| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. සීහසුත්‌තවණ්‌ණනා
9. Sīhasuttavaṇṇanā
99. නවමෙ සක්‌කච්‌චඤ්‌ඤෙව දෙති නො අසක්‌කච්‌චන්‌ති අනවඤ්‌ඤාය අවිරජ්‌ඣිත්‌වාව දෙති, නො අවඤ්‌ඤාය විරජ්‌ඣිත්‌වා. මා මෙ යොග්‌ගපථො නස්‌සාති මයා කතයොග්‌ගපථො මය්‌හං මා නස්‌සතු, ‘‘එකො සීහො උට්‌ඨාය බිළාරං පහරන්‌තො විරජ්‌ඣිත්‌වා පහරී’’ති එවං වත්‌තාරො මා හොන්‌තූති අත්‌ථො. අන්‌නභාරනෙසාදානන්‌ති එත්‌ථ අන්‌නං වුච්‌චති යවභත්‌තං, තං භාරො එතෙසන්‌ති අන්‌නභාරා. යාචකානං එතං නාමං. නෙසාදා වුච්‌චන්‌ති සාකුණිකා. ඉති සබ්‌බපච්‌ඡිමාය කොටියා එතෙසං යාචකනෙසාදානම්‌පි සක්‌කච්‌චමෙව දෙසෙති.
99. Navame sakkaccaññeva deti no asakkaccanti anavaññāya avirajjhitvāva deti, no avaññāya virajjhitvā. Mā me yoggapatho nassāti mayā katayoggapatho mayhaṃ mā nassatu, ‘‘eko sīho uṭṭhāya biḷāraṃ paharanto virajjhitvā paharī’’ti evaṃ vattāro mā hontūti attho. Annabhāranesādānanti ettha annaṃ vuccati yavabhattaṃ, taṃ bhāro etesanti annabhārā. Yācakānaṃ etaṃ nāmaṃ. Nesādā vuccanti sākuṇikā. Iti sabbapacchimāya koṭiyā etesaṃ yācakanesādānampi sakkaccameva deseti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. සීහසුත්‌තං • 9. Sīhasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමසම්‌පදාසුත්‌තාදිවණ්‌ණනා • 1-10. Paṭhamasampadāsuttādivaṇṇanā
