| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. сийхасуд̇д̇аван̣н̣анаа
2. Sīhasuttavaṇṇanā
12. д̣̇уд̇ияз сант̇ааг̇аарам̣ (ма. ни. адта. 1.22; сам̣. ни. адта. 3.4.243) наама згаа махаасаалаава. уяяог̇агаалаад̣̇ийсу хи рааж̇аано д̇ад̇т̇а тад̇ваа ‘‘зд̇д̇агаа бурад̇о г̇ажчанд̇у, зд̇д̇агаа бажчаа’’д̇иаад̣̇инаа д̇ад̇т̇а нисийд̣̇ид̇ваа сант̇ам̣ гаронд̇и, марияаад̣̇ам̣ б̣анд̇ханд̇и, д̇асмаа д̇ам̣ таанам̣ ‘‘сант̇ааг̇аара’’нд̇и вужжад̇и. уяяог̇адтаанад̇о жа ааг̇анд̇ваа яаава г̇зхз г̇омаяабарибхан̣д̣аад̣̇ивасзна бадиж̇аг̇г̇анам̣ гаронд̇и, д̇аава згам̣ д̣̇вз д̣̇ивасз д̇з рааж̇аано д̇ад̇т̇а сант̇амбханд̇ийд̇иби сант̇ааг̇аарам̣. д̇зсам̣ рааж̇уунам̣ саха ад̇т̇аанусаасанам̣ аг̇ааранд̇иби сант̇ааг̇аарам̣. г̇ан̣арааж̇аано хи д̇з, д̇асмаа уббаннам̣ гижжам̣ згасса васзна на сиж̇жхад̇и, саб̣б̣зсам̣ чанд̣̇о лад̣̇д̇хум̣ ваддад̇и, д̇асмаа саб̣б̣з д̇ад̇т̇а саннибад̇ид̇ваа анусаасанд̇и. д̇зна вуд̇д̇ам̣ ‘‘саха ад̇т̇аанусаасанам̣ аг̇аара’’нд̇и. яасмаа ваа д̇ад̇т̇а саннибад̇ид̇ваа ‘‘имасмим̣ гаалз гасид̇ум̣ ваддад̇и, имасмим̣ гаалз вабид̇у’’нд̇иаад̣̇инаа наязна гхарааваасагижжаани самманд̇аяанд̇и, д̇асмаа чид̣̇д̣̇аавачид̣̇д̣̇ам̣ гхарааваасам̣ сант̇аранд̇ийд̇иби сант̇ааг̇аарам̣.
12. Dutiye santhāgāraṃ (ma. ni. aṭṭha. 1.22; saṃ. ni. aṭṭha. 3.4.243) nāma ekā mahāsālāva. Uyyogakālādīsu hi rājāno tattha ṭhatvā ‘‘ettakā purato gacchantu, ettakā pacchā’’tiādinā tattha nisīditvā santhaṃ karonti, mariyādaṃ bandhanti, tasmā taṃ ṭhānaṃ ‘‘santhāgāra’’nti vuccati. Uyyogaṭṭhānato ca āgantvā yāva gehe gomayaparibhaṇḍādivasena paṭijagganaṃ karonti, tāva ekaṃ dve divase te rājāno tattha santhambhantītipi santhāgāraṃ. Tesaṃ rājūnaṃ saha atthānusāsanaṃ agārantipi santhāgāraṃ. Gaṇarājāno hi te, tasmā uppannaṃ kiccaṃ ekassa vasena na sijjhati, sabbesaṃ chando laddhuṃ vaṭṭati, tasmā sabbe tattha sannipatitvā anusāsanti. Tena vuttaṃ ‘‘saha atthānusāsanaṃ agāra’’nti. Yasmā vā tattha sannipatitvā ‘‘imasmiṃ kāle kasituṃ vaṭṭati, imasmiṃ kāle vapitu’’ntiādinā nayena gharāvāsakiccāni sammantayanti, tasmā chiddāvachiddaṃ gharāvāsaṃ santharantītipi santhāgāraṃ.
буд̇д̇ад̣̇аарад̇ханаад̣̇иубагаран̣абарижжааг̇о баарамияо. ад̇д̇ано ан̇г̇абарижжааг̇о убабаарамияо. ад̇д̇анова ж̇ийвид̇абарижжааг̇о барамад̇т̇абаарамияо. н̃аад̇ийнам̣ ад̇т̇ажарияаа н̃аад̇ад̇т̇ажарияаа. логасса ад̇т̇ажарияаа логад̇т̇ажарияаа. гаммассагад̇ан̃аан̣авасзна анаваж̇ж̇агаммааяад̇анасиббааяад̇анавиж̇ж̇аадтаанабарижаяавасзна канд̇хааяад̇анаад̣̇ибарижаяавасзна лагкан̣ад̇д̇аяад̇ийран̣авасзна жа н̃аан̣ажааро б̣уд̣̇д̇хажарияаа. ан̇г̇анаяанад̇ханараж̇ж̇абуд̇д̇ад̣̇аарабариж̇ж̇ааг̇авасзна бан̃жа махаабарижжааг̇з барижжаж̇анд̇зна. сад̇иби махаабарижжааг̇аанам̣ д̣̇аанабаарамибхаавз барижжааг̇ависзсасабхаавад̣̇ассанад̇т̇ан̃жзва суд̣̇уггарабхаавад̣̇ассанад̇т̇ан̃жа бан̃жамахаабарижжааг̇аанам̣ висум̣ г̇ахан̣ам̣, д̇ад̇оязва жа ан̇г̇абарижжааг̇ад̇о висум̣ наяанабарижжааг̇аг̇г̇ахан̣ам̣. барижжааг̇абхаавасааман̃н̃зби д̇ханараж̇ж̇абарижжааг̇ад̇о буд̇д̇ад̣̇аарабарижжааг̇аг̇г̇ахан̣ан̃жа висум̣ гад̇ам̣. баб̣б̣аж̇ж̇аава сан̇кзбо.
