| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сигкаабажжагкаанагат̇ааван̣н̣анаа
Sikkhāpaccakkhānakathāvaṇṇanā
зд̇т̇а яаамийд̇и амугасмим̣ д̇ид̇т̇ааяад̇анз, гхараад̣̇имхи ваа. бхаававигаббаагаарзнаад̇и ‘‘ахам̣ асса’’нд̇и ааг̇ад̇ад̇д̇аа яам̣ яам̣ бхавид̇угаамо, д̇асса д̇асса бхаавасса вигаббаагаарзна, бхигкубхаавад̇о ан̃н̃абхаававигаббаагаарзнаад̇и ад̇хиббааяо.
Etthayāmīti amukasmiṃ titthāyatane, gharādimhi vā. Bhāvavikappākārenāti ‘‘ahaṃ assa’’nti āgatattā yaṃ yaṃ bhavitukāmo, tassa tassa bhāvassa vikappākārena, bhikkhubhāvato aññabhāvavikappākārenāti adhippāyo.
46. ханд̣̇аад̇и важасааязва. г̇ихибхаавам̣ бад̇т̇аяамаанод̇иаад̣̇ибад̣̇зхи жид̇д̇анияамам̣ д̣̇ассзд̇и. згзнзва жид̇д̇зна сигкаабажжагкаанам̣ ход̇и, на д̇ад̣̇абхаавзнаад̇и.
46.Handāti vacasāyeva. Gihibhāvaṃ patthayamānotiādipadehi cittaniyamaṃ dasseti. Ekeneva cittena sikkhāpaccakkhānaṃ hoti, na tadabhāvenāti.
51. б̣уд̣̇д̇хам̣ д̇хамманд̇иаад̣̇ибад̣̇зхи кзд̇д̇анияамам̣ д̣̇ассзд̇и. д̇ад̇т̇а аад̣̇ид̇о жуд̣̇д̣̇асахи бад̣̇зхи сабхаавабарижжааг̇о, бажчимзхи адтахи бхааванд̇араад̣̇аанан̃жа д̣̇ассид̇ам̣ ход̇и. бажжагкаами д̇хаарзхийд̇и зд̇зхи гааланияамам̣ д̣̇ассзд̇и. вад̣̇ад̇ийд̇и иминаа бад̣̇зна баяог̇анияамам̣ д̣̇ассзд̇и. вин̃н̃аабзд̇ийд̇и иминаа виж̇аанананияамам̣ д̣̇ассзд̇и. уммад̇д̇аго сигкам̣ бажжагкаад̇и, уммад̇д̇агасса санд̇игз сигкам̣ бажжагкаад̇ийд̇иаад̣̇ийхи буг̇г̇аланияамам̣ д̣̇ассзд̇и. арияагзна милагкасса санд̇игз сигкам̣ бажжагкаад̇ийд̇иаад̣̇ийхи бана буг̇г̇алаад̣̇инияамзби сад̇и виж̇аанананияамаасамбхавам̣ д̣̇ассзд̇и. д̇ад̇т̇а ‘‘яааяа милагкабхаасааяа гааланияамо над̇т̇и, д̇ааяаби бхаасааяа гааланияамад̇т̇ад̣̇ийбанз сад̇и сигкаабажжагкаанам̣ рухад̇ийд̇и но мад̇ий’’д̇и аажарияо. д̣̇авааяаад̇иаад̣̇ийхи кзд̇д̇аад̣̇инияамз сад̇иби жид̇д̇анияамаабхаавзна на рухад̇ийд̇и д̣̇ассзд̇и. саавзд̇угаамо на саавзд̇ийд̇и жид̇д̇анияамзби сад̇и баяог̇анияамаабхаавзна на рухад̇ийд̇и д̣̇ассзд̇и. авин̃н̃уссасаавзд̇и, вин̃н̃усса на саавзд̇ийд̇и жид̇д̇акзд̇д̇агаалабаяог̇абуг̇г̇алавиж̇аанананияамзби сад̇и яам̣ буг̇г̇алам̣ уд̣̇д̣̇исса саавзд̇и, д̇ассзва саванз на рухад̇и, на ан̃н̃ассаад̇и д̣̇ассанад̇т̇ам̣ вуд̇д̇ам̣, д̇зна вуд̇д̇ам̣ адтагат̇ааяам̣ ‘‘яад̣̇и аяамзва ж̇аанаад̇ууд̇и згам̣ нияамзд̇ваа аарожзд̇и, д̇ан̃жз со зва ж̇аанаад̇и, бажжагкаад̇аа ход̇и сигкаа. ат̇а со на