| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сигкаабад̣̇ад̣̇ан̣д̣агаммавад̇т̇угат̇ааван̣н̣анаа
Sikkhāpadadaṇḍakammavatthukathāvaṇṇanā
106. сааман̣зрасигкаабад̣̇аад̣̇ийсу баал̣ияам̣ сигкаабад̣̇аанийд̇и сигкаагодтаасаа. ад̇хисийласигкаанам̣ ваа ад̇хиг̇амуубааяаа. баан̣од̇и барамад̇т̇ад̇о ж̇ийвид̇инд̣̇рияам̣. д̇асса ад̇ибаад̇анам̣ баб̣анд̇хавасзна бавад̇д̇ид̇ум̣ ад̣̇ад̇ваа сад̇т̇аад̣̇ийхи ад̇иггамма абхибхавид̇ваа баад̇анам̣ баан̣аад̇ибаад̇о. баан̣авад̇ход̇и ад̇т̇о. со бана ад̇т̇ад̇о баан̣з баан̣асан̃н̃ино ж̇ийвид̇инд̣̇рияубажчзд̣̇агаубаггамасамудтаабигаа вад̇хагажзд̇анаава. д̇асмаа баан̣аад̇ибаад̇аа взраман̣и, взрахзд̇уд̇ааяа взрасан̇каад̇ам̣ баан̣аад̇ибаад̇аад̣̇ибаабад̇хаммам̣ ман̣ад̇и нийхарад̇ийд̇и вирад̇и ‘‘взраман̣ий’’д̇и вужжад̇и, вирамад̇и зд̇ааяаад̇и ваа ‘‘вираман̣ий’’д̇и вад̇д̇аб̣б̣з нируд̇д̇инаязна ‘‘взраман̣ий’’д̇и самаад̣̇аанавирад̇и вуд̇д̇аа. зса наяо сзсзсуби.
106. Sāmaṇerasikkhāpadādīsu pāḷiyaṃ sikkhāpadānīti sikkhākoṭṭhāsā. Adhisīlasikkhānaṃ vā adhigamūpāyā. Pāṇoti paramatthato jīvitindriyaṃ. Tassa atipātanaṃ pabandhavasena pavattituṃ adatvā satthādīhi atikkamma abhibhavitvā pātanaṃ pāṇātipāto. Pāṇavadhoti attho. So pana atthato pāṇe pāṇasaññino jīvitindriyupacchedakaupakkamasamuṭṭhāpikā vadhakacetanāva. Tasmā pāṇātipātā veramaṇi, verahetutāya verasaṅkhātaṃ pāṇātipātādipāpadhammaṃ maṇati nīharatīti virati ‘‘veramaṇī’’ti vuccati, viramati etāyāti vā ‘‘viramaṇī’’ti vattabbe niruttinayena ‘‘veramaṇī’’ti samādānavirati vuttā. Esa nayo sesesupi.
ад̣̇иннасса аад̣̇аанам̣ ад̣̇иннаад̣̇аанам̣, т̇зяяажзд̇анаава. аб̣рахмажарияанд̇и асздтажарияам̣, маг̇г̇зна маг̇г̇абадибад̇д̇исамудтаабигаа мзт̇унажзд̇анаа. мусаад̇и абхууд̇авад̇т̇у, д̇асса ваад̣̇о абхууд̇ад̇ам̣ н̃ад̇ваава бхууд̇ад̇о вин̃н̃аабанажзд̇анаа мусааваад̣̇о. бидтабууваад̣̇иниб̣б̣ад̇д̇асураа жзва бубпаасаваад̣̇ибхзд̣̇ам̣ мзраяан̃жа сураамзраяам̣. д̇ад̣̇зва мад̣̇анийяадтзна маж̇ж̇ан̃жзва бамаад̣̇агааран̣адтзна бамаад̣̇адтаанан̃жа, д̇ам̣ яааяа жзд̇анааяа бивад̇и, д̇асса зд̇ам̣ ад̇хиважанам̣.
