១-១០. សិក្ខាបទសុត្តាទិវណ្ណនា

1-10. Sikkhāpadasuttādivaṇṇanā

២០១-២១០. បញ្ចមស្ស បឋមេ អសប្បុរិសោតិ លាមកបុរិសោ។ បាណំ អតិបាតេតីតិ បាណាតិបាតី។ អទិន្នំ អាទិយតីតិ អទិន្នាទាយី។ កាមេសុ មិច្ឆា ចរតីតិ កាមេសុមិច្ឆាចារី។ មុសា វទតីតិ មុសាវាទី។ សុរាមេរយមជ្ជបមាទេ តិដ្ឋតីតិ សុរាមេរយមជ្ជបមាទដ្ឋាយី។ បាណាតិបាតេ សមាទបេតីតិ យថា បាណំ អតិបាតេតិ, តថា នំ តត្ថ គហណំ គណ្ហាបេតិ។ សេសេសុបិ ឯសេវ នយោ។ អយំ វុច្ចតីតិ អយំ ឯវរូបោ បុគ្គលោ យស្មា សយំកតេន ច ទុស្សីល្យេន សមន្នាគតោ, យញ្ច សមាទបិតេន កតំ, តតោ ឧបឌ្ឍស្ស ទាយាទោ, តស្មា ‘‘អសប្បុរិសេន អសប្បុរិសតរោ’’តិ វុច្ចតិ។ សប្បុរិសោតិ ឧត្តមបុរិសោ។ សប្បុរិសេន សប្បុរិសតរោតិ អត្តនា ច កតេន សុសីល្យេន សមន្នាគតត្តា យញ្ច សមាទបិតោ ករោតិ, តតោ ឧបឌ្ឍស្ស ទាយាទត្តា ឧត្តមបុរិសេន ឧត្តមបុរិសតរោ។ ឯត្ថ ច បរេន កតំ ទុស្សីល្យំ សុសីល្យំ វា អាណត្តិយា អត្តនា ច វចិប្បយោគេន កតន្តិ អាណាបនវសេន បសុតបាបស្ស បុញ្ញស្ស វា ទាយាទោ ‘‘តតោ ឧបឌ្ឍស្ស ទាយាទោ’’តិ វុត្តោ។ ទុតិយាទីនិ ឧត្តានត្ថានេវ។

201-210. Pañcamassa paṭhame asappurisoti lāmakapuriso. Pāṇaṃ atipātetīti pāṇātipātī. Adinnaṃ ādiyatīti adinnādāyī. Kāmesu micchā caratīti kāmesumicchācārī. Musā vadatīti musāvādī. Surāmerayamajjapamāde tiṭṭhatīti surāmerayamajjapamādaṭṭhāyī. Pāṇātipāte samādapetīti yathā pāṇaṃ atipāteti, tathā naṃ tattha gahaṇaṃ gaṇhāpeti. Sesesupi eseva nayo. Ayaṃ vuccatīti ayaṃ evarūpo puggalo yasmā sayaṃkatena ca dussīlyena samannāgato, yañca samādapitena kataṃ, tato upaḍḍhassa dāyādo, tasmā ‘‘asappurisena asappurisataro’’ti vuccati. Sappurisoti uttamapuriso. Sappurisena sappurisataroti attanā ca katena susīlyena samannāgatattā yañca samādapito karoti, tato upaḍḍhassa dāyādattā uttamapurisena uttamapurisataro. Ettha ca parena kataṃ dussīlyaṃ susīlyaṃ vā āṇattiyā attanā ca vacippayogena katanti āṇāpanavasena pasutapāpassa puññassa vā dāyādo ‘‘tato upaḍḍhassa dāyādo’’ti vutto. Dutiyādīni uttānatthāneva.

សិក្ខាបទសុត្តាទិវណ្ណនា និដ្ឋិតា។

Sikkhāpadasuttādivaṇṇanā niṭṭhitā.

សប្បុរិសវគ្គវណ្ណនា និដ្ឋិតា។

Sappurisavaggavaṇṇanā niṭṭhitā.

២១១-២២០. ទុតិយោ បរិសាវគ្គោ ឧត្តានត្ថោយេវ។

211-220. Dutiyo parisāvaggo uttānatthoyeva.

Next: (២៣) ៣. ទុច្ចរិតវគ្គវណ្ណនា • (23) 3. Duccaritavaggavaṇṇanā

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
១-៦. សិក្ខាបទសុត្តវណ្ណនា • 1-6. Sikkhāpadasuttavaṇṇanā
៧-១០. បាបធម្មសុត្តចតុក្កវណ្ណនា • 7-10. Pāpadhammasuttacatukkavaṇṇanā
១. បរិសាសុត្តវណ្ណនា • 1. Parisāsuttavaṇṇanā
២. ទិដ្ឋិសុត្តវណ្ណនា • 2. Diṭṭhisuttavaṇṇanā
៣. អកតញ្ញុតាសុត្តវណ្ណនា • 3. Akataññutāsuttavaṇṇanā
៤-៧. បាណាតិបាតីសុត្តាទិវណ្ណនា • 4-7. Pāṇātipātīsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact