| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
10. දසමවග්‌ගො
10. Dasamavaggo
(102) 8. සීලං න චිත්‌තානුපරිවත්‌තීතිකථා
(102) 8. Sīlaṃ na cittānuparivattītikathā
595. සීලං න චිත්‌තානුපරිවත්‌තීති? ආමන්‌තා. රූපං… නිබ්‌බානං… චක්‌ඛායතනං…පෙ.… ඵොට්‌ඨබ්‌බායතනන්‌ති? න හෙවං වත්‌තබ්‌බෙ…පෙ.… සීලං න චිත්‌තානුපරිවත්‌තීති? ආමන්‌තා. ඵස්‌සො න චිත්‌තානුපරිවත්‌තීති? න හෙවං වත්‌තබ්‌බෙ…පෙ.… සීලං න චිත්‌තානුපරිවත්‌තීති? ආමන්‌තා. වෙදනා…පෙ.… සඤ්‌ඤා… චෙතනා… සද්‌ධා… වීරියං… සති… සමාධි…පෙ.… පඤ්‌ඤා න චිත්‌තානුපරිවත්‌තීති? න හෙවං වත්‌තබ්‌බෙ…පෙ.….
595. Sīlaṃ na cittānuparivattīti? Āmantā. Rūpaṃ… nibbānaṃ… cakkhāyatanaṃ…pe… phoṭṭhabbāyatananti? Na hevaṃ vattabbe…pe… sīlaṃ na cittānuparivattīti? Āmantā. Phasso na cittānuparivattīti? Na hevaṃ vattabbe…pe… sīlaṃ na cittānuparivattīti? Āmantā. Vedanā…pe… saññā… cetanā… saddhā… vīriyaṃ… sati… samādhi…pe… paññā na cittānuparivattīti? Na hevaṃ vattabbe…pe….
ඵස්‌සො චිත්‌තානුපරිවත්‌තීති? ආමන්‌තා. සීලං චිත්‌තානුපරිවත්‌තීති? න හෙවං වත්‌තබ්‌බෙ…පෙ.… වෙදනා…පෙ.… සඤ්‌ඤා… චෙතනා … සද්‌ධා… වීරියං… සති… සමාධි…පෙ.… පඤ්‌ඤා චිත්‌තානුපරිවත්‌තීති? ආමන්‌තා. සීලං චිත්‌තානුපරිවත්‌තීති? න හෙවං වත්‌තබ්‌බෙ…පෙ.….
Phasso cittānuparivattīti? Āmantā. Sīlaṃ cittānuparivattīti? Na hevaṃ vattabbe…pe… vedanā…pe… saññā… cetanā … saddhā… vīriyaṃ… sati… samādhi…pe… paññā cittānuparivattīti? Āmantā. Sīlaṃ cittānuparivattīti? Na hevaṃ vattabbe…pe….
596. සම්‌මාවාචා න චිත්‌තානුපරිවත්‌තීති? ආමන්‌තා. සම්‌මාදිට්‌ඨි න චිත්‌තානුපරිවත්‌තීති? න හෙවං වත්‌තබ්‌බෙ…පෙ.… සම්‌මාවාචා න චිත්‌තානුපරිවත්‌තීති? ආමන්‌තා. සම්‌මාසඞ්‌කප්‌පො… සම්‌මාවායාමො… සම්‌මාසති…පෙ.… සම්‌මාසමාධි න චිත්‌තානුපරිවත්‌තීති? න හෙවං වත්‌තබ්‌බෙ…පෙ.….
596. Sammāvācā na cittānuparivattīti? Āmantā. Sammādiṭṭhi na cittānuparivattīti? Na hevaṃ vattabbe…pe… sammāvācā na cittānuparivattīti? Āmantā. Sammāsaṅkappo… sammāvāyāmo… sammāsati…pe… sammāsamādhi na cittānuparivattīti? Na hevaṃ vattabbe…pe….
