| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. сийхасуд̇д̇аван̣н̣анаа
6. Sīhasuttavaṇṇanā
78. сийход̇и бариссаяасаханад̇о бадибагкахананад̇о жа ‘‘сийхо’д̇и лад̣̇д̇ханаамо миг̇аад̇хибад̇и. жад̇д̇аарод̇и жа самаанзби сийхаж̇аад̇игабхаавз ван̣н̣ависзсаад̣̇исид̣̇д̇хзна висзсзна жад̇д̇ааро сийхаа. д̇з ид̣̇аани наамад̇о ван̣н̣ад̇о аахаарад̇о д̣̇ассзд̇ваа ид̇хаад̇хиббзд̇асийхам̣ наанаббагаарад̇о вибхаавзд̇ум̣ ‘‘д̇ин̣асийхо’’д̇иаад̣̇и аарад̣̇д̇хам̣. д̇ин̣абхагко сийхо д̇ин̣асийхо буримабад̣̇з уд̇д̇арабад̣̇алобзна яат̇аа ‘‘саагабад̇т̇иво’’д̇и. гаал̣аван̣н̣ад̇ааяа гаал̣асийхо. д̇ат̇аа бан̣д̣усийхо. д̇знааха ‘‘гаал̣асийхо гаал̣аг̇аависад̣̇исо, бан̣д̣усийхо бан̣д̣убалаасаван̣н̣аг̇аависад̣̇исо’’д̇и. рад̇д̇агамб̣аласса вияа гзсаро гзсарагалаабо зд̇асса ад̇т̇ийд̇и гзсарий. лаакаарасабаригаммагад̇зхи вияа баад̣̇абарияанд̇зхийд̇и яож̇анаа.
78.Sīhoti parissayasahanato paṭipakkhahananato ca ‘‘sīho’ti laddhanāmo migādhipati. Cattāroti ca samānepi sīhajātikabhāve vaṇṇavisesādisiddhena visesena cattāro sīhā. Te idāni nāmato vaṇṇato āhārato dassetvā idhādhippetasīhaṃ nānappakārato vibhāvetuṃ ‘‘tiṇasīho’’tiādi āraddhaṃ. Tiṇabhakkho sīho tiṇasīho purimapade uttarapadalopena yathā ‘‘sākapatthivo’’ti. Kāḷavaṇṇatāya kāḷasīho. Tathā paṇḍusīho. Tenāha ‘‘kāḷasīho kāḷagāvisadiso, paṇḍusīho paṇḍupalāsavaṇṇagāvisadiso’’ti. Rattakambalassa viya kesaro kesarakalāpo etassa atthīti kesarī. Lākhārasaparikammakatehi viya pādapariyantehīti yojanā.
гаммаанубхаавасид̣̇д̇хааад̇хибажжамахзсагкад̇аахи саб̣б̣амиг̇аг̇ан̣асса рааж̇аа суван̣н̣аг̇ухад̇о ваад̇иаад̣̇и ‘‘сийхасса вихааро гирияаа звам̣ ход̇ий’’д̇и гад̇ваа вуд̇д̇ам̣.
Kammānubhāvasiddhaādhipaccamahesakkhatāhi sabbamigagaṇassa rājā suvaṇṇaguhato vātiādi ‘‘sīhassa vihāro kiriyā evaṃ hotī’’ti katvā vuttaṃ.
самам̣ бад̇идтаабзд̇ваад̇и саб̣б̣абхааг̇зхи самамзва бхуумияам̣ бад̇идтаабзд̇ваа. аагад̣дхид̇ваад̇и бурад̇о аагад̣дхид̇ваа . абхихарид̇ваад̇и абхимукам̣ харид̇ваа. сан̇гхаад̇анд̇и винаасам̣. вийсад̇ияадтигам̣ таанам̣ усабхам̣.
Samaṃ patiṭṭhāpetvāti sabbabhāgehi samameva bhūmiyaṃ patiṭṭhāpetvā. Ākaḍḍhitvāti purato ākaḍḍhitvā . Abhiharitvāti abhimukhaṃ haritvā. Saṅghātanti vināsaṃ. Vīsatiyaṭṭhikaṃ ṭhānaṃ usabhaṃ.
