| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. сийхаат̇зрийг̇аат̇ааван̣н̣анаа
3. Sīhātherīgāthāvaṇṇanā
аяонисо манасигаараад̇иаад̣̇игаа сийхааяа т̇зрияаа г̇аат̇аа . аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з взсаалияам̣ сийхасзнаабад̇ино бхаг̇инияаа д̇хийд̇аа худ̇ваа ниб̣б̣ад̇д̇и. д̇ассаа ‘‘маад̇уласса наамам̣ гаромаа’’д̇и сийхаад̇и наамам̣ агам̣су. саа вин̃н̃уд̇ам̣ бад̇ваа згад̣̇ивасам̣ сад̇т̇аараа сийхасса сзнаабад̇ино д̇хаммз д̣̇зсияамаанз д̇ам̣ д̇хаммам̣ суд̇ваа бадилад̣̇д̇хасад̣̇д̇хаа маад̇аабид̇аро ануж̇аанаабзд̇ваа баб̣б̣аж̇и. баб̣б̣аж̇ид̇ваа жа вибассанам̣ аарабхид̇вааби б̣ахид̣̇д̇хаа бут̇уд̇д̇аарамман̣з вид̇хааванд̇ам̣ жид̇д̇ам̣ нивад̇д̇зд̇ум̣ асаггонд̇ий сад̇д̇а сам̣важчараани мижчаавид̇аггзхи б̣аад̇хийяамаанаа жид̇д̇ассаад̣̇ам̣ алабханд̇ий ‘‘гим̣ мз иминаа баабаж̇ийвид̇зна , уб̣б̣анд̇хид̇ваа мариссаамий’’д̇и баасам̣ г̇ахзд̇ваа ругкасаакааяам̣ лаг̇г̇ид̇ваа д̇ам̣ ад̇д̇ано ган̣тз бадимун̃жанд̇ий буб̣б̣аажин̣н̣авасзна вибассанааяа жид̇д̇ам̣ абхинийхари, анд̇имабхавигад̇ааяа баасасса б̣анд̇ханам̣ г̇ийвадтаанз ахоси, н̃аан̣асса барибаагам̣ г̇ад̇ад̇д̇аа саа д̇аавад̣̇зва вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ баабун̣и. арахад̇д̇ам̣ бад̇д̇асамагааламзва жа баасаб̣анд̇хо г̇ийвад̇о мужжид̇ваа винивад̇д̇и. саа арахад̇д̇з бад̇идтид̇аа уд̣̇аанавасзна –
Ayoniso manasikārātiādikā sīhāya theriyā gāthā . Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde vesāliyaṃ sīhasenāpatino bhaginiyā dhītā hutvā nibbatti. Tassā ‘‘mātulassa nāmaṃ karomā’’ti sīhāti nāmaṃ akaṃsu. Sā viññutaṃ patvā ekadivasaṃ satthārā sīhassa senāpatino dhamme desiyamāne taṃ dhammaṃ sutvā paṭiladdhasaddhā mātāpitaro anujānāpetvā pabbaji. Pabbajitvā ca vipassanaṃ ārabhitvāpi bahiddhā puthuttārammaṇe vidhāvantaṃ cittaṃ nivattetuṃ asakkontī satta saṃvaccharāni micchāvitakkehi bādhīyamānā cittassādaṃ alabhantī ‘‘kiṃ me iminā pāpajīvitena , ubbandhitvā marissāmī’’ti pāsaṃ gahetvā rukkhasākhāyaṃ laggitvā taṃ attano kaṇṭhe paṭimuñcantī pubbāciṇṇavasena vipassanāya cittaṃ abhinīhari, antimabhavikatāya pāsassa bandhanaṃ gīvaṭṭhāne ahosi, ñāṇassa paripākaṃ gatattā sā tāvadeva vipassanaṃ vaḍḍhetvā saha paṭisambhidāhi arahattaṃ pāpuṇi. Arahattaṃ pattasamakālameva ca pāsabandho gīvato muccitvā vinivatti. Sā arahatte patiṭṭhitā udānavasena –
77.
77.
‘‘аяонисо манасигаараа, гаамарааг̇зна аддид̇аа;
‘‘Ayoniso manasikārā, kāmarāgena aṭṭitā;
ахосим̣ уд̣̇д̇хад̇аа буб̣б̣з, жид̇д̇з авасавад̇д̇иний.
