| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сигкаабад̣̇ад̣̇ан̣д̣агаммавад̇т̇угат̇ааван̣н̣анаа
Sikkhāpadadaṇḍakammavatthukathāvaṇṇanā
106. ануж̇аанаами, бхигкавз, сааман̣зраанам̣ д̣̇аса сигкаабад̣̇аанийд̇иаад̣̇ийсу сигкид̇аб̣б̣аани бад̣̇аани сигкаабад̣̇аани, сигкаагодтаасаад̇и ад̇т̇о. сигкааяа ваа бад̣̇аани сигкаабад̣̇аани, ад̇хисийлаад̇хижид̇д̇аад̇хибан̃н̃аасигкааяа ад̇хиг̇амубааяаад̇и ад̇т̇о. ад̇т̇ад̇о бана гаамааважарагусалажид̇д̇асамбаяуд̇д̇аа вирад̇ияо, д̇ам̣самбаяуд̇д̇ад̇хаммаа банзд̇т̇а д̇аг̇г̇ахан̣знзва г̇ахзд̇аб̣б̣аа. сарасзнзва бад̇анасабхаавасса анд̇араа зва ад̇ибаад̇анам̣ ад̇ибаад̇о, сан̣игам̣ бад̇ид̇ум̣ ад̣̇ад̇ваа сийгхам̣ баад̇ананд̇и ад̇т̇о. ад̇иггамма ваа сад̇т̇аад̣̇ийхи абхибхавид̇ваа баад̇анам̣ ад̇ибаад̇о, баан̣асса ад̇ибаад̇о баан̣аад̇ибаад̇о, баан̣авад̇хо баан̣агхаад̇од̇и вуд̇д̇ам̣ ход̇и. баан̣од̇и жзд̇т̇а вохаарад̇о сад̇д̇о, барамад̇т̇ад̇о ж̇ийвид̇инд̣̇рияам̣. д̇асмим̣ бана баан̣з баан̣асан̃н̃ино ж̇ийвид̇инд̣̇рияубажчзд̣̇агаубаггамасамудтаабигаа гааяаважийд̣̇ваараанам̣ ан̃н̃ад̇араббавад̇д̇аа вад̇хагажзд̇анаа баан̣аад̇ибаад̇о, д̇ад̇о баан̣аад̇ибаад̇аа.
106.Anujānāmi, bhikkhave, sāmaṇerānaṃ dasa sikkhāpadānītiādīsu sikkhitabbāni padāni sikkhāpadāni, sikkhākoṭṭhāsāti attho. Sikkhāya vā padāni sikkhāpadāni, adhisīlaadhicittaadhipaññāsikkhāya adhigamupāyāti attho. Atthato pana kāmāvacarakusalacittasampayuttā viratiyo, taṃsampayuttadhammā panettha taggahaṇeneva gahetabbā. Saraseneva patanasabhāvassa antarā eva atipātanaṃ atipāto, saṇikaṃ patituṃ adatvā sīghaṃ pātananti attho. Atikkamma vā satthādīhi abhibhavitvā pātanaṃ atipāto, pāṇassa atipāto pāṇātipāto, pāṇavadho pāṇaghātoti vuttaṃ hoti. Pāṇoti cettha vohārato satto, paramatthato jīvitindriyaṃ. Tasmiṃ pana pāṇe pāṇasaññino jīvitindriyupacchedakaupakkamasamuṭṭhāpikā kāyavacīdvārānaṃ aññatarappavattā vadhakacetanā pāṇātipāto, tato pāṇātipātā.
взраман̣ийд̇и взрахзд̇уд̇ааяа взрасан̃н̃ид̇ам̣ баан̣аад̇ибаад̇аад̣̇ибаабад̇хаммам̣ ман̣ад̇и, ‘‘маяи ид̇ха тид̇ааяа гат̇амааг̇ажчасий’’д̇и ваа д̇аж̇ж̇знд̇ий вияа нийхарад̇ийд̇и взраман̣ий. вирамад̇и зд̇ааяаад̇и ваа вираман̣ийд̇и вад̇д̇аб̣б̣з нируд̇д̇инаязна ‘‘взраман̣ий’’д̇и вуд̇д̇ам̣. ад̇т̇ад̇о бана взраман̣ийд̇и гаамааважарагусалажид̇д̇асамбаяуд̇д̇аа вирад̇ияо. саа ‘‘баан̣аад̇ибаад̇аад̣̇им̣ вираманд̇асса яаа д̇асмим̣ самаяз баан̣аад̇ибаад̇аа аарад̇и вирад̇и бадивирад̇и взраман̣ий агирияаа агаран̣ам̣ анаж̇жхаабад̇д̇и взлаанад̇иггамо сзд̇угхаад̇о’’д̇и звамаад̣̇инаа наязна вибхан̇г̇з (вибха. 704) вуд̇д̇аа. гааман̃жзсаа взраман̣ий наама логуд̇д̇арааби ад̇т̇и, ид̇ха бана самаад̣̇аанавасаббавад̇д̇аа вирад̇и ад̇хиббзд̇аад̇и логуд̇д̇арааяа вирад̇ияаа самаад̣̇аанавасзна бавад̇д̇иасамбхавад̇о гаамааважарагусалажид̇д̇асамбаяуд̇д̇аа вирад̇ияо г̇ахзд̇аб̣б̣аа.
Veramaṇīti verahetutāya verasaññitaṃ pāṇātipātādipāpadhammaṃ maṇati, ‘‘mayi idha ṭhitāya kathamāgacchasī’’ti vā tajjentī viya nīharatīti veramaṇī. Viramati etāyāti vā viramaṇīti vattabbe niruttinayena ‘‘veramaṇī’’ti vuttaṃ. Atthato pana veramaṇīti kāmāvacarakusalacittasampayuttā viratiyo. Sā ‘‘pāṇātipātādiṃ viramantassa yā tasmiṃ samaye pāṇātipātā ārati virati paṭivirati veramaṇī akiriyā akaraṇaṃ anajjhāpatti velānatikkamo setughāto’’ti evamādinā nayena vibhaṅge (vibha. 704) vuttā. Kāmañcesā veramaṇī nāma lokuttarāpi atthi, idha pana samādānavasappavattā virati adhippetāti lokuttarāya viratiyā samādānavasena pavattiasambhavato kāmāvacarakusalacittasampayuttā viratiyo gahetabbā.
ад̣̇иннаад̣̇аанаа взраман̣ийд̇иаад̣̇ийсу ад̣̇иннасса аад̣̇аанам̣ ад̣̇иннаад̣̇аанам̣, барассахаран̣ам̣, т̇зяяам̣ жоригаад̇и вуд̇д̇ам̣ ход̇и. д̇ад̇т̇а ад̣̇иннанд̇и барабариг̇г̇ахид̇ам̣. яад̇т̇а баро яат̇аагаамагаарид̇ам̣ аабаж̇ж̇анд̇о ад̣̇ан̣д̣аарахо анубаваж̇ж̇о жа ход̇и, д̇асмим̣ бана барабариг̇г̇ахид̇з барабариг̇г̇ахид̇асаан̃ано д̇ад̣̇аад̣̇ааяагаубаггамасамудтаабигаа т̇зяяажзд̇анаа ад̣̇иннаад̣̇аанам̣.
Adinnādānā veramaṇītiādīsu adinnassa ādānaṃ adinnādānaṃ, parassaharaṇaṃ, theyyaṃ corikāti vuttaṃ hoti. Tattha adinnanti parapariggahitaṃ. Yattha paro yathākāmakāritaṃ āpajjanto adaṇḍāraho anupavajjo ca hoti, tasmiṃ pana parapariggahite parapariggahitasaañano tadādāyakaupakkamasamuṭṭhāpikā theyyacetanā adinnādānaṃ.
аб̣рахмажарияам̣ наама асздтажарияам̣ д̣̇ваяам̣д̣̇ваяасамаабад̇д̇и. саа хи ‘‘аббассаад̣̇аа гаамаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇иаад̣̇инаа (ма. ни. 1.177; 2.42) хийл̣ид̇ад̇д̇аа асздтаа аббасад̇т̇аа жарияаад̇и ваа асздтаанам̣ нихийнаанам̣ ид̇т̇ибурисаанам̣ жарияаад̇и ваа асздтажарияам̣, асздтажарияад̇д̇аа аб̣рахмажарияанд̇и жа вужжад̇и , ад̇т̇ад̇о бана асад̣̇д̇хаммасзванаад̇хиббааязна гааяад̣̇ваараббавад̇д̇аа маг̇г̇знамаг̇г̇аббадибад̇д̇исамудтаабигаа жзд̇анаа аб̣рахмажарияам̣.
Abrahmacariyaṃ nāma aseṭṭhacariyaṃ dvayaṃdvayasamāpatti. Sā hi ‘‘appassādā kāmā bahudukkhā bahupāyāsā, ādīnavo ettha bhiyyo’’tiādinā (ma. ni. 1.177; 2.42) hīḷitattā aseṭṭhā appasatthā cariyāti vā aseṭṭhānaṃ nihīnānaṃ itthipurisānaṃ cariyāti vā aseṭṭhacariyaṃ, aseṭṭhacariyattā abrahmacariyanti ca vuccati , atthato pana asaddhammasevanādhippāyena kāyadvārappavattā maggenamaggappaṭipattisamuṭṭhāpikā cetanā abrahmacariyaṃ.
мусаад̇и абхууд̇ам̣ ад̇ажчам̣ вад̇т̇у, ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣. лагкан̣ад̇о бана ад̇ат̇ам̣ вад̇т̇ум̣ д̇ат̇ад̇о барам̣ вин̃н̃аабзд̇угаамасса д̇ат̇аавин̃н̃ад̇д̇исамудтаабигаа жзд̇анаа мусааваад̣̇о мусаа вад̣̇ийяад̇и вужжад̇и зд̇ааяаад̇и гад̇ваа.
Musāti abhūtaṃ atacchaṃ vatthu, vādoti tassa bhūtato tacchato viññāpanaṃ. Lakkhaṇato pana atathaṃ vatthuṃ tathato paraṃ viññāpetukāmassa tathāviññattisamuṭṭhāpikā cetanā musāvādo musā vadīyati vuccati etāyāti katvā.