самасийход̇и самаж̇аад̇иго самабхааг̇о жа сийхо. самааносмийд̇и д̣̇зсанаамад̇д̇ам̣, самаббабхаавад̇ааяаби на бхааяад̇и. саггааяад̣̇идтиб̣алавад̇ааяаад̇и ‘‘гз ан̃н̃з амхзхи уд̇д̇арид̇араа, ат̇а ко маяамзва махааб̣алаа’’д̇и звам̣ б̣алаад̇имаананимид̇д̇ааяа ахан̇гаарахзд̇убхууд̇ааяа саггааяад̣̇идтияаа б̣алабхаавзна. саггааяад̣̇идтибахийнад̇д̇аад̇и саггааяад̣̇идтияаа бахийнад̇д̇аа нирахан̇гаарад̇д̇аа ад̇д̇асинзхасса судту самуг̇гхаадид̇ад̇д̇аа на бхааяад̇и.
Samasīhoti samajātiko samabhāgo ca sīho. Samānosmīti desanāmattaṃ, samappabhāvatāyapi na bhāyati. Sakkāyadiṭṭhibalavatāyāti ‘‘ke aññe amhehi uttaritarā, atha kho mayameva mahābalā’’ti evaṃ balātimānanimittāya ahaṅkārahetubhūtāya sakkāyadiṭṭhiyā balabhāvena. Sakkāyadiṭṭhipahīnattāti sakkāyadiṭṭhiyā pahīnattā nirahaṅkārattā attasinehassa suṭṭhu samugghāṭitattā na bhāyati.
д̇ат̇аа д̇ат̇аад̇и сийхасад̣̇исад̇аад̣̇инаа д̇зна д̇зна багаарзна ад̇д̇аанам̣ гат̇зсийд̇и вад̇ваа д̇амад̇т̇ам̣ виварид̇ваа д̣̇ассзд̇ум̣ ‘‘сийход̇и ко’’д̇иаад̣̇и вуд̇д̇ам̣.
Tathā tathāti sīhasadisatādinā tena tena pakārena attānaṃ kathesīti vatvā tamatthaṃ vivaritvā dassetuṃ ‘‘sīhoti kho’’tiādi vuttaṃ.
гад̇аабхинийхаарасса логанаат̇асса б̣од̇хияаа нияад̇абхааваббад̇д̇ияаа зганд̇абхаавийб̣уд̣̇д̇хабхаавод̇и гад̇ваа ‘‘д̇ийсу баасаад̣̇зсу ниваасагаало, маг̇ад̇харан̃н̃о бадин̃н̃аад̣̇аанагаало, бааяаасасса барибхуд̇д̇агаало’’д̇иаад̣̇инаа абхисамб̣од̇хид̇о буримаавад̇т̇ааби сийхасад̣̇исам̣ гад̇ваа д̣̇ассид̇аа. бхаавини, бхууд̇обажаароби хи логавохааро. виж̇ж̇аабхаавасааман̃н̃ад̇о бхууд̇авиж̇ж̇аа ид̇аравиж̇ж̇ааби згаж̇жхам̣ г̇ахзд̇ваа бадижжасамуббаад̣̇асаммасанад̇о д̇ам̣ бурзд̇арам̣ сид̣̇д̇хам̣ вибаагам̣ вияа гад̇ваа ааха ‘‘д̇иссо виж̇ж̇аа висод̇хзд̇ваа’’д̇и. ануломабадиломад̇о бавад̇д̇ан̃аан̣авасзна ‘‘яамаган̃аан̣амант̇анзнаа’’д̇и вуд̇д̇ам̣.
Katābhinīhārassa lokanāthassa bodhiyā niyatabhāvappattiyā ekantabhāvībuddhabhāvoti katvā ‘‘tīsu pāsādesu nivāsakālo, magadharañño paṭiññādānakālo, pāyāsassa paribhuttakālo’’tiādinā abhisambodhito purimāvatthāpi sīhasadisaṃ katvā dassitā. Bhāvini, bhūtopacāropi hi lokavohāro. Vijjābhāvasāmaññato bhūtavijjā itaravijjāpi ekajjhaṃ gahetvā paṭiccasamuppādasammasanato taṃ puretaraṃ siddhaṃ vipākaṃ viya katvā āha ‘‘tisso vijjā visodhetvā’’ti. Anulomapaṭilomato pavattañāṇavasena ‘‘yamakañāṇamanthanenā’’ti vuttaṃ.