Puttadāradhanādiupakaraṇapariccāgo pāramiyo. Attano aṅgapariccāgo upapāramiyo. Attanova jīvitapariccāgo paramatthapāramiyo. Ñātīnaṃ atthacariyā ñātatthacariyā. Lokassa atthacariyā lokatthacariyā. Kammassakatañāṇavasena anavajjakammāyatanasippāyatanavijjāṭṭhānaparicayavasena khandhāyatanādiparicayavasena lakkhaṇattayatīraṇavasena ca ñāṇacāro buddhacariyā. Aṅganayanadhanarajjaputtadāraparijjāgavasena pañca mahāpariccāge pariccajantena. Satipi mahāpariccāgānaṃ dānapāramibhāve pariccāgavisesasabhāvadassanatthañceva sudukkarabhāvadassanatthañca pañcamahāpariccāgānaṃ visuṃ gahaṇaṃ, tatoyeva ca aṅgapariccāgato visuṃ nayanapariccāgaggahaṇaṃ. Pariccāgabhāvasāmaññepi dhanarajjapariccāgato puttadārapariccāgaggahaṇañca visuṃ kataṃ. Pabbajjāva saṅkhepo.
сад̇д̇асу анубассанаасууд̇и анижжаанубассанаа, д̣̇угкаанубассанаа, анад̇д̇аанубассанаа, ниб̣б̣ид̣̇аанубассанаа, вирааг̇аанубассанаа, нирод̇хаанубассанаа, бадиниссаг̇г̇аанубассанаад̇и имаасу сад̇д̇асу анубассанаасу.
Sattasu anupassanāsūti aniccānupassanā, dukkhānupassanā, anattānupassanā, nibbidānupassanā, virāgānupassanā, nirodhānupassanā, paṭinissaggānupassanāti imāsu sattasu anupassanāsu.
анувижжагааранд̇и авзжжагаран̣ам̣. д̣̇вийхи гааран̣зхи анияяаанигасаасанз тид̇аа ад̇д̇ано саавагад̇д̇ам̣ убаг̇ад̇з баг̇г̇ан̣ханд̇и, д̇аани д̣̇ассзд̇ум̣ ‘‘гасмаа’’д̇иаад̣̇и вуд̇д̇ам̣.
Anuviccakāranti aveccakaraṇaṃ. Dvīhi kāraṇehi aniyyānikasāsane ṭhitā attano sāvakattaṃ upagate paggaṇhanti, tāni dassetuṃ ‘‘kasmā’’tiādi vuttaṃ.
анубуб̣б̣им̣ гат̇анд̇и (д̣̇ий. ни. дий. 2.75-76) анубуб̣б̣ам̣ гат̇зд̇аб̣б̣агат̇ам̣. гаа бана саад̇и? д̣̇аанаад̣̇игат̇аа. д̇ад̇т̇а д̣̇аанагат̇аа д̇аава бажураж̇анзсуби бавад̇д̇ияаа саб̣б̣асад̇д̇асаад̇хааран̣ад̇д̇аа сугарад̇д̇аа сийлз бад̇идтаанасса убааяабхаавад̇о жа аад̣̇ид̇о гат̇ид̇аа. барижжааг̇асийло хи буг̇г̇ало бариг̇г̇ахавад̇т̇уусу ниссан̇г̇абхаавад̇о сукзнзва сийлаани самаад̣̇ияад̇и, д̇ад̇т̇а жа суббад̇идтид̇о ход̇и. сийлзна д̣̇ааяагаббадиг̇г̇аахагависуд̣̇д̇хид̇о бараануг̇г̇ахам̣ вад̇ваа барабийл̣аанивад̇д̇иважанад̇о гирияаад̇хаммам̣ вад̇ваа агирияаад̇хаммаважанад̇о, бхог̇асамбад̇д̇ихзд̇ум̣ вад̇ваа бхавасамбад̇д̇ихзд̇уважанад̇о жа д̣̇аанагат̇аананд̇арам̣ сийлагат̇аа гат̇ид̇аа. ‘‘д̇ан̃жа сийлам̣ вадданиссид̇ам̣, аяам̣ бхавасамбад̇д̇и д̇асса пала’’нд̇и д̣̇ассанад̇т̇ам̣. ‘‘имзхи жа д̣̇аанасийламаязхи бан̣ийд̇абан̣ийд̇ад̇араад̣̇ибхзд̣̇абхиннзхи бун̃н̃агирияавад̇т̇уухи зд̇аа жаад̇умахаарааж̇игаад̣̇ийсу бан̣ийд̇абан̣ийд̇ад̇араад̣̇ибхзд̣̇абхиннаа абаримзяяаа д̣̇иб̣б̣абхог̇асамбад̇д̇ияо лад̣̇д̇хаб̣б̣аа’’д̇и д̣̇ассанад̇т̇ам̣ д̇ад̣̇ананд̇арам̣ саг̇г̇агат̇аа. ‘‘свааяам̣ саг̇г̇о рааг̇аад̣̇ийхи убаггилидто, саб̣б̣ат̇аанубаггилидто арияамаг̇г̇о’’д̇и д̣̇ассанад̇т̇ам̣ саг̇г̇аананд̇арам̣ маг̇г̇о, маг̇г̇ан̃жа гат̇знд̇зна д̇ад̣̇ад̇хиг̇амуубааяасанд̣̇ассанад̇т̇ам̣ саг̇г̇абарияаабаннааби баг̇зва ид̇арз саб̣б̣зби гаамаа наама б̣ахваад̣̇ийнаваа анижжаа ад̣̇д̇хуваа вибарин̣аамад̇хаммаад̇и гаамаанам̣ аад̣̇ийнаво. ‘‘хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа’’д̇и д̇зсам̣ огааро лаамагабхааво. саб̣б̣зби бхаваа гилзсаанам̣ вад̇т̇убхууд̇аад̇и д̇ад̇т̇а сам̣гилзсо. саб̣б̣асо сам̣гилзсавиббамуд̇д̇ам̣ ниб̣б̣аананд̇и нзгкаммз аанисам̣со жа гат̇зд̇аб̣б̣од̇и аяамад̇т̇о маг̇г̇анд̇ийд̇и зд̇т̇а ид̇и-сад̣̇д̣̇зна аад̣̇и-ад̇т̇зна д̣̇ийбид̇од̇и взд̣̇ид̇аб̣б̣ам̣.