сураамзраяамаж̇ж̇аббамаад̣̇адтаанаад̇и зд̇т̇а сураад̇и буувасураа бидтасураа од̣̇анасураа гин̣н̣абагкид̇д̇аа самбхаарасам̣яуд̇д̇аад̇и бан̃жа сураа. мзраяанд̇и бубпаасаво палаасаво мад̇хваасаво г̇ул̣аасаво самбхаарасам̣яуд̇д̇од̇и бан̃жа аасаваа. д̇ад̇т̇а буувз бхааж̇анз багкибид̇ваа д̇аж̇ж̇ам̣ уд̣̇агам̣ д̣̇ад̇ваа мад̣̇д̣̇ид̇ваа гад̇аа буувасураа. звам̣ сзсасурааби. гин̣н̣аад̇и бана д̇ассаа сурааяа б̣ийж̇ам̣ вужжад̇и, яз сураамод̣̇агаад̇и вужжанд̇и, д̇з багкибид̇ваа гад̇аа гин̣н̣абагкид̇д̇аа. харийд̇агийсаасабаад̣̇инаанаасамбхаарзхи сам̣яож̇ид̇аа самбхаарасам̣яуд̇д̇аа. мад̇хугад̇ааланаал̣игзраад̣̇ибубпарасо жирабариваасид̇о бубпаасаво. банасаад̣̇ипаларасо палаасаво. муд̣̇д̣̇игаарасо мад̇хваасаво. ужчурасо г̇ул̣аасаво. харийд̇агааамалагагадугабхан̣д̣аад̣̇инаанаасамбхаараанам̣ расо жирабариваасид̇о самбхаарасам̣яуд̇д̇о. д̇ам̣ саб̣б̣амби мад̣̇агаран̣авасзна маж̇ж̇ам̣ биванд̇ам̣ мад̣̇аяад̇ийд̇и гад̇ваа. бамаад̣̇адтаананд̇и бамаад̣̇агааран̣ам̣. яааяа жзд̇анааяа д̇ам̣ маж̇ж̇ам̣ биванд̇и, д̇ассаа зд̇ам̣ ад̇хиважанам̣. сураамзраяамаж̇ж̇з бамаад̣̇адтаанам̣ сураамзраяамаж̇ж̇аббамаад̣̇адтаанам̣, д̇асмаа сураамзраяамаж̇ж̇аббамаад̣̇адтаанаа.
Surāmerayamajjappamādaṭṭhānāti ettha surāti pūvasurā piṭṭhasurā odanasurā kiṇṇapakkhittā sambhārasaṃyuttāti pañca surā. Merayanti pupphāsavo phalāsavo madhvāsavo guḷāsavo sambhārasaṃyuttoti pañca āsavā. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati, ye surāmodakāti vuccanti, te pakkhipitvā katā kiṇṇapakkhittā. Harītakīsāsapādinānāsambhārehi saṃyojitā sambhārasaṃyuttā. Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo. Harītakaāmalakakaṭukabhaṇḍādinānāsambhārānaṃ raso ciraparivāsito sambhārasaṃyutto. Taṃ sabbampi madakaraṇavasena majjaṃ pivantaṃ madayatīti katvā. Pamādaṭṭhānanti pamādakāraṇaṃ. Yāya cetanāya taṃ majjaṃ pivanti, tassā etaṃ adhivacanaṃ. Surāmerayamajje pamādaṭṭhānaṃ surāmerayamajjappamādaṭṭhānaṃ, tasmā surāmerayamajjappamādaṭṭhānā.
вигаалабхож̇анаад̇и арун̣уг̇г̇аманад̇о бадтааяа яаава маж̇жханхигаа. аяам̣ б̣уд̣̇д̇хаад̣̇ийнам̣ арияаанам̣ аажин̣н̣асамаажин̣н̣о бхож̇анасса гаало наама, д̇ад̣̇ан̃н̃о вигаало. бхун̃ж̇ид̇аб̣б̣адтзна бхож̇анам̣, яааг̇убхад̇д̇аад̣̇и саб̣б̣ам̣ яаавагаалигавад̇т̇у. яат̇аа жа ‘‘рад̇д̇уубарад̇о’’д̇и (д̣̇ий. 1.10, 194; ма. ни. 1.293; 3.14) зд̇т̇а рад̇д̇ияаа бхож̇анам̣ рад̇д̇ийд̇и уд̇д̇арабад̣̇алобзна вужжад̇и, звамзд̇т̇а бхож̇анаж̇жхохаран̣ам̣ бхож̇ананд̇и. вигаалз бхож̇анам̣ вигаалабхож̇анам̣, д̇ад̇о вигаалабхож̇анаа, вигаалз яаавагаалигавад̇т̇усса аж̇жхохаран̣аад̇и ад̇т̇о. ат̇а ваа на зд̇т̇а гаммасаад̇хано бхун̃ж̇ид̇аб̣б̣ад̇т̇аваажаго бхож̇анасад̣̇д̣̇о, ат̇а ко бхаавасаад̇хано аж̇жхохаран̣ад̇т̇аваажаго г̇ахзд̇аб̣б̣о , д̇асмаа вигаалз бхож̇анам̣ аж̇жхохаран̣ам̣ вигаалабхож̇анам̣. гасса бана аж̇жхохаран̣анд̇и? яаамагаалигаад̣̇ийнам̣ анун̃н̃аад̇ад̇д̇аа вигаалабхож̇ана-сад̣̇д̣̇асса ваа яаавагаалигаж̇жхохаран̣з нирул̣хад̇д̇аа яаавагаалигассаад̇и вин̃н̃ааяад̇и, ад̇т̇ад̇о бана гааяад̣̇ваараббавад̇д̇аа вигаалз яаавагаалигаж̇жхохаран̣ажзд̇анаа ‘‘вигаалабхож̇ана’’нд̇и взд̣̇ид̇аб̣б̣аа.