д̇ад̇т̇а вихаранд̇ассаад̇и аж̇абааланиг̇род̇хамуулз вихаранд̇асса. згаад̣̇асамз д̣̇ивасзд̇и сад̇д̇асад̇д̇аахад̇о барам̣ згаад̣̇асамз д̣̇ивасз. ажалабаллан̇гзд̇и исибад̇анз д̇хаммажаггабавад̇д̇анад̇т̇ам̣ нисиннабаллан̇гз. д̇амби хи гзнажи аббадивад̇д̇ияад̇хаммажаггабавад̇д̇анад̇т̇ам̣ нисаж̇ж̇аад̇и гад̇ваа важ̇ираасанам̣ вияа ажалабаллан̇гам̣ вужжад̇и. имасмин̃жа бана бад̣̇зд̇и ‘‘д̣̇взмз, бхигкавз, анд̇аа’’д̇иаад̣̇инаяаббавад̇д̇з имасмим̣ сад̣̇д̇хаммагодтаасз. д̇хаммагхосо…бз… д̣̇асасахассилогад̇хаад̇ум̣ бадижчаад̣̇зси ‘‘саб̣б̣ад̇т̇а тид̇аа сун̣анд̇уу’’д̇и ад̇хидтаанзна. сол̣асахаагаарзхийд̇и ‘‘д̣̇угкабарин̃н̃аа, самуд̣̇аяаббахаанам̣, нирод̇хасажчигирияаа, маг̇г̇абхааванаа’’д̇и звам̣ згзгасмим̣ маг̇г̇з жад̇д̇аари жад̇д̇аари гад̇ваа сол̣асахи аагаарзхи.
Tattha viharantassāti ajapālanigrodhamūle viharantassa. Ekādasame divaseti sattasattāhato paraṃ ekādasame divase. Acalapallaṅketi isipatane dhammacakkapavattanatthaṃ nisinnapallaṅke. Tampi hi kenaci appaṭivattiyadhammacakkapavattanatthaṃ nisajjāti katvā vajirāsanaṃ viya acalapallaṅkaṃ vuccati. Imasmiñca pana padeti ‘‘dveme, bhikkhave, antā’’tiādinayappavatte imasmiṃ saddhammakoṭṭhāse. Dhammaghoso…pe… dasasahassilokadhātuṃ paṭicchādesi ‘‘sabbattha ṭhitā suṇantū’’ti adhiṭṭhānena. Soḷasahākārehīti ‘‘dukkhapariññā, samudayappahānaṃ, nirodhasacchikiriyā, maggabhāvanā’’ti evaṃ ekekasmiṃ magge cattāri cattāri katvā soḷasahi ākārehi.
вуд̇д̇оязва, на ид̇ха вад̇д̇аб̣б̣о, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣од̇и ад̇хиббааяо. яасмаа жа абарзхиби адтахи гааран̣зхи бхаг̇аваа д̇ат̇ааг̇ад̇од̇и аарабхид̇ваа уд̣̇аанадтагат̇аад̣̇ийсуби (уд̣̇аа. адта. 18; ид̇иву. 38) д̇ат̇ааг̇ад̇абад̣̇асса ад̇т̇о вуд̇д̇о зва, д̇асмаа д̇ад̇т̇а вуд̇д̇анаязна ад̇т̇о взд̣̇ид̇аб̣б̣о . яад̣̇иби бхаг̇аваа на б̣од̇хибаллан̇гз нисиннамад̇д̇ова абхисамб̣уд̣̇д̇хо ж̇аад̇о, д̇ат̇ааби д̇ааяа нисаж̇ж̇ааяа нисиннова бануж̇ж̇а саб̣б̣абариссаяам̣ абхисамб̣уд̣̇д̇хо ж̇аад̇о. д̇ат̇аа хи д̇ам̣ ‘‘абарааж̇ид̇абаллан̇га’’нд̇и вужжад̇и. д̇асмаа ‘‘яаава б̣од̇хибаллан̇гаа ваа’’д̇и вад̇ваа д̇зна абарид̇уссанд̇о ‘‘яаава арахад̇д̇амаг̇г̇ан̃аан̣аа ваа’’д̇и ааха.
Vuttoyeva, na idha vattabbo, tasmā tattha vuttanayeneva veditabboti adhippāyo. Yasmā ca aparehipi aṭṭhahi kāraṇehi bhagavā tathāgatoti ārabhitvā udānaṭṭhakathādīsupi (udā. aṭṭha. 18; itivu. 38) tathāgatapadassa attho vutto eva, tasmā tattha vuttanayena attho veditabbo . Yadipi bhagavā na bodhipallaṅke nisinnamattova abhisambuddho jāto, tathāpi tāya nisajjāya nisinnova panujja sabbaparissayaṃ abhisambuddho jāto. Tathā hi taṃ ‘‘aparājitapallaṅka’’nti vuccati. Tasmā ‘‘yāva bodhipallaṅkā vā’’ti vatvā tena aparitussanto ‘‘yāva arahattamaggañāṇā vā’’ti āha.
