| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
42. сигкаабад̣̇ад̣̇ан̣д̣агаммавад̇т̇угат̇аа
42. Sikkhāpadadaṇḍakammavatthukathā
106. наасанавад̇т̇ууд̇и лин̇г̇анаасанааяа ад̇хидтаанам̣, гааран̣анд̇и вуд̇д̇ам̣ ход̇и. бажчимаанам̣ бан̃жаннанд̇и яож̇анаа. д̣̇ан̣д̣агаммавад̇т̇ууд̇и д̣̇ан̣д̣агаммасса гааран̣ам̣.
106.Nāsanavatthūti liṅganāsanāya adhiṭṭhānaṃ, kāraṇanti vuttaṃ hoti. Pacchimānaṃ pañcannanti yojanā. Daṇḍakammavatthūti daṇḍakammassa kāraṇaṃ.
107. аббад̇иссаад̇и зд̇т̇а бхигкуунам̣ важанасса бадимукам̣ аад̣̇арзна асаванам̣ бхигкуу ж̇здтагадтаанз на табзнд̇и наамаад̇и д̣̇ассзнд̇о ааха ‘‘бхигкуу ж̇здтагадтаанз’’д̇иаад̣̇и. ‘‘самаанаж̇ийвигаа’’д̇и иминаа асабхааг̇авуд̇д̇игаад̇и зд̇т̇а сабхааг̇асад̣̇д̣̇о самаанасад̣̇д̣̇абарияааяо, вуд̇д̇исад̣̇д̣̇о ж̇ийвигабарияааяод̇и д̣̇ассзд̇и. барисаггад̇ийд̇и зд̇т̇а сагга г̇ад̇ияанд̇ид̇хаад̇убаатзсу (сад̣̇д̣̇анийд̇ид̇хаад̇умаалааяам̣ 16 л̣агааранд̇ад̇хаад̇у) вуд̇д̇ад̇д̇аа барибуб̣б̣о саггасад̣̇д̣̇о г̇ад̇яад̇т̇од̇и ааха ‘‘бараггамад̇ий’’д̇и. гинд̇ийд̇и гимзва. ид̇исад̣̇д̣̇о хзд̇т̇а звасад̣̇д̣̇ад̇т̇о, гзна зва убааязнаад̇и хи ад̇т̇о. аггосад̇и жзваад̇и ж̇аад̇иаад̣̇ийхи аггосад̇и жзва. бхзд̣̇зд̇ийд̇и бхзд̣̇аабзд̇и. ааваран̣ам̣ гаад̇унд̇и зд̇т̇а ааваран̣асад̣̇д̣̇о нивааран̣асад̣̇д̣̇авзважанод̇и ааха ‘‘нивааран̣ам̣ гаад̇у’’нд̇и. яад̇т̇аад̇и яасмим̣ баривзн̣з, сзнаасанз ваа. вассаг̇г̇знаад̇и вассаг̇ан̣анааяа. (д̇ассаад̇и баривзн̣асзнаасанасса. убажаарзд̇и аасаннз). мукад̣̇ваариганд̇и мукасан̇каад̇зна д̣̇ваарзна аж̇жхохарид̇аб̣б̣ам̣. ‘‘вад̣̇ад̇обий’’д̇и иминаа важийбаяог̇зна д̣̇уггадаабад̇д̇им̣ д̣̇ассзд̇и, ‘‘нигкибад̇обий’’д̇и иминаа гааяабаяог̇зна. анаажаарассаад̇и д̣̇ан̣д̣агаммз анаажаарасса. зд̇д̇агз наама д̣̇ан̣д̣агаммзд̇и зд̇д̇агз наама уд̣̇агаахараабанаад̣̇исан̇каад̇з д̣̇ан̣д̣агаммз. ид̣̇анд̇и яааг̇убхад̇д̇аад̣̇им̣. лажчасийд̇и лабхиссаси. ‘‘зд̇д̇агз наама д̣̇ан̣д̣агаммз’’д̇и вуд̇д̇аважанасса яуд̇д̇им̣ д̣̇ассзнд̇о ааха ‘‘бхаг̇авад̇аа хий’’д̇иаад̣̇и. д̣̇ан̣д̣агамманд̇и д̣̇ан̣д̣знд̇и д̣̇амзнд̇и зд̇знаад̇и д̣̇ан̣д̣о, соязва гад̇д̇аб̣б̣ад̇д̇аа гамманд̇и д̣̇ан̣д̣агаммам̣ ааваран̣аад̣̇и. абараад̇хаануруубанд̇и вийд̇иггамасса абараад̇хасса ануруубам̣. д̇амбийд̇и уд̣̇агад̣̇ааруваалигаад̣̇иаахараабан̣амби. д̇ан̃жа код̇и д̇ан̃жа гаран̣ам̣. орамиссад̇ийд̇и гааязна орамиссад̇и. вирамиссад̇ийд̇и ваажааяа вирамиссад̇и. ун̣хабаасаан̣з ваад̇иаад̣̇ийсу ваасад̣̇д̣̇зна ан̃н̃ааниби ад̇д̇ад̇аабанабарид̇аабанаад̣̇ийни гаммаани сан̇г̇ан̣хаад̇и.
