| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. сигкаанисам̣сасуд̇д̇ам̣
3. Sikkhānisaṃsasuttaṃ
245. ‘‘сигкаанисам̣самид̣̇ам̣, бхигкавз, б̣рахмажарияам̣ вуссад̇и бан̃н̃уд̇д̇арам̣ вимуд̇д̇исаарам̣ сад̇аад̇хибад̇зяяам̣. гат̇ан̃жа, бхигкавз, сигкаанисам̣сам̣ ход̇и? ид̇ха, бхигкавз, маяаа саавагаанам̣ аабхисамаажааригаа сигкаа бан̃н̃ад̇д̇аа аббасаннаанам̣ басаад̣̇ааяа басаннаанам̣ бхияяобхаавааяа. яат̇аа яат̇аа, бхигкавз, маяаа саавагаанам̣ аабхисамаажааригаа сигкаа бан̃н̃ад̇д̇аа аббасаннаанам̣ басаад̣̇ааяа басаннаанам̣ бхияяобхаавааяа д̇ат̇аа д̇ат̇аа со д̇ассаа сигкааяа акан̣д̣агаарий ход̇и ажчид̣̇д̣̇агаарий асаб̣алагаарий агаммаасагаарий, самаад̣̇ааяа сигкад̇и сигкаабад̣̇зсу.
245. ‘‘Sikkhānisaṃsamidaṃ, bhikkhave, brahmacariyaṃ vussati paññuttaraṃ vimuttisāraṃ satādhipateyyaṃ. Kathañca, bhikkhave, sikkhānisaṃsaṃ hoti? Idha, bhikkhave, mayā sāvakānaṃ ābhisamācārikā sikkhā paññattā appasannānaṃ pasādāya pasannānaṃ bhiyyobhāvāya. Yathā yathā, bhikkhave, mayā sāvakānaṃ ābhisamācārikā sikkhā paññattā appasannānaṃ pasādāya pasannānaṃ bhiyyobhāvāya tathā tathā so tassā sikkhāya akhaṇḍakārī hoti acchiddakārī asabalakārī akammāsakārī, samādāya sikkhati sikkhāpadesu.
‘‘буна жабарам̣, бхигкавз, маяаа саавагаанам̣ аад̣̇иб̣рахмажарияигаа сигкаа бан̃н̃ад̇д̇аа саб̣б̣асо саммаа д̣̇угкагкаяааяа. яат̇аа яат̇аа, бхигкавз, маяаа саавагаанам̣ аад̣̇иб̣рахмажарияигаа сигкаа бан̃н̃ад̇д̇аа саб̣б̣асо саммаа д̣̇угкагкаяааяа д̇ат̇аа д̇ат̇аа со д̇ассаа сигкааяа акан̣д̣агаарий ход̇и ажчид̣̇д̣̇агаарий асаб̣алагаарий агаммаасагаарий, самаад̣̇ааяа сигкад̇и сигкаабад̣̇зсу. звам̣ ко, бхигкавз, сигкаанисам̣сам̣ ход̇и.
‘‘Puna caparaṃ, bhikkhave, mayā sāvakānaṃ ādibrahmacariyikā sikkhā paññattā sabbaso sammā dukkhakkhayāya. Yathā yathā, bhikkhave, mayā sāvakānaṃ ādibrahmacariyikā sikkhā paññattā sabbaso sammā dukkhakkhayāya tathā tathā so tassā sikkhāya akhaṇḍakārī hoti acchiddakārī asabalakārī akammāsakārī, samādāya sikkhati sikkhāpadesu. Evaṃ kho, bhikkhave, sikkhānisaṃsaṃ hoti.
‘‘гат̇ан̃жа, бхигкавз, бан̃н̃уд̇д̇арам̣ ход̇и? ид̇ха, бхигкавз, маяаа саавагаанам̣ д̇хаммаа д̣̇зсид̇аа саб̣б̣асо саммаа д̣̇угкагкаяааяа. яат̇аа яат̇аа, бхигкавз, маяаа саавагаанам̣ д̇хаммаа д̣̇зсид̇аа саб̣б̣асо саммаа д̣̇угкагкаяааяа д̇ат̇аа д̇ат̇аасса д̇з д̇хаммаа бан̃н̃ааяа самавзгкид̇аа хонд̇и. звам̣ ко, бхигкавз, бан̃н̃уд̇д̇арам̣ ход̇и.
‘‘Kathañca, bhikkhave, paññuttaraṃ hoti? Idha, bhikkhave, mayā sāvakānaṃ dhammā desitā sabbaso sammā dukkhakkhayāya. Yathā yathā, bhikkhave, mayā sāvakānaṃ dhammā desitā sabbaso sammā dukkhakkhayāya tathā tathāssa te dhammā paññāya samavekkhitā honti. Evaṃ kho, bhikkhave, paññuttaraṃ hoti.