Vikālabhojanāti aruṇuggamanato paṭṭhāya yāva majjhanhikā. Ayaṃ buddhādīnaṃ ariyānaṃ āciṇṇasamāciṇṇo bhojanassa kālo nāma, tadañño vikālo. Bhuñjitabbaṭṭhena bhojanaṃ, yāgubhattādi sabbaṃ yāvakālikavatthu. Yathā ca ‘‘rattūparato’’ti (dī. 1.10, 194; ma. ni. 1.293; 3.14) ettha rattiyā bhojanaṃ rattīti uttarapadalopena vuccati, evamettha bhojanajjhoharaṇaṃ bhojananti. Vikāle bhojanaṃ vikālabhojanaṃ, tato vikālabhojanā, vikāle yāvakālikavatthussa ajjhoharaṇāti attho. Atha vā na ettha kammasādhano bhuñjitabbatthavācako bhojanasaddo, atha kho bhāvasādhano ajjhoharaṇatthavācako gahetabbo , tasmā vikāle bhojanaṃ ajjhoharaṇaṃ vikālabhojanaṃ. Kassa pana ajjhoharaṇanti? Yāmakālikādīnaṃ anuññātattā vikālabhojana-saddassa vā yāvakālikajjhoharaṇe niruḷhattā yāvakālikassāti viññāyati, atthato pana kāyadvārappavattā vikāle yāvakālikajjhoharaṇacetanā ‘‘vikālabhojana’’nti veditabbā.
нажжаг̇ийд̇аваад̣̇ид̇ависуугад̣̇ассанаад̇и зд̇т̇а саасанасса анануломад̇д̇аа висуугам̣ бадаан̣ийбхууд̇ам̣ д̣̇ассананд̇и висуугад̣̇ассанам̣. нажжаад̣̇ийнан̃хи д̣̇ассанам̣ сачанд̣̇арааг̇аббавад̇д̇ид̇о сан̇кзбад̇о ‘‘саб̣б̣абаабасса агаран̣а’’нд̇иаад̣̇инаяаббавад̇д̇ам̣ (д̣̇ий. ни. 2.90; д̇ха. ба. 183) бхаг̇авад̇о саасанам̣ на ануломзд̇и. нажжан̃жа г̇ийд̇ан̃жа ваад̣̇ид̇ан̃жа висуугад̣̇ассанан̃жа нажжаг̇ийд̇аваад̣̇ид̇ависуугад̣̇ассанам̣. ад̇д̇анаа баяож̇ияамаанам̣ барзхи баяож̇аабияамаанан̃жзд̇т̇а нажжам̣ нажжабхаавасааман̃н̃ад̇о баал̣ияам̣ згзнзва нажжа-сад̣̇д̣̇зна г̇ахид̇ам̣, д̇ат̇аа г̇ийд̇аваад̣̇ид̇а-сад̣̇д̣̇зхи г̇ааяанаг̇ааяаабанаваад̣̇анаваад̣̇аабанаани, д̇асмаа ад̇д̇анаа нажжананажжаабанаад̣̇ивасзна нажжаа жа г̇ийд̇аа жа ваад̣̇ид̇аа жа анд̇амасо маяууранажжаад̣̇ивасзнаби бавад̇д̇аанам̣ нажжаад̣̇ийнам̣ висуугабхууд̇аа д̣̇ассанаа жа взраман̣ийд̇и звамзд̇т̇а ад̇т̇о д̣̇адтаб̣б̣о. нажжаад̣̇ийни ад̇д̇анаа баяож̇зд̇ум̣ ваа барзхи баяож̇аабзд̇ум̣ ваа баяуд̇д̇аани бассид̇ум̣ ваа нзва бхигкуунам̣ на бхигкунийнам̣ ваддад̇и. д̣̇ассанзна жзд̇т̇а саванамби сан̇г̇ахид̇ам̣ вируубзгасзсанаязна. яат̇аа сагам̣ висаяаааложанасабхаавад̇ааяа ваа бан̃жаннам̣ вин̃н̃аан̣аанам̣ саванагирияааяаби д̣̇ассанасан̇кзбасамбхавад̇о ‘‘д̣̇ассанаа’’ ижжзва вуд̇д̇ам̣. д̇знзва вуд̇д̇ам̣ ‘‘бан̃жахи вин̃н̃аан̣зхи на ган̃жи д̇хаммам̣ бадивиж̇аанаад̇и ан̃н̃ад̇ра абхинибаад̇амад̇д̇аа’’д̇и. д̣̇ассанагамяад̇ааяа убасан̇гамид̇ваа бассад̇о зва жзд̇т̇а вийд̇иггамо ход̇и, тид̇анисиннасаяаногаасз бана ааг̇ад̇ам̣ г̇ажчанд̇асса ваа аабаат̇аг̇ад̇ам̣ бассад̇о сияаа сам̣гилзсо, на вийд̇иггамо.
