೧-೧೦. ಸಿಕ್ಖಾಪದಸುತ್ತಾದಿವಣ್ಣನಾ

1-10. Sikkhāpadasuttādivaṇṇanā

೨೦೧-೨೧೦. ಪಞ್ಚಮಸ್ಸ ಪಠಮೇ ಅಸಪ್ಪುರಿಸೋತಿ ಲಾಮಕಪುರಿಸೋ। ಪಾಣಂ ಅತಿಪಾತೇತೀತಿ ಪಾಣಾತಿಪಾತೀ। ಅದಿನ್ನಂ ಆದಿಯತೀತಿ ಅದಿನ್ನಾದಾಯೀ। ಕಾಮೇಸು ಮಿಚ್ಛಾ ಚರತೀತಿ ಕಾಮೇಸುಮಿಚ್ಛಾಚಾರೀ। ಮುಸಾ ವದತೀತಿ ಮುಸಾವಾದೀ। ಸುರಾಮೇರಯಮಜ್ಜಪಮಾದೇ ತಿಟ್ಠತೀತಿ ಸುರಾಮೇರಯಮಜ್ಜಪಮಾದಟ್ಠಾಯೀ। ಪಾಣಾತಿಪಾತೇ ಸಮಾದಪೇತೀತಿ ಯಥಾ ಪಾಣಂ ಅತಿಪಾತೇತಿ, ತಥಾ ನಂ ತತ್ಥ ಗಹಣಂ ಗಣ್ಹಾಪೇತಿ। ಸೇಸೇಸುಪಿ ಏಸೇವ ನಯೋ। ಅಯಂ ವುಚ್ಚತೀತಿ ಅಯಂ ಏವರೂಪೋ ಪುಗ್ಗಲೋ ಯಸ್ಮಾ ಸಯಂಕತೇನ ಚ ದುಸ್ಸೀಲ್ಯೇನ ಸಮನ್ನಾಗತೋ, ಯಞ್ಚ ಸಮಾದಪಿತೇನ ಕತಂ, ತತೋ ಉಪಡ್ಢಸ್ಸ ದಾಯಾದೋ, ತಸ್ಮಾ ‘‘ಅಸಪ್ಪುರಿಸೇನ ಅಸಪ್ಪುರಿಸತರೋ’’ತಿ ವುಚ್ಚತಿ। ಸಪ್ಪುರಿಸೋತಿ ಉತ್ತಮಪುರಿಸೋ। ಸಪ್ಪುರಿಸೇನ ಸಪ್ಪುರಿಸತರೋತಿ ಅತ್ತನಾ ಚ ಕತೇನ ಸುಸೀಲ್ಯೇನ ಸಮನ್ನಾಗತತ್ತಾ ಯಞ್ಚ ಸಮಾದಪಿತೋ ಕರೋತಿ, ತತೋ ಉಪಡ್ಢಸ್ಸ ದಾಯಾದತ್ತಾ ಉತ್ತಮಪುರಿಸೇನ ಉತ್ತಮಪುರಿಸತರೋ। ಏತ್ಥ ಚ ಪರೇನ ಕತಂ ದುಸ್ಸೀಲ್ಯಂ ಸುಸೀಲ್ಯಂ ವಾ ಆಣತ್ತಿಯಾ ಅತ್ತನಾ ಚ ವಚಿಪ್ಪಯೋಗೇನ ಕತನ್ತಿ ಆಣಾಪನವಸೇನ ಪಸುತಪಾಪಸ್ಸ ಪುಞ್ಞಸ್ಸ ವಾ ದಾಯಾದೋ ‘‘ತತೋ ಉಪಡ್ಢಸ್ಸ ದಾಯಾದೋ’’ತಿ ವುತ್ತೋ। ದುತಿಯಾದೀನಿ ಉತ್ತಾನತ್ಥಾನೇವ।

201-210. Pañcamassa paṭhame asappurisoti lāmakapuriso. Pāṇaṃ atipātetīti pāṇātipātī. Adinnaṃ ādiyatīti adinnādāyī. Kāmesu micchā caratīti kāmesumicchācārī. Musā vadatīti musāvādī. Surāmerayamajjapamāde tiṭṭhatīti surāmerayamajjapamādaṭṭhāyī. Pāṇātipāte samādapetīti yathā pāṇaṃ atipāteti, tathā naṃ tattha gahaṇaṃ gaṇhāpeti. Sesesupi eseva nayo. Ayaṃ vuccatīti ayaṃ evarūpo puggalo yasmā sayaṃkatena ca dussīlyena samannāgato, yañca samādapitena kataṃ, tato upaḍḍhassa dāyādo, tasmā ‘‘asappurisena asappurisataro’’ti vuccati. Sappurisoti uttamapuriso. Sappurisena sappurisataroti attanā ca katena susīlyena samannāgatattā yañca samādapito karoti, tato upaḍḍhassa dāyādattā uttamapurisena uttamapurisataro. Ettha ca parena kataṃ dussīlyaṃ susīlyaṃ vā āṇattiyā attanā ca vacippayogena katanti āṇāpanavasena pasutapāpassa puññassa vā dāyādo ‘‘tato upaḍḍhassa dāyādo’’ti vutto. Dutiyādīni uttānatthāneva.

ಸಿಕ್ಖಾಪದಸುತ್ತಾದಿವಣ್ಣನಾ ನಿಟ್ಠಿತಾ।

Sikkhāpadasuttādivaṇṇanā niṭṭhitā.

ಸಪ್ಪುರಿಸವಗ್ಗವಣ್ಣನಾ ನಿಟ್ಠಿತಾ।

Sappurisavaggavaṇṇanā niṭṭhitā.

೨೧೧-೨೨೦. ದುತಿಯೋ ಪರಿಸಾವಗ್ಗೋ ಉತ್ತಾನತ್ಥೋಯೇವ।

211-220. Dutiyo parisāvaggo uttānatthoyeva.

Next: (೨೩) ೩. ದುಚ್ಚರಿತವಗ್ಗವಣ್ಣನಾ • (23) 3. Duccaritavaggavaṇṇanā

ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೧-೬. ಸಿಕ್ಖಾಪದಸುತ್ತವಣ್ಣನಾ • 1-6. Sikkhāpadasuttavaṇṇanā
೭-೧೦. ಪಾಪಧಮ್ಮಸುತ್ತಚತುಕ್ಕವಣ್ಣನಾ • 7-10. Pāpadhammasuttacatukkavaṇṇanā
೧. ಪರಿಸಾಸುತ್ತವಣ್ಣನಾ • 1. Parisāsuttavaṇṇanā
೨. ದಿಟ್ಠಿಸುತ್ತವಣ್ಣನಾ • 2. Diṭṭhisuttavaṇṇanā
೩. ಅಕತಞ್ಞುತಾಸುತ್ತವಣ್ಣನಾ • 3. Akataññutāsuttavaṇṇanā
೪-೭. ಪಾಣಾತಿಪಾತೀಸುತ್ತಾದಿವಣ್ಣನಾ • 4-7. Pāṇātipātīsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact