| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. сийлалагкан̣абан̃хо
9. Sīlalakkhaṇapañho
9. рааж̇аа ааха ‘‘бханд̇з нааг̇асзна, яам̣ банзд̇ам̣ б̣рууси ‘ан̃н̃зхи жа гусалзхи д̇хаммзхий’д̇и, гад̇амз д̇з гусалаа д̇хаммаа’’д̇и? ‘‘сийлам̣, махаарааж̇а, сад̣̇д̇хаа вийрияам̣ сад̇и самаад̇хи, имз д̇з гусалаа д̇хаммаа’’д̇и. ‘‘гим̣лагкан̣ам̣, бханд̇з, сийла’’нд̇и? ‘‘бад̇идтааналагкан̣ам̣, махаарааж̇а, сийлам̣ саб̣б̣зсам̣ гусалаанам̣ д̇хаммаанам̣, инд̣̇рияаб̣алаб̣ож̇жхан̇г̇амаг̇г̇ан̇г̇асад̇ибадтаанасаммаббад̇хаанаид̣̇д̇хибаад̣̇ажхаанавимогкаса- маад̇хисамаабад̇д̇ийнам̣ сийлам̣ бад̇идтам̣, сийлз бад̇идтид̇о ко, махаарааж̇а, яог̇ааважаро сийлам̣ ниссааяа сийлз бад̇идтааяа бан̃жинд̣̇рияаани бхаавзд̇и сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияанд̇и, саб̣б̣з гусалаа д̇хаммаа на барихааяанд̇ий’’д̇и. ‘‘обаммам̣ гарохий’’д̇и. ‘‘яат̇аа, махаарааж̇а , яз гзжи б̣ийж̇аг̇аамабхууд̇аг̇аамаа вуд̣дхим̣ вируул̣хим̣ взбуллам̣ аабаж̇ж̇анд̇и, саб̣б̣з д̇з бат̇авим̣ ниссааяа бат̇авияам̣ бад̇идтааяа вуд̣дхим̣ вируул̣хим̣ взбуллам̣ аабаж̇ж̇анд̇и. звамзва ко, махаарааж̇а, яог̇ааважаро сийлам̣ ниссааяа сийлз бад̇идтааяа бан̃жинд̣̇рияаани бхаавзд̇и сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияа’’нд̇и.
9. Rājā āha ‘‘bhante nāgasena, yaṃ panetaṃ brūsi ‘aññehi ca kusalehi dhammehī’ti, katame te kusalā dhammā’’ti? ‘‘Sīlaṃ, mahārāja, saddhā vīriyaṃ sati samādhi, ime te kusalā dhammā’’ti. ‘‘Kiṃlakkhaṇaṃ, bhante, sīla’’nti? ‘‘Patiṭṭhānalakkhaṇaṃ, mahārāja, sīlaṃ sabbesaṃ kusalānaṃ dhammānaṃ, indriyabalabojjhaṅgamaggaṅgasatipaṭṭhānasammappadhānaiddhipādajhānavimokkhasa- mādhisamāpattīnaṃ sīlaṃ patiṭṭhaṃ, sīle patiṭṭhito kho, mahārāja, yogāvacaro sīlaṃ nissāya sīle patiṭṭhāya pañcindriyāni bhāveti saddhindriyaṃ vīriyindriyaṃ satindriyaṃ samādhindriyaṃ paññindriyanti, sabbe kusalā dhammā na parihāyantī’’ti. ‘‘Opammaṃ karohī’’ti. ‘‘Yathā, mahārāja , ye keci bījagāmabhūtagāmā vuḍḍhiṃ virūḷhiṃ vepullaṃ āpajjanti, sabbe te pathaviṃ nissāya pathaviyaṃ patiṭṭhāya vuḍḍhiṃ virūḷhiṃ vepullaṃ āpajjanti. Evameva kho, mahārāja, yogāvacaro sīlaṃ nissāya sīle patiṭṭhāya pañcindriyāni bhāveti saddhindriyaṃ vīriyindriyaṃ satindriyaṃ samādhindriyaṃ paññindriya’’nti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, яз гзжи б̣алагаран̣ийяаа гамманд̇аа гаяиранд̇и, саб̣б̣з д̇з бат̇авим̣ ниссааяа бат̇авияам̣ бад̇идтааяа гаяиранд̇и. звамзва ко, махаарааж̇а, яог̇ааважаро сийлам̣ ниссааяа сийлз бад̇идтааяа бан̃жинд̣̇рияаани бхаавзд̇и сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияа’’нд̇и .