Naccagītavāditavisūkadassanāti ettha sāsanassa ananulomattā visūkaṃ paṭāṇībhūtaṃ dassananti visūkadassanaṃ. Naccādīnañhi dassanaṃ sachandarāgappavattito saṅkhepato ‘‘sabbapāpassa akaraṇa’’ntiādinayappavattaṃ (dī. ni. 2.90; dha. pa. 183) bhagavato sāsanaṃ na anulometi. Naccañca gītañca vāditañca visūkadassanañca naccagītavāditavisūkadassanaṃ. Attanā payojiyamānaṃ parehi payojāpiyamānañcettha naccaṃ naccabhāvasāmaññato pāḷiyaṃ ekeneva nacca-saddena gahitaṃ, tathā gītavādita-saddehi gāyanagāyāpanavādanavādāpanāni, tasmā attanā naccananaccāpanādivasena naccā ca gītā ca vāditā ca antamaso mayūranaccādivasenapi pavattānaṃ naccādīnaṃ visūkabhūtā dassanā ca veramaṇīti evamettha attho daṭṭhabbo. Naccādīni attanā payojetuṃ vā parehi payojāpetuṃ vā payuttāni passituṃ vā neva bhikkhūnaṃ na bhikkhunīnaṃ vaṭṭati. Dassanena cettha savanampi saṅgahitaṃ virūpekasesanayena. Yathā sakaṃ visayaālocanasabhāvatāya vā pañcannaṃ viññāṇānaṃ savanakiriyāyapi dassanasaṅkhepasambhavato ‘‘dassanā’’ icceva vuttaṃ. Teneva vuttaṃ ‘‘pañcahi viññāṇehi na kañci dhammaṃ paṭivijānāti aññatra abhinipātamattā’’ti. Dassanakamyatāya upasaṅkamitvā passato eva cettha vītikkamo hoti, ṭhitanisinnasayanokāse pana āgataṃ gacchantassa vā āpāthagataṃ passato siyā saṃkileso, na vītikkamo.
маалааг̇анд̇хавилзбанад̇хааран̣аман̣д̣анавибхуусанадтаанаад̇и зд̇т̇а маалаад̇и яам̣ гин̃жи бубпам̣. гин̃жааби хи маалаа-сад̣̇д̣̇о логз б̣ад̣̇д̇хамаалаваажаго, саасанз бана рул̣хияаа бубпзсуби вуд̇д̇о, д̇асмаа яам̣ гин̃жи бубпам̣ б̣ад̣̇д̇хамаб̣ад̣̇д̇хам̣ ваа, д̇ам̣ саб̣б̣ам̣ ‘‘маалаа’’д̇и д̣̇адтаб̣б̣ам̣. г̇анд̇ханд̇и ваасажун̣н̣ад̇хуумаад̣̇игам̣ вилзбанад̇о ан̃н̃ам̣ яам̣ гин̃жи г̇анд̇хаж̇аад̇ам̣. вилзбананд̇и вилзбанад̇т̇ам̣ бисид̇ваа бадияад̇д̇ам̣ яам̣ гин̃жи чавирааг̇агаран̣ам̣. бил̣анд̇ханам̣ д̇хааран̣ам̣, уунадтаанабууран̣ам̣ ман̣д̣анам̣, г̇анд̇хавасзна чавирааг̇авасзна жа саад̣̇ияанам̣ вибхуусанам̣. д̇знзва д̣̇ийгханигааяадтагат̇ааяам̣ (д̣̇ий. ни. адта. 1.10) маж̇жхиманигааяадтагат̇ааяан̃жа (ма. ни. адта. 1.293) ‘‘бил̣анд̇ханд̇о д̇хаарзд̇и наама, уунадтаанам̣ буурзнд̇о ман̣д̣зд̇и наама, г̇анд̇хавасзна чавирааг̇авасзна жа саад̣̇ияанд̇о вибхуусзд̇и наамаа’’д̇и вуд̇д̇ам̣. барамад̇т̇аж̇од̇игааяам̣ бана куд̣̇д̣̇агадтагат̇ааяам̣ (ку. баа. адта. 2.бажчимабан̃жасигкаабад̣̇аван̣н̣анаа) ‘‘маалаад̣̇ийсу д̇хааран̣аад̣̇ийни яат̇аасан̇кяам̣ яож̇зд̇аб̣б̣ааний’’д̇и зд̇д̇агамзва вуд̇д̇ам̣. таанам̣ вужжад̇и гааран̣ам̣, д̇асмаа яааяа д̣̇уссийляажзд̇анааяа д̇аани маалаад̇хааран̣аад̣̇ийни махааж̇ано гарод̇и, саа д̇хааран̣аман̣д̣анавибхуусанадтаанам̣.