Adinnassa ādānaṃ adinnādānaṃ, theyyacetanāva. Abrahmacariyanti aseṭṭhacariyaṃ, maggena maggapaṭipattisamuṭṭhāpikā methunacetanā. Musāti abhūtavatthu, tassa vādo abhūtataṃ ñatvāva bhūtato viññāpanacetanā musāvādo. Piṭṭhapūvādinibbattasurā ceva pupphāsavādibhedaṃ merayañca surāmerayaṃ. Tadeva madanīyaṭṭhena majjañceva pamādakāraṇaṭṭhena pamādaṭṭhānañca, taṃ yāya cetanāya pivati, tassa etaṃ adhivacanaṃ.
арун̣уг̇г̇аманад̇о бадтааяа яаава маж̇жханхигаа аяам̣ арияаанам̣ бхож̇анасса гаало наама, д̇ад̣̇ан̃н̃о вигаало. бхун̃ж̇ид̇аб̣б̣адтзна бхож̇ананд̇и ид̇ха саб̣б̣ам̣ яаавагаалигам̣ вужжад̇и, д̇асса аж̇жхохаран̣ам̣ ид̇ха уд̇д̇арабад̣̇алобзна ‘‘бхож̇ана’’нд̇и ад̇хиббзд̇ам̣. вигаалз бхож̇анам̣ аж̇жхохаран̣ам̣ вигаалабхож̇анам̣, вигаалз ваа яаавагаалигасса бхож̇анам̣ аж̇жхохаран̣ам̣ вигаалабхож̇ананд̇иби ад̇т̇о г̇ахзд̇аб̣б̣о, ад̇т̇ад̇о вигаалз яаавагаалигааж̇жхохаран̣ажзд̇анаава.
Aruṇuggamanato paṭṭhāya yāva majjhanhikā ayaṃ ariyānaṃ bhojanassa kālo nāma, tadañño vikālo. Bhuñjitabbaṭṭhena bhojananti idha sabbaṃ yāvakālikaṃ vuccati, tassa ajjhoharaṇaṃ idha uttarapadalopena ‘‘bhojana’’nti adhippetaṃ. Vikāle bhojanaṃ ajjhoharaṇaṃ vikālabhojanaṃ, vikāle vā yāvakālikassa bhojanaṃ ajjhoharaṇaṃ vikālabhojanantipi attho gahetabbo, atthato vikāle yāvakālikaajjhoharaṇacetanāva.
саасанасса анануломад̇д̇аа висуугам̣ бадаан̣ийбхууд̇ам̣ д̣̇ассанам̣ висуугад̣̇ассанам̣, нажжаг̇ийд̇аад̣̇ид̣̇ассанасаванаанан̃жзва ваддагаяуд̣̇д̇хаж̇ууд̇агийл̣аад̣̇исаб̣б̣агийл̣аанан̃жа наамам̣. д̣̇ассананд̇и жзд̇т̇а бан̃жаннамби вин̃н̃аан̣аанам̣ яат̇аасагам̣ висаяасса ааложанасабхаавад̇ааяа д̣̇ассана-сад̣̇д̣̇зна сан̇г̇ахзд̇аб̣б̣ад̇д̇аа саванамби сан̇г̇ахид̇ам̣. нажжаг̇ийд̇аваад̣̇ид̇а-сад̣̇д̣̇зхи жзд̇т̇а ад̇д̇ано нажжанаг̇ааяанаад̣̇ийниби сан̇г̇ахид̇аанийд̇и д̣̇адтаб̣б̣ам̣.
Sāsanassa ananulomattā visūkaṃ paṭāṇībhūtaṃ dassanaṃ visūkadassanaṃ, naccagītādidassanasavanānañceva vaṭṭakayuddhajūtakīḷādisabbakīḷānañca nāmaṃ. Dassananti cettha pañcannampi viññāṇānaṃ yathāsakaṃ visayassa ālocanasabhāvatāya dassana-saddena saṅgahetabbattā savanampi saṅgahitaṃ. Naccagītavādita-saddehi cettha attano naccanagāyanādīnipi saṅgahitānīti daṭṭhabbaṃ.
