| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
5-10. සිඛීසුත්‌තාදිවණ්‌ණනා
5-10. Sikhīsuttādivaṇṇanā
5-10. න එවං යොජෙත්‌වාති ‘‘සිඛිස්‌සපී’’තිආදිනා සමුච්‌චයවසෙන එවං න යොජෙත්‌වා. කස්‌මාතිආදිනා තත්‌ථ කාරණං වදති. එකාසනෙ අදෙසිතත්‌තාති වුත්‌තමෙවත්‌ථං පාකටං කාතුං ‘‘නානාඨානෙසු හී’’තිආදි වුත්‌තං. යදිපි තානි විසුං විසුං වුත්‌තභාවෙන දෙසිතානි, අත්‌ථවණ්‌ණනා පන එකසදිසා තදත්‌ථස්‌ස අභින්‌නත්‌තා. ‘‘බුද්‌ධා ජාතා’’ති න අඤ්‌ඤො ආචික්‌ඛතීති යොජනා. න හි මහාබොධිසත්‌තානං පච්‌ඡිමභවෙ පරොපදෙසෙන පයොජනං අත්‌ථි. ගතමග්‌ගෙනෙවාති පටිපත්‌තිගමනෙන ගතමග්‌ගෙනෙව පච්‌ඡිමමහාබොධිසත්‌තා ගච්‌ඡන්‌ති, අයමෙත්‌ථ ධම්‌මතා. ගච්‌ඡන්‌තීති චතූසු සතිපට්‌ඨානෙසු පතිට්‌ඨිතචිත්‌තා සත්‌ත බොජ්‌ඣඞ්‌ගෙ යාථාවතො භාවෙත්‌වා සම්‌මාසම්‌බොධියා අභිසම්‌බුජ්‌ඣනවසෙන පවත්‌තන්‌තීති අත්‌ථො. යථා පන තෙසං පඨමවිපස්‌සනාභිනිවෙසො හොති, තං දස්‌සෙතුං ‘‘සබ්‌බබොධිසත්‌තා හී’’තිආදි වුත්‌තං. බුද්‌ධභාවානං විපස්‌සනා, බුද්‌ධත්‌ථාය වා විපස්‌සනා බුද්‌ධවිපස්‌සනා.
5-10.Naevaṃ yojetvāti ‘‘sikhissapī’’tiādinā samuccayavasena evaṃ na yojetvā. Kasmātiādinā tattha kāraṇaṃ vadati. Ekāsane adesitattāti vuttamevatthaṃ pākaṭaṃ kātuṃ ‘‘nānāṭhānesu hī’’tiādi vuttaṃ. Yadipi tāni visuṃ visuṃ vuttabhāvena desitāni, atthavaṇṇanā pana ekasadisā tadatthassa abhinnattā. ‘‘Buddhā jātā’’ti na añño ācikkhatīti yojanā. Na hi mahābodhisattānaṃ pacchimabhave paropadesena payojanaṃ atthi. Gatamaggenevāti paṭipattigamanena gatamaggeneva pacchimamahābodhisattā gacchanti, ayamettha dhammatā. Gacchantīti catūsu satipaṭṭhānesu patiṭṭhitacittā satta bojjhaṅge yāthāvato bhāvetvā sammāsambodhiyā abhisambujjhanavasena pavattantīti attho. Yathā pana tesaṃ paṭhamavipassanābhiniveso hoti, taṃ dassetuṃ ‘‘sabbabodhisattā hī’’tiādi vuttaṃ. Buddhabhāvānaṃ vipassanā, buddhatthāya vā vipassanā buddhavipassanā.
සිඛීසුත්‌තාදිවණ්‌ණනා නිට්‌ඨිතා.
Sikhīsuttādivaṇṇanā niṭṭhitā.
බුද්‌ධවග්‌ගවණ්‌ණනා නිට්‌ඨිතා.
Buddhavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
5. සිඛීසුත්‌තං • 5. Sikhīsuttaṃ
6. වෙස්‌සභූසුත්‌තං • 6. Vessabhūsuttaṃ
7. කකුසන්‌ධසුත්‌තං • 7. Kakusandhasuttaṃ
8. කොණාගමනසුත්‌තං • 8. Koṇāgamanasuttaṃ
9. කස්‌සපසුත්‌තං • 9. Kassapasuttaṃ
10. ගොතමසුත්‌තං • 10. Gotamasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5-10. සිඛීසුත්‌තාදිවණ්‌ණනා • 5-10. Sikhīsuttādivaṇṇanā
