̃аан̣аа ваа’’д̇и ааха.
Paṭhamena nayena abhisambodhito purimatarāvatthāpi avassaṃbhāvitāya gahetvā sīhasadisataṃ dassetvā idāni abhisambuddhāvatthāsu eva sīhasadisataṃ dassetuṃ ‘‘aparo nayo’’tiādi āraddhaṃ. Aṭṭhahi kāraṇehīti ‘‘tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathavāditāya tathāgato, tathākāritāya tathāgato, abhibhavanaṭṭhena tathāgato’’ti (dī. ni. aṭṭha. 1.7; ma. ni. aṭṭha. 1.12; saṃ. ni. aṭṭha. 2.3.78; a. ni. aṭṭha. 1.1.170; udā. aṭṭha. 18; itivu. aṭṭha. 38; theragā. aṭṭha. 1.3; bu. vaṃ. aṭṭha. 1.2 nidānakathā; mahāni. aṭṭha. 14; paṭi. ma. 1.37) evaṃ vuttehi aṭṭhahi tathāgatasādhakehi kāraṇehi. Yadipi bhagavā bodhipallaṅke nisinnamatteva abhisambuddho na jāto, tathāpi tāya nisajjāya nisinnova panujja sabbaṃ parissayaṃ abhisambuddho jāto. Tathā hi taṃ ‘‘aparājitapallaṅka’’nti vuccati, tasmā ‘‘yāva bodhipallaṅkā vā’’ti vatvā tena aparitussanto ‘‘yāva arahattamaggañāṇā vā’’ti āha.
ид̇и саггааяод̇и зд̇т̇а ид̇исад̣̇д̣̇о нид̣̇ассанад̇т̇о. д̇зна саггааяо саруубад̇о баримаан̣ад̇о барижчзд̣̇ад̇о жа д̣̇ассид̇од̇и ааха ‘‘аяам̣ саггааяо’’д̇иаад̣̇и. ‘‘аяам̣ саггааяо’’д̇и иминаа бан̃жубаад̣̇аанагканд̇хаа саруубад̇о д̣̇ассид̇аа. ‘‘зд̇д̇аго саггааяо’’д̇и иминаа д̇з баримаан̣ад̇о д̣̇ассид̇аа. д̇асса жа баримаан̣асса зганд̇игабхаавам̣ д̣̇ассзнд̇зна ‘‘на ид̇о бхияяо саггааяо ад̇т̇ий’’д̇и вуд̇д̇ам̣. сабхаавад̇од̇и салагкан̣ад̇о. сарасад̇од̇и сагижжад̇о. барияанд̇ад̇од̇и баримаан̣абарияанд̇ад̇о. барижчзд̣̇ад̇од̇и яад̇д̇агз таанз д̇асса бавад̇д̇ид̇асса барижчинд̣̇анад̇о. баривадумад̇од̇и барияосаанаббавад̇д̇ид̇о. саб̣б̣зби бан̃жубаад̣̇аанагканд̇хаа д̣̇ассид̇аа хонд̇и яат̇аавуд̇д̇зна вибхааг̇зна. аяам̣ саггааяасса самуд̣̇аяо наамаад̇и аяам̣ аахаараад̣̇исаггааяасса самуд̣̇аяо наама. д̇знааха ‘‘зд̇д̇аавад̇аа’’д̇иаад̣̇и. ад̇т̇ан̇г̇амод̇и нирод̇хо. ‘‘аахаарасамуд̣̇аяаа аахааранирод̇хаа’’д̇и жа асаад̇хааран̣амзва д̇ам̣ г̇ахзд̇ваа сзсзсу аад̣̇и-сад̣̇д̣̇зна сан̇г̇ан̣хаад̇и.
Itisakkāyoti ettha itisaddo nidassanattho. Tena sakkāyo sarūpato parimāṇato paricchedato ca dassitoti āha ‘‘ayaṃ sakkāyo’’tiādi. ‘‘Ayaṃ sakkāyo’’ti iminā pañcupādānakkhandhā sarūpato dassitā. ‘‘Ettako sakkāyo’’ti iminā te parimāṇato dassitā. Tassa ca parimāṇassa ekantikabhāvaṃ dassentena ‘‘na ito bhiyyo sakkāyo atthī’’ti vuttaṃ. Sabhāvatoti salakkhaṇato. Sarasatoti sakiccato. Pariyantatoti parimāṇapariyantato. Paricchedatoti yattake ṭhāne tassa pavattitassa paricchindanato. Parivaṭumatoti pariyosānappavattito. Sabbepi pañcupādānakkhandhā dassitā honti yathāvuttena vibhāgena. Ayaṃ sakkāyassa samudayo nāmāti ayaṃ āhārādisakkāyassa samudayo nāma. Tenāha ‘‘ettāvatā’’tiādi. Atthaṅgamoti nirodho. ‘‘Āhārasamudayā āhāranirodhā’’ti ca asādhāraṇameva taṃ gahetvā sesesu ādi-saddena saṅgaṇhāti.