Anupubbiṃ kathanti (dī. ni. ṭī. 2.75-76) anupubbaṃ kathetabbakathaṃ. Kā pana sāti? Dānādikathā. Tattha dānakathā tāva pacurajanesupi pavattiyā sabbasattasādhāraṇattā sukarattā sīle patiṭṭhānassa upāyabhāvato ca ādito kathitā. Pariccāgasīlo hi puggalo pariggahavatthūsu nissaṅgabhāvato sukheneva sīlāni samādiyati, tattha ca suppatiṭṭhito hoti. Sīlena dāyakappaṭiggāhakavisuddhito parānuggahaṃ vatvā parapīḷānivattivacanato kiriyādhammaṃ vatvā akiriyādhammavacanato, bhogasampattihetuṃ vatvā bhavasampattihetuvacanato ca dānakathānantaraṃ sīlakathā kathitā. ‘‘Tañca sīlaṃ vaṭṭanissitaṃ, ayaṃ bhavasampatti tassa phala’’nti dassanatthaṃ. ‘‘Imehi ca dānasīlamayehi paṇītapaṇītatarādibhedabhinnehi puññakiriyavatthūhi etā cātumahārājikādīsu paṇītapaṇītatarādibhedabhinnā aparimeyyā dibbabhogasampattiyo laddhabbā’’ti dassanatthaṃ tadanantaraṃ saggakathā. ‘‘Svāyaṃ saggo rāgādīhi upakkiliṭṭho, sabbathānupakkiliṭṭho ariyamaggo’’ti dassanatthaṃ saggānantaraṃ maggo, maggañca kathentena tadadhigamūpāyasandassanatthaṃ saggapariyāpannāpi pageva itare sabbepi kāmā nāma bahvādīnavā aniccā addhuvā vipariṇāmadhammāti kāmānaṃ ādīnavo. ‘‘Hīnā gammā pothujjanikā anariyā anatthasaṃhitā’’ti tesaṃ okāro lāmakabhāvo. Sabbepi bhavā kilesānaṃ vatthubhūtāti tattha saṃkileso. Sabbaso saṃkilesavippamuttaṃ nibbānanti nekkhamme ānisaṃso ca kathetabboti ayamattho maggantīti ettha iti-saddena ādi-atthena dīpitoti veditabbaṃ.
сукаанам̣ нид̣̇аананд̇и д̣̇идтад̇хаммигаанам̣ самбарааяигаанам̣ ниб̣б̣аанубасам̣хид̇аанан̃жаад̇и саб̣б̣зсамби сукаанам̣ гааран̣ам̣. яан̃хи гин̃жи логз бхог̇асукам̣ наама, д̇ам̣ саб̣б̣ам̣ д̣̇аанаад̇хийнанд̇и баагадояамад̇т̇о. яам̣ бана жхаанавибассанаамаг̇г̇апаланиб̣б̣аанаббадисам̣яуд̇д̇ам̣ сукам̣, д̇ассаби д̣̇аанам̣ убаниссаяабажжаяо ход̇иязва . самбад̇д̇ийнам̣ мууланд̇и яаа имаа логз бад̣̇зсараж̇ж̇асириссарияасад̇д̇арад̇анасамуж̇ж̇алажаггавад̇д̇исамбад̣̇аад̇и звам̣бабхзд̣̇аа маанусигаа самбад̇д̇ияо, яаа жа жаад̇умахаарааж̇игаад̣̇иг̇ад̇аа д̣̇иб̣б̣асамбад̇д̇ияо, яаа ваа банан̃н̃ааби самбад̇д̇ияо , д̇аасам̣ саб̣б̣аасам̣ ид̣̇ам̣ муулагааран̣ам̣. бхог̇аананд̇и бхун̃ж̇ид̇аб̣б̣адтзна ‘‘бхог̇о’’д̇и лад̣̇д̇ханаамаанам̣ бияаманаабияаруубаад̣̇ийнам̣ д̇анниссаяаанам̣ ваа убабхог̇асукаанам̣ бад̇идтаа нижжалаад̇хидтаанад̇ааяа. висамаг̇ад̇ассаад̇и б̣яасанаббад̇д̇асса. д̇аан̣анд̇и рагкаа, д̇ад̇о барибааланад̇о. лзн̣анд̇и б̣яасанзхи барибаад̇ияамаанасса олийяанаббад̣̇зсо. г̇ад̇ийд̇и г̇анд̇аб̣б̣адтаанам̣. барааяан̣анд̇и бадисаран̣ам̣. авассаяод̇и винибад̇ид̇ум̣ ад̣̇знд̇о ниссаяо. аарамман̣анд̇и олуб̣бхаарамман̣ам̣.
Sukhānaṃ nidānanti diṭṭhadhammikānaṃ samparāyikānaṃ nibbānupasaṃhitānañcāti sabbesampi sukhānaṃ kāraṇaṃ. Yañhi kiñci loke bhogasukhaṃ nāma, taṃ sabbaṃ dānādhīnanti pākaṭoyamattho. Yaṃ pana jhānavipassanāmaggaphalanibbānappaṭisaṃyuttaṃ sukhaṃ, tassapi dānaṃ upanissayapaccayo hotiyeva . Sampattīnaṃ mūlanti yā imā loke padesarajjasirissariyasattaratanasamujjalacakkavattisampadāti evaṃpabhedā mānusikā sampattiyo, yā ca cātumahārājikādigatā dibbasampattiyo, yā vā panaññāpi sampattiyo , tāsaṃ sabbāsaṃ idaṃ mūlakāraṇaṃ. Bhogānanti bhuñjitabbaṭṭhena ‘‘bhogo’’ti laddhanāmānaṃ piyamanāpiyarūpādīnaṃ tannissayānaṃ vā upabhogasukhānaṃ patiṭṭhā niccalādhiṭṭhānatāya. Visamagatassāti byasanappattassa. Tāṇanti rakkhā, tato paripālanato. Leṇanti byasanehi paripātiyamānassa olīyanappadeso. Gatīti gantabbaṭṭhānaṃ. Parāyaṇanti paṭisaraṇaṃ. Avassayoti vinipatituṃ adento nissayo. Ārammaṇanti olubbhārammaṇaṃ.
