| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥. បញ្ចមបណ្ណាសកំ
5. Pañcamapaṇṇāsakaṃ
(២១) ១. សប្បុរិសវគ្គោ
(21) 1. Sappurisavaggo
១-៦. សិក្ខាបទសុត្តវណ្ណនា
1-6. Sikkhāpadasuttavaṇṇanā
២០១. បញ្ចមស្ស បឋមេ អសប្បុរិសន្តិ លាមកបុរិសំ តុច្ឆបុរិសំ មូឡ្ហបុរិសំ អវិជ្ជាយ អន្ធីកតំ ពាលំ។ អសប្បុរិសតរន្តិ អតិរេកេន អសប្បុរិសំ។ ឥតរេ ទ្វេ វុត្តបដិបក្ខវសេន វេទិតព្ពា។ សេសមេត្ថ ឧត្តានត្ថមេវ។ យថា ចេត្ថ, ឯវំ ឥតោ បរេសុ បញ្ចសុ។ ឯតេសុ ហិ បឋមំ បញ្ចវេរវសេន ទេសិតំ, ទុតិយំ អស្សទ្ធម្មវសេន, តតិយំ កាយវចីទ្វារវសេន, ចតុត្ថំ មនោទ្វារវសេន, បញ្ចមំ អដ្ឋមិច្ឆត្តវសេន, ឆដ្ឋំ ទសមិច្ឆត្តវសេន។
201. Pañcamassa paṭhame asappurisanti lāmakapurisaṃ tucchapurisaṃ mūḷhapurisaṃ avijjāya andhīkataṃ bālaṃ. Asappurisataranti atirekena asappurisaṃ. Itare dve vuttapaṭipakkhavasena veditabbā. Sesamettha uttānatthameva. Yathā cettha, evaṃ ito paresu pañcasu. Etesu hi paṭhamaṃ pañcaveravasena desitaṃ, dutiyaṃ assaddhammavasena, tatiyaṃ kāyavacīdvāravasena, catutthaṃ manodvāravasena, pañcamaṃ aṭṭhamicchattavasena, chaṭṭhaṃ dasamicchattavasena.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. សិក្ខាបទសុត្តំ • 1. Sikkhāpadasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. សិក្ខាបទសុត្តាទិវណ្ណនា • 1-10. Sikkhāpadasuttādivaṇṇanā