бан̣н̣аасалагкан̣абадиман̣д̣ид̇анд̇и бан̣н̣аасауд̣̇аяаваяалагкан̣авибхуусид̇ам̣ самуд̣̇аяад̇т̇ан̇г̇амаг̇г̇ахан̣ад̇о. кийн̣аасавад̇д̇аад̇и анавасзсам̣ саавасзсан̃жа аасаваанам̣ баригкийн̣ад̇д̇аа. анааг̇аамийнамби хи бхаяам̣ жид̇д̇уд̇раасан̃жа на ход̇ийд̇и. н̃аан̣асам̣взг̇о бхаяад̇убадтаанабан̃н̃аа. ид̇араасам̣ бана д̣̇звад̇аананд̇и акийн̣аасавад̣̇звз санд̇хааяа вад̣̇ад̇и. бход̇и д̇хаммаалабанамад̇д̇анд̇и сабхаавагат̇анамад̇д̇ам̣.
Paṇṇāsalakkhaṇapaṭimaṇḍitanti paṇṇāsaudayavayalakkhaṇavibhūsitaṃ samudayatthaṅgamaggahaṇato. Khīṇāsavattāti anavasesaṃ sāvasesañca āsavānaṃ parikkhīṇattā. Anāgāmīnampi hi bhayaṃ cittutrāsañca na hotīti. Ñāṇasaṃvego bhayatupaṭṭhānapaññā. Itarāsaṃ pana devatānanti akhīṇāsavadeve sandhāya vadati. Bhoti dhammālapanamattanti sabhāvakathanamattaṃ.
жагганд̇и сад̇т̇у аан̣аажаггам̣. д̇ам̣ бана д̇хаммад̇о ааг̇ад̇анд̇и д̇хаммажаггам̣. д̇ад̇т̇а арияасаавагаанам̣ бадивзд̇хад̇хаммад̇о ааг̇ад̇анд̇и д̇хаммажаггам̣. ид̇арзсам̣ д̣̇зсанаад̇хаммад̇о ааг̇ад̇анд̇и д̇хаммажаггам̣. д̣̇увид̇хзби н̃аан̣ам̣ бад̇хаананд̇и н̃аан̣асийсзна вуд̇д̇ам̣ ‘‘бадивзд̇хан̃аан̣амби д̣̇зсанаан̃аан̣амбий’’д̇и. ид̣̇аани д̇ам̣ н̃аан̣ам̣ саруубад̇о д̣̇ассзд̇ум̣ ‘‘бадивзд̇хан̃аан̣ам̣ наамаа’’д̇иаад̣̇и вуд̇д̇ам̣. яасмаа д̇асса н̃аан̣асса бадивид̣̇д̇хад̇д̇аа бхаг̇аваа д̇аани садти наяасахассаани взнзяяаанам̣ д̣̇ассзд̇ум̣ самад̇т̇о ахоси, д̇асмаа д̇аани садти наяасахассаани д̇зна н̃аан̣зна сад̣̇д̇хим̣язва сид̣̇д̇хаанийд̇и гад̇ваа д̣̇ассзнд̇о ‘‘садтияаа жа наяасахассзхи бадивиж̇жхий’’д̇и ааха. д̇ибаривадданд̇и ‘‘ид̣̇ам̣ д̣̇угка’’нд̇и жа ‘‘барин̃н̃зяяа’’нд̇и жа ‘‘барин̃н̃аад̇а’’нд̇и жа звам̣ д̇ибариваддам̣, д̇ам̣язва д̣̇ваад̣̇асаагаарам̣. д̇анд̇и д̣̇зсанаан̃аан̣ам̣. зса бхаг̇аваа. аббадибуг̇г̇алод̇и бадинид̇хибхууд̇абуг̇г̇аларахид̇о. згасад̣̇исассаад̇и ниб̣б̣игаарасса.
Cakkanti satthu āṇācakkaṃ. Taṃ pana dhammato āgatanti dhammacakkaṃ. Tattha ariyasāvakānaṃ paṭivedhadhammato āgatanti dhammacakkaṃ. Itaresaṃ desanādhammato āgatanti dhammacakkaṃ. Duvidhepi ñāṇaṃ padhānanti ñāṇasīsena vuttaṃ ‘‘paṭivedhañāṇampi desanāñāṇampī’’ti. Idāni taṃ ñāṇaṃ sarūpato dassetuṃ ‘‘paṭivedhañāṇaṃ nāmā’’tiādi vuttaṃ. Yasmā tassa ñāṇassa paṭividdhattā bhagavā tāni saṭṭhi nayasahassāni veneyyānaṃ dassetuṃ samattho ahosi, tasmā tāni saṭṭhi nayasahassāni tena ñāṇena saddhiṃyeva siddhānīti katvā dassento ‘‘saṭṭhiyā ca nayasahassehi paṭivijjhī’’ti āha. Tiparivaṭṭanti ‘‘idaṃ dukkha’’nti ca ‘‘pariññeyya’’nti ca ‘‘pariññāta’’nti ca evaṃ tiparivaṭṭaṃ, taṃyeva dvādasākāraṃ. Tanti desanāñāṇaṃ. Esa bhagavā. Appaṭipuggaloti paṭinidhibhūtapuggalarahito. Ekasadisassāti nibbikārassa.
сийхасуд̇д̇аван̣н̣анаа нидтид̇аа.
Sīhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. сийхасуд̇д̇ам̣ • 3. Sīhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сийхасуд̇д̇аван̣н̣анаа • 3. Sīhasuttavaṇṇanā
