| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. сийлаб̣б̣ад̇асуд̇д̇аван̣н̣анаа
8. Sīlabbatasuttavaṇṇanā
79. адтамз сийлаб̣б̣ад̇анд̇и сийлан̃жзва вад̇ан̃жа. ж̇ийвид̇анд̇и д̣̇уггарагааригаануяог̇о. б̣рахмажарияанд̇и б̣рахмажарияаваасо. убадтаанасааранд̇и убадтаанзна саарам̣ , ‘‘ид̣̇ам̣ варам̣ ид̣̇ам̣ нидтаа’’д̇и звам̣ убадтид̇анд̇и ад̇т̇о. сапаланд̇и сауд̣̇раяам̣ савад̣дхигам̣ ход̇ийд̇и бужчад̇и. на квзд̇т̇а, бханд̇з, згам̣сзнаад̇и, бханд̇з, на ко зд̇т̇а згам̣сзна б̣яаагаад̇аб̣б̣анд̇и ад̇т̇о. убадтаанасаарам̣ сзвад̇од̇и ид̣̇ам̣ саарам̣ варам̣ нидтаад̇и звам̣ убадтид̇ам̣ сзвамаанасса. апаланд̇и идтапалзна апалам̣. зд̇д̇аавад̇аа гаммаваад̣̇игирияаваад̣̇ийнам̣ баб̣б̣аж̇ж̇ам̣ табзд̇ваа сзсо саб̣б̣оби б̣аахирагасамаяо г̇ахид̇о ход̇и. сапаланд̇и идтапалзна сапалам̣ сауд̣̇раяам̣. зд̇д̇аавад̇аа имам̣ саасанам̣ аад̣̇им̣ гад̇ваа саб̣б̣ааби гаммаваад̣̇игирияаваад̣̇ийнам̣ баб̣б̣аж̇ж̇аа г̇ахид̇аа. на жа банасса сулабхаруубо самасамо бан̃н̃ааяаад̇и звам̣ сзгкабхуумияам̣ тад̇ваа бан̃хам̣ гат̇знд̇о асса аананд̣̇асса бан̃н̃ааяа самасамо на сулабход̇и д̣̇ассзд̇и. имасмим̣ суд̇д̇з сзгкабхууми наама гат̇ид̇аад̇и.
79. Aṭṭhame sīlabbatanti sīlañceva vatañca. Jīvitanti dukkarakārikānuyogo. Brahmacariyanti brahmacariyavāso. Upaṭṭhānasāranti upaṭṭhānena sāraṃ , ‘‘idaṃ varaṃ idaṃ niṭṭhā’’ti evaṃ upaṭṭhitanti attho. Saphalanti saudrayaṃ savaḍḍhikaṃ hotīti pucchati. Na khvettha, bhante, ekaṃsenāti, bhante, na kho ettha ekaṃsena byākātabbanti attho. Upaṭṭhānasāraṃ sevatoti idaṃ sāraṃ varaṃ niṭṭhāti evaṃ upaṭṭhitaṃ sevamānassa. Aphalanti iṭṭhaphalena aphalaṃ. Ettāvatā kammavādikiriyavādīnaṃ pabbajjaṃ ṭhapetvā seso sabbopi bāhirakasamayo gahito hoti. Saphalanti iṭṭhaphalena saphalaṃ saudrayaṃ. Ettāvatā imaṃ sāsanaṃ ādiṃ katvā sabbāpi kammavādikiriyavādīnaṃ pabbajjā gahitā. Na ca panassa sulabharūpo samasamo paññāyāti evaṃ sekkhabhūmiyaṃ ṭhatvā pañhaṃ kathento assa ānandassa paññāya samasamo na sulabhoti dasseti. Imasmiṃ sutte sekkhabhūmi nāma kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. сийлаб̣б̣ад̇асуд̇д̇ам̣ • 8. Sīlabbatasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. сийлаб̣б̣ад̇асуд̇д̇аван̣н̣анаа • 8. Sīlabbatasuttavaṇṇanā