рад̇анамаяасийхаасанасад̣̇исанд̇и саб̣б̣арад̇анамаяасад̇д̇ан̇г̇амахаасийхаасанасад̣̇исам̣. звам̣ хисса махаг̇гхам̣ худ̇ваа саб̣б̣асо винибад̇ид̇ум̣ аббад̣̇аанадто д̣̇ийбид̇о ход̇и. махаабат̇авийсад̣̇исам̣ г̇ад̇аг̇ад̇адтаанз бад̇идтаанасса лабхаабанад̇о. яат̇аа д̣̇уб̣б̣аласса бурисасса ааламб̣анараж̇ж̇у уд̇д̇идтад̇о д̇идтад̇о жа убад̇т̇амбхо, звам̣ д̣̇аанам̣ сад̇д̇аанам̣ самбад̇д̇ибхавз убабад̇д̇ияаа тид̇ияаа жа бажжаяод̇и ааха ‘‘ааламб̣анадтзна ааламб̣анараж̇ж̇усад̣̇иса’’нд̇и. д̣̇угканид̇т̇аран̣адтзнаад̇и д̣̇уг̇г̇ад̇ид̣̇угкадтаананид̇т̇аран̣адтзна. самассаасанадтзнаад̇и лобхамажчарияаад̣̇ибадисад̇д̇убад̣̇д̣̇авад̇о самассаасанадтзна. бхаяабарид̇д̇аан̣адтзнаад̇и д̣̇аалид̣̇д̣̇ияабхаяад̇о барибааланадтзна. мажчзрамалаад̣̇ийхийд̇и мажчзралобхад̣̇осамад̣̇аиссаамижчаад̣̇идтивижигижчаад̣̇ижид̇д̇амалзхи. анубалид̇д̇адтзнаад̇и анубаггилидтад̇ааяа. д̇зсанд̇и мажчзрамалаад̣̇ийнам̣. д̇зсам̣ зва д̣̇ураасад̣̇адтзна. асанд̇аасанадтзнаад̇и санд̇аасахзд̇уабхаавзна. яо хи д̣̇ааяаго д̣̇аанабад̇и, со самбад̇иби на гуд̇ожи санд̇асад̇и, баг̇зва ааяад̇им̣. б̣алаванд̇адтзнаад̇и махааб̣алавад̇ааяа. д̣̇ааяаго хи д̣̇аанабад̇и самбад̇и багкаб̣алзна б̣алаваа ход̇и, ааяад̇им̣ бана гааяаб̣алаад̣̇ийхиби. абхиман̇г̇аласаммад̇адтзнаад̇и ‘‘вад̣дхигааран̣а’’нд̇и абхисаммад̇абхаавзна. вибад̇д̇ибхавад̇о самбад̇д̇ибхавуубанаяанам̣ кзманд̇абхуумисамбаабанам̣.
Ratanamayasīhāsanasadisanti sabbaratanamayasattaṅgamahāsīhāsanasadisaṃ. Evaṃ hissa mahagghaṃ hutvā sabbaso vinipatituṃ appadānaṭṭho dīpito hoti. Mahāpathavīsadisaṃ gatagataṭṭhāne patiṭṭhānassa labhāpanato. Yathā dubbalassa purisassa ālambanarajju uttiṭṭhato tiṭṭhato ca upatthambho, evaṃ dānaṃ sattānaṃ sampattibhave upapattiyā ṭhitiyā ca paccayoti āha ‘‘ālambanaṭṭhena ālambanarajjusadisa’’nti. Dukkhanittharaṇaṭṭhenāti duggatidukkhaṭṭhānanittharaṇaṭṭhena. Samassāsanaṭṭhenāti lobhamacchariyādipaṭisattupaddavato samassāsanaṭṭhena. Bhayaparittāṇaṭṭhenāti dāliddiyabhayato paripālanaṭṭhena. Maccheramalādīhīti maccheralobhadosamadaissāmicchādiṭṭhivicikicchādicittamalehi. Anupalittaṭṭhenāti anupakkiliṭṭhatāya. Tesanti maccheramalādīnaṃ. Tesaṃ eva durāsadaṭṭhena. Asantāsanaṭṭhenāti santāsahetuabhāvena. Yo hi dāyako dānapati, so sampatipi na kutoci santasati, pageva āyatiṃ. Balavantaṭṭhenāti mahābalavatāya. Dāyako hi dānapati sampati pakkhabalena balavā hoti, āyatiṃ pana kāyabalādīhipi. Abhimaṅgalasammataṭṭhenāti ‘‘vaḍḍhikāraṇa’’nti abhisammatabhāvena. Vipattibhavato sampattibhavūpanayanaṃ khemantabhūmisampāpanaṃ.
ид̣̇аани махааб̣од̇хижарияабхаавзнаби д̣̇аанаг̇ун̣ам̣ д̣̇ассзд̇ум̣ ‘‘д̣̇аанам̣ наамзд̇а’’нд̇иаад̣̇и вуд̇д̇ам̣. д̇ад̇т̇а ад̇д̇аанам̣ нияяаад̇знд̇знаад̇и зд̇зна ‘‘д̣̇аанапалам̣ саммад̣̇зва бассанд̇аа махаабурисаа ад̇д̇ано ж̇ийвид̇амби барижжаж̇анд̇и, д̇асмаа го наама вин̃н̃уж̇аад̇иго б̣аахирз вад̇т̇усмим̣ баг̇зва сан̇г̇ам̣ гарзяяаа’’д̇и оваад̣̇ам̣ д̣̇зд̇и. ид̣̇аани яаа логияаа логуд̇д̇араа жа уггам̣саг̇ад̇аа самбад̇д̇ияо, д̇аа саб̣б̣аа д̣̇аанад̇оязва бавад̇д̇анд̇ийд̇и д̣̇ассзнд̇о ‘‘д̣̇аанан̃хий’’д̇иаад̣̇имааха. д̇ад̇т̇а саггамаараб̣рахмасамбад̇д̇ияо ад̇д̇ахид̇ааяа зва, жаггавад̇д̇исамбад̇д̇и бана ад̇д̇ахид̇ааяа барахид̇ааяа жаад̇и д̣̇ассзд̇ум̣ саа д̇аасам̣ барад̇о жаггавад̇д̇исамбад̇д̇и вуд̇д̇аа. зд̇аа логияаа, имаа бана логуд̇д̇араад̇и д̣̇ассзд̇ум̣ ‘‘саавагабаарамин̃аан̣а’’нд̇иаад̣̇и вуд̇д̇ам̣. д̇аасуби уггадтуггадтад̇аруггадтад̇амад̇ам̣ д̣̇ассзд̇ум̣ гамзна н̃аан̣ад̇д̇аяам̣ вуд̇д̇ам̣. д̇зсам̣ бана д̣̇аанасса бажжаяабхааво хздтаа вуд̇д̇оязва. зд̇знзва д̇асса б̣рахмасамбад̇д̇ияааби бажжаяабхааво д̣̇ийбид̇од̇и взд̣̇ид̇аб̣б̣о.