සම්‌මාකම්‌මන්‌තො…පෙ.… සම්‌මාආජීවො න චිත්‌තානුපරිවත්‌තීති? ආමන්‌තා . සම්‌මාදිට්‌ඨි න චිත්‌තානුපරිවත්‌තීති? න හෙවං වත්‌තබ්‌බෙ…පෙ.… සම්‌මාආජීවො න චිත්‌තානුපරිවත්‌තීති ? ආමන්‌තා. සම්‌මාසඞ්‌කප්‌පො… සම්‌මාවායාමො… සම්‌මාසති…පෙ.… සම්‌මාසමාධි න චිත්‌තානුපරිවත්‌තීති? න හෙවං වත්‌තබ්‌බෙ…පෙ.….
Sammākammanto…pe… sammāājīvo na cittānuparivattīti? Āmantā . Sammādiṭṭhi na cittānuparivattīti? Na hevaṃ vattabbe…pe… sammāājīvo na cittānuparivattīti ? Āmantā. Sammāsaṅkappo… sammāvāyāmo… sammāsati…pe… sammāsamādhi na cittānuparivattīti? Na hevaṃ vattabbe…pe….
සම්‌මාදිට්‌ඨි චිත්‌තානුපරිවත්‌තීති? ආමන්‌තා. සම්‌මාවාචා චිත්‌තානුපරිවත්‌තීති? න හෙවං වත්‌තබ්‌බෙ…පෙ.… සම්‌මාදිට්‌ඨි චිත්‌තානුපරිවත්‌තීති? ආමන්‌තා. සම්‌මාකම්‌මන්‌තො…පෙ.… සම්‌මාආජීවො චිත්‌තානුපරිවත්‌තීති? න හෙවං වත්‌තබ්‌බෙ…පෙ.….
Sammādiṭṭhi cittānuparivattīti? Āmantā. Sammāvācā cittānuparivattīti? Na hevaṃ vattabbe…pe… sammādiṭṭhi cittānuparivattīti? Āmantā. Sammākammanto…pe… sammāājīvo cittānuparivattīti? Na hevaṃ vattabbe…pe….
සම්‌මාසඞ්‌කප්‌පො … සම්‌මාවායාමො… සම්‌මාසති…පෙ.… සම්‌මාසමාධි චිත්‌තානුපරිවත්‌තීති? ආමන්‌තා. සම්‌මාවාචා චිත්‌තානුපරිවත්‌තීති? න හෙවං වත්‌තබ්‌බෙ…පෙ.… සම්‌මාසමාධි චිත්‌තානුපරිවත්‌තීති? ආමන්‌තා. සම්‌මාකම්‌මන්‌තො…පෙ.… සම්‌මාආජීවො චිත්‌තානුපරිවත්‌තීති ? න හෙවං වත්‌තබ්‌බෙ…පෙ.….
Sammāsaṅkappo … sammāvāyāmo… sammāsati…pe… sammāsamādhi cittānuparivattīti? Āmantā. Sammāvācā cittānuparivattīti? Na hevaṃ vattabbe…pe… sammāsamādhi cittānuparivattīti? Āmantā. Sammākammanto…pe… sammāājīvo cittānuparivattīti ? Na hevaṃ vattabbe…pe….
597. න වත්‌තබ්‌බං – ‘‘සීලං න චිත්‌තානුපරිවත්‌තී’’ති? ආමන්‌තා. සීලෙ උප්‌පජ්‌ජිත්‌වා නිරුද්‌ධෙ දුස්‌සීලො හොතීති? න හෙවං වත්‌තබ්‌බෙ. තෙන හි සීලං න චිත්‌තානුපරිවත්‌තීති.
597. Na vattabbaṃ – ‘‘sīlaṃ na cittānuparivattī’’ti? Āmantā. Sīle uppajjitvā niruddhe dussīlo hotīti? Na hevaṃ vattabbe. Tena hi sīlaṃ na cittānuparivattīti.
සීලං න චිත්‌තානුපරිවත්‌තීතිකථා නිට්‌ඨිතා.
Sīlaṃ na cittānuparivattītikathā niṭṭhitā.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 8. සීලං න චිත්‌තානුපරිවත්‌තීතිකථාවණ්‌ණනා • 8. Sīlaṃ na cittānuparivattītikathāvaṇṇanā