Ahosiṃ uddhatā pubbe, citte avasavattinī.
78.
78.
‘‘барияудтид̇аа глзсзхи, субхасан̃н̃аанувад̇д̇иний;
‘‘Pariyuṭṭhitā klesehi, subhasaññānuvattinī;
самам̣ жид̇д̇асса на лабхим̣, рааг̇ажид̇д̇авасаануг̇аа.
Samaṃ cittassa na labhiṃ, rāgacittavasānugā.
79.
79.
‘‘гисаа бан̣д̣у виван̣н̣аа жа, сад̇д̇а вассаани жаарихам̣;
‘‘Kisā paṇḍu vivaṇṇā ca, satta vassāni cārihaṃ;
наахам̣ д̣̇иваа ваа рад̇д̇им̣ ваа, сукам̣ винд̣̇им̣ суд̣̇угкид̇аа.
Nāhaṃ divā vā rattiṃ vā, sukhaṃ vindiṃ sudukkhitā.
80.
80.
‘‘д̇ад̇о раж̇ж̇ум̣ г̇ахзд̇ваана, баависим̣ ванаманд̇арам̣;
‘‘Tato rajjuṃ gahetvāna, pāvisiṃ vanamantaraṃ;
варам̣ мз ид̇ха уб̣б̣анд̇хам̣, яан̃жа хийнам̣ бунаажарз.
Varaṃ me idha ubbandhaṃ, yañca hīnaṃ punācare.
81.
81.
‘‘д̣̇ал̣хабаасам̣ гарид̇ваана, ругкасаакааяа б̣анд̇хияа;
‘‘Daḷhapāsaṃ karitvāna, rukkhasākhāya bandhiya;
багкибим̣ баасам̣ г̇ийвааяам̣, ат̇а жид̇д̇ам̣ вимужжи мз’’д̇и. –
Pakkhipiṃ pāsaṃ gīvāyaṃ, atha cittaṃ vimucci me’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а аяонисо манасигаараад̇и анубааяаманасигаарзна, асубхз субханд̇и вибаллаасаг̇г̇аахзна. гаамарааг̇зна аддид̇аад̇и гаамаг̇ун̣зсу чанд̣̇арааг̇зна бийл̣ид̇аа. ахосим̣ уд̣̇д̇хад̇аа буб̣б̣з, жид̇д̇з авасавад̇д̇инийд̇и буб̣б̣з мама жид̇д̇з маяхам̣ васз авад̇д̇амаанз уд̣̇д̇хад̇аа наанаарамман̣з вигкид̇д̇ажид̇д̇аа асамаахид̇аа ахосим̣.
Tattha ayoniso manasikārāti anupāyamanasikārena, asubhe subhanti vipallāsaggāhena. Kāmarāgena aṭṭitāti kāmaguṇesu chandarāgena pīḷitā. Ahosiṃ uddhatā pubbe, citte avasavattinīti pubbe mama citte mayhaṃ vase avattamāne uddhatā nānārammaṇe vikkhittacittā asamāhitā ahosiṃ.
барияудтид̇аа глзсзхи, субхасан̃н̃аанувад̇д̇инийд̇и барияудтаанабад̇д̇зхи гаамарааг̇аад̣̇игилзсзхи абхибхууд̇аа руубаад̣̇ийсу субханд̇и бавад̇д̇ааяа гаамасан̃н̃ааяа анувад̇д̇анасийлаа. самам̣ жид̇д̇асса на лабхим̣, рааг̇ажид̇д̇авасаануг̇аад̇и гаамарааг̇асамбаяуд̇д̇ажид̇д̇асса васам̣ ануг̇ажчанд̇ий ийсагамби жид̇д̇асса самам̣ жзд̇осамат̇ам̣ жид̇д̇згаг̇г̇ад̇ам̣ на лабхим̣.
Pariyuṭṭhitā klesehi, subhasaññānuvattinīti pariyuṭṭhānapattehi kāmarāgādikilesehi abhibhūtā rūpādīsu subhanti pavattāya kāmasaññāya anuvattanasīlā. Samaṃ cittassa na labhiṃ, rāgacittavasānugāti kāmarāgasampayuttacittassa vasaṃ anugacchantī īsakampi cittassa samaṃ cetosamathaṃ cittekaggataṃ na labhiṃ.
