| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৩. সিক্খানিসংসসুত্তৰণ্ণনা
3. Sikkhānisaṃsasuttavaṇṇanā
২৪৫. ততিযে সিক্খা আনিসংসা এত্থাতি সিক্খানিসংসং। পঞ্ঞা উত্তরা এত্থাতি পঞ্ঞুত্তরং। ৰিমুত্তি সারো এত্থাতি ৰিমুত্তিসারং। সতি আধিপতেয্যা এত্থাতি সতাধিপতেয্যং। এতেসং হি সিক্খাদিসঙ্খাতানং আনিসংসাদীনং অত্থায ৰুস্সতীতি ৰুত্তং হোতি। আভিসমাচারিকাতি উত্তমসমাচারিকা। ৰত্তৰসেন পঞ্ঞত্তসীলস্সেতং অধিৰচনং। তথা তথা সো তস্সা সিক্খাযাতি তথা তথা সো সিক্খাকামো ভিক্খু তস্মিং সিক্খাপদে।
245. Tatiye sikkhā ānisaṃsā etthāti sikkhānisaṃsaṃ. Paññā uttarā etthāti paññuttaraṃ. Vimutti sāro etthāti vimuttisāraṃ. Sati ādhipateyyā etthāti satādhipateyyaṃ. Etesaṃ hi sikkhādisaṅkhātānaṃ ānisaṃsādīnaṃ atthāya vussatīti vuttaṃ hoti. Ābhisamācārikāti uttamasamācārikā. Vattavasena paññattasīlassetaṃ adhivacanaṃ. Tathā tathā so tassā sikkhāyāti tathā tathā so sikkhākāmo bhikkhu tasmiṃ sikkhāpade.
আদিব্রহ্মচরিযিকাতি মগ্গব্রহ্মচরিযস্স আদিভূতানং চতুন্নং মহাসীলানমেতং অধিৰচনং। সব্বসোতি সব্বাকারেন। ধম্মাতি চতুসচ্চধম্মা। পঞ্ঞায সমৰেক্খিতা হোন্তীতি সহৰিপস্সনায মগ্গপঞ্ঞায সুদিট্ঠা হোন্তি। ৰিমুত্তিযা ফুসিতা হোন্তীতি অরহত্তফলৰিমুত্তিযা ঞাণফস্সেন ফুট্ঠা হোন্তি। অজ্ঝত্তংযেৰ সতি সূপট্ঠিতা হোতীতি নিযকজ্ঝত্তেযেৰ সতি সুট্ঠু উপট্ঠিতা হোতি। পঞ্ঞায অনুগ্গহেস্সামীতি ৰিপস্সনাপঞ্ঞায অনুগ্গহেস্সামি। পঞ্ঞায সমৰেক্খিস্সামীতি ইধাপি ৰিপস্সনাপঞ্ঞা অধিপ্পেতা। ফুসিতং ৰা ধম্মং তত্থ তত্থ পঞ্ঞায অনুগ্গহেস্সামীতি এত্থ পন মগ্গপঞ্ঞাৰ অধিপ্পেতা।
Ādibrahmacariyikāti maggabrahmacariyassa ādibhūtānaṃ catunnaṃ mahāsīlānametaṃ adhivacanaṃ. Sabbasoti sabbākārena. Dhammāti catusaccadhammā. Paññāya samavekkhitā hontīti sahavipassanāya maggapaññāya sudiṭṭhā honti. Vimuttiyā phusitā hontīti arahattaphalavimuttiyā ñāṇaphassena phuṭṭhā honti. Ajjhattaṃyeva sati sūpaṭṭhitā hotīti niyakajjhatteyeva sati suṭṭhu upaṭṭhitā hoti. Paññāya anuggahessāmīti vipassanāpaññāya anuggahessāmi. Paññāyasamavekkhissāmīti idhāpi vipassanāpaññā adhippetā. Phusitaṃ vā dhammaṃ tattha tattha paññāya anuggahessāmīti ettha pana maggapaññāva adhippetā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৩. সিক্খানিসংসসুত্তং • 3. Sikkhānisaṃsasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২-৩. আপত্তিভযসুত্তাদিৰণ্ণনা • 2-3. Āpattibhayasuttādivaṇṇanā
