| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৮. সীলব্বতসুত্তৰণ্ণনা
8. Sīlabbatasuttavaṇṇanā
৭৯. অট্ঠমে সীলব্বতন্তি সীলঞ্চেৰ ৰতঞ্চ। জীৰিতন্তি দুক্করকারিকানুযোগো। ব্রহ্মচরিযন্তি ব্রহ্মচরিযৰাসো। উপট্ঠানসারন্তি উপট্ঠানেন সারং , ‘‘ইদং ৰরং ইদং নিট্ঠা’’তি এৰং উপট্ঠিতন্তি অত্থো। সফলন্তি সউদ্রযং সৰড্ঢিকং হোতীতি পুচ্ছতি। ন খ্ৰেত্থ, ভন্তে, একংসেনাতি, ভন্তে, ন খো এত্থ একংসেন ব্যাকাতব্বন্তি অত্থো। উপট্ঠানসারং সেৰতোতি ইদং সারং ৰরং নিট্ঠাতি এৰং উপট্ঠিতং সেৰমানস্স। অফলন্তি ইট্ঠফলেন অফলং। এত্তাৰতা কম্মৰাদিকিরিযৰাদীনং পব্বজ্জং ঠপেত্ৰা সেসো সব্বোপি বাহিরকসমযো গহিতো হোতি। সফলন্তি ইট্ঠফলেন সফলং সউদ্রযং। এত্তাৰতা ইমং সাসনং আদিং কত্ৰা সব্বাপি কম্মৰাদিকিরিযৰাদীনং পব্বজ্জা গহিতা। ন চ পনস্স সুলভরূপো সমসমো পঞ্ঞাযাতি এৰং সেক্খভূমিযং ঠত্ৰা পঞ্হং কথেন্তো অস্স আনন্দস্স পঞ্ঞায সমসমো ন সুলভোতি দস্সেতি। ইমস্মিং সুত্তে সেক্খভূমি নাম কথিতাতি।
79. Aṭṭhame sīlabbatanti sīlañceva vatañca. Jīvitanti dukkarakārikānuyogo. Brahmacariyanti brahmacariyavāso. Upaṭṭhānasāranti upaṭṭhānena sāraṃ , ‘‘idaṃ varaṃ idaṃ niṭṭhā’’ti evaṃ upaṭṭhitanti attho. Saphalanti saudrayaṃ savaḍḍhikaṃ hotīti pucchati. Na khvettha, bhante, ekaṃsenāti, bhante, na kho ettha ekaṃsena byākātabbanti attho. Upaṭṭhānasāraṃ sevatoti idaṃ sāraṃ varaṃ niṭṭhāti evaṃ upaṭṭhitaṃ sevamānassa. Aphalanti iṭṭhaphalena aphalaṃ. Ettāvatā kammavādikiriyavādīnaṃ pabbajjaṃ ṭhapetvā seso sabbopi bāhirakasamayo gahito hoti. Saphalanti iṭṭhaphalena saphalaṃ saudrayaṃ. Ettāvatā imaṃ sāsanaṃ ādiṃ katvā sabbāpi kammavādikiriyavādīnaṃ pabbajjā gahitā. Na ca panassa sulabharūpo samasamo paññāyāti evaṃ sekkhabhūmiyaṃ ṭhatvā pañhaṃ kathento assa ānandassa paññāya samasamo na sulabhoti dasseti. Imasmiṃ sutte sekkhabhūmi nāma kathitāti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৮. সীলব্বতসুত্তং • 8. Sīlabbatasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৮. সীলব্বতসুত্তৰণ্ণনা • 8. Sīlabbatasuttavaṇṇanā