маалаад̇и б̣ад̣̇д̇хамаб̣ад̣̇д̇хам̣ ваа анд̇амасо суд̇д̇аад̣̇имаяамби алан̇гаарад̇т̇ааяа бил̣анд̇хияамаанам̣ ‘‘маалаа’’д̇взва вужжад̇и. г̇анд̇ханд̇и ваасажун̣н̣аад̣̇ивилзбанад̇о ан̃н̃ам̣ яам̣ гин̃жи г̇анд̇хаж̇аад̇ам̣. вилзбананд̇и бисид̇ваа г̇ахид̇ам̣ чавирааг̇агаран̣ан̃жзва г̇анд̇хаж̇аад̇ан̃жа. д̇хааран̣ам̣ наама бил̣анд̇ханам̣. ман̣д̣анам̣ наама уунадтаанабууран̣ам̣. г̇анд̇хавасзна, чавирааг̇авасзна жа саад̣̇ияанам̣ вибхуусанам̣ наама. маалаад̣̇ийсу ваа д̇хааран̣аад̣̇ийни яат̇ааггамам̣ яож̇зд̇аб̣б̣аани. д̇зсам̣ д̇хааран̣аад̣̇ийнам̣ таанам̣ гааран̣ам̣ вийд̇иггамажзд̇анаа.
Mālāti baddhamabaddhaṃ vā antamaso suttādimayampi alaṅkāratthāya piḷandhiyamānaṃ ‘‘mālā’’tveva vuccati. Gandhanti vāsacuṇṇādivilepanato aññaṃ yaṃ kiñci gandhajātaṃ. Vilepananti pisitvā gahitaṃ chavirāgakaraṇañceva gandhajātañca. Dhāraṇaṃ nāma piḷandhanaṃ. Maṇḍanaṃ nāma ūnaṭṭhānapūraṇaṃ. Gandhavasena, chavirāgavasena ca sādiyanaṃ vibhūsanaṃ nāma. Mālādīsu vā dhāraṇādīni yathākkamaṃ yojetabbāni. Tesaṃ dhāraṇādīnaṃ ṭhānaṃ kāraṇaṃ vītikkamacetanā.
ужжаад̇и ужжа-сад̣̇д̣̇зна самаанад̇т̇о нибаад̇о, ужжаасаяанам̣ вужжад̇и бамаан̣аад̇игганд̇ам̣ аасанд̣̇аад̣̇и. махаасаяанам̣ агаббияад̇т̇аран̣зхи ад̇т̇ад̇ам̣, салохид̇авид̇аанан̃жа. зд̇зсу хи аасанам̣, саяанан̃жа ужжаасаяанамахаасаяана-сад̣̇д̣̇зхи г̇ахид̇аани уд̇д̇арабад̣̇алобзна. ж̇аад̇аруубараж̇ад̇абадиг̇г̇ахан̣аад̇и зд̇т̇а раж̇ад̇а-сад̣̇д̣̇зна д̣̇аарумаасагаад̣̇и саб̣б̣ам̣ руубияам̣ сан̇г̇ахид̇ам̣, муд̇д̇ааман̣иаад̣̇аяобзд̇т̇а д̇хан̃н̃акзд̇д̇авад̇т̇аад̣̇аяо жа сан̇г̇ахид̇аад̇и д̣̇адтаб̣б̣аа. бадиг̇г̇ахан̣а-сад̣̇д̣̇зна бадиг̇г̇аахаабанасаад̣̇ияанаани сан̇г̇ахид̇аани. наасанавад̇т̇ууд̇и баарааж̇игадтаанад̇ааяа лин̇г̇анаасанааяа гааран̣ам̣.
Uccāti ucca-saddena samānattho nipāto, uccāsayanaṃ vuccati pamāṇātikkantaṃ āsandādi. Mahāsayanaṃ akappiyattharaṇehi atthataṃ, salohitavitānañca. Etesu hi āsanaṃ, sayanañca uccāsayanamahāsayana-saddehi gahitāni uttarapadalopena. Jātarūparajatapaṭiggahaṇāti ettha rajata-saddena dārumāsakādi sabbaṃ rūpiyaṃ saṅgahitaṃ, muttāmaṇiādayopettha dhaññakhettavatthādayo ca saṅgahitāti daṭṭhabbā. Paṭiggahaṇa-saddena paṭiggāhāpanasādiyanāni saṅgahitāni. Nāsanavatthūti pārājikaṭṭhānatāya liṅganāsanāya kāraṇaṃ.