Mālāgandhavilepanadhāraṇamaṇḍanavibhūsanaṭṭhānāti ettha mālāti yaṃ kiñci pupphaṃ. Kiñcāpi hi mālā-saddo loke baddhamālavācako, sāsane pana ruḷhiyā pupphesupi vutto, tasmā yaṃ kiñci pupphaṃ baddhamabaddhaṃ vā, taṃ sabbaṃ ‘‘mālā’’ti daṭṭhabbaṃ. Gandhanti vāsacuṇṇadhūmādikaṃ vilepanato aññaṃ yaṃ kiñci gandhajātaṃ. Vilepananti vilepanatthaṃ pisitvā paṭiyattaṃ yaṃ kiñci chavirāgakaraṇaṃ. Piḷandhanaṃ dhāraṇaṃ, ūnaṭṭhānapūraṇaṃ maṇḍanaṃ, gandhavasena chavirāgavasena ca sādiyanaṃ vibhūsanaṃ. Teneva dīghanikāyaṭṭhakathāyaṃ (dī. ni. aṭṭha. 1.10) majjhimanikāyaṭṭhakathāyañca (ma. ni. aṭṭha. 1.293) ‘‘piḷandhanto dhāreti nāma, ūnaṭṭhānaṃ pūrento maṇḍeti nāma, gandhavasena chavirāgavasena ca sādiyanto vibhūseti nāmā’’ti vuttaṃ. Paramatthajotikāyaṃ pana khuddakaṭṭhakathāyaṃ (khu. pā. aṭṭha. 2.pacchimapañcasikkhāpadavaṇṇanā) ‘‘mālādīsu dhāraṇādīni yathāsaṅkhyaṃ yojetabbānī’’ti ettakameva vuttaṃ. Ṭhānaṃ vuccati kāraṇaṃ, tasmā yāya dussīlyacetanāya tāni mālādhāraṇādīni mahājano karoti, sā dhāraṇamaṇḍanavibhūsanaṭṭhānaṃ.
ужжаасаяанамахаасаяанаад̇и зд̇т̇а ужжаад̇и ужжа-сад̣̇д̣̇зна самаанад̇т̇ам̣ згам̣ сад̣̇д̣̇анд̇арам̣. сзд̇и зд̇т̇аад̇и саяанам̣, ужжаасаяанан̃жа махаасаяанан̃жа ужжаасаяанамахаасаяанам̣. ужжаасаяанам̣ вужжад̇и бамаан̣аад̇игганд̇ам̣ ман̃жаад̣̇и. махаасаяанам̣ агаббияад̇т̇аран̣зхи ад̇т̇ад̇ам̣ аасанд̣̇аад̣̇и. аасанан̃жзд̇т̇а саяанзнзва сан̇г̇ахид̇анд̇и д̣̇адтаб̣б̣ам̣. яасмаа бана аад̇хаарз бадигкид̇д̇з д̇ад̣̇аад̇хаараа гирияаа бадигкид̇д̇аава ход̇и, д̇асмаа ‘‘ужжаасаяанамахаасаяанаа’’ ижжзва вуд̇д̇ам̣, ад̇т̇ад̇о бана д̇ад̣̇убабхог̇абхууд̇анисаж̇ж̇аанибаж̇ж̇анзхи вирад̇и д̣̇ассид̇аад̇и д̣̇адтаб̣б̣аа. ат̇а ваа ужжаасаяанамахаасаяанасаяанаад̇и зд̇асмим̣ ад̇т̇з згасзсанаязна аяам̣ нид̣̇д̣̇зсо гад̇о яат̇аа ‘‘наамаруубабажжаяаа сал̣ааяад̇ана’’нд̇и, аасанагирияаабуб̣б̣агад̇д̇аа саяанагирияааяа саяанаг̇г̇ахан̣знзва аасанамби г̇ахид̇анд̇и взд̣̇ид̇аб̣б̣ам̣.
Uccāsayanamahāsayanāti ettha uccāti ucca-saddena samānatthaṃ ekaṃ saddantaraṃ. Seti etthāti sayanaṃ, uccāsayanañca mahāsayanañca uccāsayanamahāsayanaṃ. Uccāsayanaṃ vuccati pamāṇātikkantaṃ mañcādi. Mahāsayanaṃ akappiyattharaṇehi atthataṃ āsandādi. Āsanañcettha sayaneneva saṅgahitanti daṭṭhabbaṃ. Yasmā pana ādhāre paṭikkhitte tadādhārā kiriyā paṭikkhittāva hoti, tasmā ‘‘uccāsayanamahāsayanā’’ icceva vuttaṃ, atthato pana tadupabhogabhūtanisajjānipajjanehi virati dassitāti daṭṭhabbā. Atha vā uccāsayanamahāsayanasayanāti etasmiṃ atthe ekasesanayena ayaṃ niddeso kato yathā ‘‘nāmarūpapaccayā saḷāyatana’’nti, āsanakiriyāpubbakattā sayanakiriyāya sayanaggahaṇeneva āsanampi gahitanti veditabbaṃ.