ид̇и руубанд̇и зд̇т̇а ид̇и-сад̣̇д̣̇о нид̣̇ассанад̇т̇о. д̇зна руубам̣ саруубад̇о баримаан̣ад̇о барижчзд̣̇ад̇о д̣̇ассид̇анд̇и ааха ‘‘ид̣̇ам̣ руба’’нд̇иаад̣̇и. ‘‘ид̣̇ам̣ рууба’’нд̇и хи иминаа бхууд̇убаад̣̇ааяабхзд̣̇аруубам̣ саруубад̇о д̣̇ассид̇ам̣. зд̇д̇агам̣ руубанд̇и иминаа д̇ам̣ баримаан̣ад̇о д̣̇ассид̇ам̣. д̇асса жа баримаан̣асса зганд̇абхаавад̣̇ассанзна ‘‘на ид̇о бхияяо руубам̣ ад̇т̇ий’’д̇и вуд̇д̇ам̣. сабхаавад̇од̇и салагкан̣ад̇о. сарасад̇од̇и сагижжад̇о. барияанд̇ад̇од̇и баримаан̣абарияанд̇ад̇о. барижчзд̣̇ад̇од̇и яад̇д̇агз таанз д̇асса бавад̇д̇и, д̇асса барижчзд̣̇анад̇о. барижчинд̣̇анад̇од̇и барияосаанаббад̇д̇ид̇о. д̇ам̣ саб̣б̣ам̣ д̣̇ассид̇ам̣ ход̇и яат̇аавуд̇д̇зна вибхааг̇зна. аяам̣ руубасса самуд̣̇аяо наамаад̇и аяам̣ аахаараад̣̇и руубасса самуд̣̇аяо наама. д̇знааха ‘‘зд̇д̇аавад̇аа’’д̇иаад̣̇и. ад̇т̇ан̇г̇амод̇и нирод̇хо. ‘‘аахаарасамуд̣̇аяаа аахааранирод̇хаа’’д̇и жа асаад̇хааран̣амзва г̇ахзд̇ваа сзсз аад̣̇и-сад̣̇д̣̇зна сан̇г̇ан̣хаад̇и.
Iti rūpanti ettha iti-saddo nidassanattho. Tena rūpaṃ sarūpato parimāṇato paricchedato dassitanti āha ‘‘idaṃ rupa’’ntiādi. ‘‘Idaṃ rūpa’’nti hi iminā bhūtupādāyabhedarūpaṃ sarūpato dassitaṃ. Ettakaṃ rūpanti iminā taṃ parimāṇato dassitaṃ. Tassa ca parimāṇassa ekantabhāvadassanena ‘‘na ito bhiyyo rūpaṃ atthī’’ti vuttaṃ. Sabhāvatoti salakkhaṇato. Sarasatoti sakiccato. Pariyantatoti parimāṇapariyantato. Paricchedatoti yattake ṭhāne tassa pavatti, tassa paricchedanato. Paricchindanatoti pariyosānappattito. Taṃ sabbaṃ dassitaṃ hoti yathāvuttena vibhāgena. Ayaṃ rūpassa samudayo nāmāti ayaṃ āhārādi rūpassa samudayo nāma. Tenāha ‘‘ettāvatā’’tiādi. Atthaṅgamoti nirodho. ‘‘Āhārasamudayā āhāranirodhā’’ti ca asādhāraṇameva gahetvā sese ādi-saddena saṅgaṇhāti.
бан̣н̣аасалагкан̣абадиман̣д̣ид̇анд̇и бан̣н̣аасауд̣̇аяаб̣б̣аяалагкан̣авибхуусид̇ам̣ самуд̣̇аяад̇т̇ан̇г̇амаг̇ахан̣ад̇о. кийн̣аасавад̇д̇аад̇и анавасзсам̣ саавасзсан̃жа аасаваанам̣ баригкийн̣ад̇д̇аа. анааг̇аамийнамби хи бхаяам̣ жид̇д̇уд̇раасо жа на ход̇ийд̇и. н̃аан̣асам̣взг̇о бхаяад̇уубадтаанан̃аан̣ам̣. ид̇арзсам̣ бана д̣̇зваананд̇и акийн̣аасавз д̣̇звз санд̇хааяа вад̣̇ад̇и. бход̇и д̇хаммаалабанамад̇д̇анд̇и ваажасигам̣ д̇ат̇аалабанамад̇д̇ам̣.