107. баал̣ияам̣ саб̣б̣ам̣ сан̇гхаараамам̣ ааваран̣ам̣ гаронд̇ийд̇и саб̣б̣асан̇гхаараамз бавзсанивааран̣ам̣ гаронд̇и. сан̇гхаараамо ааваран̣ам̣ гаад̇аб̣б̣од̇и сан̇гхаараамо ааваран̣о гаад̇аб̣б̣о, сан̇гхаараамз ваа ааваран̣ам̣ гаад̇аб̣б̣анд̇и ад̇т̇о. д̇знзва ‘‘д̇ад̇т̇а ааваран̣ам̣ гаад̇у’’нд̇и бхуммавасзна вуд̇д̇ам̣. аахаарам̣ ааваран̣анд̇иаад̣̇ийсуби зсзва наяо. ‘‘яад̇т̇а ваа васад̇ий’’д̇и иминаа сааман̣зрасса вассаг̇г̇зна лад̣̇д̇хам̣ ваа сагасанд̇агамзва ваа ниб̣ад̣̇д̇хавасанагасзнаасанам̣ вуд̇д̇ам̣. яад̇т̇а ваа бадиггамад̇ийд̇и аажарияубаж̇жхааяаанам̣ васанадтаанам̣ вуд̇д̇ам̣. д̇знааха ‘‘ад̇д̇ано’’д̇иаад̣̇и. ад̇д̇анод̇и хи саяам̣, аажарияасса, убаж̇жхааяасса ваад̇и ад̇т̇о. д̣̇ан̣д̣знд̇и винзнд̇и зд̇знаад̇и д̣̇ан̣д̣о, со зва гад̇д̇аб̣б̣ад̇д̇аа гамманд̇и д̣̇ан̣д̣агаммам̣, ааваран̣аад̣̇и. уд̣̇агам̣ ваа бавзсзд̇унд̇и богкаран̣ийаад̣̇иуд̣̇агз бавзсзд̇ум̣.
107. Pāḷiyaṃ sabbaṃ saṅghārāmaṃ āvaraṇaṃ karontīti sabbasaṅghārāme pavesanivāraṇaṃ karonti. Saṅghārāmo āvaraṇaṃ kātabboti saṅghārāmo āvaraṇo kātabbo, saṅghārāme vā āvaraṇaṃ kātabbanti attho. Teneva ‘‘tattha āvaraṇaṃ kātu’’nti bhummavasena vuttaṃ. Āhāraṃ āvaraṇantiādīsupi eseva nayo. ‘‘Yattha vā vasatī’’ti iminā sāmaṇerassa vassaggena laddhaṃ vā sakasantakameva vā nibaddhavasanakasenāsanaṃ vuttaṃ. Yattha vā paṭikkamatīti ācariyupajjhāyānaṃ vasanaṭṭhānaṃ vuttaṃ. Tenāha ‘‘attano’’tiādi. Attanoti hi sayaṃ, ācariyassa, upajjhāyassa vāti attho. Daṇḍenti vinenti etenāti daṇḍo, so eva kattabbattā kammanti daṇḍakammaṃ, āvaraṇādi. Udakaṃ vā pavesetunti pokkharaṇīādiudake pavesetuṃ.
сигкаабад̣̇ад̣̇ан̣д̣агаммавад̇т̇угат̇ааван̣н̣анаа нидтид̇аа.
Sikkhāpadadaṇḍakammavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
42. сигкаабад̣̇агат̇аа • 42. Sikkhāpadakathā
43. д̣̇ан̣д̣агаммавад̇т̇у • 43. Daṇḍakammavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сигкаабад̣̇ад̣̇ан̣д̣агаммавад̇т̇угат̇аа • Sikkhāpadadaṇḍakammavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 42. сигкаабад̣̇ад̣̇ан̣д̣агаммавад̇т̇угат̇аа • 42. Sikkhāpadadaṇḍakammavatthukathā
