| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
42. ஸிக்கா²பத³த³ண்ட³கம்மவத்து²கதா²
42. Sikkhāpadadaṇḍakammavatthukathā
106. நாஸனவத்தூ²தி லிங்க³னாஸனாய அதி⁴ட்டா²னங், காரணந்தி வுத்தங் ஹோதி. பச்சி²மானங் பஞ்சன்னந்தி யோஜனா. த³ண்ட³கம்மவத்தூ²தி த³ண்ட³கம்மஸ்ஸ காரணங்.
106.Nāsanavatthūti liṅganāsanāya adhiṭṭhānaṃ, kāraṇanti vuttaṃ hoti. Pacchimānaṃ pañcannanti yojanā. Daṇḍakammavatthūti daṇḍakammassa kāraṇaṃ.
107. அப்பதிஸ்ஸாதி எத்த² பி⁴க்கூ²னங் வசனஸ்ஸ படிமுக²ங் ஆத³ரேன அஸவனங் பி⁴க்கூ² ஜெட்ட²கட்டா²னே ந ட²பெந்தி நாமாதி த³ஸ்ஸெந்தோ ஆஹ ‘‘பி⁴க்கூ² ஜெட்ட²கட்டா²னே’’திஆதி³. ‘‘ஸமானஜீவிகா’’தி இமினா அஸபா⁴க³வுத்திகாதி எத்த² ஸபா⁴க³ஸத்³தோ³ ஸமானஸத்³த³பரியாயோ, வுத்திஸத்³தோ³ ஜீவிகபரியாயோதி த³ஸ்ஸேதி. பரிஸக்கதீதி எத்த² ஸக்க க³தியந்திதா⁴துபாடே²ஸு (ஸத்³த³னீதிதா⁴துமாலாயங் 16 ளகாரந்ததா⁴து) வுத்தத்தா பரிபுப்³போ³ ஸக்கஸத்³தோ³ க³த்யத்தோ²தி ஆஹ ‘‘பரக்கமதீ’’தி. கிந்தீதி கிமேவ. இதிஸத்³தோ³ ஹெத்த² ஏவஸத்³த³த்தோ², கேன ஏவ உபாயேனாதி ஹி அத்தோ². அக்கோஸதி சேவாதி ஜாதிஆதீ³ஹி அக்கோஸதி சேவ. பே⁴தே³தீதி பே⁴தா³பேதி. ஆவரணங் காதுந்தி எத்த² ஆவரணஸத்³தோ³ நிவாரணஸத்³த³வேவசனோதி ஆஹ ‘‘நிவாரணங் காது’’ந்தி. யத்தா²தி யஸ்மிங் பரிவேணே, ஸேனாஸனே வா. வஸ்ஸக்³கே³னாதி வஸ்ஸக³ணனாய. (தஸ்ஸாதி பரிவேணஸேனாஸனஸ்ஸ. உபசாரேதி ஆஸன்னே). முக²த்³வாரிகந்தி முக²ஸங்கா²தேன த்³வாரேன அஜ்ஜோ²ஹரிதப்³ப³ங். ‘‘வத³தோபீ’’தி இமினா வசீபயோகே³ன து³க்கடாபத்திங் த³ஸ்ஸேதி, ‘‘நிக்கி²பதோபீ’’தி இமினா காயபயோகே³ன. அனாசாரஸ்ஸாதி த³ண்ட³கம்மே அனாசாரஸ்ஸ. எத்தகே நாம த³ண்ட³கம்மேதி எத்தகே நாம உத³காஹராபனாதி³ஸங்கா²தே த³ண்ட³கம்மே. இத³ந்தி யாகு³ப⁴த்தாதி³ங். லச்ச²ஸீதி லபி⁴ஸ்ஸஸி. ‘‘எத்தகே நாம த³ண்ட³கம்மே’’தி வுத்தவசனஸ்ஸ யுத்திங் த³ஸ்ஸெந்தோ ஆஹ ‘‘ப⁴க³வதா ஹீ’’திஆதி³. த³ண்ட³கம்மந்தி த³ண்டெ³ந்தி த³மெந்தி ஏதேனாதி த³ண்டோ³, ஸோயேவ கத்தப்³ப³த்தா கம்மந்தி த³ண்ட³கம்மங் ஆவரணாதி³. அபராதா⁴னுரூபந்தி வீதிக்கமஸ்ஸ அபராத⁴ஸ்ஸ அனுரூபங். தம்பீதி உத³கதா³ருவாலிகாதி³ஆஹராபணம்பி. தஞ்ச கோ²தி தஞ்ச கரணங். ஓரமிஸ்ஸதீதி காயேன ஓரமிஸ்ஸதி. விரமிஸ்ஸதீதி வாசாய விரமிஸ்ஸதி. உண்ஹபாஸாணே வாதிஆதீ³ஸு வாஸத்³தே³ன அஞ்ஞானிபி அத்ததாபனபரிதாபனாதீ³னி கம்மானி ஸங்க³ண்ஹாதி.
