| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. сийхад̇т̇зраг̇аат̇ааван̣н̣анаа
3. Sīhattheragāthāvaṇṇanā
сийхаббамад̇д̇о вихараад̇и ааяасмад̇о сийхад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро ид̇о адтаарасагаббасад̇амад̇т̇агз ад̇т̇ад̣̇ассисса бхаг̇авад̇о гаалз жанд̣̇абхааг̇ааяа над̣̇ияаа д̇ийрз гиннараяонияам̣ ниб̣б̣ад̇д̇ид̇ваа бубпабхагко бубпанивасано худ̇ваа вихаранд̇о аагаасзна г̇ажчанд̇ам̣ ад̇т̇ад̣̇ассим̣ бхаг̇аванд̇ам̣ д̣̇исваа басаннажид̇д̇о бууж̇зд̇угаамо ан̃ж̇алим̣ баг̇г̇аяха адтааси. бхаг̇аваа д̇асса аж̇жхаасаяам̣ н̃ад̇ваа аагаасад̇о оруяха ан̃н̃ад̇арасмим̣ ругкамуулз баллан̇гзна нисийд̣̇и. гиннаро жанд̣̇анасаарам̣ гхам̣сид̇ваа жанд̣̇анаг̇анд̇хзна бубпзхи жа бууж̇ам̣ гад̇ваа ванд̣̇ид̇ваа бад̣̇агкин̣ам̣ гад̇ваа баггаами. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з малларааж̇агулз ниб̣б̣ад̇д̇и, д̇асса сийход̇и наамам̣ ахоси. со бхаг̇аванд̇ам̣ д̣̇исваа басаннамаанасо ванд̣̇ид̇ваа згаманд̇ам̣ нисийд̣̇и. сад̇т̇аа д̇асса аж̇жхаасаяам̣ ологзд̇ваа д̇хаммам̣ гат̇зси. со д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа гаммадтаанам̣ г̇ахзд̇ваа аран̃н̃з вихарад̇и. д̇асса жид̇д̇ам̣ наанаарамман̣з вид̇хаавад̇и, згаг̇г̇ам̣ на ход̇и, сагад̇т̇ам̣ нибпаад̣̇зд̇ум̣ на саггод̇и. сад̇т̇аа д̇ам̣ д̣̇исваа аагаасз тад̇ваа –
Sīhappamatto viharāti āyasmato sīhattherassa gāthā. Kā uppatti? So kira purimabuddhesu katādhikāro ito aṭṭhārasakappasatamatthake atthadassissa bhagavato kāle candabhāgāya nadiyā tīre kinnarayoniyaṃ nibbattitvā pupphabhakkho pupphanivasano hutvā viharanto ākāsena gacchantaṃ atthadassiṃ bhagavantaṃ disvā pasannacitto pūjetukāmo añjaliṃ paggayha aṭṭhāsi. Bhagavā tassa ajjhāsayaṃ ñatvā ākāsato oruyha aññatarasmiṃ rukkhamūle pallaṅkena nisīdi. Kinnaro candanasāraṃ ghaṃsitvā candanagandhena pupphehi ca pūjaṃ katvā vanditvā padakkhiṇaṃ katvā pakkāmi. So tena puññakammena devamanussesu saṃsaranto imasmiṃ buddhuppāde mallarājakule nibbatti, tassa sīhoti nāmaṃ ahosi. So bhagavantaṃ disvā pasannamānaso vanditvā ekamantaṃ nisīdi. Satthā tassa ajjhāsayaṃ oloketvā dhammaṃ kathesi. So dhammaṃ sutvā paṭiladdhasaddho pabbajitvā kammaṭṭhānaṃ gahetvā araññe viharati. Tassa cittaṃ nānārammaṇe vidhāvati, ekaggaṃ na hoti, sakatthaṃ nipphādetuṃ na sakkoti. Satthā taṃ disvā ākāse ṭhatvā –
83.
83.
‘‘сийхаббамад̇д̇о вихара, рад̇д̇инд̣̇ивамад̇анд̣̇ид̇о;
‘‘Sīhappamatto vihara, rattindivamatandito;
бхаавзхи гусалам̣ д̇хаммам̣, ж̇аха сийгхам̣ самуссаяа’’нд̇и. –
Bhāvehi kusalaṃ dhammaṃ, jaha sīghaṃ samussaya’’nti. –
г̇аат̇ааяа овад̣̇и. со г̇аат̇аавасаанз вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.14.17-25) –
Gāthāya ovadi. So gāthāvasāne vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.14.17-25) –
‘‘жанд̣̇абхааг̇аанад̣̇ийд̇ийрз, ахосим̣ гиннаро д̇ад̣̇аа;
‘‘Candabhāgānadītīre, ahosiṃ kinnaro tadā;
бубпабхагко жахам̣ аасим̣, бубпанивасано д̇ат̇аа.
Pupphabhakkho cahaṃ āsiṃ, pupphanivasano tathā.
‘‘ад̇т̇ад̣̇ассий д̇у бхаг̇аваа, логаж̇здто нараасабхо;
‘‘Atthadassī tu bhagavā, lokajeṭṭho narāsabho;
вибинаг̇г̇зна нияяааси, хам̣сарааж̇аава амб̣арз.
Vipinaggena niyyāsi, haṃsarājāva ambare.
‘‘намо д̇з бурисааж̇ан̃н̃а, жид̇д̇ам̣ д̇з сувисод̇хид̇ам̣;
‘‘Namo te purisājañña, cittaṃ te suvisodhitaṃ;
басаннамукаван̣н̣оси, виббасаннамукинд̣̇рияо.