Idāni mahābodhicariyabhāvenapi dānaguṇaṃ dassetuṃ ‘‘dānaṃ nāmeta’’ntiādi vuttaṃ. Tattha attānaṃ niyyātentenāti etena ‘‘dānaphalaṃ sammadeva passantā mahāpurisā attano jīvitampi pariccajanti, tasmā ko nāma viññujātiko bāhire vatthusmiṃ pageva saṅgaṃ kareyyā’’ti ovādaṃ deti. Idāni yā lokiyā lokuttarā ca ukkaṃsagatā sampattiyo, tā sabbā dānatoyeva pavattantīti dassento ‘‘dānañhī’’tiādimāha. Tattha sakkamārabrahmasampattiyo attahitāya eva, cakkavattisampatti pana attahitāya parahitāya cāti dassetuṃ sā tāsaṃ parato cakkavattisampatti vuttā. Etā lokiyā, imā pana lokuttarāti dassetuṃ ‘‘sāvakapāramiñāṇa’’ntiādi vuttaṃ. Tāsupi ukkaṭṭhukkaṭṭhatarukkaṭṭhatamataṃ dassetuṃ kamena ñāṇattayaṃ vuttaṃ. Tesaṃ pana dānassa paccayabhāvo heṭṭhā vuttoyeva. Eteneva tassa brahmasampattiyāpi paccayabhāvo dīpitoti veditabbo.
д̣̇аанан̃жа наама д̣̇агкин̣зяязсу хид̇аж̇жхаасаязна бууж̇анаж̇жхаасаязна ваа ад̇д̇ано санд̇агасса барзсам̣ барижжаж̇анам̣, д̇асмаа д̣̇ааяаго бурисабуг̇г̇ало барз ханд̇и, барзсам̣ ваа санд̇агам̣ харад̇ийд̇и адтаанамзд̇анд̇и ааха ‘‘д̣̇аанам̣ д̣̇знд̇о сийлам̣ самаад̣̇аад̇ум̣ саггод̇ий’’д̇и. сийлаалан̇гаарасад̣̇исо алан̇гааро над̇т̇и собхаависзсаавахад̇д̇аа сийласса. сийлабубпасад̣̇исам̣ бубпам̣ над̇т̇ийд̇и зд̇т̇ааби зсзва наяо. сийлаг̇анд̇хасад̣̇исо г̇анд̇хо над̇т̇ийд̇и зд̇т̇а ‘‘жанд̣̇анам̣ д̇аг̇арам̣ ваабий’’д̇иаад̣̇игаа (д̇ха. ба. 55) г̇аат̇аа – ‘‘г̇анд̇хо исийнам̣ жирад̣̇игкид̇аанам̣, гааяаа жуд̇о г̇ажчад̇и маалуд̇знаа’’д̇иаад̣̇игаа (ж̇аа. 2.17.55) ж̇аад̇агаг̇аат̇ааяо жа аахарид̇ваа вад̇д̇аб̣б̣аа. сийлан̃хи сад̇д̇аанам̣ аабхаран̣ан̃жзва алан̇гааро жа г̇анд̇хавилзбанан̃жа барасса д̣̇ассанийяабхааваавахан̃жа. д̇знааха ‘‘сийлаалан̇гаарзна хий’’д̇иаад̣̇и.
Dānañca nāma dakkhiṇeyyesu hitajjhāsayena pūjanajjhāsayena vā attano santakassa paresaṃ pariccajanaṃ, tasmā dāyako purisapuggalo pare hanti, paresaṃ vā santakaṃ haratīti aṭṭhānametanti āha ‘‘dānaṃ dento sīlaṃ samādātuṃ sakkotī’’ti. Sīlālaṅkārasadiso alaṅkāro natthi sobhāvisesāvahattā sīlassa. Sīlapupphasadisaṃ pupphaṃ natthīti etthāpi eseva nayo. Sīlagandhasadiso gandho natthīti ettha ‘‘candanaṃ tagaraṃ vāpī’’tiādikā (dha. pa. 55) gāthā – ‘‘gandho isīnaṃ ciradikkhitānaṃ, kāyā cuto gacchati mālutenā’’tiādikā (jā. 2.17.55) jātakagāthāyo ca āharitvā vattabbā. Sīlañhi sattānaṃ ābharaṇañceva alaṅkāro ca gandhavilepanañca parassa dassanīyabhāvāvahañca. Tenāha ‘‘sīlālaṅkārena hī’’tiādi.
аяам̣ саг̇г̇о лаб̣бхад̇ийд̇и ид̣̇ам̣ маж̇жхимзхи аарад̣̇д̇хам̣ сийлам̣ санд̇хааяааха. д̇знзвааха сагго д̣̇зварааж̇аа –
Ayaṃ saggo labbhatīti idaṃ majjhimehi āraddhaṃ sīlaṃ sandhāyāha. Tenevāha sakko devarājā –
‘‘хийнзна б̣рахмажариязна, кад̇д̇ияз убабаж̇ж̇ад̇и;
‘‘Hīnena brahmacariyena, khattiye upapajjati;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇ий’’д̇и. (ж̇аа. 1.8.75);
Majjhimena ca devattaṃ, uttamena visujjhatī’’ti. (jā. 1.8.75);
идтод̇и суко. ганд̇од̇и гаманийяо. манаабод̇и манавад̣дханаго. д̇ам̣ бана д̇асса идтаад̣̇ибхаавам̣ д̣̇ассзд̇ум̣ ‘‘нижжамзд̇т̇а гийл̣аа’’д̇иаад̣̇и вуд̇д̇ам̣.
Iṭṭhoti sukho. Kantoti kamanīyo. Manāpoti manavaḍḍhanako. Taṃ pana tassa iṭṭhādibhāvaṃ dassetuṃ ‘‘niccamettha kīḷā’’tiādi vuttaṃ.
