| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೫-೧೦. ಸಿಖೀಸುತ್ತಾದಿವಣ್ಣನಾ
5-10. Sikhīsuttādivaṇṇanā
೫-೧೦. ಪಞ್ಚಮಾದೀಸು ಸಿಖಿಸ್ಸ, ಭಿಕ್ಖವೇತಿಆದೀನಂ ಪದಾನಂ ‘‘ಸಿಖಿಸ್ಸಪಿ, ಭಿಕ್ಖವೇ’’ತಿ ನ ಏವಂ ಯೋಜೇತ್ವಾ ಅತ್ಥೋ ವೇದಿತಬ್ಬೋ। ಕಸ್ಮಾ? ಏಕಾಸನೇ ಅದೇಸಿತತ್ತಾ। ನಾನಾಠಾನೇಸು ಹಿ ಏತಾನಿ ದೇಸಿತಾನಿ, ಅತ್ಥೋ ಪನ ಸಬ್ಬತ್ಥ ಸದಿಸೋಯೇವ। ಸಬ್ಬಬೋಧಿಸತ್ತಾನಞ್ಹಿ ಬೋಧಿಪಲ್ಲಙ್ಕೇ ನಿಸಿನ್ನಾನಂ ನ ಅಞ್ಞೋ ಸಮಣೋ ವಾ ಬ್ರಾಹ್ಮಣೋ ವಾ ದೇವೋ ವಾ ಮಾರೋ ವಾ ಬ್ರಹ್ಮಾ ವಾ ಆಚಿಕ್ಖತಿ – ‘‘ಅತೀತೇ ಬೋಧಿಸತ್ತಾ ಪಚ್ಚಯಾಕಾರಂ ಸಮ್ಮಸಿತ್ವಾ ಬುದ್ಧಾ ಜಾತಾ’’ತಿ। ಯಥಾ ಪನ ಪಠಮಕಪ್ಪಿಕಕಾಲೇ ದೇವೇ ವುಟ್ಠೇ ಉದಕಸ್ಸ ಗತಮಗ್ಗೇನೇವ ಅಪರಾಪರಂ ವುಟ್ಠಿಉದಕಂ ಗಚ್ಛತಿ, ಏವಂ ತೇಹಿ ತೇಹಿ ಪುರಿಮಬುದ್ಧೇಹಿ ಗತಮಗ್ಗೇನೇವ ಪಚ್ಛಿಮಾ ಪಚ್ಛಿಮಾ ಗಚ್ಛನ್ತಿ। ಸಬ್ಬಬೋಧಿಸತ್ತಾ ಹಿ ಆನಾಪಾನಚತುತ್ಥಜ್ಝಾನತೋ ವುಟ್ಠಾಯ ಪಚ್ಚಯಾಕಾರೇ ಞಾಣಂ ಓತಾರೇತ್ವಾ ತಂ ಅನುಲೋಮಪಟಿಲೋಮಂ ಸಮ್ಮಸಿತ್ವಾ ಬುದ್ಧಾ ಹೋನ್ತೀತಿ ಪಟಿಪಾಟಿಯಾ ಸತ್ತಸು ಸುತ್ತೇಸು ಬುದ್ಧವಿಪಸ್ಸನಾ ನಾಮ ಕಥಿತಾತಿ।
5-10. Pañcamādīsu sikhissa, bhikkhavetiādīnaṃ padānaṃ ‘‘sikhissapi, bhikkhave’’ti na evaṃ yojetvā attho veditabbo. Kasmā? Ekāsane adesitattā. Nānāṭhānesu hi etāni desitāni, attho pana sabbattha sadisoyeva. Sabbabodhisattānañhi bodhipallaṅke nisinnānaṃ na añño samaṇo vā brāhmaṇo vā devo vā māro vā brahmā vā ācikkhati – ‘‘atīte bodhisattā paccayākāraṃ sammasitvā buddhā jātā’’ti. Yathā pana paṭhamakappikakāle deve vuṭṭhe udakassa gatamaggeneva aparāparaṃ vuṭṭhiudakaṃ gacchati, evaṃ tehi tehi purimabuddhehi gatamaggeneva pacchimā pacchimā gacchanti. Sabbabodhisattā hi ānāpānacatutthajjhānato vuṭṭhāya paccayākāre ñāṇaṃ otāretvā taṃ anulomapaṭilomaṃ sammasitvā buddhā hontīti paṭipāṭiyā sattasu suttesu buddhavipassanā nāma kathitāti.
ಬುದ್ಧವಗ್ಗೋ ಪಠಮೋ।
Buddhavaggo paṭhamo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೫. ಸಿಖೀಸುತ್ತಂ • 5. Sikhīsuttaṃ
೬. ವೇಸ್ಸಭೂಸುತ್ತಂ • 6. Vessabhūsuttaṃ
೭. ಕಕುಸನ್ಧಸುತ್ತಂ • 7. Kakusandhasuttaṃ
೮. ಕೋಣಾಗಮನಸುತ್ತಂ • 8. Koṇāgamanasuttaṃ
೯. ಕಸ್ಸಪಸುತ್ತಂ • 9. Kassapasuttaṃ
೧೦. ಗೋತಮಸುತ್ತಂ • 10. Gotamasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೫-೧೦. ಸಿಖೀಸುತ್ತಾದಿವಣ್ಣನಾ • 5-10. Sikhīsuttādivaṇṇanā
