| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೫. ಪಞ್ಚಮಪಣ್ಣಾಸಕಂ
5. Pañcamapaṇṇāsakaṃ
(೨೧) ೧. ಸಪ್ಪುರಿಸವಗ್ಗೋ
(21) 1. Sappurisavaggo
೧-೬. ಸಿಕ್ಖಾಪದಸುತ್ತವಣ್ಣನಾ
1-6. Sikkhāpadasuttavaṇṇanā
೨೦೧. ಪಞ್ಚಮಸ್ಸ ಪಠಮೇ ಅಸಪ್ಪುರಿಸನ್ತಿ ಲಾಮಕಪುರಿಸಂ ತುಚ್ಛಪುರಿಸಂ ಮೂಳ್ಹಪುರಿಸಂ ಅವಿಜ್ಜಾಯ ಅನ್ಧೀಕತಂ ಬಾಲಂ। ಅಸಪ್ಪುರಿಸತರನ್ತಿ ಅತಿರೇಕೇನ ಅಸಪ್ಪುರಿಸಂ। ಇತರೇ ದ್ವೇ ವುತ್ತಪಟಿಪಕ್ಖವಸೇನ ವೇದಿತಬ್ಬಾ। ಸೇಸಮೇತ್ಥ ಉತ್ತಾನತ್ಥಮೇವ। ಯಥಾ ಚೇತ್ಥ, ಏವಂ ಇತೋ ಪರೇಸು ಪಞ್ಚಸು। ಏತೇಸು ಹಿ ಪಠಮಂ ಪಞ್ಚವೇರವಸೇನ ದೇಸಿತಂ, ದುತಿಯಂ ಅಸ್ಸದ್ಧಮ್ಮವಸೇನ, ತತಿಯಂ ಕಾಯವಚೀದ್ವಾರವಸೇನ, ಚತುತ್ಥಂ ಮನೋದ್ವಾರವಸೇನ, ಪಞ್ಚಮಂ ಅಟ್ಠಮಿಚ್ಛತ್ತವಸೇನ, ಛಟ್ಠಂ ದಸಮಿಚ್ಛತ್ತವಸೇನ।
201. Pañcamassa paṭhame asappurisanti lāmakapurisaṃ tucchapurisaṃ mūḷhapurisaṃ avijjāya andhīkataṃ bālaṃ. Asappurisataranti atirekena asappurisaṃ. Itare dve vuttapaṭipakkhavasena veditabbā. Sesamettha uttānatthameva. Yathā cettha, evaṃ ito paresu pañcasu. Etesu hi paṭhamaṃ pañcaveravasena desitaṃ, dutiyaṃ assaddhammavasena, tatiyaṃ kāyavacīdvāravasena, catutthaṃ manodvāravasena, pañcamaṃ aṭṭhamicchattavasena, chaṭṭhaṃ dasamicchattavasena.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧. ಸಿಕ್ಖಾಪದಸುತ್ತಂ • 1. Sikkhāpadasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸಿಕ್ಖಾಪದಸುತ್ತಾದಿವಣ್ಣನಾ • 1-10. Sikkhāpadasuttādivaṇṇanā