ж̇аанаад̇и…бз… аббажжагкаад̇аа ход̇и сигкаа’’д̇и. саб̣б̣асо ваа бана на саавзд̇и, аббажжагкаа ход̇и сигкаад̇и жид̇д̇аад̣̇инияамзнзва сигкаа бажжагкаад̇аа ход̇и, на ан̃н̃ат̇аад̇и д̣̇ассанад̇т̇ам̣ вуд̇д̇ам̣. зд̇д̇аавад̇аа ‘‘сигкаа…бз… д̣̇уб̣б̣аляам̣ анаавигад̇ваа’’д̇и бад̣̇асса бад̣̇абхааж̇анам̣ д̇ийхи аагаарзхи д̣̇ассид̇ам̣ ход̇и. д̇ад̇т̇а д̣̇вз амиссаа, бажчимо зго миссод̇и взд̣̇ид̇аб̣б̣о. д̇знзва важийбхзд̣̇знаад̇и д̇ад̣̇ад̇т̇ад̣̇ийбанамад̇д̇ам̣ важанам̣ суд̇ваава д̇знзва важийбхзд̣̇зна ж̇аанаабзд̇ийд̇и ад̇т̇о. жид̇д̇асамбаяуд̇д̇анд̇и бажжагкаад̇угаамад̇аажид̇д̇асамбаяуд̇д̇ам̣. самаяан̃н̃уу наама д̇ад̣̇ад̇хиббааяаж̇аананамад̇д̇зна ход̇и.
51.Buddhaṃ dhammantiādipadehi khettaniyamaṃ dasseti. Tattha ādito cuddasahi padehi sabhāvapariccāgo, pacchimehi aṭṭhahi bhāvantarādānañca dassitaṃ hoti. Paccakkhāmi dhārehīti etehi kālaniyamaṃ dasseti. Vadatīti iminā padena payoganiyamaṃ dasseti. Viññāpetīti iminā vijānananiyamaṃ dasseti. Ummattako sikkhaṃ paccakkhāti, ummattakassa santike sikkhaṃ paccakkhātītiādīhi puggalaniyamaṃ dasseti. Ariyakena milakkhassa santike sikkhaṃ paccakkhātītiādīhi pana puggalādiniyamepi sati vijānananiyamāsambhavaṃ dasseti. Tattha ‘‘yāya milakkhabhāsāya kālaniyamo natthi, tāyapi bhāsāya kālaniyamatthadīpane sati sikkhāpaccakkhānaṃ ruhatīti no matī’’ti ācariyo. Davāyātiādīhi khettādiniyame satipi cittaniyamābhāvena na ruhatīti dasseti. Sāvetukāmo na sāvetīti cittaniyamepi sati payoganiyamābhāvena na ruhatīti dasseti. Aviññussasāveti, viññussa na sāvetīti cittakhettakālapayogapuggalavijānananiyamepi sati yaṃ puggalaṃ uddissa sāveti, tasseva savane na ruhati, na aññassāti dassanatthaṃ vuttaṃ, tena vuttaṃ aṭṭhakathāyaṃ ‘‘yadi ayameva jānātūti ekaṃ niyametvā āroceti, tañce so eva jānāti, paccakkhātā hoti sikkhā. Atha so na jānāti…pe… appaccakkhātā hoti sikkhā’’ti. Sabbaso vā pana na sāveti, appaccakkhā hoti sikkhāti cittādiniyameneva sikkhā paccakkhātā hoti, na aññathāti dassanatthaṃ vuttaṃ. Ettāvatā ‘‘sikkhā…pe… dubbalyaṃ anāvikatvā’’ti padassa padabhājanaṃ tīhi ākārehi dassitaṃ hoti. Tattha dve amissā, pacchimo eko missoti veditabbo. Teneva vacībhedenāti tadatthadīpanamattaṃ vacanaṃ sutvāva teneva vacībhedena jānāpetīti attho. Cittasampayuttanti paccakkhātukāmatācittasampayuttaṃ. Samayaññū nāma tadadhippāyajānanamattena hoti.
