| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫-੧੦. ਸਿਖੀਸੁਤ੍ਤਾਦਿવਣ੍ਣਨਾ
5-10. Sikhīsuttādivaṇṇanā
੫-੧੦. ਨ ਏવਂ ਯੋਜੇਤ੍વਾਤਿ ‘‘ਸਿਖਿਸ੍ਸਪੀ’’ਤਿਆਦਿਨਾ ਸਮੁਚ੍ਚਯવਸੇਨ ਏવਂ ਨ ਯੋਜੇਤ੍વਾ। ਕਸ੍ਮਾਤਿਆਦਿਨਾ ਤਤ੍ਥ ਕਾਰਣਂ વਦਤਿ। ਏਕਾਸਨੇ ਅਦੇਸਿਤਤ੍ਤਾਤਿ વੁਤ੍ਤਮੇવਤ੍ਥਂ ਪਾਕਟਂ ਕਾਤੁਂ ‘‘ਨਾਨਾਠਾਨੇਸੁ ਹੀ’’ਤਿਆਦਿ વੁਤ੍ਤਂ। ਯਦਿਪਿ ਤਾਨਿ વਿਸੁਂ વਿਸੁਂ વੁਤ੍ਤਭਾવੇਨ ਦੇਸਿਤਾਨਿ, ਅਤ੍ਥવਣ੍ਣਨਾ ਪਨ ਏਕਸਦਿਸਾ ਤਦਤ੍ਥਸ੍ਸ ਅਭਿਨ੍ਨਤ੍ਤਾ। ‘‘ਬੁਦ੍ਧਾ ਜਾਤਾ’’ਤਿ ਨ ਅਞ੍ਞੋ ਆਚਿਕ੍ਖਤੀਤਿ ਯੋਜਨਾ। ਨ ਹਿ ਮਹਾਬੋਧਿਸਤ੍ਤਾਨਂ ਪਚ੍ਛਿਮਭવੇ ਪਰੋਪਦੇਸੇਨ ਪਯੋਜਨਂ ਅਤ੍ਥਿ। ਗਤਮਗ੍ਗੇਨੇવਾਤਿ ਪਟਿਪਤ੍ਤਿਗਮਨੇਨ ਗਤਮਗ੍ਗੇਨੇવ ਪਚ੍ਛਿਮਮਹਾਬੋਧਿਸਤ੍ਤਾ ਗਚ੍ਛਨ੍ਤਿ, ਅਯਮੇਤ੍ਥ ਧਮ੍ਮਤਾ। ਗਚ੍ਛਨ੍ਤੀਤਿ ਚਤੂਸੁ ਸਤਿਪਟ੍ਠਾਨੇਸੁ ਪਤਿਟ੍ਠਿਤਚਿਤ੍ਤਾ ਸਤ੍ਤ ਬੋਜ੍ਝਙ੍ਗੇ ਯਾਥਾવਤੋ ਭਾવੇਤ੍વਾ ਸਮ੍ਮਾਸਮ੍ਬੋਧਿਯਾ ਅਭਿਸਮ੍ਬੁਜ੍ਝਨવਸੇਨ ਪવਤ੍ਤਨ੍ਤੀਤਿ ਅਤ੍ਥੋ। ਯਥਾ ਪਨ ਤੇਸਂ ਪਠਮવਿਪਸ੍ਸਨਾਭਿਨਿવੇਸੋ ਹੋਤਿ, ਤਂ ਦਸ੍ਸੇਤੁਂ ‘‘ਸਬ੍ਬਬੋਧਿਸਤ੍ਤਾ ਹੀ’’ਤਿਆਦਿ વੁਤ੍ਤਂ। ਬੁਦ੍ਧਭਾવਾਨਂ વਿਪਸ੍ਸਨਾ, ਬੁਦ੍ਧਤ੍ਥਾਯ વਾ વਿਪਸ੍ਸਨਾ ਬੁਦ੍ਧવਿਪਸ੍ਸਨਾ।
5-10.Naevaṃ yojetvāti ‘‘sikhissapī’’tiādinā samuccayavasena evaṃ na yojetvā. Kasmātiādinā tattha kāraṇaṃ vadati. Ekāsane adesitattāti vuttamevatthaṃ pākaṭaṃ kātuṃ ‘‘nānāṭhānesu hī’’tiādi vuttaṃ. Yadipi tāni visuṃ visuṃ vuttabhāvena desitāni, atthavaṇṇanā pana ekasadisā tadatthassa abhinnattā. ‘‘Buddhā jātā’’ti na añño ācikkhatīti yojanā. Na hi mahābodhisattānaṃ pacchimabhave paropadesena payojanaṃ atthi. Gatamaggenevāti paṭipattigamanena gatamaggeneva pacchimamahābodhisattā gacchanti, ayamettha dhammatā. Gacchantīti catūsu satipaṭṭhānesu patiṭṭhitacittā satta bojjhaṅge yāthāvato bhāvetvā sammāsambodhiyā abhisambujjhanavasena pavattantīti attho. Yathā pana tesaṃ paṭhamavipassanābhiniveso hoti, taṃ dassetuṃ ‘‘sabbabodhisattā hī’’tiādi vuttaṃ. Buddhabhāvānaṃ vipassanā, buddhatthāya vā vipassanā buddhavipassanā.
ਸਿਖੀਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Sikhīsuttādivaṇṇanā niṭṭhitā.
ਬੁਦ੍ਧવਗ੍ਗવਣ੍ਣਨਾ ਨਿਟ੍ਠਿਤਾ।
Buddhavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੫. ਸਿਖੀਸੁਤ੍ਤਂ • 5. Sikhīsuttaṃ
੬. વੇਸ੍ਸਭੂਸੁਤ੍ਤਂ • 6. Vessabhūsuttaṃ
੭. ਕਕੁਸਨ੍ਧਸੁਤ੍ਤਂ • 7. Kakusandhasuttaṃ
੮. ਕੋਣਾਗਮਨਸੁਤ੍ਤਂ • 8. Koṇāgamanasuttaṃ
੯. ਕਸ੍ਸਪਸੁਤ੍ਤਂ • 9. Kassapasuttaṃ
੧੦. ਗੋਤਮਸੁਤ੍ਤਂ • 10. Gotamasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫-੧੦. ਸਿਖੀਸੁਤ੍ਤਾਦਿવਣ੍ਣਨਾ • 5-10. Sikhīsuttādivaṇṇanā