107.Appatissāti ettha bhikkhūnaṃ vacanassa paṭimukhaṃ ādarena asavanaṃ bhikkhū jeṭṭhakaṭṭhāne na ṭhapenti nāmāti dassento āha ‘‘bhikkhū jeṭṭhakaṭṭhāne’’tiādi. ‘‘Samānajīvikā’’ti iminā asabhāgavuttikāti ettha sabhāgasaddo samānasaddapariyāyo, vuttisaddo jīvikapariyāyoti dasseti. Parisakkatīti ettha sakka gatiyantidhātupāṭhesu (saddanītidhātumālāyaṃ 16 ḷakārantadhātu) vuttattā paripubbo sakkasaddo gatyatthoti āha ‘‘parakkamatī’’ti. Kintīti kimeva. Itisaddo hettha evasaddattho, kena eva upāyenāti hi attho. Akkosati cevāti jātiādīhi akkosati ceva. Bhedetīti bhedāpeti. Āvaraṇaṃ kātunti ettha āvaraṇasaddo nivāraṇasaddavevacanoti āha ‘‘nivāraṇaṃ kātu’’nti. Yatthāti yasmiṃ pariveṇe, senāsane vā. Vassaggenāti vassagaṇanāya. (Tassāti pariveṇasenāsanassa. Upacāreti āsanne). Mukhadvārikanti mukhasaṅkhātena dvārena ajjhoharitabbaṃ. ‘‘Vadatopī’’ti iminā vacīpayogena dukkaṭāpattiṃ dasseti, ‘‘nikkhipatopī’’ti iminā kāyapayogena. Anācārassāti daṇḍakamme anācārassa. Ettake nāma daṇḍakammeti ettake nāma udakāharāpanādisaṅkhāte daṇḍakamme. Idanti yāgubhattādiṃ. Lacchasīti labhissasi. ‘‘Ettake nāma daṇḍakamme’’ti vuttavacanassa yuttiṃ dassento āha ‘‘bhagavatā hī’’tiādi. Daṇḍakammanti daṇḍenti damenti etenāti daṇḍo, soyeva kattabbattā kammanti daṇḍakammaṃ āvaraṇādi. Aparādhānurūpanti vītikkamassa aparādhassa anurūpaṃ. Tampīti udakadāruvālikādiāharāpaṇampi. Tañca khoti tañca karaṇaṃ. Oramissatīti kāyena oramissati. Viramissatīti vācāya viramissati. Uṇhapāsāṇe vātiādīsu vāsaddena aññānipi attatāpanaparitāpanādīni kammāni saṅgaṇhāti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
42. ஸிக்கா²பத³கதா² • 42. Sikkhāpadakathā
43. த³ண்ட³கம்மவத்து² • 43. Daṇḍakammavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸிக்கா²பத³த³ண்ட³கம்மவத்து²கதா² • Sikkhāpadadaṇḍakammavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸிக்கா²பத³த³ண்ட³கம்மவத்து²கதா²வண்ணனா • Sikkhāpadadaṇḍakammavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸிக்கா²பத³த³ண்ட³கம்மவத்து²கதா²வண்ணனா • Sikkhāpadadaṇḍakammavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸிக்கா²பத³த³ண்ட³கம்மவத்து²கதா²வண்ணனா • Sikkhāpadadaṇḍakammavatthukathāvaṇṇanā