д̣̇осод̇и анижжад̇аад̣̇инаа аббассаад̣̇аад̣̇инаа жа д̣̇уусид̇абхааво, яад̇о д̇з вин̃н̃уунам̣ жид̇д̇ам̣ наараад̇хзнд̇и. ат̇а ваа аад̣̇ийнам̣ ваад̇и бавад̇д̇ад̇ийд̇и аад̣̇ийнаво, барамагабан̣ад̇аа. д̇ат̇аа жа гаамаа яат̇аад̇ат̇ам̣ бажжавзгканд̇аанам̣ бажжубад̇идтанд̇и. лаамагабхаавод̇и асздтзхи сзвид̇аб̣б̣о, сздтзхи на сзвид̇аб̣б̣о нихийнабхааво. сам̣гилиссананд̇и виб̣аад̇хагад̇аа убад̇аабагад̇аа жа.
Dosoti aniccatādinā appassādādinā ca dūsitabhāvo, yato te viññūnaṃ cittaṃ nārādhenti. Atha vā ādīnaṃ vāti pavattatīti ādīnavo, paramakapaṇatā. Tathā ca kāmā yathātathaṃ paccavekkhantānaṃ paccupatiṭṭhanti. Lāmakabhāvoti aseṭṭhehi sevitabbo, seṭṭhehi na sevitabbo nihīnabhāvo. Saṃkilissananti vibādhakatā upatāpakatā ca.
нзгкаммз аанисам̣санд̇и зд̇т̇а ‘‘яад̇д̇агаа гаамзсу аад̣̇ийнаваа, д̇аббадибагкад̇о д̇ад̇д̇агаа нзгкаммз аанисам̣саа. абижа нзгкаммам̣ наамзд̇ам̣ асамб̣аад̇хам̣ асам̣гилидтам̣, нигканд̇ам̣ гаамзхи, нигканд̇ам̣ гаамасан̃н̃ааяа, нигканд̇ам̣ гаамавид̇аггзхи, нигканд̇ам̣ гаамабарил̣аахзхи, нигканд̇ам̣ б̣яаабаад̣̇асан̃н̃ааяаа’’д̇иаад̣̇инаа наязна нзгкаммз аанисам̣сз багаасзси. баб̣б̣аж̇ж̇ааяам̣ жхаанаад̣̇ийсу жа г̇ун̣з вибхаавзси ван̣н̣зси. галлажид̇д̇анд̇и гамманияажид̇д̇ам̣ хздтаа бавад̇д̇ид̇ад̣̇зсанааяа ассад̣̇д̇хияаад̣̇ийнам̣ жид̇д̇ад̣̇осаанам̣ виг̇ад̇ад̇д̇аа убари д̣̇зсанааяа бхааж̇анабхаавуубаг̇амзна гаммагкамажид̇д̇ам̣. адтагат̇ааяам̣ бана яасмаа ассад̣̇д̇хияаад̣̇аяо жид̇д̇асса рог̇абхууд̇аа, д̇ад̣̇аа д̇з виг̇ад̇аа, д̇асмаа ааха ‘‘арог̇ажид̇д̇а’’нд̇и. д̣̇идтимаанаад̣̇игилзсавиг̇амзна муд̣̇ужид̇д̇ам̣. гаамажчанд̣̇аад̣̇ивиг̇амзна винийваран̣ажид̇д̇ам̣. саммаабадибад̇д̇ияам̣ ул̣аарабийд̇ибаамож̇ж̇аяог̇зна уд̣̇аг̇г̇ажид̇д̇ам̣. д̇ад̇т̇а сад̣̇д̇хаасамбад̇д̇ияаа басаннажид̇д̇ам̣. яад̣̇аа бхаг̇аваа ан̃н̃аасийд̇и самб̣анд̇хо. ат̇а ваа галлажид̇д̇анд̇и гаамажчанд̣̇авиг̇амзна арог̇ажид̇д̇ам̣. муд̣̇ужид̇д̇анд̇и б̣яаабаад̣̇авиг̇амзна мзд̇д̇аавасзна агатинажид̇д̇ам̣. винийваран̣ажид̇д̇анд̇и уд̣̇д̇хажжагуггужжавиг̇амзна авигкзбад̇о д̇зна абихид̇ажид̇д̇ам̣. уд̣̇аг̇г̇ажид̇д̇анд̇и т̇инамид̣̇д̇хавиг̇амзна самбаг̇г̇ахид̇авасзна алийнажид̇д̇ам̣. басаннажид̇д̇анд̇и вижигижчаавиг̇амзна саммаабадибад̇д̇ияам̣ ад̇химуд̇д̇ажид̇д̇анд̇и звамзд̇т̇а сзсабад̣̇аанам̣ ад̇т̇о взд̣̇ид̇аб̣б̣о.
Nekkhammeānisaṃsanti ettha ‘‘yattakā kāmesu ādīnavā, tappaṭipakkhato tattakā nekkhamme ānisaṃsā. Apica nekkhammaṃ nāmetaṃ asambādhaṃ asaṃkiliṭṭhaṃ, nikkhantaṃ kāmehi, nikkhantaṃ kāmasaññāya, nikkhantaṃ kāmavitakkehi, nikkhantaṃ kāmapariḷāhehi, nikkhantaṃ byāpādasaññāyā’’tiādinā nayena nekkhamme ānisaṃse pakāsesi. Pabbajjāyaṃ jhānādīsu ca guṇe vibhāvesi vaṇṇesi. Kallacittanti kammaniyacittaṃ heṭṭhā pavattitadesanāya assaddhiyādīnaṃ cittadosānaṃ vigatattā upari desanāya bhājanabhāvūpagamena kammakkhamacittaṃ. Aṭṭhakathāyaṃ pana yasmā assaddhiyādayo cittassa rogabhūtā, tadā te vigatā, tasmā āha ‘‘arogacitta’’nti. Diṭṭhimānādikilesavigamena muducittaṃ. Kāmacchandādivigamena vinīvaraṇacittaṃ. Sammāpaṭipattiyaṃ uḷārapītipāmojjayogena udaggacittaṃ. Tattha saddhāsampattiyā pasannacittaṃ. Yadā bhagavā aññāsīti sambandho. Atha vā kallacittanti kāmacchandavigamena arogacittaṃ. Muducittanti byāpādavigamena mettāvasena akaṭhinacittaṃ. Vinīvaraṇacittanti uddhaccakukkuccavigamena avikkhepato tena apihitacittaṃ. Udaggacittanti thinamiddhavigamena sampaggahitavasena alīnacittaṃ. Pasannacittanti vicikicchāvigamena sammāpaṭipattiyaṃ adhimuttacittanti evamettha sesapadānaṃ attho veditabbo.