53. ван̣н̣абадтаанам̣ б̣уд̣̇д̇хаг̇ун̣ад̣̇ийбагам̣ суд̇д̇ам̣. убаалиг̇ахабад̇инаа вуд̇д̇аа гира убаалиг̇аат̇аа. бан̃н̃аан̣ам̣ сан̃н̃аан̣анд̇и ад̇т̇ад̇о згам̣, д̇асмаа б̣од̇хибан̃н̃аан̣анд̇и б̣од̇хисан̃н̃аан̣ам̣, б̣од̇хиб̣ийж̇анд̇и вуд̇д̇ам̣ ход̇и.
53.Vaṇṇapaṭṭhānaṃ buddhaguṇadīpakaṃ suttaṃ. Upāligahapatinā vuttā kira upāligāthā. Paññāṇaṃ saññāṇanti atthato ekaṃ, tasmā bodhipaññāṇanti bodhisaññāṇaṃ, bodhibījanti vuttaṃ hoti.
д̣̇виннамби нияамзд̇ваад̇и зд̇т̇а ‘‘д̣̇вийсуби ж̇аананд̇зсу зва бажжагкаамийд̇и ад̇хиббааязна вуд̇д̇з д̇зсу зго жз ж̇аанаад̇и, на бажжагкаад̇аа ход̇ий’’д̇и ан̃н̃ад̇арасмимби г̇ан̣тибад̣̇з вуд̇д̇ам̣, д̇ам̣ адтагат̇ааяа на самзд̇и. ‘‘г̇ихий хомий’’д̇и ваа ‘‘г̇ихимхий’’д̇и ваа вуд̇д̇з гин̃жааби вад̇д̇амаанаважанам̣ ход̇и. ‘‘д̇хаарзхий’’д̇и ад̇т̇аабхааваа жа ‘‘д̇хаарзхий’’д̇и вуд̇д̇з жа барассубари г̇ажчад̇и, д̇асмаа на ход̇и. санд̣̇идтигам̣ д̇хамманд̇и саб̣б̣ад̇т̇а д̇хаммаважанам̣ вуд̇д̇ам̣ яам̣ санд̇хааяа ‘‘санд̣̇идтига’’нд̇и вад̣̇ад̇и, д̇ам̣ багаасзд̇ум̣. ан̃н̃ат̇аа ‘‘виж̇ид̇авиж̇аяам̣ бажжагкаамий’’д̇и вуд̇д̇з жаггавад̇д̇иаад̣̇ийсуби д̇аббасан̇г̇ад̇о б̣уд̣̇д̇хасад̣̇д̣̇оби авасаанз вад̇д̇аб̣б̣о бхавзяяа. аажарияавзважанзсу бана яо мам̣ баб̣б̣ааж̇зсийд̇иаад̣̇и убаж̇жхам̣ аг̇г̇ахзд̇ваа, барам̣ ваа уд̣̇д̣̇исса баб̣б̣аж̇ид̇ам̣ санд̇хааяа вуд̇д̇анд̇и. огаллагод̇и габан̣аад̇хиважанам̣. мол̣иб̣ад̣̇д̇ход̇и сикааб̣ад̣̇д̇хо, омуггамагудо ваа. жзллаго ат̇зро. жздаго маж̇жхимо. мол̣иг̇алло махаасааман̣зро. мануссавиг̇г̇аханааг̇аад̣̇ийнам̣ нааг̇аруубаад̣̇ийнам̣ ваа санд̇игз, бхаасааж̇аананагиннараад̣̇ийнам̣ ваа. ‘‘д̣̇звад̇аа наама махаабан̃н̃аа’’д̇и гира баато. д̣̇авааяаад̇и сахасаа. раваабхан̃н̃знаад̇и калид̇абхан̃н̃зна. агкарасамаяаанан̃хи наабхин̃н̃аад̇ааяа ваа гаран̣аанам̣ ависад̣̇ад̇ааяа ваа ход̇и раваабхан̃н̃ам̣. авид̇хзяяинд̣̇рияад̇ааяа ‘‘бод̇т̇агаруубасад̣̇исассаа’’д̇и вуд̇д̇ам̣, г̇арумзд̇хасса манд̣̇абан̃н̃асса. гид̇д̇аавад̇аа бана г̇арумзд̇хо ход̇ийд̇и жз? самаяз аговид̣̇ад̇ааяа.