Pasannamukhavaṇṇosi, vippasannamukhindriyo.
‘‘орохид̇ваана аагаасаа, бхуурибан̃н̃о сумзд̇хасо;
‘‘Orohitvāna ākāsā, bhūripañño sumedhaso;
сан̇гхаадим̣ бад̇т̇арид̇ваана, баллан̇гзна убаависи.
Saṅghāṭiṃ pattharitvāna, pallaṅkena upāvisi.
‘‘вилийнам̣ жанд̣̇анаад̣̇ааяа, аг̇амаасим̣ ж̇инанд̇игам̣;
‘‘Vilīnaṃ candanādāya, agamāsiṃ jinantikaṃ;
басаннажид̇д̇о сумано, б̣уд̣̇д̇хасса абхиробаяим̣.
Pasannacitto sumano, buddhassa abhiropayiṃ.
‘‘абхиваад̣̇зд̇ваана самб̣уд̣̇д̇хам̣, логаж̇здтам̣ нараасабхам̣;
‘‘Abhivādetvāna sambuddhaṃ, lokajeṭṭhaṃ narāsabhaṃ;
баамож̇ж̇ам̣ ж̇анаяид̇ваана, баггаамим̣ уд̇д̇араамуко.
Pāmojjaṃ janayitvāna, pakkāmiṃ uttarāmukho.
‘‘адтаарасз габбасад̇з, жанд̣̇анам̣ яам̣ абууж̇аяим̣;
‘‘Aṭṭhārase kappasate, candanaṃ yaṃ apūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘жад̇уд̣̇д̣̇асз габбасад̇з, ид̇о аасим̣су д̇з д̇аяо;
‘‘Catuddase kappasate, ito āsiṃsu te tayo;
рохан̣ий наама наамзна, жаггавад̇д̇ий махаб̣б̣алаа.
Rohaṇī nāma nāmena, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
яаа бана бхаг̇авад̇аа оваад̣̇авасзна вуд̇д̇аа ‘‘сийхаббамад̇д̇о’’д̇и г̇аат̇аа, д̇ад̇т̇а сийхаад̇и д̇асса т̇зрасса аалабанам̣. аббамад̇д̇о вихараад̇и сад̇ияаа авиббаваасзна бамаад̣̇авирахид̇о саб̣б̣ирияаабат̇зсу сад̇исамбаж̇ан̃н̃аяуд̇д̇о худ̇ваа вихараахи. ид̣̇аани д̇ам̣ аббамаад̣̇авихаарам̣ саха палзна сан̇кзбад̇о д̣̇ассзд̇ум̣ ‘‘рад̇д̇инд̣̇ива’’нд̇иаад̣̇и вуд̇д̇ам̣. д̇ассад̇т̇о – рад̇д̇ибхааг̇ам̣ д̣̇ивасабхааг̇ан̃жа ‘‘жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇ий’’д̇и (сам̣. ни. 4.239; а. ни. 3.16; вибха. 519) вуд̇д̇анаязна жад̇усаммаббад̇хаанавасзна ад̇анд̣̇ид̇о агусийд̇о аарад̣̇д̇хавийрияо гусалам̣ самат̇авибассанаад̇хамман̃жа логуд̇д̇арад̇хамман̃жа бхаавзхи уббаад̣̇зхи вад̣дхзхи жа, звам̣ бхаавзд̇ваа жа ж̇аха сийгхам̣ самуссаяанд̇и д̇ава самуссаяам̣ ад̇д̇абхаавам̣ батамам̣ д̇аава д̇аббадиб̣ад̣̇д̇хачанд̣̇арааг̇аббахаанзна сийгхам̣ нажирассзва баж̇аха, звам̣бхууд̇о жа бажчаа жаримагажид̇д̇анирод̇хзна анавасзсад̇о жа баж̇ахиссад̇ийд̇и. арахад̇д̇ам̣ бана бад̇ваа т̇зро ан̃н̃ам̣ б̣яаагаронд̇о д̇амзва г̇аат̇ам̣ бажжуд̣̇аахаасийд̇и.
Yā pana bhagavatā ovādavasena vuttā ‘‘sīhappamatto’’ti gāthā, tattha sīhāti tassa therassa ālapanaṃ. Appamatto viharāti satiyā avippavāsena pamādavirahito sabbiriyāpathesu satisampajaññayutto hutvā viharāhi. Idāni taṃ appamādavihāraṃ saha phalena saṅkhepato dassetuṃ ‘‘rattindiva’’ntiādi vuttaṃ. Tassattho – rattibhāgaṃ divasabhāgañca ‘‘caṅkamena nisajjāya āvaraṇīyehi dhammehi cittaṃ parisodhetī’’ti (saṃ. ni. 4.239; a. ni. 3.16; vibha. 519) vuttanayena catusammappadhānavasena atandito akusīto āraddhavīriyo kusalaṃ samathavipassanādhammañca lokuttaradhammañca bhāvehi uppādehi vaḍḍhehi ca, evaṃ bhāvetvā ca jaha sīghaṃ samussayanti tava samussayaṃ attabhāvaṃ paṭhamaṃ tāva tappaṭibaddhachandarāgappahānena sīghaṃ nacirasseva pajaha, evaṃbhūto ca pacchā carimakacittanirodhena anavasesato ca pajahissatīti. Arahattaṃ pana patvā thero aññaṃ byākaronto tameva gāthaṃ paccudāhāsīti.
сийхад̇т̇зраг̇аат̇ааван̣н̣анаа нидтид̇аа.
Sīhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. сийхад̇т̇зраг̇аат̇аа • 3. Sīhattheragāthā