сзяяат̇аабийд̇иаад̣̇инаа убамаавасзна сийхасса гилзсаббахаанам̣ арияамаг̇г̇уббаад̣̇анан̃жа д̣̇ассзд̇и. абаг̇ад̇агаал̣аганд̇и виг̇ад̇агаал̣агам̣. саммад̣̇зваад̇и судтуд̣̇зва. раж̇ананд̇и нийлабийд̇алохид̇аад̣̇иран̇г̇аж̇аад̇ам̣. бадиг̇г̇ан̣хзяяаад̇и г̇ан̣хзяяа, бабхассарам̣ бхавзяяа. д̇асмим̣язва аасанзд̇и д̇ассам̣язва нисаж̇ж̇ааяам̣. зд̇знасса лахувибассагад̇аа д̇игкабан̃н̃ад̇аа сукаббадибад̣̇акиббаабхин̃н̃ад̇аа жа д̣̇ассид̇аа ход̇и. вираж̇анд̇и абааяаг̇аманийяарааг̇араж̇аад̣̇ийнам̣ виг̇амзна вираж̇ам̣. анавасзсад̣̇идтивижигижчаамалаабаг̇амзна вийд̇амалам̣. батамамаг̇г̇аваж̇жхагилзсараж̇аабхаавзна ваа вираж̇ам̣. бан̃жавид̇хад̣̇уссийляамалавиг̇амзна вийд̇амалам̣. д̇асса уббад̇д̇иаагаарад̣̇ассанад̇т̇анд̇и гасмаа вуд̇д̇ам̣? нану маг̇г̇ан̃аан̣ам̣ асан̇кад̇ад̇хаммаарамман̣анд̇и жод̣̇анам̣ санд̇хааяааха ‘‘д̇ан̃хий’’д̇иаад̣̇и. д̇ад̇т̇а бадивиж̇жханд̇анд̇и асаммохаббадивзд̇хавасзна бадивиж̇жханд̇ам̣. д̇знааха ‘‘гижжавасзнаа’’д̇и. д̇ад̇рид̣̇ам̣ убамаасам̣санд̣̇анам̣ – вад̇т̇ам̣ вияа жид̇д̇ам̣, вад̇т̇асса ааг̇анд̇угамалзхи гилидтабхааво вияа жид̇д̇асса рааг̇аад̣̇ималзхи сам̣гилидтабхааво, д̇хованасилаад̇алам̣ вияа анубуб̣б̣ийгат̇аа, уд̣̇агам̣ вияа сад̣̇д̇хаа, уд̣̇агзна д̇змзд̇ваа уусаг̇омаяачааригакаарзхи гаал̣агз саммад̣̇д̣̇ид̇ваа вад̇т̇асса д̇хованаббаяог̇о вияа сад̣̇д̇хаасинзхзна д̇змзд̇ваа д̇змзд̇ваа сад̇исамаад̇хибан̃н̃аахи д̣̇осз сит̇илз гад̇ваа суд̇аад̣̇ивид̇хинаа жид̇д̇асса сод̇ханз вийрияаарамбхо. д̇зна баяог̇зна вад̇т̇з гаал̣агаабаг̇амо вияа вийрияаарамбхзна гилзсавигкамбханам̣, ран̇г̇аж̇аад̇ам̣ вияа арияамаг̇г̇о, д̇зна суд̣̇д̇хавад̇т̇асса бабхассарабхааво вияа вигкамбхид̇агилзсасса жид̇д̇асса маг̇г̇зна барияод̣̇абананд̇и.
Seyyathāpītiādinā upamāvasena sīhassa kilesappahānaṃ ariyamagguppādanañca dasseti. Apagatakāḷakanti vigatakāḷakaṃ. Sammadevāti suṭṭhudeva. Rajananti nīlapītalohitādiraṅgajātaṃ. Paṭiggaṇheyyāti gaṇheyya, pabhassaraṃ bhaveyya. Tasmiṃyeva āsaneti tassaṃyeva nisajjāyaṃ. Etenassa lahuvipassakatā tikkhapaññatā sukhappaṭipadakhippābhiññatā ca dassitā hoti. Virajanti apāyagamanīyarāgarajādīnaṃ vigamena virajaṃ. Anavasesadiṭṭhivicikicchāmalāpagamena vītamalaṃ. Paṭhamamaggavajjhakilesarajābhāvena vā virajaṃ. Pañcavidhadussīlyamalavigamena vītamalaṃ. Tassa uppattiākāradassanatthanti kasmā vuttaṃ? Nanu maggañāṇaṃ asaṅkhatadhammārammaṇanti codanaṃ sandhāyāha ‘‘tañhī’’tiādi. Tattha paṭivijjhantanti asammohappaṭivedhavasena paṭivijjhantaṃ. Tenāha ‘‘kiccavasenā’’ti. Tatridaṃ upamāsaṃsandanaṃ – vatthaṃ viya cittaṃ, vatthassa āgantukamalehi kiliṭṭhabhāvo viya cittassa rāgādimalehi saṃkiliṭṭhabhāvo, dhovanasilātalaṃ viya anupubbīkathā, udakaṃ viya saddhā, udakena temetvā ūsagomayachārikakhārehi kāḷake sammadditvā vatthassa dhovanappayogo viya saddhāsinehena temetvā temetvā satisamādhipaññāhi dose sithile katvā sutādividhinā cittassa sodhane vīriyārambho. Tena payogena vatthe kāḷakāpagamo viya vīriyārambhena kilesavikkhambhanaṃ, raṅgajātaṃ viya ariyamaggo, tena suddhavatthassa pabhassarabhāvo viya vikkhambhitakilesassa cittassa maggena pariyodapananti.
