| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਸਿਕ੍ਖਾਪਦਦਣ੍ਡਕਮ੍ਮવਤ੍ਥੁਕਥਾ
Sikkhāpadadaṇḍakammavatthukathā
੧੦੬. ਦਸਸੁ ਸਿਕ੍ਖਾਪਦੇਸੁ ਪੁਰਿਮਾਨਂ ਪਞ੍ਚਨ੍ਨਂ ਅਤਿਕ੍ਕਮੋ ਨਾਸਨવਤ੍ਥੁ , ਪਚ੍ਛਿਮਾਨਂ ਅਤਿਕ੍ਕਮੋ ਦਣ੍ਡਕਮ੍ਮવਤ੍ਥੁ।
106. Dasasu sikkhāpadesu purimānaṃ pañcannaṃ atikkamo nāsanavatthu , pacchimānaṃ atikkamo daṇḍakammavatthu.
੧੦੭. ਅਪ੍ਪਤਿਸ੍ਸਾਤਿ ਭਿਕ੍ਖੂ ਜੇਟ੍ਠਕਟ੍ਠਾਨੇ ਇਸ੍ਸਰਿਯਟ੍ਠਾਨੇ ਨ ਠਪੇਨ੍ਤਿ। ਅਸਭਾਗવੁਤ੍ਤਿਕਾਤਿ ਸਮਾਨਜੀવਿਕਾ ਨ ਭવਨ੍ਤਿ, વਿਸਭਾਗਜੀવਿਕਾਤਿ ਅਤ੍ਥੋ। ਅਲਾਭਾਯ ਪਰਿਸਕ੍ਕਤੀਤਿ ਯਥਾ ਲਾਭਂ ਨ ਲਭਨ੍ਤਿ; ਏવਂ ਪਰਕ੍ਕਮਤਿ। ਅਨਤ੍ਥਾਯਾਤਿ ਉਪਦ੍ਦવਾਯ। ਅવਾਸਾਯਾਤਿ ‘‘ਕਿਨ੍ਤਿ ਇਮਸ੍ਮਿਂ ਆવਾਸੇ ਨ વਸੇਯ੍ਯੁ’’ਨ੍ਤਿ ਪਰਕ੍ਕਮਤਿ। ਅਕ੍ਕੋਸਤਿ ਪਰਿਭਾਸਤੀਤਿ ਅਕ੍ਕੋਸਤਿ ਚੇવ ਭਯਦਸ੍ਸਨੇਨ ਚ ਤਜ੍ਜੇਤਿ। ਭੇਦੇਤੀਤਿ ਪੇਸੁਞ੍ਞਂ ਉਪਸਂਹਰਿਤ੍વਾ ਭੇਦੇਤਿ। ਆવਰਣਂ ਕਾਤੁਨ੍ਤਿ ‘‘ਮਾ ਇਧ ਪવਿਸਾ’’ਤਿ ਨਿવਾਰਣਂ ਕਾਤੁਂ। ਯਤ੍ਥ વਾ વਸਤਿ ਯਤ੍ਥ વਾ ਪਟਿਕ੍ਕਮਤੀਤਿ ਯਤ੍ਥ વਸਤਿ વਾ ਪવਿਸਤਿ વਾ; ਉਭਯੇਨਾਪਿ ਅਤ੍ਤਨੋ ਪਰਿવੇਣਞ੍ਚ વਸ੍ਸਗ੍ਗੇਨ ਪਤ੍ਤਸੇਨਾਸਨਞ੍ਚ વੁਤ੍ਤਂ।
107.Appatissāti bhikkhū jeṭṭhakaṭṭhāne issariyaṭṭhāne na ṭhapenti. Asabhāgavuttikāti samānajīvikā na bhavanti, visabhāgajīvikāti attho. Alābhāya parisakkatīti yathā lābhaṃ na labhanti; evaṃ parakkamati. Anatthāyāti upaddavāya. Avāsāyāti ‘‘kinti imasmiṃ āvāse na vaseyyu’’nti parakkamati. Akkosati paribhāsatīti akkosati ceva bhayadassanena ca tajjeti. Bhedetīti pesuññaṃ upasaṃharitvā bhedeti. Āvaraṇaṃ kātunti ‘‘mā idha pavisā’’ti nivāraṇaṃ kātuṃ. Yattha vā vasati yattha vā paṭikkamatīti yattha vasati vā pavisati vā; ubhayenāpi attano pariveṇañca vassaggena pattasenāsanañca vuttaṃ.
