| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. སིཀྑཱསུཏྟཾ
5. Sikkhāsuttaṃ
༥. ‘‘ཡོ ཧི ཀོཙི, བྷིཀྑཝེ, བྷིཀྑུ ཝཱ བྷིཀྑུནཱི ཝཱ སིཀྑཾ པཙྩཀྑཱཡ ཧཱིནཱཡཱཝཏྟཏི, ཏསྶ དིཊྛེཝ 1 དྷམྨེ པཉྩ སཧདྷམྨིཀཱ ཝཱདཱནུཔཱཏཱ 2 གཱརཡ྄ཧཱ ཋཱནཱ ཨཱགཙྪནྟི། ཀཏམེ པཉྩ? སདྡྷཱཔི ནཱམ ཏེ ནཱཧོསི ཀུསལེསུ དྷམྨེསུ, ཧིརཱིཔི ནཱམ ཏེ ནཱཧོསི ཀུསལེསུ དྷམྨེསུ, ཨོཏྟཔྤམྤི ནཱམ ཏེ ནཱཧོསི ཀུསལེསུ དྷམྨེསུ, ཝཱིརིཡམྤི ནཱམ ཏེ ནཱཧོསི ཀུསལེསུ དྷམྨེསུ, པཉྙཱཔི ནཱམ ཏེ ནཱཧོསི ཀུསལེསུ དྷམྨེསུ། ཡོ ཧི ཀོཙི, བྷིཀྑཝེ, བྷིཀྑུ ཝཱ བྷིཀྑུནཱི ཝཱ སིཀྑཾ པཙྩཀྑཱཡ ཧཱིནཱཡཱཝཏྟཏི, ཏསྶ དིཊྛེཝ དྷམྨེ ཨིམེ པཉྩ སཧདྷམྨིཀཱ ཝཱདཱནུཔཱཏཱ གཱརཡ྄ཧཱ ཋཱནཱ ཨཱགཙྪནྟི།
5. ‘‘Yo hi koci, bhikkhave, bhikkhu vā bhikkhunī vā sikkhaṃ paccakkhāya hīnāyāvattati, tassa diṭṭheva 3 dhamme pañca sahadhammikā vādānupātā 4 gārayhā ṭhānā āgacchanti. Katame pañca? Saddhāpi nāma te nāhosi kusalesu dhammesu, hirīpi nāma te nāhosi kusalesu dhammesu, ottappampi nāma te nāhosi kusalesu dhammesu, vīriyampi nāma te nāhosi kusalesu dhammesu, paññāpi nāma te nāhosi kusalesu dhammesu. Yo hi koci, bhikkhave, bhikkhu vā bhikkhunī vā sikkhaṃ paccakkhāya hīnāyāvattati, tassa diṭṭheva dhamme ime pañca sahadhammikā vādānupātā gārayhā ṭhānā āgacchanti.
‘‘ཡོ ཧི ཀོཙི, བྷིཀྑཝེ, བྷིཀྑུ ཝཱ བྷིཀྑུནཱི ཝཱ སཧཱཔི དུཀྑེན སཧཱཔི དོམནསྶེན ཨསྶུམུཁོ 5 རུདམཱནོ པརིཔུཎྞཾ པརིསུདྡྷཾ བྲཧྨཙརིཡཾ ཙརཏི, ཏསྶ དིཊྛེཝ དྷམྨེ པཉྩ སཧདྷམྨིཀཱ པཱསཾསཱ ཋཱནཱ 6 ཨཱགཙྪནྟི། ཀཏམེ པཉྩ? སདྡྷཱཔི ནཱམ ཏེ ཨཧོསི ཀུསལེསུ དྷམྨེསུ, ཧིརཱིཔི ནཱམ ཏེ ཨཧོསི ཀུསལེསུ དྷམྨེསུ, ཨོཏྟཔྤམྤི ནཱམ ཏེ ཨཧོསི ཀུསལེསུ དྷམྨེསུ, ཝཱིརིཡམྤི ནཱམ ཏེ ཨཧོསི ཀུསལེསུ དྷམྨེསུ, པཉྙཱཔི ནཱམ ཏེ ཨཧོསི ཀུསལེསུ དྷམྨེསུ། ཡོ ཧི ཀོཙི, བྷིཀྑཝེ, བྷིཀྑུ ཝཱ བྷིཀྑུནཱི ཝཱ སཧཱཔི དུཀྑེན སཧཱཔི དོམནསྶེན ཨསྶུམུཁོ རུདམཱནོ པརིཔུཎྞཾ པརིསུདྡྷཾ བྲཧྨཙརིཡཾ ཙརཏི, ཏསྶ དིཊྛེཝ དྷམྨེ ཨིམེ པཉྩ སཧདྷམྨིཀཱ པཱསཾསཱ ཋཱནཱ ཨཱགཙྪནྟཱི’’ཏི། པཉྩམཾ།
‘‘Yo hi koci, bhikkhave, bhikkhu vā bhikkhunī vā sahāpi dukkhena sahāpi domanassena assumukho 7 rudamāno paripuṇṇaṃ parisuddhaṃ brahmacariyaṃ carati, tassa diṭṭheva dhamme pañca sahadhammikā pāsaṃsā ṭhānā 8 āgacchanti. Katame pañca? Saddhāpi nāma te ahosi kusalesu dhammesu, hirīpi nāma te ahosi kusalesu dhammesu, ottappampi nāma te ahosi kusalesu dhammesu, vīriyampi nāma te ahosi kusalesu dhammesu, paññāpi nāma te ahosi kusalesu dhammesu. Yo hi koci, bhikkhave, bhikkhu vā bhikkhunī vā sahāpi dukkhena sahāpi domanassena assumukho rudamāno paripuṇṇaṃ parisuddhaṃ brahmacariyaṃ carati, tassa diṭṭheva dhamme ime pañca sahadhammikā pāsaṃsā ṭhānā āgacchantī’’ti. Pañcamaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦. མཧཱསུཔིནསུཏྟཝཎྞནཱ • 6. Mahāsupinasuttavaṇṇanā