‘‘д̣̇идтад̇хаммо’’д̇и вад̇ваа д̣̇ассанам̣ наама н̃аан̣ад̣̇ассанад̇о ан̃н̃амби ад̇т̇ийд̇и д̇аннивад̇д̇анад̇т̇ам̣ ‘‘бад̇д̇ад̇хаммо’’д̇и вуд̇д̇ам̣. бад̇д̇и наама н̃аан̣асамбад̇д̇ид̇о ан̃н̃ааби виж̇ж̇ад̇ийд̇и д̇ад̇о висзсанад̇т̇ам̣ ‘‘вид̣̇ид̇ад̇хаммо’’д̇и вуд̇д̇ам̣. саа банзсаа вид̣̇ид̇ад̇хаммад̇аа д̇хаммзсу згад̣̇зсзнаби ход̇ийд̇и ниббад̣̇зсад̇о вид̣̇ид̇абхаавам̣ д̣̇ассзд̇ум̣. ‘‘барияог̇аал̣хад̇хаммо’’д̇и вуд̇д̇ам̣. д̇знасса сажжаабхисамб̣од̇хам̣язва д̣̇ийбзд̇и. маг̇г̇ан̃аан̣ан̃хи згаабхисамаяавасзна барин̃н̃аад̣̇игижжам̣ саад̇хзнд̇ам̣ ниббад̣̇зсзна жад̇усажжад̇хаммам̣ саманд̇ад̇о ог̇аал̣хам̣ наама ход̇и. д̇знааха ‘‘д̣̇идто арияасажжад̇хаммо зд̇знаад̇и д̣̇идтад̇хаммо’’д̇и. д̇ин̣н̣аа вижигижчаад̇и саббадибхаяаганд̇аарасад̣̇исаа сол̣асавад̇т̇угаа адтавад̇т̇угаа жа д̇ин̣н̣аа нид̇д̇ин̣н̣аа вижигижчаа. виг̇ад̇аа гат̇ам̣гат̇аад̇и бавад̇д̇иаад̣̇ийсу ‘‘звам̣ ну ко, на ну ко’’д̇и звам̣ бавад̇д̇игаа виг̇ад̇аа самужчиннаа гат̇ам̣гат̇аа. саараж̇ж̇агараанам̣ баабад̇хаммаанам̣ бахийнад̇д̇аа д̇аббадибагкзсу сийлаад̣̇иг̇ун̣зсу бад̇идтид̇ад̇д̇аа взсаараж̇ж̇ам̣ висаарад̣̇абхаавам̣ взяяад̇д̇ияам̣ бад̇д̇о. ад̇д̇анаа зва бажжагкад̇о д̣̇идтад̇д̇аа на барам̣ бажжзд̇и, на жасса баро бажжзд̇аб̣б̣о ад̇т̇ийд̇и абараббажжаяо.
‘‘Diṭṭhadhammo’’ti vatvā dassanaṃ nāma ñāṇadassanato aññampi atthīti tannivattanatthaṃ ‘‘pattadhammo’’ti vuttaṃ. Patti nāma ñāṇasampattito aññāpi vijjatīti tato visesanatthaṃ ‘‘viditadhammo’’ti vuttaṃ. Sā panesā viditadhammatā dhammesu ekadesenapi hotīti nippadesato viditabhāvaṃ dassetuṃ. ‘‘Pariyogāḷhadhammo’’ti vuttaṃ. Tenassa saccābhisambodhaṃyeva dīpeti. Maggañāṇañhi ekābhisamayavasena pariññādikiccaṃ sādhentaṃ nippadesena catusaccadhammaṃ samantato ogāḷhaṃ nāma hoti. Tenāha ‘‘diṭṭho ariyasaccadhammo etenāti diṭṭhadhammo’’ti. Tiṇṇā vicikicchāti sappaṭibhayakantārasadisā soḷasavatthukā aṭṭhavatthukā ca tiṇṇā nittiṇṇā vicikicchā. Vigatā kathaṃkathāti pavattiādīsu ‘‘evaṃ nu kho, na nu kho’’ti evaṃ pavattikā vigatā samucchinnā kathaṃkathā. Sārajjakarānaṃ pāpadhammānaṃ pahīnattā tappaṭipakkhesu sīlādiguṇesu patiṭṭhitattā vesārajjaṃ visāradabhāvaṃ veyyattiyaṃ patto. Attanā eva paccakkhato diṭṭhattā na paraṃ pacceti, na cassa paro paccetabbo atthīti aparappaccayo.
уд̣̇д̣̇исид̇ваа гад̇анд̇и ад̇д̇аанам̣ уд̣̇д̣̇исид̇ваа мааран̣авасзна гад̇ам̣ ниб̣б̣ад̇д̇ид̇ам̣ мам̣сам̣. бадижжагамманд̇и зд̇т̇а гамма-сад̣̇д̣̇о гаммасаад̇хано ад̇ийд̇агаалиго жаад̇и ааха ‘‘ад̇д̇аанам̣ бадижжагад̇а’’нд̇и. нимид̇д̇агаммассзд̇ам̣ ад̇хиважанам̣ ‘‘бадижжа гаммам̣ пусад̇ий’’д̇иаад̣̇ийсу (ж̇аа. 1.4.75) вияа. нимид̇д̇агаммассаад̇и нимид̇д̇абхаавзна лад̣̇д̇хаб̣б̣агаммасса. гаран̣авасзна бадижжагаммам̣ зд̇т̇а ад̇т̇ийд̇и мам̣сам̣ бадижжагаммам̣ яат̇аа б̣уд̣̇д̇хи б̣уд̣̇д̇хам̣. д̇ам̣ зд̇асса ад̇т̇ийд̇и б̣уд̣̇д̇хо. сзсамзд̇т̇а уд̇д̇аанамзва.
Uddisitvā katanti attānaṃ uddisitvā māraṇavasena kataṃ nibbattitaṃ maṃsaṃ. Paṭiccakammanti ettha kamma-saddo kammasādhano atītakāliko cāti āha ‘‘attānaṃ paṭiccakata’’nti. Nimittakammassetaṃ adhivacanaṃ ‘‘paṭicca kammaṃ phusatī’’tiādīsu (jā. 1.4.75) viya. Nimittakammassāti nimittabhāvena laddhabbakammassa. Karaṇavasena paṭiccakammaṃ ettha atthīti maṃsaṃ paṭiccakammaṃ yathā buddhi buddhaṃ. Taṃ etassa atthīti buddho. Sesamettha uttānameva.
сийхасуд̇д̇аван̣н̣анаа нидтид̇аа.
Sīhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сийхасуд̇д̇ам̣ • 2. Sīhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. сийхасуд̇д̇аван̣н̣анаа • 2. Sīhasuttavaṇṇanā