Paṇṇāsalakkhaṇapaṭimaṇḍitanti paṇṇāsaudayabbayalakkhaṇavibhūsitaṃ samudayatthaṅgamagahaṇato. Khīṇāsavattāti anavasesaṃ sāvasesañca āsavānaṃ parikkhīṇattā. Anāgāmīnampi hi bhayaṃ cittutrāso ca na hotīti. Ñāṇasaṃvego bhayatūpaṭṭhānañāṇaṃ. Itaresaṃ pana devānanti akhīṇāsave deve sandhāya vadati. Bhoti dhammālapanamattanti vācasikaṃ tathālapanamattaṃ.
жагганд̇и сад̇т̇у аан̣аажаггам̣, д̇ам̣ бана д̇хаммад̇о ааг̇ад̇анд̇и д̇хаммажаггам̣. д̇ад̇т̇а арияасаавагаанам̣ бадивзд̇хад̇хаммад̇о ааг̇ад̇анд̇и д̇хаммажаггам̣. ид̇арзсам̣ д̣̇зсанаад̇хаммад̇о ааг̇ад̇анд̇и д̇хаммажаггам̣. д̣̇увид̇хзби н̃аан̣ам̣ бад̇хаананд̇и н̃аан̣асийсзна вуд̇д̇ам̣ ‘‘бадивзд̇хан̃аан̣амби д̣̇зсанаан̃аан̣амбий’’д̇и. ид̣̇аани д̇ам̣ н̃аан̣ад̣̇ваяам̣ саруубад̇о д̣̇ассзд̇ум̣ ‘‘бадивзд̇хан̃аан̣ам̣ наамаа’’д̇иаад̣̇и вуд̇д̇ам̣. яасмаа жасса н̃аан̣асса суббадивид̣̇д̇хад̇д̇аа бхаг̇аваа д̇аани садти наяасахассаани взнзяяаанам̣ д̣̇ассзд̇ум̣ самад̇т̇о ахоси, д̇асмаа д̇аани садти наяасахассаани д̇зна н̃аан̣зна сад̣̇д̇хим̣язва сид̣̇д̇хаанийд̇и гад̇ваа д̣̇ассзнд̇о ‘‘садтияаа жа наяасахассзхи бадивиж̇жхий’’д̇и ааха. д̇ибаривадданд̇и ид̣̇ам̣ д̣̇угканд̇и жа, барин̃н̃зяяанд̇и жа, барин̃н̃аад̇анд̇и жа звам̣ д̇ибариваддам̣, д̇ам̣язва д̣̇ваад̣̇асаагаарам̣. д̇анд̇и д̣̇зсанаан̃аан̣ам̣ бавад̇д̇зд̇и зса бхаг̇аваа. аббадибуг̇г̇алод̇и бад̇инид̇хибхууд̇абуг̇г̇аларахид̇о. згасад̣̇исассаад̇и ниб̣б̣игаарасса.
Cakkanti satthu āṇācakkaṃ, taṃ pana dhammato āgatanti dhammacakkaṃ. Tattha ariyasāvakānaṃ paṭivedhadhammato āgatanti dhammacakkaṃ. Itaresaṃ desanādhammato āgatanti dhammacakkaṃ. Duvidhepi ñāṇaṃ padhānanti ñāṇasīsena vuttaṃ ‘‘paṭivedhañāṇampi desanāñāṇampī’’ti. Idāni taṃ ñāṇadvayaṃ sarūpato dassetuṃ ‘‘paṭivedhañāṇaṃ nāmā’’tiādi vuttaṃ. Yasmā cassa ñāṇassa suppaṭividdhattā bhagavā tāni saṭṭhi nayasahassāni veneyyānaṃ dassetuṃ samattho ahosi, tasmā tāni saṭṭhi nayasahassāni tena ñāṇena saddhiṃyeva siddhānīti katvā dassento ‘‘saṭṭhiyā ca nayasahassehi paṭivijjhī’’ti āha. Tiparivaṭṭanti idaṃ dukkhanti ca, pariññeyyanti ca, pariññātanti ca evaṃ tiparivaṭṭaṃ, taṃyeva dvādasākāraṃ. Tanti desanāñāṇaṃ pavatteti esa bhagavā. Appaṭipuggaloti patinidhibhūtapuggalarahito. Ekasadisassāti nibbikārassa.
сийхасуд̇д̇аван̣н̣анаа нидтид̇аа.
Sīhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. сийхасуд̇д̇ам̣ • 6. Sīhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. сийхасуд̇д̇аван̣н̣анаа • 6. Sīhasuttavaṇṇanā