107.Appatissāti ettha bhikkhūnaṃ vacanassa paṭimukhaṃ ādarena asavanaṃ bhikkhū jeṭṭhakaṭṭhāne na ṭhapenti nāmāti dassento āha ‘‘bhikkhū jeṭṭhakaṭṭhāne’’tiādi. ‘‘Samānajīvikā’’ti iminā asabhāgavuttikāti ettha sabhāgasaddo samānasaddapariyāyo, vuttisaddo jīvikapariyāyoti dasseti. Parisakkatīti ettha sakka gatiyantidhātupāṭhesu (saddanītidhātumālāyaṃ 16 ḷakārantadhātu) vuttattā paripubbo sakkasaddo gatyatthoti āha ‘‘parakkamatī’’ti. Kintīti kimeva. Itisaddo hettha evasaddattho, kena eva upāyenāti hi attho. Akkosati cevāti jātiādīhi akkosati ceva. Bhedetīti bhedāpeti. Āvaraṇaṃ kātunti ettha āvaraṇasaddo nivāraṇasaddavevacanoti āha ‘‘nivāraṇaṃ kātu’’nti. Yatthāti yasmiṃ pariveṇe, senāsane vā. Vassaggenāti vassagaṇanāya. (Tassāti pariveṇasenāsanassa. Upacāreti āsanne). Mukhadvārikanti mukhasaṅkhātena dvārena ajjhoharitabbaṃ. ‘‘Vadatopī’’ti iminā vacīpayogena dukkaṭāpattiṃ dasseti, ‘‘nikkhipatopī’’ti iminā kāyapayogena. Anācārassāti daṇḍakamme anācārassa. Ettake nāma daṇḍakammeti ettake nāma udakāharāpanādisaṅkhāte daṇḍakamme. Idanti yāgubhattādiṃ. Lacchasīti labhissasi. ‘‘Ettake nāma daṇḍakamme’’ti vuttavacanassa yuttiṃ dassento āha ‘‘bhagavatā hī’’tiādi. Daṇḍakammanti daṇḍenti damenti etenāti daṇḍo, soyeva kattabbattā kammanti daṇḍakammaṃ āvaraṇādi. Aparādhānurūpanti vītikkamassa aparādhassa anurūpaṃ. Tampīti udakadāruvālikādiāharāpaṇampi. Tañca khoti tañca karaṇaṃ. Oramissatīti kāyena oramissati. Viramissatīti vācāya viramissati. Uṇhapāsāṇe vātiādīsu vāsaddena aññānipi attatāpanaparitāpanādīni kammāni saṅgaṇhāti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
42. сигкаабад̣̇агат̇аа • 42. Sikkhāpadakathā
43. д̣̇ан̣д̣агаммавад̇т̇у • 43. Daṇḍakammavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сигкаабад̣̇ад̣̇ан̣д̣агаммавад̇т̇угат̇аа • Sikkhāpadadaṇḍakammavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
