| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
9. сигкаанисам̣сасуд̇д̇аван̣н̣анаа
9. Sikkhānisaṃsasuttavaṇṇanā
46. навамз сигкаанисам̣саад̇и зд̇т̇а сигкид̇аб̣б̣аад̇и сигкаа, саа д̇ивид̇хаа ад̇хисийласигкаа, ад̇хижид̇д̇асигкаа, ад̇хибан̃н̃аасигкаад̇и. д̇ивид̇хааби жзсаа сигкаа аанисам̣саа зд̇зсам̣, на лаабхасаггаарасилогаад̇и сигкаанисам̣саа. вихарат̇аад̇и сигкаанисам̣саа худ̇ваа вихарат̇а, д̇ийсу сигкаасу аанисам̣сад̣̇ассаавино худ̇ваа д̇аахи сигкаахи лад̣̇д̇хаб̣б̣ам̣ аанисам̣самзва самбассанд̇аа вихарат̇аад̇и ад̇т̇о. бан̃н̃уд̇д̇араад̇и д̇аасу сигкаасу яаа ад̇хибан̃н̃аасигкаасан̇каад̇аа бан̃н̃аа, саа уд̇д̇араа бад̇хаанаа висидтаа зд̇зсанд̇и бан̃н̃уд̇д̇араа. яз хи сигкаанисам̣саа вихаранд̇и, д̇з бан̃н̃уд̇д̇араа бхаванд̇ийд̇и. вимуд̇д̇исаараад̇и арахад̇д̇апаласан̇каад̇аа вимуд̇д̇и саарам̣ зд̇зсанд̇и вимуд̇д̇исаараа, яат̇аавуд̇д̇ам̣ вимуд̇д̇им̣язва саарад̇о г̇ахзд̇ваа тид̇аад̇и ад̇т̇о. яз хи сигкаанисам̣саа бан̃н̃уд̇д̇араа жа, на д̇з бхавависзсам̣ бад̇т̇знд̇и, абижа ко вибхавам̣ ааган̇канд̇аа вимуд̇д̇им̣язва саарад̇о бажжзнд̇и. сад̇аад̇хибад̇зяяаад̇и ж̇здтагагаран̣адтзна сад̇и ад̇хибад̇зяяам̣ зд̇зсанд̇и сад̇аад̇хибад̇зяяаа ад̇хибад̇и зва ад̇хибад̇зяяанд̇и гад̇ваа, жад̇уусу сад̇ибадтаанзсу суббад̇идтид̇ажид̇д̇аа гааяаанубассанаад̣̇имукзна самат̇авибассанаабхааванаануяуд̇д̇аад̇и ад̇т̇о.
46. Navame sikkhānisaṃsāti ettha sikkhitabbāti sikkhā, sā tividhā adhisīlasikkhā, adhicittasikkhā, adhipaññāsikkhāti. Tividhāpi cesā sikkhā ānisaṃsā etesaṃ, na lābhasakkārasilokāti sikkhānisaṃsā. Viharathāti sikkhānisaṃsā hutvā viharatha, tīsu sikkhāsu ānisaṃsadassāvino hutvā tāhi sikkhāhi laddhabbaṃ ānisaṃsameva sampassantā viharathāti attho. Paññuttarāti tāsu sikkhāsu yā adhipaññāsikkhāsaṅkhātā paññā, sā uttarā padhānā visiṭṭhā etesanti paññuttarā. Ye hi sikkhānisaṃsā viharanti, te paññuttarā bhavantīti. Vimuttisārāti arahattaphalasaṅkhātā vimutti sāraṃ etesanti vimuttisārā, yathāvuttaṃ vimuttiṃyeva sārato gahetvā ṭhitāti attho. Ye hi sikkhānisaṃsā paññuttarā ca, na te bhavavisesaṃ patthenti, apica kho vibhavaṃ ākaṅkhantā vimuttiṃyeva sārato paccenti. Satādhipateyyāti jeṭṭhakakaraṇaṭṭhena sati adhipateyyaṃ etesanti satādhipateyyā adhipati eva adhipateyyanti katvā, catūsu satipaṭṭhānesu suppatiṭṭhitacittā kāyānupassanādimukhena samathavipassanābhāvanānuyuttāti attho.
