| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਸੀਲਬ੍ਬਤਸੁਤ੍ਤવਣ੍ਣਨਾ
8. Sīlabbatasuttavaṇṇanā
੭੯. ਅਟ੍ਠਮੇ ਸੀਲਬ੍ਬਤਨ੍ਤਿ ਸੀਲਞ੍ਚੇવ વਤਞ੍ਚ। ਜੀવਿਤਨ੍ਤਿ ਦੁਕ੍ਕਰਕਾਰਿਕਾਨੁਯੋਗੋ। ਬ੍ਰਹ੍ਮਚਰਿਯਨ੍ਤਿ ਬ੍ਰਹ੍ਮਚਰਿਯવਾਸੋ। ਉਪਟ੍ਠਾਨਸਾਰਨ੍ਤਿ ਉਪਟ੍ਠਾਨੇਨ ਸਾਰਂ , ‘‘ਇਦਂ વਰਂ ਇਦਂ ਨਿਟ੍ਠਾ’’ਤਿ ਏવਂ ਉਪਟ੍ਠਿਤਨ੍ਤਿ ਅਤ੍ਥੋ। ਸਫਲਨ੍ਤਿ ਸਉਦ੍ਰਯਂ ਸવਡ੍ਢਿਕਂ ਹੋਤੀਤਿ ਪੁਚ੍ਛਤਿ। ਨ ਖ੍વੇਤ੍ਥ, ਭਨ੍ਤੇ, ਏਕਂਸੇਨਾਤਿ, ਭਨ੍ਤੇ, ਨ ਖੋ ਏਤ੍ਥ ਏਕਂਸੇਨ ਬ੍ਯਾਕਾਤਬ੍ਬਨ੍ਤਿ ਅਤ੍ਥੋ। ਉਪਟ੍ਠਾਨਸਾਰਂ ਸੇવਤੋਤਿ ਇਦਂ ਸਾਰਂ વਰਂ ਨਿਟ੍ਠਾਤਿ ਏવਂ ਉਪਟ੍ਠਿਤਂ ਸੇવਮਾਨਸ੍ਸ। ਅਫਲਨ੍ਤਿ ਇਟ੍ਠਫਲੇਨ ਅਫਲਂ। ਏਤ੍ਤਾવਤਾ ਕਮ੍ਮવਾਦਿਕਿਰਿਯવਾਦੀਨਂ ਪਬ੍ਬਜ੍ਜਂ ਠਪੇਤ੍વਾ ਸੇਸੋ ਸਬ੍ਬੋਪਿ ਬਾਹਿਰਕਸਮਯੋ ਗਹਿਤੋ ਹੋਤਿ। ਸਫਲਨ੍ਤਿ ਇਟ੍ਠਫਲੇਨ ਸਫਲਂ ਸਉਦ੍ਰਯਂ। ਏਤ੍ਤਾવਤਾ ਇਮਂ ਸਾਸਨਂ ਆਦਿਂ ਕਤ੍વਾ ਸਬ੍ਬਾਪਿ ਕਮ੍ਮવਾਦਿਕਿਰਿਯવਾਦੀਨਂ ਪਬ੍ਬਜ੍ਜਾ ਗਹਿਤਾ। ਨ ਚ ਪਨਸ੍ਸ ਸੁਲਭਰੂਪੋ ਸਮਸਮੋ ਪਞ੍ਞਾਯਾਤਿ ਏવਂ ਸੇਕ੍ਖਭੂਮਿਯਂ ਠਤ੍વਾ ਪਞ੍ਹਂ ਕਥੇਨ੍ਤੋ ਅਸ੍ਸ ਆਨਨ੍ਦਸ੍ਸ ਪਞ੍ਞਾਯ ਸਮਸਮੋ ਨ ਸੁਲਭੋਤਿ ਦਸ੍ਸੇਤਿ। ਇਮਸ੍ਮਿਂ ਸੁਤ੍ਤੇ ਸੇਕ੍ਖਭੂਮਿ ਨਾਮ ਕਥਿਤਾਤਿ।
79. Aṭṭhame sīlabbatanti sīlañceva vatañca. Jīvitanti dukkarakārikānuyogo. Brahmacariyanti brahmacariyavāso. Upaṭṭhānasāranti upaṭṭhānena sāraṃ , ‘‘idaṃ varaṃ idaṃ niṭṭhā’’ti evaṃ upaṭṭhitanti attho. Saphalanti saudrayaṃ savaḍḍhikaṃ hotīti pucchati. Na khvettha, bhante, ekaṃsenāti, bhante, na kho ettha ekaṃsena byākātabbanti attho. Upaṭṭhānasāraṃ sevatoti idaṃ sāraṃ varaṃ niṭṭhāti evaṃ upaṭṭhitaṃ sevamānassa. Aphalanti iṭṭhaphalena aphalaṃ. Ettāvatā kammavādikiriyavādīnaṃ pabbajjaṃ ṭhapetvā seso sabbopi bāhirakasamayo gahito hoti. Saphalanti iṭṭhaphalena saphalaṃ saudrayaṃ. Ettāvatā imaṃ sāsanaṃ ādiṃ katvā sabbāpi kammavādikiriyavādīnaṃ pabbajjā gahitā. Na ca panassa sulabharūpo samasamo paññāyāti evaṃ sekkhabhūmiyaṃ ṭhatvā pañhaṃ kathento assa ānandassa paññāya samasamo na sulabhoti dasseti. Imasmiṃ sutte sekkhabhūmi nāma kathitāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਸੀਲਬ੍ਬਤਸੁਤ੍ਤਂ • 8. Sīlabbatasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਸੀਲਬ੍ਬਤਸੁਤ੍ਤવਣ੍ਣਨਾ • 8. Sīlabbatasuttavaṇṇanā
