| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
сикий б̣уд̣̇д̇хо
Sikhī buddho
д̇асса абарабхааг̇з ид̇о згад̇д̇им̣сагаббз сикий жа взссабхуужаад̇и д̣̇вз б̣уд̣̇д̇хаа ахзсум̣. сикиссааби бхаг̇авад̇о д̇аяо саавагасаннибаад̇аа. батамасаннибаад̇з бхигкусад̇асахассам̣ ахоси, д̣̇уд̇ияз асийд̇исахассаани, д̇ад̇ияз сад̇д̇ад̇исахассаани. д̇ад̣̇аа б̣од̇хисад̇д̇о аринд̣̇амо наама рааж̇аа худ̇ваа б̣уд̣̇д̇хаббамукасса бхигкусан̇гхасса сажийварам̣ махаад̣̇аанам̣ бавад̇д̇зд̇ваа сад̇д̇арад̇анабадиман̣д̣ид̇ам̣ хад̇т̇ирад̇анам̣ д̣̇ад̇ваа хад̇т̇иббамаан̣ам̣ гад̇ваа габбияабхан̣д̣ам̣ ад̣̇ааси. соби нам̣ сад̇т̇аа ‘‘ид̇о згад̇д̇им̣сагаббз б̣уд̣̇д̇хо бхависсад̇ий’’д̇и б̣яаагааси. д̇асса бана бхаг̇авад̇о арун̣авад̇ий наама наг̇арам̣ ахоси, арун̣о наама кад̇д̇ияо бид̇аа, бабхаавад̇ий наама маад̇аа, абхибхуу жа самбхаво жа д̣̇вз аг̇г̇асаавагаа, кзман̇гаро наамубадтааго, сакилаа жа бад̣̇умаа жа д̣̇вз аг̇г̇асаавигаа, бун̣д̣арийгаругко б̣од̇хи, сарийрам̣ сад̇д̇ад̇ихад̇т̇уб̣б̣зд̇хам̣ ахоси, сарийраббабхаа яож̇анад̇д̇аяам̣ парид̇ваа адтааси, сад̇д̇ад̇и вассасахассаани ааяууд̇и.
Tassa aparabhāge ito ekattiṃsakappe sikhī ca vessabhūcāti dve buddhā ahesuṃ. Sikhissāpi bhagavato tayo sāvakasannipātā. Paṭhamasannipāte bhikkhusatasahassaṃ ahosi, dutiye asītisahassāni, tatiye sattatisahassāni. Tadā bodhisatto arindamo nāma rājā hutvā buddhappamukhassa bhikkhusaṅghassa sacīvaraṃ mahādānaṃ pavattetvā sattaratanapaṭimaṇḍitaṃ hatthiratanaṃ datvā hatthippamāṇaṃ katvā kappiyabhaṇḍaṃ adāsi. Sopi naṃ satthā ‘‘ito ekattiṃsakappe buddho bhavissatī’’ti byākāsi. Tassa pana bhagavato aruṇavatī nāma nagaraṃ ahosi, aruṇo nāma khattiyo pitā, pabhāvatī nāma mātā, abhibhū ca sambhavo ca dve aggasāvakā, khemaṅkaro nāmupaṭṭhāko, sakhilā ca padumā ca dve aggasāvikā, puṇḍarīkarukkho bodhi, sarīraṃ sattatihatthubbedhaṃ ahosi, sarīrappabhā yojanattayaṃ pharitvā aṭṭhāsi, sattati vassasahassāni āyūti.
‘‘вибассисса абарзна, самб̣уд̣̇д̇хо д̣̇вибад̣̇уд̇д̇амо;
‘‘Vipassissa aparena, sambuddho dvipaduttamo;
сикивхаяо ааси ж̇ино, асамо аббадибуг̇г̇ало’’д̇и. (б̣у. вам̣. 22.1);
Sikhivhayo āsi jino, asamo appaṭipuggalo’’ti. (bu. vaṃ. 22.1);