‘‘Bhiyyo opammaṃ karohī’’ti. ‘‘Yathā, mahārāja, ye keci balakaraṇīyā kammantā kayiranti, sabbe te pathaviṃ nissāya pathaviyaṃ patiṭṭhāya kayiranti. Evameva kho, mahārāja, yogāvacaro sīlaṃ nissāya sīle patiṭṭhāya pañcindriyāni bhāveti saddhindriyaṃ vīriyindriyaṃ satindriyaṃ samādhindriyaṃ paññindriya’’nti .
‘‘бхияяо обаммам̣ гарохий’’д̇и. ‘‘яат̇аа, махаарааж̇а, наг̇аравад̣дхагий наг̇арам̣ маабзд̇угаамо батамам̣ наг̇арадтаанам̣ сод̇хаабзд̇ваа каан̣уган̣дагам̣ абагад̣дхаабзд̇ваа бхуумим̣ самам̣ гаараабзд̇ваа д̇ад̇о абарабхааг̇з вийт̇ижад̇уггасин̇гхаадагаад̣̇ибарижчзд̣̇зна вибхаж̇ид̇ваа наг̇арам̣ маабзд̇и. звамзва ко, махаарааж̇а, яог̇ааважаро сийлам̣ ниссааяа сийлз бад̇идтааяа бан̃жинд̣̇рияаани бхаавзд̇и сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияа’’нд̇и.
‘‘Bhiyyo opammaṃ karohī’’ti. ‘‘Yathā, mahārāja, nagaravaḍḍhakī nagaraṃ māpetukāmo paṭhamaṃ nagaraṭṭhānaṃ sodhāpetvā khāṇukaṇṭakaṃ apakaḍḍhāpetvā bhūmiṃ samaṃ kārāpetvā tato aparabhāge vīthicatukkasiṅghāṭakādiparicchedena vibhajitvā nagaraṃ māpeti. Evameva kho, mahārāja, yogāvacaro sīlaṃ nissāya sīle patiṭṭhāya pañcindriyāni bhāveti saddhindriyaṃ vīriyindriyaṃ satindriyaṃ samādhindriyaṃ paññindriya’’nti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, лан̇гхаго сиббам̣ д̣̇ассзд̇угаамо бат̇авим̣ кан̣аабзд̇ваа сагкарагат̇алам̣ абагад̣дхаабзд̇ваа бхуумим̣ самам̣ гаараабзд̇ваа муд̣̇угааяа бхуумияаа сиббам̣ д̣̇ассзд̇и. звамзва ко, махаарааж̇а, яог̇ааважаро сийлам̣ ниссааяа сийлз бад̇идтааяа бан̃жинд̣̇рияаани бхаавзд̇и сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияанд̇и. бхаасид̇амбзд̇ам̣, махаарааж̇а, бхаг̇авад̇аа –
‘‘Bhiyyo opammaṃ karohī’’ti. ‘‘Yathā, mahārāja, laṅghako sippaṃ dassetukāmo pathaviṃ khaṇāpetvā sakkharakathalaṃ apakaḍḍhāpetvā bhūmiṃ samaṃ kārāpetvā mudukāya bhūmiyā sippaṃ dasseti. Evameva kho, mahārāja, yogāvacaro sīlaṃ nissāya sīle patiṭṭhāya pañcindriyāni bhāveti saddhindriyaṃ vīriyindriyaṃ satindriyaṃ samādhindriyaṃ paññindriyanti. Bhāsitampetaṃ, mahārāja, bhagavatā –
‘‘‘сийлз бад̇идтааяа наро сабан̃н̃о, жид̇д̇ам̣ бан̃н̃ан̃жа бхааваяам̣;
‘‘‘Sīle patiṭṭhāya naro sapañño, cittaṃ paññañca bhāvayaṃ;
аад̇аабий нибаго бхигку, со имам̣ виж̇адаяз ж̇ада’нд̇и 1.
Ātāpī nipako bhikkhu, so imaṃ vijaṭaye jaṭa’nti 2.
‘‘‘аяам̣ бад̇идтаа д̇харан̣ийва баан̣инам̣, ид̣̇ан̃жа муулам̣ гусалаабхивуд̣дхияаа;
‘‘‘Ayaṃ patiṭṭhā dharaṇīva pāṇinaṃ, idañca mūlaṃ kusalābhivuḍḍhiyā;
мукан̃жид̣̇ам̣ саб̣б̣аж̇инаанусаасанз, яо сийлагканд̇хо варабаад̇имогкияо’’’д̇и.
Mukhañcidaṃ sabbajinānusāsane, yo sīlakkhandho varapātimokkhiyo’’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
сийлалагкан̣абан̃хо навамо.
Sīlalakkhaṇapañho navamo.
Footnotes:
