| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೭. ಸೀಲಂಅಚೇತಸಿಕನ್ತಿಕಥಾವಣ್ಣನಾ
7. Sīlaṃacetasikantikathāvaṇṇanā
೫೯೦-೫೯೪. ಠಿತೇನ ಅವಿನಟ್ಠೇನ। ಉಪಚಯೇನಾತಿ ಸೀಲಭೂತೇನ ಕಮ್ಮೂಪಚಯೇನ। ‘‘ದಾನಂ ಅಚೇತಸಿಕ’’ನ್ತಿ ಕಥಾಯಂ ವುತ್ತನಯೇನಾತಿ ಯಥಾ ‘‘ನ ವತ್ತಬ್ಬಂ ಚೇತಸಿಕೋ ಧಮ್ಮೋ ದಾನನ್ತಿ? ಆಮನ್ತಾ। ದಾನಂ ಅನಿಟ್ಠಫಲನ್ತಿ…ಪೇ॰… ತೇನ ಹಿ ಚೇತಸಿಕೋ ಧಮ್ಮೋ ದಾನ’’ನ್ತಿ ಪಾಳಿ ಪವತ್ತಾ, ಏವಂ ತದನುಸಾರೇನ ‘‘ನ ವತ್ತಬ್ಬಂ ಚೇತಸಿಕಂ ಸೀಲನ್ತಿ? ಆಮನ್ತಾ। ಸೀಲಂ ಅನಿಟ್ಠಫಲ’’ನ್ತಿಆದಿನಾ ಸೀಲಸ್ಸ ಚೇತಸಿಕಭಾವಸಾಧಕಾನಿ ಸುತ್ತಪದಾನಿ ಚ ಆನೇತ್ವಾ ತದತ್ಥದಸ್ಸನವಸೇನ ಅಚೇತಸಿಕೋ ರೂಪಾದಿಧಮ್ಮೋ ಆಯತಿಂ ವಿಪಾಕಂ ದೇತಿ। ಯದಿ ಸೋ ಸೀಲಂ ಭವೇಯ್ಯ, ವಿನಾ ಸಂವರಸಮಾದಾನೇನ ವಿನಾ ವಿರತಿಯಾ ಸೀಲವಾ ನಾಮ ಸಿಯಾ। ಯಸ್ಮಾ ಪನ ಸಮಾದಾನಚೇತನಾ ವಿರತಿ ಸಂವರೋ ಸೀಲಂ, ತಸ್ಮಾ ‘‘ಸೀಲಂ ಇಟ್ಠಫಲಂ ಕನ್ತಫಲ’’ನ್ತಿಆದಿನಾ ಯೋಜನಾ ಕಾತಬ್ಬಾತಿ ಇಮಮತ್ಥಂ ಸನ್ಧಾಯ ವುತ್ತಂ ‘‘ವುತ್ತನಯೇನಾ’’ತಿ, ವುತ್ತನಯಾನುಸಾರೇನಾತಿ ಅತ್ಥೋ। ಯಸ್ಮಾ ಪನ ಪಾಳಿಯಂ ಯಥಾ ‘‘ಸೀಲಂ ಅಚೇತಸಿಕ’’ನ್ತಿ ಕಥಾ ಆಗತಾ, ತಥಾ ‘‘ದಾನಂ ಅಚೇತಸಿಕ’’ನ್ತಿ ವಿಸುಂ ಆಗತಾ ಕಥಾ ನತ್ಥಿ, ತಸ್ಮಾ ‘‘ಸಾ ಪನ ಕಥಾ ಮಗ್ಗಿತಬ್ಬಾ’’ತಿ ವುತ್ತಂ।
590-594. Ṭhitena avinaṭṭhena. Upacayenāti sīlabhūtena kammūpacayena. ‘‘Dānaṃ acetasika’’nti kathāyaṃ vuttanayenāti yathā ‘‘na vattabbaṃ cetasiko dhammo dānanti? Āmantā. Dānaṃ aniṭṭhaphalanti…pe… tena hi cetasiko dhammo dāna’’nti pāḷi pavattā, evaṃ tadanusārena ‘‘na vattabbaṃ cetasikaṃ sīlanti? Āmantā. Sīlaṃ aniṭṭhaphala’’ntiādinā sīlassa cetasikabhāvasādhakāni suttapadāni ca ānetvā tadatthadassanavasena acetasiko rūpādidhammo āyatiṃ vipākaṃ deti. Yadi so sīlaṃ bhaveyya, vinā saṃvarasamādānena vinā viratiyā sīlavā nāma siyā. Yasmā pana samādānacetanā virati saṃvaro sīlaṃ, tasmā ‘‘sīlaṃ iṭṭhaphalaṃ kantaphala’’ntiādinā yojanā kātabbāti imamatthaṃ sandhāya vuttaṃ ‘‘vuttanayenā’’ti, vuttanayānusārenāti attho. Yasmā pana pāḷiyaṃ yathā ‘‘sīlaṃ acetasika’’nti kathā āgatā, tathā ‘‘dānaṃ acetasika’’nti visuṃ āgatā kathā natthi, tasmā ‘‘sā pana kathā maggitabbā’’ti vuttaṃ.
ಸೀಲಂಅಚೇತಸಿಕನ್ತಿಕಥಾವಣ್ಣನಾ ನಿಟ್ಠಿತಾ।
Sīlaṃacetasikantikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೦೧) ೭. ಸೀಲಂ ಅಚೇತಸಿಕನ್ತಿಕಥಾ • (101) 7. Sīlaṃ acetasikantikathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೭. ಸೀಲಂ ಅಚೇತಸಿಕನ್ತಿಕಥಾವಣ್ಣನಾ • 7. Sīlaṃ acetasikantikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೭. ಸೀಲಂಅಚೇತಸಿಕನ್ತಿಕಥಾವಣ್ಣನಾ • 7. Sīlaṃacetasikantikathāvaṇṇanā
