| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕-๑๐. สิขีสุตฺตาทิวณฺณนา
5-10. Sikhīsuttādivaṇṇanā
๕-๑๐. น เอวํ โยเชตฺวาติ ‘‘สิขิสฺสปี’’ติอาทินา สมุจฺจยวเสน เอวํ น โยเชตฺวาฯ กสฺมาติอาทินา ตตฺถ การณํ วทติฯ เอกาสเน อเทสิตตฺตาติ วุตฺตเมวตฺถํ ปากฎํ กาตุํ ‘‘นานาฐาเนสุ หี’’ติอาทิ วุตฺตํฯ ยทิปิ ตานิ วิสุํ วิสุํ วุตฺตภาเวน เทสิตานิ, อตฺถวณฺณนา ปน เอกสทิสา ตทตฺถสฺส อภินฺนตฺตาฯ ‘‘พุทฺธา ชาตา’’ติ น อโญฺญ อาจิกฺขตีติ โยชนาฯ น หิ มหาโพธิสตฺตานํ ปจฺฉิมภเว ปโรปเทเสน ปโยชนํ อตฺถิฯ คตมเคฺคเนวาติ ปฎิปตฺติคมเนน คตมเคฺคเนว ปจฺฉิมมหาโพธิสตฺตา คจฺฉนฺติ, อยเมตฺถ ธมฺมตาฯ คจฺฉนฺตีติ จตูสุ สติปฎฺฐาเนสุ ปติฎฺฐิตจิตฺตา สตฺต โพชฺฌเงฺค ยาถาวโต ภาเวตฺวา สมฺมาสโมฺพธิยา อภิสมฺพุชฺฌนวเสน ปวตฺตนฺตีติ อโตฺถฯ ยถา ปน เตสํ ปฐมวิปสฺสนาภินิเวโส โหติ, ตํ ทเสฺสตุํ ‘‘สพฺพโพธิสตฺตา หี’’ติอาทิ วุตฺตํฯ พุทฺธภาวานํ วิปสฺสนา, พุทฺธตฺถาย วา วิปสฺสนา พุทฺธวิปสฺสนาฯ
5-10.Naevaṃ yojetvāti ‘‘sikhissapī’’tiādinā samuccayavasena evaṃ na yojetvā. Kasmātiādinā tattha kāraṇaṃ vadati. Ekāsane adesitattāti vuttamevatthaṃ pākaṭaṃ kātuṃ ‘‘nānāṭhānesu hī’’tiādi vuttaṃ. Yadipi tāni visuṃ visuṃ vuttabhāvena desitāni, atthavaṇṇanā pana ekasadisā tadatthassa abhinnattā. ‘‘Buddhā jātā’’ti na añño ācikkhatīti yojanā. Na hi mahābodhisattānaṃ pacchimabhave paropadesena payojanaṃ atthi. Gatamaggenevāti paṭipattigamanena gatamaggeneva pacchimamahābodhisattā gacchanti, ayamettha dhammatā. Gacchantīti catūsu satipaṭṭhānesu patiṭṭhitacittā satta bojjhaṅge yāthāvato bhāvetvā sammāsambodhiyā abhisambujjhanavasena pavattantīti attho. Yathā pana tesaṃ paṭhamavipassanābhiniveso hoti, taṃ dassetuṃ ‘‘sabbabodhisattā hī’’tiādi vuttaṃ. Buddhabhāvānaṃ vipassanā, buddhatthāya vā vipassanā buddhavipassanā.
สิขีสุตฺตาทิวณฺณนา นิฎฺฐิตาฯ
Sikhīsuttādivaṇṇanā niṭṭhitā.
พุทฺธวคฺควณฺณนา นิฎฺฐิตาฯ
Buddhavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๕. สิขีสุตฺตํ • 5. Sikhīsuttaṃ
๖. เวสฺสภูสุตฺตํ • 6. Vessabhūsuttaṃ
๗. กกุสนฺธสุตฺตํ • 7. Kakusandhasuttaṃ
๘. โกณาคมนสุตฺตํ • 8. Koṇāgamanasuttaṃ
๙. กสฺสปสุตฺตํ • 9. Kassapasuttaṃ
๑๐. โคตมสุตฺตํ • 10. Gotamasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕-๑๐. สิขีสุตฺตาทิวณฺณนา • 5-10. Sikhīsuttādivaṇṇanā
