| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫-১০. সিখীসুত্তাদিৰণ্ণনা
5-10. Sikhīsuttādivaṇṇanā
৫-১০. ন এৰং যোজেত্ৰাতি ‘‘সিখিস্সপী’’তিআদিনা সমুচ্চযৰসেন এৰং ন যোজেত্ৰা। কস্মাতিআদিনা তত্থ কারণং ৰদতি। একাসনে অদেসিতত্তাতি ৰুত্তমেৰত্থং পাকটং কাতুং ‘‘নানাঠানেসু হী’’তিআদি ৰুত্তং। যদিপি তানি ৰিসুং ৰিসুং ৰুত্তভাৰেন দেসিতানি, অত্থৰণ্ণনা পন একসদিসা তদত্থস্স অভিন্নত্তা। ‘‘বুদ্ধা জাতা’’তি ন অঞ্ঞো আচিক্খতীতি যোজনা। ন হি মহাবোধিসত্তানং পচ্ছিমভৰে পরোপদেসেন পযোজনং অত্থি। গতমগ্গেনেৰাতি পটিপত্তিগমনেন গতমগ্গেনেৰ পচ্ছিমমহাবোধিসত্তা গচ্ছন্তি, অযমেত্থ ধম্মতা। গচ্ছন্তীতি চতূসু সতিপট্ঠানেসু পতিট্ঠিতচিত্তা সত্ত বোজ্ঝঙ্গে যাথাৰতো ভাৰেত্ৰা সম্মাসম্বোধিযা অভিসম্বুজ্ঝনৰসেন পৰত্তন্তীতি অত্থো। যথা পন তেসং পঠমৰিপস্সনাভিনিৰেসো হোতি, তং দস্সেতুং ‘‘সব্ববোধিসত্তা হী’’তিআদি ৰুত্তং। বুদ্ধভাৰানং ৰিপস্সনা, বুদ্ধত্থায ৰা ৰিপস্সনা বুদ্ধৰিপস্সনা।
5-10.Naevaṃ yojetvāti ‘‘sikhissapī’’tiādinā samuccayavasena evaṃ na yojetvā. Kasmātiādinā tattha kāraṇaṃ vadati. Ekāsane adesitattāti vuttamevatthaṃ pākaṭaṃ kātuṃ ‘‘nānāṭhānesu hī’’tiādi vuttaṃ. Yadipi tāni visuṃ visuṃ vuttabhāvena desitāni, atthavaṇṇanā pana ekasadisā tadatthassa abhinnattā. ‘‘Buddhā jātā’’ti na añño ācikkhatīti yojanā. Na hi mahābodhisattānaṃ pacchimabhave paropadesena payojanaṃ atthi. Gatamaggenevāti paṭipattigamanena gatamaggeneva pacchimamahābodhisattā gacchanti, ayamettha dhammatā. Gacchantīti catūsu satipaṭṭhānesu patiṭṭhitacittā satta bojjhaṅge yāthāvato bhāvetvā sammāsambodhiyā abhisambujjhanavasena pavattantīti attho. Yathā pana tesaṃ paṭhamavipassanābhiniveso hoti, taṃ dassetuṃ ‘‘sabbabodhisattā hī’’tiādi vuttaṃ. Buddhabhāvānaṃ vipassanā, buddhatthāya vā vipassanā buddhavipassanā.
সিখীসুত্তাদিৰণ্ণনা নিট্ঠিতা।
Sikhīsuttādivaṇṇanā niṭṭhitā.
বুদ্ধৰগ্গৰণ্ণনা নিট্ঠিতা।
Buddhavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৫. সিখীসুত্তং • 5. Sikhīsuttaṃ
৬. ৰেস্সভূসুত্তং • 6. Vessabhūsuttaṃ
৭. ককুসন্ধসুত্তং • 7. Kakusandhasuttaṃ
৮. কোণাগমনসুত্তং • 8. Koṇāgamanasuttaṃ
৯. কস্সপসুত্তং • 9. Kassapasuttaṃ
১০. গোতমসুত্তং • 10. Gotamasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫-১০. সিখীসুত্তাদিৰণ্ণনা • 5-10. Sikhīsuttādivaṇṇanā