ж̇аад̇аруубараж̇ад̇абадиг̇г̇ахан̣аад̇и зд̇т̇а ж̇аад̇аруубанд̇и суван̣н̣ам̣. раж̇ад̇анд̇и гахаабан̣о лохамаасаго ж̇ад̇умаасаго д̣̇аарумаасагод̇и яз вохаарам̣ г̇ажчанд̇и, д̇асса убхаяассаби бадиг̇г̇ахан̣ам̣ ж̇аад̇аруубараж̇ад̇абадиг̇г̇ахан̣ам̣. д̇ивид̇хан̃жзд̇т̇а бадиг̇г̇ахан̣ам̣ гааязна ваажааяа манасаад̇и. д̇ад̇т̇а гааязна бадиг̇г̇ахан̣ам̣ уг̇г̇ан̣ханам̣, ваажааяа бадиг̇г̇ахан̣ам̣ уг̇г̇ахаабанам̣, манасаа бадиг̇г̇ахан̣ам̣ саад̣̇ияанам̣. д̇ивид̇хамби бадиг̇г̇ахан̣ам̣ сааман̃н̃анид̣̇д̣̇зсзна згасзсанаязна ваа г̇ахзд̇ваа ‘‘бадиг̇г̇ахан̣аа’’д̇и вуд̇д̇ам̣, д̇асмаа нзва уг̇г̇ахзд̇ум̣ на уг̇г̇ахаабзд̇ум̣ на убанигкид̇д̇ам̣ ваа саад̣̇ид̇ум̣ ваддад̇и. имаани бана д̣̇аса сигкаабад̣̇аани г̇ахадтаанамби саад̇хааран̣аани. вуд̇д̇ан̃хзд̇ам̣ висуд̣̇д̇химаг̇г̇з (висуд̣̇д̇хи. 13) ‘‘убаасагаубаасигаанам̣ нижжасийлавасзна бан̃жа сигкаабад̣̇аани, сад̇и ваа уссаахз д̣̇аса, убосат̇ан̇г̇авасзна адтаад̇и ид̣̇ам̣ г̇ахадтасийла’’нд̇и. зд̇т̇а хи д̣̇асаад̇и сааман̣зрзхи рагкид̇аб̣б̣асийламааха гхадигаараад̣̇ийнам̣ вияа. барамад̇т̇аж̇од̇игааяам̣ бана куд̣̇д̣̇агадтагат̇ааяам̣ (ку. баа. адта. 2.саад̇хааран̣ависзсававад̇т̇аана) ‘‘аад̣̇ид̇о д̣̇вз жад̇уд̇т̇абан̃жамаани убаасагаанам̣ сааман̣зраанан̃жа саад̇хааран̣аани нижжасийлавасзна, убосат̇асийлавасзна бана убаасагаанам̣ сад̇д̇амадтамам̣ жзгам̣ ан̇г̇ам̣ гад̇ваа саб̣б̣абажчимаваж̇ж̇аани саб̣б̣ааниби сааман̣зрзхи саад̇хааран̣аани, бажчимам̣ бана сааман̣зраанамзва висзсабхууд̇а’’нд̇и вуд̇д̇ам̣, д̇ам̣ ‘‘сад̇и ваа уссаахз д̣̇асаа’’д̇и иминаа на самзд̇и. наасанавад̇т̇ууд̇и лин̇г̇анаасанааяа вад̇т̇у, ад̇хидтаанам̣ гааран̣анд̇и вуд̇д̇ам̣ ход̇и.
Jātarūparajatapaṭiggahaṇāti ettha jātarūpanti suvaṇṇaṃ. Rajatanti kahāpaṇo lohamāsako jatumāsako dārumāsakoti ye vohāraṃ gacchanti, tassa ubhayassapi paṭiggahaṇaṃ jātarūparajatapaṭiggahaṇaṃ. Tividhañcettha paṭiggahaṇaṃ kāyena vācāya manasāti. Tattha kāyena paṭiggahaṇaṃ uggaṇhanaṃ, vācāya paṭiggahaṇaṃ uggahāpanaṃ, manasā paṭiggahaṇaṃ sādiyanaṃ. Tividhampi paṭiggahaṇaṃ sāmaññaniddesena ekasesanayena vā gahetvā ‘‘paṭiggahaṇā’’ti vuttaṃ, tasmā neva uggahetuṃ na uggahāpetuṃ na upanikkhittaṃ vā sādituṃ vaṭṭati. Imāni pana dasa sikkhāpadāni gahaṭṭhānampi sādhāraṇāni. Vuttañhetaṃ visuddhimagge (visuddhi. 13) ‘‘upāsakaupāsikānaṃ niccasīlavasena pañca sikkhāpadāni, sati vā ussāhe dasa, uposathaṅgavasena aṭṭhāti idaṃ gahaṭṭhasīla’’nti. Ettha hi dasāti sāmaṇerehi rakkhitabbasīlamāha ghaṭikārādīnaṃ viya. Paramatthajotikāyaṃ pana khuddakaṭṭhakathāyaṃ (khu. pā. aṭṭha. 2.sādhāraṇavisesavavatthāna) ‘‘ādito dve catutthapañcamāni upāsakānaṃ sāmaṇerānañca sādhāraṇāni niccasīlavasena, uposathasīlavasena pana upāsakānaṃ sattamaṭṭhamaṃ cekaṃ aṅgaṃ katvā sabbapacchimavajjāni sabbānipi sāmaṇerehi sādhāraṇāni, pacchimaṃ pana sāmaṇerānameva visesabhūta’’nti vuttaṃ, taṃ ‘‘sati vā ussāhe dasā’’ti iminā na sameti. Nāsanavatthūti liṅganāsanāya vatthu, adhiṭṭhānaṃ kāraṇanti vuttaṃ hoti.