гисаа бан̣д̣у виван̣н̣аа жаад̇и звам̣ угган̣тид̇абхаавзна гисаа д̇хаманисант̇ад̇аг̇ад̇д̇аа уббан̣д̣уббан̣д̣угаж̇аад̇аа д̇ад̇о зва виван̣н̣аа виг̇ад̇ачавиван̣н̣аа жа худ̇ваа. сад̇д̇а вассаанийд̇и сад̇д̇а сам̣важчараани. жаариханд̇и жарим̣ ахам̣. наахам̣ д̣̇иваа ваа рад̇д̇им̣ ваа, сукам̣ винд̣̇им̣ суд̣̇угкид̇аад̇и звамахам̣ сад̇д̇асу сам̣важчарзсу гилзсад̣̇угкзна д̣̇угкид̇аа згад̣̇ааби д̣̇иваа ваа рад̇д̇им̣ ваа саман̣асукам̣ на бадилабхим̣.
Kisā paṇḍu vivaṇṇā cāti evaṃ ukkaṇṭhitabhāvena kisā dhamanisanthatagattā uppaṇḍuppaṇḍukajātā tato eva vivaṇṇā vigatachavivaṇṇā ca hutvā. Satta vassānīti satta saṃvaccharāni. Cārihanti cariṃ ahaṃ. Nāhaṃ divā vārattiṃ vā, sukhaṃ vindiṃ sudukkhitāti evamahaṃ sattasu saṃvaccharesu kilesadukkhena dukkhitā ekadāpi divā vā rattiṃ vā samaṇasukhaṃ na paṭilabhiṃ.
д̇ад̇од̇и гилзсабарияудтаанзна саман̣асукаалаабхабхаавад̇о. раж̇ж̇ум̣ г̇ахзд̇ваана баависим̣, ванаманд̇аранд̇и баасараж̇ж̇ум̣ аад̣̇ааяа вананд̇арам̣ баависим̣. гимад̇т̇ам̣ баависийд̇и жз ааха – ‘‘варам̣ мз ид̇ха уб̣б̣анд̇хам̣, яан̃жа хийнам̣ бунаажарз’’д̇и яад̣̇ахам̣ саман̣ад̇хаммам̣ гаад̇ум̣ асаггонд̇ий хийнам̣ г̇ихибхаавам̣ буна аажарз аажарзяяам̣ ануд̇идтзяяам̣, д̇ад̇о сад̇аг̇ун̣зна сахассаг̇ун̣зна имасмим̣ вананд̇арз уб̣б̣анд̇хам̣ б̣анд̇хид̇ваа маран̣ам̣ мз варам̣ сздтанд̇и ад̇т̇о. ат̇а жид̇д̇ам̣ вимужжи мзд̇и яад̣̇аа ругкасаакааяа б̣анд̇хабаасам̣ г̇ийвааяам̣ багкиби, ат̇а д̇ад̣̇ананд̇арамзва вудтаанаг̇ааминивибассанаамаг̇г̇зна гхадид̇ад̇д̇аа маг̇г̇абадибаадияаа саб̣б̣аасавзхи мама жид̇д̇ам̣ вимужжи вимуд̇д̇ам̣ ахосийд̇и.
Tatoti kilesapariyuṭṭhānena samaṇasukhālābhabhāvato. Rajjuṃ gahetvāna pāvisiṃ, vanamantaranti pāsarajjuṃ ādāya vanantaraṃ pāvisiṃ. Kimatthaṃ pāvisīti ce āha – ‘‘varaṃ me idha ubbandhaṃ, yañca hīnaṃ punācare’’ti yadahaṃ samaṇadhammaṃ kātuṃ asakkontī hīnaṃ gihibhāvaṃ puna ācare ācareyyaṃ anutiṭṭheyyaṃ, tato sataguṇena sahassaguṇena imasmiṃ vanantare ubbandhaṃ bandhitvā maraṇaṃ me varaṃ seṭṭhanti attho. Atha cittaṃ vimucci meti yadā rukkhasākhāya bandhapāsaṃ gīvāyaṃ pakkhipi, atha tadanantarameva vuṭṭhānagāminivipassanāmaggena ghaṭitattā maggapaṭipāṭiyā sabbāsavehi mama cittaṃ vimucci vimuttaṃ ahosīti.
сийхаат̇зрийг̇аат̇ааван̣н̣анаа нидтид̇аа.
Sīhātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. сийхаат̇зрийг̇аат̇аа • 3. Sīhātherīgāthā
