| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. бан̃жамабан̣н̣аасагам̣
5. Pañcamapaṇṇāsakaṃ
(21) 1. саббурисаваг̇г̇о
(21) 1. Sappurisavaggo
1. сигкаабад̣̇асуд̇д̇ам̣
1. Sikkhāpadasuttaṃ
201. ‘‘асаббурисан̃жа во, бхигкавз, д̣̇зсзссаами, асаббурисзна асаббурисад̇аран̃жа; саббурисан̃жа, саббурисзна саббурисад̇аран̃жа. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
201. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, асаббурисо? ид̇ха, бхигкавз, згажжо баан̣аад̇ибаад̇ий ход̇и, ад̣̇иннаад̣̇ааяий ход̇и, гаамзсумижчаажаарий ход̇и, мусааваад̣̇ий ход̇и, сураамзраяамаж̇ж̇абамаад̣̇адтааяий ход̇и. аяам̣ вужжад̇и, бхигкавз, асаббурисо.
‘‘Katamo ca, bhikkhave, asappuriso? Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti. Ayaṃ vuccati, bhikkhave, asappuriso.
‘‘гад̇амо жа, бхигкавз, асаббурисзна асаббурисад̇аро? ид̇ха, бхигкавз, згажжо ад̇д̇анаа жа баан̣аад̇ибаад̇ий ход̇и, баран̃жа баан̣аад̇ибаад̇з самаад̣̇абзд̇и; ад̇д̇анаа жа ад̣̇иннаад̣̇ааяий ход̇и, баран̃жа ад̣̇иннаад̣̇аанз самаад̣̇абзд̇и; ад̇д̇анаа жа гаамзсумижчаажаарий ход̇и, баран̃жа гаамзсумижчаажаарз самаад̣̇абзд̇и; ад̇д̇анаа жа мусааваад̣̇ий ход̇и, баран̃жа мусааваад̣̇з самаад̣̇абзд̇и; ад̇д̇анаа жа сураамзраяамаж̇ж̇абамаад̣̇адтааяий ход̇и, баран̃жа сураамзраяамаж̇ж̇абамаад̣̇адтаанз самаад̣̇абзд̇и. аяам̣ вужжад̇и, бхигкавз, асаббурисзна асаббурисад̇аро.
‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti; attanā ca adinnādāyī hoti, parañca adinnādāne samādapeti; attanā ca kāmesumicchācārī hoti, parañca kāmesumicchācāre samādapeti; attanā ca musāvādī hoti, parañca musāvāde samādapeti; attanā ca surāmerayamajjapamādaṭṭhāyī hoti, parañca surāmerayamajjapamādaṭṭhāne samādapeti. Ayaṃ vuccati, bhikkhave, asappurisena asappurisataro.
‘‘гад̇амо жа, бхигкавз, саббурисо? ид̇ха, бхигкавз, згажжо баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, сураамзраяамаж̇ж̇абамаад̣̇адтаанаа бадивирад̇о ход̇и. аяам̣ вужжад̇и, бхигкавз, саббурисо.
‘‘Katamo ca, bhikkhave, sappuriso? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti. Ayaṃ vuccati, bhikkhave, sappuriso.
‘‘гад̇амо жа, бхигкавз, саббурисзна саббурисад̇аро? ид̇ха, бхигкавз, згажжо ад̇д̇анаа жа баан̣аад̇ибаад̇аа бадивирад̇о ход̇и, баран̃жа баан̣аад̇ибаад̇аа взраман̣ияаа самаад̣̇абзд̇и; ад̇д̇анаа жа ад̣̇иннаад̣̇аанаа бадивирад̇о ход̇и, баран̃жа ад̣̇иннаад̣̇аанаа взраман̣ияаа самаад̣̇абзд̇и; ад̇д̇анаа жа гаамзсумижчаажаараа бадивирад̇о ход̇и, баран̃жа гаамзсумижчаажаараа взраман̣ияаа самаад̣̇абзд̇и; ад̇д̇анаа жа мусааваад̣̇аа бадивирад̇о ход̇и, баран̃жа мусааваад̣̇аа взраман̣ияаа самаад̣̇абзд̇и; ад̇д̇анаа жа сураамзраяамаж̇ж̇абамаад̣̇адтаанаа бадивирад̇о ход̇и, баран̃жа сураамзраяамаж̇ж̇абамаад̣̇адтаанаа взраман̣ияаа самаад̣̇абзд̇и. аяам̣ вужжад̇и, бхигкавз, саббурисзна саббурисад̇аро’’д̇и 1. батамам̣.
‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti; attanā ca adinnādānā paṭivirato hoti, parañca adinnādānā veramaṇiyā samādapeti; attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti; attanā ca musāvādā paṭivirato hoti, parañca musāvādā veramaṇiyā samādapeti; attanā ca surāmerayamajjapamādaṭṭhānā paṭivirato hoti, parañca surāmerayamajjapamādaṭṭhānā veramaṇiyā samādapeti. Ayaṃ vuccati, bhikkhave, sappurisena sappurisataro’’ti 2. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-6. сигкаабад̣̇асуд̇д̇аван̣н̣анаа • 1-6. Sikkhāpadasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сигкаабад̣̇асуд̇д̇аад̣̇иван̣н̣анаа • 1-10. Sikkhāpadasuttādivaṇṇanā