Dvinnampi niyametvāti ettha ‘‘dvīsupi jānantesu eva paccakkhāmīti adhippāyena vutte tesu eko ce jānāti, na paccakkhātā hotī’’ti aññatarasmimpi gaṇṭhipade vuttaṃ, taṃ aṭṭhakathāya na sameti. ‘‘Gihī homī’’ti vā ‘‘gihimhī’’ti vā vutte kiñcāpi vattamānavacanaṃ hoti. ‘‘Dhārehī’’ti atthābhāvā ca ‘‘dhārehī’’ti vutte ca parassupari gacchati, tasmā na hoti. Sandiṭṭhikaṃ dhammanti sabbattha dhammavacanaṃ vuttaṃ yaṃ sandhāya ‘‘sandiṭṭhika’’nti vadati, taṃ pakāsetuṃ. Aññathā ‘‘vijitavijayaṃ paccakkhāmī’’ti vutte cakkavattiādīsupi tappasaṅgato buddhasaddopi avasāne vattabbo bhaveyya. Ācariyavevacanesu pana yo maṃ pabbājesītiādi upajjhaṃ aggahetvā, paraṃ vā uddissa pabbajitaṃ sandhāya vuttanti. Okallakoti kapaṇādhivacanaṃ. Moḷibaddhoti sikhābaddho, omukkamakuṭo vā. Cellako athero. Ceṭako majjhimo. Moḷigallo mahāsāmaṇero. Manussaviggahanāgādīnaṃ nāgarūpādīnaṃ vā santike, bhāsājānanakinnarādīnaṃ vā. ‘‘Devatā nāma mahāpaññā’’ti kira pāṭho. Davāyāti sahasā. Ravābhaññenāti khalitabhaññena. Akkharasamayānañhi nābhiññātāya vā karaṇānaṃ avisadatāya vā hoti ravābhaññaṃ. Avidheyyindriyatāya ‘‘potthakarūpasadisassā’’ti vuttaṃ, garumedhassa mandapaññassa. Kittāvatā pana garumedho hotīti ce? Samaye akovidatāya.
сигкаабажжагкаанагат̇ааван̣н̣анаа нидтид̇аа.
Sikkhāpaccakkhānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сигкаабажжагкаанавибхан̇г̇аван̣н̣анаа • Sikkhāpaccakkhānavibhaṅgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бажжагкаанавибхан̇г̇аван̣н̣анаа • Paccakkhānavibhaṅgavaṇṇanā