107. гинд̇ийд̇и гзна ну ко убааязна. ‘‘ад̇д̇ано баривзн̣анд̇и ид̣̇ам̣ буг̇г̇алигам̣ санд̇хааяа вуд̇д̇а’’нд̇и г̇ан̣тибад̣̇зсу вуд̇д̇ам̣. аяамзд̇т̇а г̇ан̣тибад̣̇агаараанам̣ ад̇хиббааяо – ‘‘вассаг̇г̇зна бад̇д̇асзнаасана’’нд̇и иминаа д̇асса вассаг̇г̇зна бад̇д̇ам̣ сан̇гхигасзнаасанам̣ вуд̇д̇ам̣, ‘‘ад̇д̇ано баривзн̣а’’нд̇и иминааби д̇ассзва буг̇г̇алигасзнаасанам̣ вуд̇д̇анд̇и. аяам̣ банзд̇т̇а амхаагам̣ канд̇и – ‘‘яад̇т̇а ваа васад̇ий’’д̇и иминаа сан̇гхигам̣ ваа ход̇у буг̇г̇алигам̣ ваа, д̇асса ниб̣ад̣̇д̇хавасанагасзнаасанам̣ вуд̇д̇ам̣. ‘‘яад̇т̇а ваа бадиггамад̇ий’’д̇и иминаа бана яам̣ аажарияасса убаж̇жхааяасса ваа васанадтаанам̣ убадтаанаад̣̇инимид̇д̇ам̣ ниб̣ад̣̇д̇хам̣ бависад̇и, д̇ам̣ аажарияубаж̇жхааяаанам̣ васанадтаанам̣ вуд̇д̇ам̣. д̇асмаа д̇ад̣̇убхаяам̣ д̣̇ассзд̇ум̣ ‘‘убхаязнаби ад̇д̇ано баривзн̣ан̃жа вассаг̇г̇зна бад̇д̇асзнаасанан̃жа вуд̇д̇а’’нд̇и ааха. д̇ад̇т̇а ад̇д̇ано баривзн̣анд̇и иминаа аажарияубаж̇жхааяаанам̣ васанадтаанам̣ д̣̇ассид̇ам̣, вассаг̇г̇зна бад̇д̇асзнаасананд̇и иминаа бана д̇асса васанадтаанам̣. д̇ад̣̇убхаяамби сан̇гхигам̣ ваа ход̇у буг̇г̇алигам̣ ваа, ааваран̣ам̣ гаад̇аб̣б̣амзваад̇и. мукад̣̇ваариганд̇и мукад̣̇ваарзна бхун̃ж̇ид̇аб̣б̣ам̣. д̣̇ан̣д̣агаммам̣ гад̇ваад̇и д̣̇ан̣д̣агаммам̣ яож̇зд̇ваа. д̣̇ан̣д̣знд̇и винзнд̇и зд̇знаад̇и д̣̇ан̣д̣о, соязва гаад̇аб̣б̣ад̇д̇аа гамманд̇и д̣̇ан̣д̣агаммам̣, ааваран̣аад̣̇и.
107.Kintīti kena nu kho upāyena. ‘‘Attano pariveṇanti idaṃ puggalikaṃ sandhāya vutta’’nti gaṇṭhipadesu vuttaṃ. Ayamettha gaṇṭhipadakārānaṃ adhippāyo – ‘‘vassaggena pattasenāsana’’nti iminā tassa vassaggena pattaṃ saṅghikasenāsanaṃ vuttaṃ, ‘‘attano pariveṇa’’nti imināpi tasseva puggalikasenāsanaṃ vuttanti. Ayaṃ panettha amhākaṃ khanti – ‘‘yattha vā vasatī’’ti iminā saṅghikaṃ vā hotu puggalikaṃ vā, tassa nibaddhavasanakasenāsanaṃ vuttaṃ. ‘‘Yattha vā paṭikkamatī’’ti iminā pana yaṃ ācariyassa upajjhāyassa vā vasanaṭṭhānaṃ upaṭṭhānādinimittaṃ nibaddhaṃ pavisati, taṃ ācariyupajjhāyānaṃ vasanaṭṭhānaṃ vuttaṃ. Tasmā tadubhayaṃ dassetuṃ ‘‘ubhayenapi attano pariveṇañca vassaggena pattasenāsanañca vutta’’nti āha. Tattha attano pariveṇanti iminā ācariyupajjhāyānaṃ vasanaṭṭhānaṃ dassitaṃ, vassaggena pattasenāsananti iminā pana tassa vasanaṭṭhānaṃ. Tadubhayampi saṅghikaṃ vā hotu puggalikaṃ vā, āvaraṇaṃ kātabbamevāti. Mukhadvārikanti mukhadvārena bhuñjitabbaṃ. Daṇḍakammaṃ katvāti daṇḍakammaṃ yojetvā. Daṇḍenti vinenti etenāti daṇḍo, soyeva kātabbattā kammanti daṇḍakammaṃ, āvaraṇādi.
сигкаабад̣̇ад̣̇ан̣д̣агаммавад̇т̇угат̇ааван̣н̣анаа нидтид̇аа.
Sikkhāpadadaṇḍakammavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
42. сигкаабад̣̇агат̇аа • 42. Sikkhāpadakathā
43. д̣̇ан̣д̣агаммавад̇т̇у • 43. Daṇḍakammavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сигкаабад̣̇ад̣̇ан̣д̣агаммавад̇т̇угат̇аа • Sikkhāpadadaṇḍakammavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 42. сигкаабад̣̇ад̣̇ан̣д̣агаммавад̇т̇угат̇аа • 42. Sikkhāpadadaṇḍakammavatthukathā