ат̇а ваа сигкаанисам̣саад̇и бхигкавз, зваруубз д̣̇уллабхагкан̣абадилаабхз д̇ивид̇хасигкаасигканамзва аанисам̣сам̣ гад̇ваа вихарат̇а, звам̣ вихаранд̇аа жа бан̃н̃уд̇д̇араа бан̃н̃ааяа уд̇д̇араа логуд̇д̇арабан̃н̃ааяа саманнааг̇ад̇аа худ̇ваа вихарат̇а, звам̣бхууд̇аа жа вимуд̇д̇исаараа ниб̣б̣аанасаараа анан̃н̃асаараа вихарат̇а. д̇ат̇аабхаавасса жааяам̣ убааяо, яам̣ сад̇аад̇хибад̇зяяаа вихарат̇а, сад̇ибадтаанабхааванааяа яуд̇д̇аббаяуд̇д̇аа хот̇а, саб̣б̣ад̇т̇а ваа сад̇аарагкзна жзд̇асаа вихарат̇аад̇и звамзд̇т̇а ад̇т̇о взд̣̇ид̇аб̣б̣о. ид̇и бхаг̇аваа д̇ийсу сигкаасу бхигкуу нияож̇знд̇о яат̇аа д̇аа сигкид̇аб̣б̣аа, язна жа баарибуурим̣ г̇ажчанд̇и, д̇ам̣ сан̇кзбзнзва д̣̇ассзд̇ваа ид̣̇аани яат̇аанусидтам̣ бадибаж̇ж̇амаанаанам̣ палависзсад̣̇ассанзна д̇ассаа бадибад̇д̇ияаа амогхабхаавам̣ багаасзнд̇о ‘‘сигкаанисам̣саана’’нд̇иаад̣̇имааха. д̇ам̣ вуд̇д̇ад̇т̇амзва.
Atha vā sikkhānisaṃsāti bhikkhave, evarūpe dullabhakkhaṇapaṭilābhe tividhasikkhāsikkhanameva ānisaṃsaṃ katvā viharatha, evaṃ viharantā ca paññuttarā paññāya uttarā lokuttarapaññāya samannāgatā hutvā viharatha, evaṃbhūtā ca vimuttisārā nibbānasārā anaññasārā viharatha. Tathābhāvassa cāyaṃ upāyo, yaṃ satādhipateyyā viharatha, satipaṭṭhānabhāvanāya yuttappayuttā hotha, sabbattha vā satārakkhena cetasā viharathāti evamettha attho veditabbo. Iti bhagavā tīsu sikkhāsu bhikkhū niyojento yathā tā sikkhitabbā, yena ca pāripūriṃ gacchanti, taṃ saṅkhepeneva dassetvā idāni yathānusiṭṭhaṃ paṭipajjamānānaṃ phalavisesadassanena tassā paṭipattiyā amoghabhāvaṃ pakāsento ‘‘sikkhānisaṃsāna’’ntiādimāha. Taṃ vuttatthameva.
г̇аат̇аасу барибун̣н̣асигканд̇и аг̇г̇апалаббад̇д̇ияаа барисуд̣̇д̇хасигкам̣, асзгканд̇и ад̇т̇о. абахаанад̇хамманд̇и зд̇т̇а бахаанад̇хаммаа вужжанд̇и губбаа вимуд̇д̇ияо. бахаанад̇хаммод̇и хи хаанад̇хаммо губбад̇хаммо. на бахаанад̇хаммод̇и абахаанад̇хаммо, агуббад̇хаммо. ‘‘аббахаанад̇хаммо’’д̇иби баал̣и, со зва ад̇т̇о. каяо зва анд̇од̇и каяанд̇о, ж̇аад̇ияаа каяанд̇о ж̇аад̇икаяанд̇о, ниб̣б̣аанам̣. каяо ваа маран̣ам̣, ж̇аад̇икаяанд̇о ниб̣б̣аанамзва, д̇асса д̣̇идтад̇д̇аа ж̇аад̇икаяанд̇ад̣̇ассий.
Gāthāsu paripuṇṇasikkhanti aggaphalappattiyā parisuddhasikkhaṃ, asekkhanti attho. Apahānadhammanti ettha pahānadhammā vuccanti kuppā vimuttiyo. Pahānadhammoti hi hānadhammo kuppadhammo. Na pahānadhammoti apahānadhammo, akuppadhammo. ‘‘Appahānadhammo’’tipi pāḷi, so eva attho. Khayo eva antoti khayanto, jātiyā khayanto jātikhayanto, nibbānaṃ. Khayo vā maraṇaṃ, jātikhayanto nibbānameva, tassa diṭṭhattā jātikhayantadassī.
д̇асмаад̇и яасмаа сигкаабаарибуурияаа аяам̣ ж̇араабааран̇г̇аманабарияосаано аанисам̣со, д̇асмаа. сад̣̇аад̇и саб̣б̣агаалам̣. жхаанарад̇аад̇и лагкан̣уубаниж̇жхаанз, аарамман̣уубаниж̇жхаанзд̇и д̣̇увид̇хзби жхаанз рад̇аа, д̇ад̇о зва самаахид̇аа. маарам̣ сасзнам̣ абхибхуяяаад̇и гилзсасзнааяа анадтасзнааяа жа сасзнам̣ анавасидтам̣ жад̇уб̣б̣ид̇хамби маарам̣ абхибхавид̇ваа. д̣̇звабуд̇д̇амаарассаби хи г̇ун̣амааран̣з сахааяабхаавуубаг̇аманад̇о гилзсаа ‘‘сзнаа’’д̇и вужжанд̇и. д̇ат̇аа рог̇аад̣̇аяо анадтаа мажжумаарасса. яат̇ааха –
Tasmāti yasmā sikkhāpāripūriyā ayaṃ jarāpāraṅgamanapariyosāno ānisaṃso, tasmā. Sadāti sabbakālaṃ. Jhānaratāti lakkhaṇūpanijjhāne, ārammaṇūpanijjhāneti duvidhepi jhāne ratā, tato eva samāhitā. Māraṃ sasenaṃ abhibhuyyāti kilesasenāya anaṭṭhasenāya ca sasenaṃ anavasiṭṭhaṃ catubbidhampi māraṃ abhibhavitvā. Devaputtamārassapi hi guṇamāraṇe sahāyabhāvūpagamanato kilesā ‘‘senā’’ti vuccanti. Tathā rogādayo anaṭṭhā maccumārassa. Yathāha –
‘‘гаамаа д̇з батамаа сзнаа, д̣̇уд̇ияаа арад̇и вужжад̇и;
‘‘Kāmā te paṭhamā senā, dutiyā arati vuccati;
д̇ад̇ияаа куббибаасаа д̇з, жад̇уд̇т̇ий д̇ан̣хаа бавужжад̇и.
Tatiyā khuppipāsā te, catutthī taṇhā pavuccati.
‘‘бан̃жамий т̇инамид̣̇д̇хам̣ д̇з, чадтаа бхийруу бавужжад̇и;
‘‘Pañcamī thinamiddhaṃ te, chaṭṭhā bhīrū pavuccati;
сад̇д̇амий вижигижчаа д̇з, магко т̇амбхо жа адтамо.
Sattamī vicikicchā te, makkho thambho ca aṭṭhamo.
‘‘лаабхо силого саггааро, мижчаалад̣̇д̇хо жа яо яасо;
‘‘Lābho siloko sakkāro, micchāladdho ca yo yaso;
яо жад̇д̇аанам̣ самуггам̣сз, барз жа аваж̇аанад̇и.
Yo cattānaṃ samukkaṃse, pare ca avajānati.
‘‘зсаа намужи д̇з сзнаа, ган̣хассаабхиббахаариний;
‘‘Esā namuci te senā, kaṇhassābhippahārinī;
на нам̣ асууро ж̇инаад̇и, ж̇зд̇ваа жа лабхад̇з сука’’нд̇и. (су. ни. 438-441; махаани. 28);
Na naṃ asūro jināti, jetvā ca labhate sukha’’nti. (su. ni. 438-441; mahāni. 28);
яат̇аа жааха –
Yathā cāha –
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа’’д̇и. (ма. ни. 3.280; ж̇аа. 2.22.121);
Na hi no saṅgaraṃ tena, mahāsenena maccunā’’ti. (ma. ni. 3.280; jā. 2.22.121);
бхават̇а ж̇аад̇имаран̣асса баараг̇аад̇и ж̇аад̇ияаа маран̣асса жа баараг̇аамино ниб̣б̣аанаг̇аамино бхават̇аад̇и.
Bhavatha jātimaraṇassa pāragāti jātiyā maraṇassa ca pāragāmino nibbānagāmino bhavathāti.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 9. сигкаанисам̣сасуд̇д̇ам̣ • 9. Sikkhānisaṃsasuttaṃ
