| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਸਿਕ੍ਖਾਨਿਸਂਸਸੁਤ੍ਤવਣ੍ਣਨਾ
3. Sikkhānisaṃsasuttavaṇṇanā
੨੪੫. ਤਤਿਯੇ ਸਿਕ੍ਖਾ ਆਨਿਸਂਸਾ ਏਤ੍ਥਾਤਿ ਸਿਕ੍ਖਾਨਿਸਂਸਂ। ਪਞ੍ਞਾ ਉਤ੍ਤਰਾ ਏਤ੍ਥਾਤਿ ਪਞ੍ਞੁਤ੍ਤਰਂ। વਿਮੁਤ੍ਤਿ ਸਾਰੋ ਏਤ੍ਥਾਤਿ વਿਮੁਤ੍ਤਿਸਾਰਂ। ਸਤਿ ਆਧਿਪਤੇਯ੍ਯਾ ਏਤ੍ਥਾਤਿ ਸਤਾਧਿਪਤੇਯ੍ਯਂ। ਏਤੇਸਂ ਹਿ ਸਿਕ੍ਖਾਦਿਸਙ੍ਖਾਤਾਨਂ ਆਨਿਸਂਸਾਦੀਨਂ ਅਤ੍ਥਾਯ વੁਸ੍ਸਤੀਤਿ વੁਤ੍ਤਂ ਹੋਤਿ। ਆਭਿਸਮਾਚਾਰਿਕਾਤਿ ਉਤ੍ਤਮਸਮਾਚਾਰਿਕਾ। વਤ੍ਤવਸੇਨ ਪਞ੍ਞਤ੍ਤਸੀਲਸ੍ਸੇਤਂ ਅਧਿવਚਨਂ। ਤਥਾ ਤਥਾ ਸੋ ਤਸ੍ਸਾ ਸਿਕ੍ਖਾਯਾਤਿ ਤਥਾ ਤਥਾ ਸੋ ਸਿਕ੍ਖਾਕਾਮੋ ਭਿਕ੍ਖੁ ਤਸ੍ਮਿਂ ਸਿਕ੍ਖਾਪਦੇ।
245. Tatiye sikkhā ānisaṃsā etthāti sikkhānisaṃsaṃ. Paññā uttarā etthāti paññuttaraṃ. Vimutti sāro etthāti vimuttisāraṃ. Sati ādhipateyyā etthāti satādhipateyyaṃ. Etesaṃ hi sikkhādisaṅkhātānaṃ ānisaṃsādīnaṃ atthāya vussatīti vuttaṃ hoti. Ābhisamācārikāti uttamasamācārikā. Vattavasena paññattasīlassetaṃ adhivacanaṃ. Tathā tathā so tassā sikkhāyāti tathā tathā so sikkhākāmo bhikkhu tasmiṃ sikkhāpade.
ਆਦਿਬ੍ਰਹ੍ਮਚਰਿਯਿਕਾਤਿ ਮਗ੍ਗਬ੍ਰਹ੍ਮਚਰਿਯਸ੍ਸ ਆਦਿਭੂਤਾਨਂ ਚਤੁਨ੍ਨਂ ਮਹਾਸੀਲਾਨਮੇਤਂ ਅਧਿવਚਨਂ। ਸਬ੍ਬਸੋਤਿ ਸਬ੍ਬਾਕਾਰੇਨ। ਧਮ੍ਮਾਤਿ ਚਤੁਸਚ੍ਚਧਮ੍ਮਾ। ਪਞ੍ਞਾਯ ਸਮવੇਕ੍ਖਿਤਾ ਹੋਨ੍ਤੀਤਿ ਸਹવਿਪਸ੍ਸਨਾਯ ਮਗ੍ਗਪਞ੍ਞਾਯ ਸੁਦਿਟ੍ਠਾ ਹੋਨ੍ਤਿ। વਿਮੁਤ੍ਤਿਯਾ ਫੁਸਿਤਾ ਹੋਨ੍ਤੀਤਿ ਅਰਹਤ੍ਤਫਲવਿਮੁਤ੍ਤਿਯਾ ਞਾਣਫਸ੍ਸੇਨ ਫੁਟ੍ਠਾ ਹੋਨ੍ਤਿ। ਅਜ੍ਝਤ੍ਤਂਯੇવ ਸਤਿ ਸੂਪਟ੍ਠਿਤਾ ਹੋਤੀਤਿ ਨਿਯਕਜ੍ਝਤ੍ਤੇਯੇવ ਸਤਿ ਸੁਟ੍ਠੁ ਉਪਟ੍ਠਿਤਾ ਹੋਤਿ। ਪਞ੍ਞਾਯ ਅਨੁਗ੍ਗਹੇਸ੍ਸਾਮੀਤਿ વਿਪਸ੍ਸਨਾਪਞ੍ਞਾਯ ਅਨੁਗ੍ਗਹੇਸ੍ਸਾਮਿ। ਪਞ੍ਞਾਯ ਸਮવੇਕ੍ਖਿਸ੍ਸਾਮੀਤਿ ਇਧਾਪਿ વਿਪਸ੍ਸਨਾਪਞ੍ਞਾ ਅਧਿਪ੍ਪੇਤਾ। ਫੁਸਿਤਂ વਾ ਧਮ੍ਮਂ ਤਤ੍ਥ ਤਤ੍ਥ ਪਞ੍ਞਾਯ ਅਨੁਗ੍ਗਹੇਸ੍ਸਾਮੀਤਿ ਏਤ੍ਥ ਪਨ ਮਗ੍ਗਪਞ੍ਞਾવ ਅਧਿਪ੍ਪੇਤਾ।
Ādibrahmacariyikāti maggabrahmacariyassa ādibhūtānaṃ catunnaṃ mahāsīlānametaṃ adhivacanaṃ. Sabbasoti sabbākārena. Dhammāti catusaccadhammā. Paññāya samavekkhitā hontīti sahavipassanāya maggapaññāya sudiṭṭhā honti. Vimuttiyā phusitā hontīti arahattaphalavimuttiyā ñāṇaphassena phuṭṭhā honti. Ajjhattaṃyeva sati sūpaṭṭhitā hotīti niyakajjhatteyeva sati suṭṭhu upaṭṭhitā hoti. Paññāya anuggahessāmīti vipassanāpaññāya anuggahessāmi. Paññāyasamavekkhissāmīti idhāpi vipassanāpaññā adhippetā. Phusitaṃ vā dhammaṃ tattha tattha paññāya anuggahessāmīti ettha pana maggapaññāva adhippetā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਸਿਕ੍ਖਾਨਿਸਂਸਸੁਤ੍ਤਂ • 3. Sikkhānisaṃsasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨-੩. ਆਪਤ੍ਤਿਭਯਸੁਤ੍ਤਾਦਿવਣ੍ਣਨਾ • 2-3. Āpattibhayasuttādivaṇṇanā
