| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๐. ทสมวโคฺค
10. Dasamavaggo
(๑๐๒) ๘. สีลํ น จิตฺตานุปริวตฺตีติกถา
(102) 8. Sīlaṃ na cittānuparivattītikathā
๕๙๕. สีลํ น จิตฺตานุปริวตฺตีติ? อามนฺตาฯ รูปํ… นิพฺพานํ… จกฺขายตนํ…เป.… โผฎฺฐพฺพายตนนฺติ? น เหวํ วตฺตเพฺพ…เป.… สีลํ น จิตฺตานุปริวตฺตีติ? อามนฺตาฯ ผโสฺส น จิตฺตานุปริวตฺตีติ? น เหวํ วตฺตเพฺพ…เป.… สีลํ น จิตฺตานุปริวตฺตีติ? อามนฺตาฯ เวทนา…เป.… สญฺญา… เจตนา… สทฺธา… วีริยํ… สติ… สมาธิ…เป.… ปญฺญา น จิตฺตานุปริวตฺตีติ? น เหวํ วตฺตเพฺพ…เป.…ฯ
595. Sīlaṃ na cittānuparivattīti? Āmantā. Rūpaṃ… nibbānaṃ… cakkhāyatanaṃ…pe… phoṭṭhabbāyatananti? Na hevaṃ vattabbe…pe… sīlaṃ na cittānuparivattīti? Āmantā. Phasso na cittānuparivattīti? Na hevaṃ vattabbe…pe… sīlaṃ na cittānuparivattīti? Āmantā. Vedanā…pe… saññā… cetanā… saddhā… vīriyaṃ… sati… samādhi…pe… paññā na cittānuparivattīti? Na hevaṃ vattabbe…pe….
ผโสฺส จิตฺตานุปริวตฺตีติ? อามนฺตาฯ สีลํ จิตฺตานุปริวตฺตีติ? น เหวํ วตฺตเพฺพ…เป.… เวทนา…เป.… สญฺญา… เจตนา … สทฺธา… วีริยํ… สติ… สมาธิ…เป.… ปญฺญา จิตฺตานุปริวตฺตีติ? อามนฺตาฯ สีลํ จิตฺตานุปริวตฺตีติ? น เหวํ วตฺตเพฺพ…เป.…ฯ
Phasso cittānuparivattīti? Āmantā. Sīlaṃ cittānuparivattīti? Na hevaṃ vattabbe…pe… vedanā…pe… saññā… cetanā … saddhā… vīriyaṃ… sati… samādhi…pe… paññā cittānuparivattīti? Āmantā. Sīlaṃ cittānuparivattīti? Na hevaṃ vattabbe…pe….
๕๙๖. สมฺมาวาจา น จิตฺตานุปริวตฺตีติ? อามนฺตาฯ สมฺมาทิฎฺฐิ น จิตฺตานุปริวตฺตีติ? น เหวํ วตฺตเพฺพ…เป.… สมฺมาวาจา น จิตฺตานุปริวตฺตีติ? อามนฺตาฯ สมฺมาสงฺกโปฺป… สมฺมาวายาโม… สมฺมาสติ…เป.… สมฺมาสมาธิ น จิตฺตานุปริวตฺตีติ? น เหวํ วตฺตเพฺพ…เป.…ฯ
596. Sammāvācā na cittānuparivattīti? Āmantā. Sammādiṭṭhi na cittānuparivattīti? Na hevaṃ vattabbe…pe… sammāvācā na cittānuparivattīti? Āmantā. Sammāsaṅkappo… sammāvāyāmo… sammāsati…pe… sammāsamādhi na cittānuparivattīti? Na hevaṃ vattabbe…pe….
สมฺมากมฺมโนฺต…เป.… สมฺมาอาชีโว น จิตฺตานุปริวตฺตีติ? อามนฺตา ฯ สมฺมาทิฎฺฐิ น จิตฺตานุปริวตฺตีติ? น เหวํ วตฺตเพฺพ…เป.… สมฺมาอาชีโว น จิตฺตานุปริวตฺตีติ ? อามนฺตาฯ สมฺมาสงฺกโปฺป… สมฺมาวายาโม… สมฺมาสติ…เป.… สมฺมาสมาธิ น จิตฺตานุปริวตฺตีติ? น เหวํ วตฺตเพฺพ…เป.…ฯ
Sammākammanto…pe… sammāājīvo na cittānuparivattīti? Āmantā . Sammādiṭṭhi na cittānuparivattīti? Na hevaṃ vattabbe…pe… sammāājīvo na cittānuparivattīti ? Āmantā. Sammāsaṅkappo… sammāvāyāmo… sammāsati…pe… sammāsamādhi na cittānuparivattīti? Na hevaṃ vattabbe…pe….
สมฺมาทิฎฺฐิ จิตฺตานุปริวตฺตีติ? อามนฺตาฯ สมฺมาวาจา จิตฺตานุปริวตฺตีติ? น เหวํ วตฺตเพฺพ…เป.… สมฺมาทิฎฺฐิ จิตฺตานุปริวตฺตีติ? อามนฺตาฯ สมฺมากมฺมโนฺต…เป.… สมฺมาอาชีโว จิตฺตานุปริวตฺตีติ? น เหวํ วตฺตเพฺพ…เป.…ฯ
Sammādiṭṭhi cittānuparivattīti? Āmantā. Sammāvācā cittānuparivattīti? Na hevaṃ vattabbe…pe… sammādiṭṭhi cittānuparivattīti? Āmantā. Sammākammanto…pe… sammāājīvo cittānuparivattīti? Na hevaṃ vattabbe…pe….
สมฺมาสงฺกโปฺป … สมฺมาวายาโม… สมฺมาสติ…เป.… สมฺมาสมาธิ จิตฺตานุปริวตฺตีติ? อามนฺตาฯ สมฺมาวาจา จิตฺตานุปริวตฺตีติ? น เหวํ วตฺตเพฺพ…เป.… สมฺมาสมาธิ จิตฺตานุปริวตฺตีติ? อามนฺตาฯ สมฺมากมฺมโนฺต…เป.… สมฺมาอาชีโว จิตฺตานุปริวตฺตีติ ? น เหวํ วตฺตเพฺพ…เป.…ฯ
Sammāsaṅkappo … sammāvāyāmo… sammāsati…pe… sammāsamādhi cittānuparivattīti? Āmantā. Sammāvācā cittānuparivattīti? Na hevaṃ vattabbe…pe… sammāsamādhi cittānuparivattīti? Āmantā. Sammākammanto…pe… sammāājīvo cittānuparivattīti ? Na hevaṃ vattabbe…pe….
๕๙๗. น วตฺตพฺพํ – ‘‘สีลํ น จิตฺตานุปริวตฺตี’’ติ? อามนฺตาฯ สีเล อุปฺปชฺชิตฺวา นิรุเทฺธ ทุสฺสีโล โหตีติ? น เหวํ วตฺตเพฺพฯ เตน หิ สีลํ น จิตฺตานุปริวตฺตีติฯ
597. Na vattabbaṃ – ‘‘sīlaṃ na cittānuparivattī’’ti? Āmantā. Sīle uppajjitvā niruddhe dussīlo hotīti? Na hevaṃ vattabbe. Tena hi sīlaṃ na cittānuparivattīti.
สีลํ น จิตฺตานุปริวตฺตีติกถา นิฎฺฐิตาฯ
Sīlaṃ na cittānuparivattītikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. สีลํ น จิตฺตานุปริวตฺตีติกถาวณฺณนา • 8. Sīlaṃ na cittānuparivattītikathāvaṇṇanā