‘‘гат̇ан̃жа , бхигкавз, вимуд̇д̇исаарам̣ ход̇и? ид̇ха, бхигкавз, маяаа саавагаанам̣ д̇хаммаа д̣̇зсид̇аа саб̣б̣асо саммаа д̣̇угкагкаяааяа. яат̇аа яат̇аа, бхигкавз, маяаа саавагаанам̣ д̇хаммаа д̣̇зсид̇аа саб̣б̣асо саммаа д̣̇угкагкаяааяа д̇ат̇аа д̇ат̇аасса д̇з д̇хаммаа вимуд̇д̇ияаа пусид̇аа хонд̇и. звам̣ ко, бхигкавз, вимуд̇д̇исаарам̣ ход̇и.
‘‘Kathañca , bhikkhave, vimuttisāraṃ hoti? Idha, bhikkhave, mayā sāvakānaṃ dhammā desitā sabbaso sammā dukkhakkhayāya. Yathā yathā, bhikkhave, mayā sāvakānaṃ dhammā desitā sabbaso sammā dukkhakkhayāya tathā tathāssa te dhammā vimuttiyā phusitā honti. Evaṃ kho, bhikkhave, vimuttisāraṃ hoti.
‘‘гат̇ан̃жа, бхигкавз, сад̇аад̇хибад̇зяяам̣ ход̇и? ‘ид̇и абарибуурам̣ ваа аабхисамаажааригам̣ сигкам̣ барибуурзссаами, барибуурам̣ ваа аабхисамаажааригам̣ сигкам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаамий’д̇и – аж̇жхад̇д̇ам̣язва сад̇и суубадтид̇аа ход̇и. ‘ид̇и абарибуурам̣ ваа аад̣̇иб̣рахмажарияигам̣ сигкам̣ барибуурзссаами, барибуурам̣ ваа аад̣̇иб̣рахмажарияигам̣ сигкам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаамий’д̇и – аж̇жхад̇д̇ам̣язва сад̇и суубадтид̇аа ход̇и. ‘ид̇и асамавзгкид̇ам̣ ваа д̇хаммам̣ бан̃н̃ааяа самавзгкиссаами, самавзгкид̇ам̣ ваа д̇хаммам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаамий’д̇и – аж̇жхад̇д̇ам̣язва сад̇и суубадтид̇аа ход̇и. ‘ид̇и апусид̇ам̣ ваа д̇хаммам̣ вимуд̇д̇ияаа пусиссаами, пусид̇ам̣ ваа д̇хаммам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаамий’д̇и – аж̇жхад̇д̇ам̣язва сад̇и суубадтид̇аа ход̇и. звам̣ ко, бхигкавз, сад̇аад̇хибад̇зяяам̣ ход̇и. ‘сигкаанисам̣самид̣̇ам̣, бхигкавз, б̣рахмажарияам̣ вуссад̇и бан̃н̃уд̇д̇арам̣ вимуд̇д̇исаарам̣ сад̇аад̇хибад̇зяяа’нд̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇а’’нд̇и. д̇ад̇ияам̣.
‘‘Kathañca, bhikkhave, satādhipateyyaṃ hoti? ‘Iti aparipūraṃ vā ābhisamācārikaṃ sikkhaṃ paripūressāmi, paripūraṃ vā ābhisamācārikaṃ sikkhaṃ tattha tattha paññāya anuggahessāmī’ti – ajjhattaṃyeva sati sūpaṭṭhitā hoti. ‘Iti aparipūraṃ vā ādibrahmacariyikaṃ sikkhaṃ paripūressāmi, paripūraṃ vā ādibrahmacariyikaṃ sikkhaṃ tattha tattha paññāya anuggahessāmī’ti – ajjhattaṃyeva sati sūpaṭṭhitā hoti. ‘Iti asamavekkhitaṃ vā dhammaṃ paññāya samavekkhissāmi, samavekkhitaṃ vā dhammaṃ tattha tattha paññāya anuggahessāmī’ti – ajjhattaṃyeva sati sūpaṭṭhitā hoti. ‘Iti aphusitaṃ vā dhammaṃ vimuttiyā phusissāmi, phusitaṃ vā dhammaṃ tattha tattha paññāya anuggahessāmī’ti – ajjhattaṃyeva sati sūpaṭṭhitā hoti. Evaṃ kho, bhikkhave, satādhipateyyaṃ hoti. ‘Sikkhānisaṃsamidaṃ, bhikkhave, brahmacariyaṃ vussati paññuttaraṃ vimuttisāraṃ satādhipateyya’nti, iti yaṃ taṃ vuttaṃ idametaṃ paṭicca vutta’’nti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сигкаанисам̣сасуд̇д̇аван̣н̣анаа • 3. Sikkhānisaṃsasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2-3. аабад̇д̇ибхаяасуд̇д̇аад̣̇иван̣н̣анаа • 2-3. Āpattibhayasuttādivaṇṇanā