ਮੁਖਦ੍વਾਰਿਕਂ ਆਹਾਰਂ ਆવਰਣਂ ਕਰੋਨ੍ਤੀਤਿ ‘‘ਅਜ੍ਜ ਮਾ ਖਾਦ, ਮਾ ਭੁਞ੍ਜਾ’’ਤਿ ਏવਂ ਨਿવਾਰੇਨ੍ਤਿ। ਨ ਭਿਕ੍ਖવੇ ਮੁਖਦ੍વਾਰਿਕੋ ਆਹਾਰੋ ਆવਰਣਂ ਕਾਤਬ੍ਬੋਤਿ ਏਤ੍ਥ ‘‘ਮਾ ਖਾਦ, ਮਾ ਭੁਞ੍ਜਾ’’ਤਿ વਦਤੋਪਿ ‘‘ਆਹਾਰਂ ਨਿવਾਰੇਸ੍ਸਾਮੀ’’ਤਿ ਪਤ੍ਤਚੀવਰਂ ਅਨ੍ਤੋ ਨਿਕ੍ਖਿਪਤੋਪਿ ਸਬ੍ਬਪਯੋਗੇਸੁ ਦੁਕ੍ਕਟਂ। ਅਨਾਚਾਰਸ੍ਸ ਪਨ ਦੁਬ੍ਬਚਸਾਮਣੇਰਸ੍ਸ ਦਣ੍ਡਕਮ੍ਮਂ ਕਤ੍વਾ ਯਾਗੁਂ વਾ ਭਤ੍ਤਂ વਾ ਪਤ੍ਤਚੀવਰਂ વਾ ਦਸ੍ਸੇਤ੍વਾ ‘‘ਏਤ੍ਤਕੇ ਨਾਮ ਦਣ੍ਡਕਮ੍ਮੇ ਆਹਟੇ ਇਦਂ ਲਚ੍ਛਸੀ’’ਤਿ વਤ੍ਤੁਂ વਟ੍ਟਤਿ। ਭਗવਤਾ ਹਿ ਆવਰਣਮੇવ ਦਣ੍ਡਕਮ੍ਮਂ વੁਤ੍ਤਂ। ਧਮ੍ਮਸਙ੍ਗਾਹਕਤ੍ਥੇਰੇਹਿ ਪਨ ਅਪਰਾਧਾਨੁਰੂਪਂ ਉਦਕਦਾਰੁવਾਲਿਕਾਦੀਨਂ ਆਹਰਾਪਨਮ੍ਪਿ ਕਾਤਬ੍ਬਨ੍ਤਿ વੁਤ੍ਤਂ, ਤਸ੍ਮਾ ਤਮ੍ਪਿ ਕਾਤਬ੍ਬਂ। ਤਞ੍ਚ ਖੋ ‘‘ਓਰਮਿਸ੍ਸਤਿ વਿਰਮਿਸ੍ਸਤੀ’’ਤਿ ਅਨੁਕਮ੍ਪਾਯ, ਨ ‘‘ਨਸ੍ਸਿਸ੍ਸਤਿ વਿਬ੍ਭਮਿਸ੍ਸਤੀ’’ਤਿਆਦਿਨਯਪ੍ਪવਤ੍ਤੇਨ ਪਾਪਜ੍ਝਾਸਯੇਨ ‘‘ਦਣ੍ਡਕਮ੍ਮਂ ਕਰੋਮੀ’’ਤਿ ਚ ਉਣ੍ਹਪਾਸਾਣੇ વਾ ਨਿਪਜ੍ਜਾਪੇਤੁਂ ਪਾਸਾਣਿਟ੍ਠਕਾਦੀਨਿ વਾ ਸੀਸੇ ਨਿਕ੍ਖਿਪਾਪੇਤੁਂ ਉਦਕਂ વਾ ਪવੇਸੇਤੁਂ ਨ વਟ੍ਟਤਿ।
Mukhadvārikaṃ āhāraṃ āvaraṇaṃ karontīti ‘‘ajja mā khāda, mā bhuñjā’’ti evaṃ nivārenti. Na bhikkhave mukhadvāriko āhāro āvaraṇaṃ kātabboti ettha ‘‘mā khāda, mā bhuñjā’’ti vadatopi ‘‘āhāraṃ nivāressāmī’’ti pattacīvaraṃ anto nikkhipatopi sabbapayogesu dukkaṭaṃ. Anācārassa pana dubbacasāmaṇerassa daṇḍakammaṃ katvā yāguṃ vā bhattaṃ vā pattacīvaraṃ vā dassetvā ‘‘ettake nāma daṇḍakamme āhaṭe idaṃ lacchasī’’ti vattuṃ vaṭṭati. Bhagavatā hi āvaraṇameva daṇḍakammaṃ vuttaṃ. Dhammasaṅgāhakattherehi pana aparādhānurūpaṃ udakadāruvālikādīnaṃ āharāpanampi kātabbanti vuttaṃ, tasmā tampi kātabbaṃ. Tañca kho ‘‘oramissati viramissatī’’ti anukampāya, na ‘‘nassissati vibbhamissatī’’tiādinayappavattena pāpajjhāsayena ‘‘daṇḍakammaṃ karomī’’ti ca uṇhapāsāṇe vā nipajjāpetuṃ pāsāṇiṭṭhakādīni vā sīse nikkhipāpetuṃ udakaṃ vā pavesetuṃ na vaṭṭati.
ਸਿਕ੍ਖਾਪਦਦਣ੍ਡਕਮ੍ਮવਤ੍ਥੁਕਥਾ ਨਿਟ੍ਠਿਤਾ।
Sikkhāpadadaṇḍakammavatthukathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੪੨. ਸਿਕ੍ਖਾਪਦਕਥਾ • 42. Sikkhāpadakathā
੪੩. ਦਣ੍ਡਕਮ੍ਮવਤ੍ਥੁ • 43. Daṇḍakammavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਿਕ੍ਖਾਪਦਦਣ੍ਡਕਮ੍ਮવਤ੍ਥੁਕਥਾવਣ੍ਣਨਾ • Sikkhāpadadaṇḍakammavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਿਕ੍ਖਾਪਦਦਣ੍ਡਕਮ੍ਮવਤ੍ਥੁਕਥਾવਣ੍ਣਨਾ • Sikkhāpadadaṇḍakammavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਿਕ੍ਖਾਪਦਦਣ੍ਡਕਮ੍ਮવਤ੍ਥੁਕਥਾવਣ੍ਣਨਾ • Sikkhāpadadaṇḍakammavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪੨. ਸਿਕ੍ਖਾਪਦਦਣ੍ਡਕਮ੍ਮવਤ੍ਥੁਕਥਾ • 42. Sikkhāpadadaṇḍakammavatthukathā
